و كانت المفاجأة في تابلوه السوزوكي التو !!!

[alking_2006]

ههههههههههههههههههههههههههههههههههههههههههههههه
احنا برضه عندنا في الماروتي ممكنن تكب سمعاه في التبلوه قدام
بس سماعه واحده بس مش اكتر
لكن مفيش وش بيتشال
علشان تركب السماعه ده لازم تعمل ارجوز تتشقلب علي ظهرك في العربيه وتنام تحت التبلوه هتشوف مسمارين مكان تثبيت السماعه
وفعلا اول ما جيبت العربيه ركبت سماعه قدام
لكن مع حرارة الشمس باظت وبقت تخشول
فشيلتها وركبت سمعات في الابواب

الله ينور
يا ريت تشرحلنا موضوع تركيب سماعات فى الابواب
يعنى انا اعرف اعمل توصيلات سلوك السماعات
لكن عايزك تفيدنى فى موضوع تركيب السماعات
هل قطعت فى تجليدة الباب و لا ايه النظام

[Amr Axel]

انته تحفه يا بنى
تحفه شىء جميل نادر الوجود

لا انا عمرو مش تحفة ههههههههه
اشمعني يا باشا

[dr.hazem]

مبروك ياعمور وعقبال اما تحط سماعات فيهم....
تحياتي

Sent from my SE Arc S using Forum Runner

[Amr Axel]

مبروك ياعمور وعقبال اما تحط سماعات فيهم....
تحياتي

sent from my se arc s using forum runner

الله يبارك فيك يا صاحبي ان شاء الله قريب

[hannona1982]

مبروك عثورك على مكان السماعة الامامية
انا بالنسبة لى موجودين آآلريدى لانى جايباها يوزد
بس احب اقول انهم مبيفرقوش كتير وكدا كدا الصوت منخفض
بس عايزة اعرف هو ممكن تركيب سماعات فى الابواب او اكولايذر
وتكلفتها حوالى كام تقريبا
وهل ده بيأثر على البطارية أو بيتأثر بصغر حجم المحرك ( عذروا جهلى فى السؤال لان ده اول احتكا ليا مع السيارات)
سؤال اخر للأخوةقائدى الالتو
فى فى الجزء اخاص بالتكييف واللى اعلاه واسفله بعض الازرار اللى مش فاهماها
فهل ممن حد يشير صورة لتابلوه مع الشرح
:)

[Amr Axel]

مبروك عثورك على مكان السماعة الامامية
انا بالنسبة لى موجودين آآلريدى لانى جايباها يوزد
بس احب اقول انهم مبيفرقوش كتير وكدا كدا الصوت منخفض
بس عايزة اعرف هو ممكن تركيب سماعات فى الابواب او اكولايذر
وتكلفتها حوالى كام تقريبا
وهل ده بيأثر على البطارية أو بيتأثر بصغر حجم المحرك ( عذروا جهلى فى السؤال لان ده اول احتكا ليا مع السيارات)
سؤال اخر للأخوةقائدى الالتو
فى فى الجزء اخاص بالتكييف واللى اعلاه واسفله بعض الازرار اللى مش فاهماها
فهل ممن حد يشير صورة لتابلوه مع الشرح
:)

الله يبارك فيك
في الحقيقة يفرقوا الا لو العربية اللي معاكي نازلة فيها سماعات فبريكة و مغيرتيهاش فهي صوتها منخفض جدااا

و تم تركيب سماعات و ما شاء الله الموضوع اختلف تماما

http://www.nilemotors.net/Nile/323984-10.html

تركيب سماعات في الباب ممكن طبعا بس المشكلة هتكون التقطيع في الفيبر و هو ما لا ارجحه لأن مش اي حد يظبطها فالأفضل تركيب سماعتين ورا كويسين و اتنين قدام برده كويسيين
و الاكولايزر خلاص راحت عليه ممكن تركيب هيد يونت نضيف زي بايونيير اي موديل يناسبك او سوني 500 ع الاقل هيغنيكي عن الاكوالايزر
و طبعا مفيش تأثير ع الموتور لأن كل ده معتمد ع الكهربا و برده مفيش تأثير ع البطارية غير في الشحن اهم حاجة ان الكاسيت ميشتغلش كتيير و العربية واقفة مش دايرة عشان شحن البطارية ميخلصش بس مش اكتر

