دفاية الماروتى

[lidosasa]

الشتا دخل كل سنة وأنتوا طيبين والسقعة وخصوصاً ساعة الصبيحة بتخلى ركب الواحد تخبط فى بعضها
ودفاية الماروتى ماشاء الله عليها تمام
بس يا ترى هى الدفاية مجرد إنها بتنقل الهوا السخن من موتور العربية لداخل الصالون . ولا ليها طريقة عمل تانية بتأثر على البطارية مثلاً أو أى جزء تانى من العربية .

[rotanamasoud]

لو النظام اللى معظم العربيات شغاله بيه لا تاثير اطلاقا
يعمل النظام بسحب خرطوم الماء السخن بتاع الرداتير بتاع المكنه ويدخله للسربنتينه بتاعت التكييف يعنى يعتبر الرداتير جوه العربيه والحراره الاكبر تذهب للرداتير الاساسى لتبريدها

[micromoud]

دى اكبر ميزة للعربية فى الشتا انا الصبح بخرج وانا رايح الشغل بكون متلج بروح مدور العربية عشان تسخن واشغل الدفايه شوية قبل ما امشى بيها بس كل واحد ياخد باله ميشغلهاش كتير وانت سايق عشان محدش ياخد دور برد :)

[dr.hazem]

كل دفايات العربيات بيبقى في سربنتينه داخلية بيدخلها مية الريداتير وترجع تاني وبالتالي بتعتمد على سخونة الماتور والمروحه بتهوي عالسربنتينه فبيطلعلك هوا سخن...
و هتلاحظ ان لو شغلتها تول اما العربية تشتغل مش هتگلع هوا سخن الا بعد فتره...
مافيش منها اي حمل ولا ضرر ان شاء الله بس ضروري تتاكد ان مية العربية في المستوى...
تحياتي

Sent from my SE Arc S using Forum Runner

[waelgam2005]

طيب فيه سؤال بمناسبة الموضوع ده انا ببقى قافل المروحة اللى بتدخل الهوا للصالون ومش عارف الهوا بيجى منين مع انى جربت عملت زرار البوابه لبرا مرة ولجوا مرة بس برضه بتدخل هوا
الموضوع ده ملوش حل غير انى اقفل الريش ولا ايه؟

[micromoud]

فى برضه عندى سؤال فى جزء عامل زى المسطرة ورا الكنصولة اللى تحت التابلوه ايه فايدته ؟

انا بركن تحت شجرة وكل ما اشغل هوا او دفايه بيخرج عليا من فتحات التابلوه تراب وورق الزرع ؟ ايه الحل

[dr.hazem]

طيب فيه سؤال بمناسبة الموضوع ده انا ببقى قافل المروحة اللى بتدخل الهوا للصالون ومش عارف الهوا بيجى منين مع انى جربت عملت زرار البوابه لبرا مرة ولجوا مرة بس برضه بتدخل هوا
الموضوع ده ملوش حل غير انى اقفل الريش ولا ايه؟

المفروض لو البوابة مقفوله مستحيل هوا يدخل الا لو البوابة معلقه...
او لو مركب انذار او سارينه او كلاكس والراجل عدى السلك بره الكاوتشه المخصصة ف هتلاقي هوا بيدخل منها...
تحياتي

Sent from my SE Arc S using Forum Runner

[dr.hazem]

فى برضه عندى سؤال فى جزء عامل زى المسطرة ورا الكنصولة اللى تحت التابلوه ايه فايدته ؟

انا بركن تحت شجرة وكل ما اشغل هوا او دفايه بيخرج عليا من فتحات التابلوه تراب وورق الزرع ؟ ايه الحل

ده بيخليك تتحكم في الهوا اللي رليخ ببرجلين بحيث المسطرة لما تنزل الهوا بيدخلها ويخرج من كل جنب فتحه او تبعدها والهوا هيروح بدون توزيع....
تحياتي

Sent from my SE Arc S using Forum Runner

[dr.hazem]

فى برضه عندى سؤال فى جزء عامل زى المسطرة ورا الكنصولة اللى تحت التابلوه ايه فايدته ؟

انا بركن تحت شجرة وكل ما اشغل هوا او دفايه بيخرج عليا من فتحات التابلوه تراب وورق الزرع ؟ ايه الحل

الحل انك تقفل البوابة...
البوابة لو انا فاكر صح الزرار يتشد عليك...
تحياتي

Sent from my SE Arc S using Forum Runner

[micromoud]

شكرا يا دكتور حازم ممكن اعرف البوابة دى عبارة عن ايه

[dr.hazem]

شكرا يا دكتور حازم ممكن اعرف البوابة دى عبارة عن ايه

حتة بلاستيك بتتحكم بيها بالذراع اللي تحت زرار المروحه وفي وفتحه ورا التابلوه على بره اما انك تقفلها فمتجبش هرا نهائي من بره العربية او انك تفتحها وهتجيبلك هوا من بره.... يفضل تتساب مقفوله دايما عشان متدخلش تراب جوه العربية...
تحياتي

Sent from my SE Arc S using Forum Runner