سؤال عن عمل شمبر للمارتي

[max100x]

هو الأفضل طبعا تجيب استيراد لو الموتور هيدخل في عمرة كاملة او التكلفة هتوصلل لـ1500 بس بصراحة موضوع 3-4 الاف كتير ع موتور ماروتي استيراد لأن فيه ناس جايبنه بـ 2000 بالفتيس و موديل 2010 كمان

و اعذرني لكن مخدتش بالي تقصد ايه العنوان ع الخاص

عامة انت ممكن تروح لعصام يشوف ايه الدنيا عندك و ممكن انت تجيب قطع الغيار و هو ع التغيير و المصنعية بس و تشوفه هياخد مصنعية كام و شوف القطع اللي هيحتاجها هتتكلف كام و تعمل حسابك في 200-300 ج زيادة احتياطي
و اعتقد قصة العمرة ديه ممكن تاخد يومين -3 ايام بالكتيير

اشكرك يا عموور علي ردودك و اهتمامك بالمشكلة اللي عندي .... انسان خدوم و مشكور جدا

هعمل تقرير بقطع الغيار اللي اشتريتها اثناء عمل النص عمرة و انزلها علي المنتدي هنا باذن الله

[micromoud]

لو ده التوتال لل نص عمرة فاكيد هروح اعملها دا لو هحس ان الموتور رجع كويس

علي فكرة يا دكتور حازم انا حاسس ان الموتور عندي كويس خالص لان العربية بتجري معايا و سافرت بيها اسكندريه قبل كده و كانت تمام التمام

الموتور لما بيخف العربية بتجرى أكتر ..... ورأيى برضه هو الموتور الاستيراد ده مش زى البطيخه يعنى ممكن بعد شهرين تلاته الاقيه ابتدى يودع ؟

[sarawe511]

ربنا ييسرلك الحال ؛؛؛هي عربية حضرتك عاملة كام كيلو

[alking_2006]

أسلام عليكم
بس السؤال تسقيط الماتور بيكون ماتور مش جديد صحيح عليه ضمان 7 أيام
بس حالته أعرفها إذاى و هما جايبينه منين وهل هو إستعمال خارج و لا جديد

تسقيط الموتور بيكون موتور استعمال الخارج و و معاه ورق يثبت دا و مش جديد
و بيكون عليه ضمان اسبوع او اسبوعين على حسب الاتفاق مع البائع

بالنسبة للحالة طبعا بيكون معاك ميكانيكى و لو العربية كاربراتير زى الماروتى فالميكانيكى بيدور الموتور على الارض قبل ما يركب فى العربية

اما لو العربية انجكشن زى الالتو ففى الحالة دى لازم الموتور يركب فى العربية الاول و بعد كدا تدوره و تجرب