تقرير تنظيف الماروتى من الداخل بالتفصيل + بعض خبايا دهاليز الماروتى :)

[alking_2006]

السلام عليكم

طبعا زى منتو عارفين ان زجاج عربيتى اتدشدش و غرق الصالون زجاج مفتفت

http://www.nilemotors.net/Nile/320324-a.html

فأنا كنت ناوى اوديها لمحطة بمكنسة علشان ينظف الصالون بس بصراحة اخدتنى الحماسة امبارح و قولت و الله لأنا عامل الموضوع دا بنفسى و دا طبعا نظرا لأنى بصيت لقيت الزجاج واصل تحت الموكيت و غالبا محطة البنزين مش هتفك الموكيت علشان تعمل الكلام دا

توكلت على الله و عملت الاتى

1- خلعت الكونصول (6 مسامير: 2 تحت فرامل اليد - 2 فى جناب الكونصول يمين و شمال - 2 عند التابلوه) و خلعت وصلات الكاسيت علشان انا مركب الكاسيت فى الكونصول

2- خلعت الكرسيين الأمامين و دا نظرا لأنهم عندى راكبين فوق الموكيت و خلعهم كان بسيط كل كرسى متركب فى شاسيه العربيه عن طريق 4 مسامير بيتفكوا بمفتاح 12

عندك مسمارين قدام الكرسى و لازم علشان تفكهم ترجع الكرسى لورا على الاخر عن طريق ذراع تحريك الكرسى

و عندك مسمارين ورا الكرسى و لازم علشان تفكهم تطلع الكرسى لقدام على الاخر عن طريق ذراع تحريك الكرسى

و علشان الكرسى يطلع معاك بسهوله برا العربية بتخللى اول حاجة تخرج من الكرسى برا العربية هيا قاعدة الكرسى و بعد كدا الظهر و العكس لما تيجى تدخله تانى جوا العربية

و عملت نفس الخطوات دى مع الكرسى التانى بنفس الترتيب و بلا اختلاف

3- خلعت الموكيت عن طريق الشد و لاحظ ان الموكيت بيركب فى شاسيه العربية عن طريق كباسين بتخللى بالك علشان مفيش حاجة تتخلع من الكباسين او تتقطع من الموكيت فلقيت شاسيه العربية كله بان

4- مسكت المكنسة و كنت متخيل انى هنظف بالجاروف لكن لقيت ان شاسيه العربية متقسم اربع اركان فى كل ركن دائرة مفتوحة على الشارع فطبعا ساعدتنى جامد المهم ظبطت الدنيا و خرجت برا العربية نظفت الموكيت تمام و الدواسات و ركبت كل حاجة تانى بالترتيب العكسى و العربية بقت تمام

---- لما كشفت الشاسيه لقيت كام حاجة مكونتش عارفها
----------------------------------------------------------
1- دلوقتى علبة زيت الباكم البيضاء اللى فى الكبوت قدام خارج منها اربع خراطيم للأربعة عجلات لتوصيل زيت الباكم للبستم لأتمام عملية الفرملة
الخراطيم اللى واصله للعجلتين الامامين سهله انك تعرف مسارهم من الكبوت بالنظر
اما الخراطيم بتاعة العجلات الخلفية مكونتش عارف بتعدى منين و كنت فاكرها معديه من تحت العربية مع خراطيم البنزين (خراطيم البنزين عبارة عن 2 خرطوم واحد "داخل" و دا جاى من التانك ورا و داخل على طرمبة البنزين و التانى "مرتجع" و دا طالع من الكاربراتير لحد التانك ورا)

لما فكيت الموكيت لقيت خراطيم الفرامل معديه جوا الصالون
واحد على يمين الكونصول و واحد على شمال الكونصول بطول الصالون حتى الوصول للعجل الخلفى

