استفسار عن بعض الاكسسوارات للماروتي

[rameahmed]

السلام عليكم و رحمة الله و بركاته
كنت شوفت ناس بتلزق شماسه علي الزجاج الخلفي للماروتي عشان الشمس و كمان بتحمي السماعات لو كنت مركب سماعات في الخلف و كنت عاوزاعرف هي بتتباع فين و هي لونها بيكون بيج او رصاصي فاتح كده بس كنت عاوز اسأل بتتركب اذاي هل لو ركبتها مش هاشوف حاجه من خلالها يعني هل الشماسه ده بتحجب الرؤيه فمش هشوف العربيات الي ورايا و في حاجه تانيه كنت عاوز اعرف ممكن اجيبها في الماروتي كده و مش عارف هتنفع ولا ايه و احد صاحبي عنده عربيه فرنا جيب لها بوكس كده بيتحط ورا فرامل اليد ممكن تحط فيه مناديل و فيه مج هولدر و مشهور اوي ناس كتير مشترياه فهل ممكن نجيبه للماروتي ولا هيكون كبير عليها و هل ده بتثبت ولا بتحط كده بس معلش طولت عليكم بس حولت اوصل سؤالي :)

[Amr Axel]

بخصوص التركيب ع الازاز الخلفي تقصد انهي الستارة الكبس و لا الشماسة البيضاوي و لا الستارة الرول اللي بتتقفل و تتفتح

الستارة الكبس بتتعمل تفصيل او جاهز لو موجود لو الازاز ورا بس ممكن في حدود 30-40 ج و فيه طبق و طبقتين و 3 طبقات بس الأفضل طبقة عشان تشوف كويس بليل و ساعة ما تحب تشيلها بتشيلها لأنها بتركب كبس

الشماسة البيضاوي اللي بتتلزق ضغط ديه رخيصة و ع حسب يعني 5-10 انزل التوفيقية هتلاقي منها كتيير

الستارة الرول اللي بتتلف زي البكرة و بطول الازاز برده في نفس الحدود 20-30 ج


اما اللي بيركب بين الكرسيين ده اسمه مخدع او مسند بين كرسيين و فيه منه للماروتي و ابو حازم جايب واحد و سعره 30-50 ج و فيه الوان منه بيج و رمادي و اسود زي ما انت عايز و بيكون فيه هولدر بيتفتح و يتقفل و مسند و علبة من جوة لحفظ اي حاجة و ممكن تثبتها بمسامير او تحطها بس كمسند و برده من التوفيقية من الناس للي فارشيين بس سيبك من اللي برة و ع اول الشارع دول لأنك هتلاقيه بيقولك 60-70 ج و جوة هتلاقيها بـ30-40 ج

[rameahmed]

جماعه هي الحاجات ده الي انا قصدي عليها
الستاره الخلفيه و البوكس الي جنب الكرسي الي في الدائره الحمراء ذي الاخ motto ممصور في عربيته :)

[Amr Axel]

زي مقولتلك يا باشا فوق اما اللي راكب ع الازاز ديه الستارة الكبس

[rameahmed]

مشتكر جدا بس ممكن لو حد يعرف اسم محل كويس نجيب منه الاكسسوارات ده يقلي عليه و بالنسبه للمسند هل اقل للبياعين اني عاوزه لعربيه ماروتي وهما عارفين الاحجام ولا اجيب اصغر حجم :)

[Amr Axel]

مشتكر جدا بس ممكن لو حد يعرف اسم محل كويس نجيب منه الاكسسوارات ده يقلي عليه و بالنسبه للمسند هل اقل للبياعين اني عاوزه لعربيه ماروتي وهما عارفين الاحجام ولا اجيب اصغر حجم :)

المسند فيه من تحت زي 4 قطع حديد و 4 مسامير اوعي تنسي تاخدهم مع المسند بيتحكم في الوسع و الضيق زي ما انت عايز لكن المهم من فوق الطول يكون مناسب و غالبا اي واحد هيمشي المهم الطول يكون واصل لدراعك عشان تسند عليه و الشكل اللي انت عايزه

الستارة المشكلة ان لازم تفصيل لأن فيه ناس جربت الجاهز للماروتي و مكنش مظبوط فيه بس شوف في دمشق او التوفيقية ناس بتفصل انزل هناك و اسأل

[rameahmed]

متشكر جدا بس هي المسامير هتثبت فين في العربيه؟

[Amr Axel]

متشكر جدا بس هي المسامير هتثبت فين في العربيه؟

الـ4 مسماير دول لتركيب الـ4 قطع حديد بالمسند نفسه و اتلحكيم في الطول و الوسع مش بالعربية اما التثبيت بالعربية فبيكون غالبا في الفيبر اللي في الوسط و بمسامير تجيبهم