مساعدة فى استخدام كوريك الماروتى

[waelgam2005]

انا نفسى اعرف ازاى استخدم كوريك الماروتى لانى بصراحه مسترخمه شوية وهوا لسه بكيسه ومعاه اربع قواعد كدا سود بلاستيك مش عارف بيعملو ايه وبصراحه كمان مش عارف اثبت الكوريك فين فى العربية عشان ارفع اى عجله من الاربعه
معلش جديد بقى

[mms_156]

طبعا الكوريك ليه مكان مخصص وانت هتشوفه فى الكتالوج اما الاربع قواعد بلاستك السودا فهى بتركب فى الجنط عندك وبتركب كبس على الجنط وبالتحديد فى منتصفه

[waelgam2005]

طبعا الكوريك ليه مكان مخصص وانت هتشوفه فى الكتالوج اما الاربع قواعد بلاستك السودا فهى بتركب فى الجنط عندك وبتركب كبس على الجنط وبالتحديد فى منتصفه

ايوة لزمته ايه يعنى لما يركب على الجنط
انت قصدك فى الصرة الذهبى اللى بتبقى فى نص الجنط دى ؟

[dr.hazem]

البلاستيكات دي فعلا غطا الصرر الذهبية اللي في النص ومهمه جدا لحمايه الجزء ده من انه يلم تراب وبالمناسبه اللي مش عاجبينك دول تمنهم 45 جنيه
هههههههههههههههههههههههههه

وهما طبعا شكلهم احلى من والجنط عريان خالص
طبعا لو مركب طاسات مش هيتحطو...


بالنسبه للكريك ده موديل مانوال(منافله)
وله مكان موضح في الكتالوج ورا وقدام ومهم تعرف الاماكن دي عشان تعرف تتعامل من غير متضر العربية وانت بترفعها لاي سبب كان
لو مش عايزه ممكن تشيله بكيسه والعامود الذهبي الكبير وتجيب كريك تمساحه بوزن طن مش غالي قوي مش فاكر بكام بس حوالي 70 جنيه ...
وطبعا هترفع من نفس الاماكن برضو

تحياتي

[mms_156]

ايوة لزمته ايه يعنى لما يركب على الجنط
انت قصدك فى الصرة الذهبى اللى بتبقى فى نص الجنط دى ؟

ده زى التيجو بيركب فى الجنط

[eiad_naser]

الطريقه الامنه لاستبدال الاطار المثقوب وكيفية استخدام كوريك الماروتي
1- الوقوف بطريقة آمنة و فى مكان مستوى
- يفضل تشغيل إضاءة اﻹنتظار المتقطعة لتنبيه السيارات القادمة من الخلف
- يجب وضع المثلث العاكس بمحاذاة الطرف الخارجى للسيارة و خلفها بعشرة خطوات

2- التأكد من ثبات السيارة
- عن طرق رفع فرامل اليد للضمان عدم إنزلاق السيارة أثناء رفعها
- وضع طوبة أو حجر أو قطعة خشب خلف العجلة الخلفية فى الجهة العكسية للإطار المثقوب

3- تجهيز اﻷدوات و اﻹطار اﻹحتياطى

4- حل صواميل أو مسامير تثبيت العجلة قبل البدء فى رفع السيارة عن اﻷرض

5- إختيار المكان المناسب لوضع الكوريك تحت السيارة كما سيتم ايضاحه بالصور الان

6- رفع السيارة بالكوريك

تحذير هام: تجنب النزول أسفل السيارة أو وضع أى جزء من أجزاء الجسم أسفل السيارة أثناء رفعها بالكوريك

7- إزالة الصواميل و استبدال اﻹطار يتم وضع اﻹطار اﻹحتياطى مكان اﻹطار المثقوب و إعادة تثبيت الصواميل باليد ثم بالمفتاح دون الحاجة ﻻستخدام القوة أو الضغط

8- إنزال السيارة

9- إحكام ربط الصواميل ويتم ربط الصواميل بطريقة متقابلة و ليس بطريقة متتالية

10- إعادة كل اﻷدوات لمكان تخزينها

11- التوجه فورا ﻷقرب مركز ﻹصلاح اﻹطار المثقوب

وفيما يلي توضيح الاماكن الصحيحه لتركيب الكوريك من الكتالوج



بالنسبه للعجل الامامي يجب وضع الكوريك تحت المقص للعجلة المراد استبدالها


بالنسبه للعجلة الخلفيه يجب وضع الكوريك تحت المقص للعجلة المراد استبدالها





يا رب اكون وفقت في مساعدة الاخ الزميل waelgam2005

[waelgam2005]

الف شكر للجميع بس شكلى هجيب كوريك التمساح ده احسن عشان انا مسترخم اللى جاى مع العربية دى

[windofchange]

عيب الكريك التمساح ان لما تكون العربية نايمة علشان تحطه في المكان المحدد للرفع لازم يكون معاك حد يرفع العربية بايده سنة علشان تعرف تدخله تحتها غير انه بياخد مكان فالشنطة....اما الكوريك المنافلة مبتحتجش حد معاك وبتعرف ترفع العربية لما تكون العجلة نايمة عالارض

[eiad_naser]

عيب الكريك التمساح ان لما تكون العربية نايمة علشان تحطه في المكان المحدد للرفع لازم يكون معاك حد يرفع العربية بايده سنة علشان تعرف تدخله تحتها غير انه بياخد مكان فالشنطة....اما الكوريك المنافلة مبتحتجش حد معاك وبتعرف ترفع العربية لما تكون العجلة نايمة عالارض

كلام سليم 100 %