2- ضفيرة الكهرباء الخاصة بالاشارات الخلفية معدية من عند التابلوه ما بين الكونصول و الكرسى اللى على يمين السواق و معديه من تحت دواسه الكرسى الخلفى يمين و داخله ناحية الشنطة
يعنى كل اللى يقعد ورا يمين بيدوس عليه برجله و دا عيب من عيوب الماروتى مع الاسف و معرفتش اعمله اى حل امبارح

3- فرامل اليد كنت فاكر انها بتشد سلك واحد الا انها بتشد 2 سلك واحد للعجلة اليمين و واحد للشمال و كمان بتشد سلك رفيع علشان ينور المؤشر فى التابلوه الخاص بفرامل اليد (P)

4- لقيت من عند فرامل اليد طالع سلكين كهربا واحد واصل لحد القايم اليمين و واحد للشمال بس بصراحة الوقت خلانى ملحقتش اعرف دول بتوع ايه علشان الدنيا كانت بدأت تظلم

طبعا انا بعتذر لأنى كان المفروض اصور صورة بعد ما خلعت الموكيت بس فعلا انا كنت متبهدل امبارح من التراب و معرفتش اصور حاجة بس وصفت اللى انا عملته بالظبط و الحمد لله

[joesph2010]

تسلم ايدك بس معلش فى الطلب لو امكن لو هتعملها تانى ممكن الصور او على الاقل ممكن فقرة فقرة زى مثلا فك الكراسى او تركيب الموكيت عشان كلنا نتعلم منها بالصور احسن وشكراااااااا

[bondok20002002]

السلام عليكم

طبعا زى منتو عارفين ان زجاج عربيتى اتدشدش و غرق الصالون زجاج مفتفت

http://www.nilemotors.net/nile/320324-a.html

فأنا كنت ناوى اوديها لمحطة بمكنسة علشان ينظف الصالون بس بصراحة اخدتنى الحماسة امبارح و قولت و الله لأنا عامل الموضوع دا بنفسى و دا طبعا نظرا لأنى بصيت لقيت الزجاج واصل تحت الموكيت و غالبا محطة البنزين مش هتفك الموكيت علشان تعمل الكلام دا

توكلت على الله و عملت الاتى

1- خلعت الكونصول (6 مسامير: 2 تحت فرامل اليد - 2 فى جناب الكونصول يمين و شمال - 2 عند التابلوه) و خلعت وصلات الكاسيت علشان انا مركب الكاسيت فى الكونصول

2- خلعت الكرسيين الأمامين و دا نظرا لأنهم عندى راكبين فوق الموكيت و خلعهم كان بسيط كل كرسى متركب فى شاسيه العربيه عن طريق 4 مسامير بيتفكوا بمفتاح 12

عندك مسمارين قدام الكرسى و لازم علشان تفكهم ترجع الكرسى لورا على الاخر عن طريق ذراع تحريك الكرسى

و عندك مسمارين ورا الكرسى و لازم علشان تفكهم تطلع الكرسى لقدام على الاخر عن طريق ذراع تحريك الكرسى

و علشان الكرسى يطلع معاك بسهوله برا العربية بتخللى اول حاجة تخرج من الكرسى برا العربية هيا قاعدة الكرسى و بعد كدا الظهر و العكس لما تيجى تدخله تانى جوا العربية

و عملت نفس الخطوات دى مع الكرسى التانى بنفس الترتيب و بلا اختلاف

3- خلعت الموكيت عن طريق الشد و لاحظ ان الموكيت بيركب فى شاسيه العربية عن طريق كباسين بتخللى بالك علشان مفيش حاجة تتخلع من الكباسين او تتقطع من الموكيت فلقيت شاسيه العربية كله بان

4- مسكت المكنسة و كنت متخيل انى هنظف بالجاروف لكن لقيت ان شاسيه العربية متقسم اربع اركان فى كل ركن دائرة مفتوحة على الشارع فطبعا ساعدتنى جامد المهم ظبطت الدنيا و خرجت برا العربية نظفت الموكيت تمام و الدواسات و ركبت كل حاجة تانى بالترتيب العكسى و العربية بقت تمام