فوق التكييف فيه 4 زراير اتنين لونهم اسود ع اليمين مش شغالين منظر لكن ممكن لو حبيتي تضيفي اوبشن في العربية يتم استخدامهم
الزرار اللي بينور لمبة برتقالي ده الخاص بالسخان ع الازاز الخلفي و ده لما يكون فيه شبورة جامدة ع الازاز اللي ورا تدوسي عليها السخان يشتغل و يمسح الشبورة و بعدها تقفليها اوعي تنسيها شغالة
الزرار الاحمر طبعا الانتظار

و تحت التكييف مفيش زراير يا دوب مكان الهيد يونت و الدرج ثم الطفاية و الولاعة
و الموضوع ده فيه صورة للتابلوه برده

http://www.nilemotors.net/Nile/324489-2008-2013-800-a.html

و اي استفسار عن العربية اتفضلي بكتابة موضوع في القسم فيه استفسارك و ان شاء الله يتم الرد

[elkomyalto]

مبروك يا عمورره
هشوف الموضوع عندى هيبقى عامل ايه واقولك

[hannona1982]

و اي استفسار عن العربية اتفضلي بكتابة موضوع في القسم فيه استفسارك و ان شاء الله يتم الرد

يعنى معنى الكلام ده انى اشيل الكاسيت اللى موجود واستبدله بحاجة جديدة سونى مثلا ده هيفرق فى السماعات ؟؟؟؟هو فابريكا استبدله ؟؟؟؟
طب ممكن تغيير السماعتين بحاجة أعلى مثلا بدون تغيير اكاسيت ؟؟؟؟
اخر سؤال :)
بالنسبة للجزء بتاع التكيف بليز معلش ممكن شرح الــ 3 تايمر والمؤشر العرضى الى اسفلهم ؟؟؟؟؟
والسى دى بحاول استخدمه مش متفبل دخول اى سى دى
ده غير اى لاحظت ان لا يوجد سوى زر واحد تقريبا play
مفيش eject
ده ل افترضت ان فى سى دى جوه بتعوق الدخول
ايضا هناك ازرار كثر حول الكاسيت لا اعرف دلالاتهم
كما ان الكاسيت ايضا مشتغلش لما حاولت اجربه باستخدام شرائط كاسيت قديمة
ايضا سؤال آخر معذرة :(
شاشة العداد بتعرض رقم غير منطقى
هل ده له علاقة بشىء
اسفة جدااااا للازعاج
لكنى فرحت جدااااا بعثورى على الموضوع

[Amr Axel]

مبروك يا عمورره
هشوف الموضوع عندى هيبقى عامل ايه واقولك

الف مبروك يا باشا
و في انتظار التقرير :)

[Amr Axel]

يعنى معنى الكلام ده انى اشيل الكاسيت اللى موجود واستبدله بحاجة جديدة سونى مثلا ده هيفرق فى السماعات ؟؟؟؟هو فابريكا استبدله ؟؟؟؟
طب ممكن تغيير السماعتين بحاجة أعلى مثلا بدون تغيير اكاسيت ؟؟؟؟
اخر سؤال :)
بالنسبة للجزء بتاع التكيف بليز معلش ممكن شرح الــ 3 تايمر والمؤشر العرضى الى اسفلهم ؟؟؟؟؟
والسى دى بحاول استخدمه مش متفبل دخول اى سى دى
ده غير اى لاحظت ان لا يوجد سوى زر واحد تقريبا play
مفيش eject
ده ل افترضت ان فى سى دى جوه بتعوق الدخول
ايضا هناك ازرار كثر حول الكاسيت لا اعرف دلالاتهم
كما ان الكاسيت ايضا مشتغلش لما حاولت اجربه باستخدام شرائط كاسيت قديمة
ايضا سؤال آخر معذرة :(
شاشة العداد بتعرض رقم غير منطقى
هل ده له علاقة بشىء
اسفة جدااااا للازعاج
لكنى فرحت جدااااا بعثورى على الموضوع