---- لما كشفت الشاسيه لقيت كام حاجة مكونتش عارفها
----------------------------------------------------------
1- دلوقتى علبة زيت الباكم البيضاء اللى فى الكبوت قدام خارج منها اربع خراطيم للأربعة عجلات لتوصيل زيت الباكم للبستم لأتمام عملية الفرملة
الخراطيم اللى واصله للعجلتين الامامين سهله انك تعرف مسارهم من الكبوت بالنظر
اما الخراطيم بتاعة العجلات الخلفية مكونتش عارف بتعدى منين و كنت فاكرها معديه من تحت العربية مع خراطيم البنزين (خراطيم البنزين عبارة عن 2 خرطوم واحد "داخل" و دا جاى من التانك ورا و داخل على طرمبة البنزين و التانى "مرتجع" و دا طالع من الكاربراتير لحد التانك ورا)

لما فكيت الموكيت لقيت خراطيم الفرامل معديه جوا الصالون
واحد على يمين الكونصول و واحد على شمال الكونصول بطول الصالون حتى الوصول للعجل الخلفى

2- ضفيرة الكهرباء الخاصة بالاشارات الخلفية معدية من عند التابلوه ما بين الكونصول و الكرسى اللى على يمين السواق و معديه من تحت دواسه الكرسى الخلفى يمين و داخله ناحية الشنطة
يعنى كل اللى يقعد ورا يمين بيدوس عليه برجله و دا عيب من عيوب الماروتى مع الاسف و معرفتش اعمله اى حل امبارح

3- فرامل اليد كنت فاكر انها بتشد سلك واحد الا انها بتشد 2 سلك واحد للعجلة اليمين و واحد للشمال و كمان بتشد سلك رفيع علشان ينور المؤشر فى التابلوه الخاص بفرامل اليد (p)

4- لقيت من عند فرامل اليد طالع سلكين كهربا واحد واصل لحد القايم اليمين و واحد للشمال بس بصراحة الوقت خلانى ملحقتش اعرف دول بتوع ايه علشان الدنيا كانت بدأت تظلم

طبعا انا بعتذر لأنى كان المفروض اصور صورة بعد ما خلعت الموكيت بس فعلا انا كنت متبهدل امبارح من التراب و معرفتش اصور حاجة بس وصفت اللى انا عملته بالظبط و الحمد لله

مبر ياعم وعقبالي يارب
تحياتي

[S O P H O S]

مبروك التنظيف يا باشا ..

[mesaharaty]

ألف مبروك على التنضيف
برضه النضافة حلوة

بس انت زعلتنى لما عرفت إن خراطيم الفرامل ماشية من جوة العربية مش من برة

[alking_2006]

ألف مبروك على التنضيف
برضه النضافة حلوة

بس انت زعلتنى لما عرفت إن خراطيم الفرامل ماشية من جوة العربية مش من برة

الله يبارك فيك يا جميل

مش عارف اعتبرها ميزة و لا عيب
علشان مطبات بلدنا الحبيبة لو خراطيم الفرامل كانت من تحت كانت هتبقى مشكلة لما العربية تحك فى المطبات و فجأة تلاقى زيت الباكم وقع كله فى الشارع

فين باقى الناس اللى فى القسم و أرائهم :)

[eiad_naser]

السلام عليكم
و عليكم السلام ورحمة الله وبركاته

2- ضفيرة الكهرباء الخاصة بالاشارات الخلفية معدية من عند التابلوه ما بين الكونصول و الكرسى اللى على يمين السواق و معديه من تحت دواسه الكرسى الخلفى يمين و داخله ناحية الشنطة
يعنى كل اللى يقعد ورا يمين بيدوس عليه برجله و دا عيب من عيوب الماروتى مع الاسف و معرفتش اعمله اى حل امبارح

هيا ضفيره الكرباء في المكاان ده مش عامله مشكله ان شاء الله
بس انت ممكن تشدها بالراحه لانك هتلاقيها لازقه في البلاك اللي معزول بيه العربيه من اسفل وتخليها ماشيه من نص العربيه لان نص الكنبه ده المكان الوحيد اللي بيكون اقل استعمال اقدام فيها

3- فرامل اليد كنت فاكر انها بتشد سلك واحد الا انها بتشد 2 سلك واحد للعجلة اليمين و واحد للشمال و كمان بتشد سلك رفيع علشان ينور المؤشر فى التابلوه الخاص بفرامل اليد (P)

بالفعل يوجد عدد اثنين وير من فرامل اليد واصلين الي فرامل العجل الخلفي وتلاقي فيهم صموليني للرجلاش ودول علشان لما تيل الفرامل يقل من كترالاستعمال هتيجي تشد فرامل يد مش هتمسك العربيه فأنت لازم ترجلش فرامل اليد منهم والرجلاش بيكون عل فرده مل مقدار ما التيل بتعها فضي يعني فيه فرده محتاجه لفتين وفيه فرده مثلا محتاجه اربع لفات علشان كده عاملين كل رجلاش لوحده

4- لقيت من عند فرامل اليد طالع سلكين كهربا واحد واصل لحد القايم اليمين و واحد للشمال بس بصراحة الوقت خلانى ملحقتش اعرف دول بتوع ايه علشان الدنيا كانت بدأت تظلم

دول سلكين لونهم اسود ودول سلكين ارضي بتوع رزرا نور الصالون فيه في العتب بتاع الباب الامامي زرار علشان لما تفتح الباب نور الصالون ينور دول السلكين المسؤولين عنا النور بتاع الاصالون

طبعا انا بعتذر لأنى كان المفروض اصور صورة بعد ما خلعت الموكيت بس فعلا انا كنت متبهدل امبارح من التراب و معرفتش اصور حاجة بس وصفت اللى انا عملته بالظبط و الحمد لله

بجد لو كنت صورت المووضوع كان هيكون احسن بس لو حد حابب يتفرج علي العربيه وهيا استغفر الله العظيم عريانه من جواهههههههههههه ممن يشوف الموضوع بتاعي ده

http://www.nilemotors.net/Nile/320198-a.html

الاخ الكريم alking بجد بجد تسلم ايدك قرير رائع وانا بحب الناس اللي تشتغل بايدها في العربيه لان محدش هعمللك كل حاجه زي ما انت عاوز طالما ان العربيه الماروتي بتتاعتنا سهله جدا والله ومش محتاجه غير شويه مجهود بسيط واي حد يقدر يشتغل فيها بأيديه
اخي الكريم هتلاقي رد علي بعض تسائولات داخل الاقتباس
تحياتي ليك

[alking_2006]

الاخ الكريم alking بجد بجد تسلم ايدك قرير رائع وانا بحب الناس اللي تشتغل بايدها في العربيه لان محدش هعمللك كل حاجه زي ما انت عاوز طالما ان العربيه الماروتي بتتاعتنا سهله جدا والله ومش محتاجه غير شويه مجهود بسيط واي حد يقدر يشتغل فيها بأيديه
اخي الكريم هتلاقي رد علي بعض تسائولات داخل الاقتباس
تحياتي ليك

انا اللى شاكر ليك جدا لتوضيح الجزئيات اللى انا مكونتش عارفها

بالنسبة للضفيرة انا فكرت اشدها شوية لكن تراجعت علشان هيا فعلا كانت لزقه فى البلاك و تانى حاجة لأن الضفيرة ذات نفسها مفيهاش طول يسمح بعملية الشد مع الاسف

و بالنسبة لسلك نور الصالون
انا فعلا قبل كدا غيرت زرار نور الصالون اللى راكب فى باب السواق
و لما خلعت الزرار القديم لقيت سلك فرده واحدة طالع من جوا فمكونتش عارف دا رايح فين و لا جاى منين
فشكرا لتوضيح هذه الجزئية

[Amr Axel]

تسلم ايديك يا باشا ع التقرير الهايل ده
و ما احلي ان الواحد يشتغل بايديه في عربيته

[Y a r i s]

[hanyhamer]

شكرا على المعلومات الجميلة