لو اللي عندك السي دي اللي بينزل فبريكة انا معرفش نوعه بصراحة لأني شوفته مرة و مش فاكرهفالأفضل صورة ليه عشان نشوف و نحدد ايه قصته و لأن مش عارف قصدك الهيد يونت سي دي بس و لا دبل ان ( سي دي و شرايط )
لكن عامة غالبا سبب الصوت الضعيف السماعات ضعيفة
بخصوص السماعات اللي راكب عندك سماعتين قدام بس الفبريكة ؟؟ و لا راكب ورا كمان ؟؟ لأن اللي بينزلوا قدام فبريكة ميعتبرش قوي و لقيتهم ضعاف و الصوت مسرسع شوية حتي لما شوفت خامته لقيتها زي الكرتون
و عامة اي ان كان الأفضل تركيب سماعتين ورا ع الرف و سماعتين زي اللي مركبهم قدام عشان يطلعوا صوت كويس و مجسم
بخصوص التكييف اول بكرة ع اليمين اللي فيه لونين ازرق و احمر ده للحرارة بمعني الازرق للساقع و الاحمر للسخن و فيه درجات في النص
البكرة اللي في النص ده درجات من اول المروحة و بعدين 4 درجات
البكرة اللي في الشمال ده مكان دخول الهوا و ع الترتيب من الشمال لليمين
فوق في وش اللي قاعد - في وش اللي قاعد و تحت - تحت بس - تحت و فوق من عند الهوايات اللي عند الازاز اللي قدام - فوق عند الازاز بس

المؤشر العرضي اللي تحت يمين او شمال بس و ده بيحدد توزيع الهوا حسب الرسمة ما موجود

بخصوص العداد ازاي رقم غير منطقي و يا ريت صورة افضل برده مع صورة الهيد يونت

[hannona1982]

انا متشكرة جدااااااا لرد حضرتك الوافى
الهيد يونت دبل كاسيت وسى دى
والسماعات امامية بس وفابريكا
العداد عامل 6600 مع انها يوسد 2009 واا جايباها من شهرين تقريبا بس استخدامى خفيف
ومرسى خالص على شرح الازرار
وكلهم طبعا مش بيشتغلوا لو الزر الخاص بــــ (a/c) مضغوط عليه واللمبة مضيئة صح ؟؟؟؟
بالنسبة لاوبش المروحة فقط ممكن تشغيله والشبابيك مفتوحة ولا لأ ؟؟؟؟؟
وهل تركيب سماعات أخرى ممكن يعمل قلق فى كهرباء السيارة لو تم عمل تغيير فيها ؟؟؟؟
اسف جداااااا ومتشكر جدااااااااااااااا

[Amr Axel]

انا متشكرة جدااااااا لرد حضرتك الوافى
الهيد يونت دبل كاسيت وسى دى
والسماعات امامية بس وفابريكا
العداد عامل 6600 مع انها يوسد 2009 واا جايباها من شهرين تقريبا بس استخدامى خفيف
ومرسى خالص على شرح الازرار
وكلهم طبعا مش بيشتغلوا لو الزر الخاص بــــ (a/c) مضغوط عليه واللمبة مضيئة صح ؟؟؟؟
بالنسبة لاوبش المروحة فقط ممكن تشغيله والشبابيك مفتوحة ولا لأ ؟؟؟؟؟
وهل تركيب سماعات أخرى ممكن يعمل قلق فى كهرباء السيارة لو تم عمل تغيير فيها ؟؟؟؟
اسف جداااااا ومتشكر جدااااااااااااااا

بخصوص العداد غالبا اللي اشتريته منه العربية قالب العداد و طالما من اولها عامل كده
يبقي الأفضل حضرتك تعملي صيانات وقائية لتجنب اي مشاكل مستقبلية
- هي تغيير سير الكاتينة و بلية الكاتينة و ديه اهمهم لأنه لو لا قدر الله السير اتقطع العربية ممكن تجيب كاتينة و طقم صبابات و قصة سودا و السير ده بيتم تغييره كل 40 الف كحد أقصي
- تغيير طقم البوجهيات فقط ( محدش يجي ناحية باقي الطقم لو فبريكة لأن طقم كهربا الكتروني ) البوجهيات عندنا مقاس 16 سن 14 و الأفضل و اللي بيكون مناسب للعربية بوجيهات ngk رقم البوجيه المناسب للعربية DCBR7E و هتلاقيه في كتالوج الصيانات بتاع العربية
- تغيير فلتر البنزين و مكانه قدام العجلة الشمال اللي ورا ناحية السواق
- تغيير فلتر الهوا و سير الدينامو اذا كانت حالتهم تعبانة
- تغيير زيت الفتيس العربية عندنا بتاخد لترين و ربع و الأفضل تحطي شيل لكن بلاش من الطرمبة البرتقالي خليه يعبي بالرداخ و يحط الزيت من جيركن متبرشم الزيت عندنا لزوجة 75w90
- تغيير زيت الفرامل و اضافة زيت بيندكس او لوكهيد بلاش الانواع الغير معروفة و ده بيتغير كل سنتين او 40 الف ك ايهما اقرب
- تغيير مية الريداتير يتم تغييرها كل سنتين او 40 الف ك ايهما اقرب
و اخيرا و ليس اخرا تنظيف الانجيشكن و الحل الارخص و الأسرع عن طريق شراء عبوة منظف رشاشات injection cleaner سواء ماركة stp او liqui moly و تحطيها ع تلت ارباع التانك ع الاقل و بعدين تدوري العربية و تاخد العربية مشوار طويل تخلصي فيه التانك حتي لو هتمشي بالعربية ع الفاضي و طول ما انت ماشية تحرقي ع الغيارات شوية يعني بدل ما تغيري من التاني للتالت ع 30 لأ غيري ع 40 اخدتي بالك ؟؟ لأن ده بيخلي البنزين و المنظف يندفع بقوة من الرشاشات فينضفها و هكذا لحد ما التانك يقرب يفضي و بعدها تفوولي تاني و ساعتها هتحسي بالعربية فايقة و عايزة تجري و استهلاك البنزين بقي أفضل
و بعد قصة الانجيشكن ديه غيري زيت الموتور و تغيير البوجهيات و فلتر البنزين اللي اتكلمنا عنهم فوق

بخصوص الزراير ممكن يشتغلوا بدون ما تشغلي الـA\C و بالتالي اللي هتشتغل المروحة سواء تدخل هوا عادي او سخونية الموتور


بخصوص السماعات مش محتاجة تغيري الهيد يونت سبب الصوت الضعيف هو السماعات
و ديه ممكن تغيريها بسماعات زي اللي غيرتها ( كينوود 10 سم 110 وات )
قدام الصوت هيكون أفضلة لكن مش للدرجة برده لكن هيساعد مع الخلفي في صوت مجسم و بالتالي الأفضل تركبي سماعتين ورا ع الرف مع تغيير الامامي و ملهاش علاقة بكهربا العربية و لا بيجي ناحيتها كل القصة انه هياخد الرف يقطع و يركب السماعتين عليهم و بعدين يمشي سلكين من تحت الفيبر لحد الكاسيت و يوصلهم بالكاسيت زي مانا عملت في موضوع تركيب سماعات امامية

[D . a .\ AYMAN]

عندي المكان كان مفتوح زي الفل والأسلاك بتاعته واصلة كمان لأني عندي العربية المفروض بالكاسيت والسماعات

بس شيلت الكاسيت والسماعات اللى جايين معاها لأنهم أقل ما يقال عنهم إنهم ..%$!&%$&

المهم جبت سماعات بايونير كانو 150 وات مش فاكر كام أوم وكانوا بـ 150 جنيه وجبت هيد يونت بايونير بدل الصيني الزبالة اللى التوكيل كان مركبه بدل الكاسيت الفابريكا بتاعها

[Moratoz]

عجبني جو عرض الموضوع إثارة متعه تشويق

[Amr Axel]

عندي المكان كان مفتوح زي الفل والأسلاك بتاعته واصلة كمان لأني عندي العربية المفروض بالكاسيت والسماعات

بس شيلت الكاسيت والسماعات اللى جايين معاها لأنهم أقل ما يقال عنهم إنهم ..%$!&%$&

المهم جبت سماعات بايونير كانو 150 وات مش فاكر كام أوم وكانوا بـ 150 جنيه وجبت هيد يونت بايونير بدل الصيني الزبالة اللى التوكيل كان مركبه بدل الكاسيت الفابريكا بتاعها

مهو الصدمة انه كان كل حاجة جاهزة تحت الوش الفيبر و الاسلاك متوصلة كنت يا دوب هشبك السلك بس لولا الفتي اللي عمله اللي ركب الهيد يونت و اتشقلبت في العربية عشان اوصل

http://www.nilemotors.net/Nile/323984-10.html