تعبت من سخونة العربية

[MEGO802]

العربية ماروتى 2008
اولا ابتدى المؤشر يهيس
مرة المروحة تشتغل على النص ومرة تشتغل بعد النص بشوية وساعات تشتغل قبل الاخر بشوية
رحت غيرت الترموستات جبت ترموستات من عند ميدو تشتتغل مرة والتانية تشتغل على طول متفصلش وبقت تشتغل مع الكونتاكت
رحت غيرتها بواحدة تانية عملت نفس الحكاية تشتغل اول مرة وبعد كدة تفضل تشتغل على طول مع الكونتاكت
رحت جايب قطعة نحاس ورحت عند الخراط عشان اركب ترموستات 128 جبت الترموستات العالية اللى بتشتغل على ايطالى90
تشتغل الاول كويس وبعد كدة تخرف زى الاول مرة تشتغل على 90 وبعد كدة تخرف بعد النص
رحت جبت الترمستات الواطية اللى مفروض تشتغل على ربع المؤشر تقريبا المانى
لاء كانت بتشتغل على النص على وبعد كدة تعمل زى اللى قبليها
انا تعبت مش عارف اعمل اية
مع العلم انا مغير زيوت وفلاتر ومربط وش السلندر
ياريت حد يدلنى حل للمشكلة اية

[alking_2006]

عربيتك موديل كام؟
و هل غيرت جوان وش السلندر قبل كدا؟
و هل انتا شايل ترموستات الكوعه؟
سلكت الرادياتير اخر مرة امتى؟

[MEGO802]

[QUOTE=alking_2006;3874674626]عربيتك موديل كام؟
عربيتى موديل 2008
و هل غيرت جوان وش السلندر قبل كدا؟
لا متغيرش الجوان قبل كدة
و هل انتا شايل ترموستات الكوعه؟
شلتها بعد ما جربت 2 ترموستات وتلسع وتفضل شغالة على طول
سلكت الرادياتير اخر مرة امتى؟
تقريبا اتسلك مرة واحدة قبل كدة بس ك ما بجيب ترموستات ببقى افضى المية كلها واملاها تانى
انا بستعمل ماية عادية

[alking_2006]

و الله انا مش عايز اخوفك لأن عربيتك المفروض انها موديل حديث
لكن انا كانت عندى نفس الاعراض دى و جربت كللللللللل حاجة

1- تغيير ترموستات الرادياتير
2- تغيير ترموستات الكوعه
3- خلع ترموستات الكوعه
4- تسليك الرادياتير
5- تغيير غطا الرادياتير
6- تغيير انواع كتير من المياة
7- تغيير طرمبة المياه
8- ظبط الكهربا و الكاربراتير (المفروض انهم برا الموضوع)
9- التأكد من ان سير الدينامو مشدود كويس (احتماله ضعيف بردو)
10- تركيب ترموستات 128 واطى

و فى الاخر و بعد سنتين عذاب من تشغيل المروحة بزرار خارجى فى التابلوه اكتشفنا ان الموضوع جوان وش سلندر مع انها كانت ماشية فل الفل و بتجيب سرعات كويسة و مفيش طحينة

بس بكرر الاحتمال دا مستبعد من عندك لأن عربيتك موديل حديث الا اذا كانت العربية اتعرضت "كذا مرة" للسخونة او اتملى فيها ميه و الموتور ساخن و مش داير

و دى المواضيع اللى كنت كتبتها ساعتها

http://www.nilemotors.net/Nile/198211-a.html

و بعدها ب 10 شهور كتبت

http://www.nilemotors.net/Nile/252005-a.html

و ربنا يحفظ عربيتك و يطمنك

[alking_2006]

[quote=mego802;3874674651]

عربيتك موديل كام؟
عربيتى موديل 2008
و هل غيرت جوان وش السلندر قبل كدا؟
لا متغيرش الجوان قبل كدة
و هل انتا شايل ترموستات الكوعه؟
شلتها بعد ما جربت 2 ترموستات وتلسع وتفضل شغالة على طول
سلكت الرادياتير اخر مرة امتى؟
تقريبا اتسلك مرة واحدة قبل كدة بس ك ما بجيب ترموستات ببقى افضى المية كلها واملاها تانى
انا بستعمل ماية عادية

و بردو استخدام مياه عادية ممكن يكون عمل انسداد فى الرادياتير نتيجة للأملاح الموجودة فى المياه

جرب الاول سلك الرادياتير و املاه بنوع مياه نظيف و غير الترموستات و ربنا يسهل

[MEGO802]

ربنا يطمنك
بص انا ملاحظ ان طول ما العربية وقفة المروحة بتشتغل تقريبا على 90او 92
لكن لما ببقى ماشى بتوصل قبل الشرطة اللى قبل الاخر بحاجات بسيطة
وفى حاجة تانية
ان انا قبلها كنت مظبط تاكيهات العربية فا مش عارف

[alking_2006]

ربنا يطمنك
بص انا ملاحظ ان طول ما العربية وقفة المروحة بتشتغل تقريبا على 90او 92
لكن لما ببقى ماشى بتوصل قبل الشرطة اللى قبل الاخر بحاجات بسيطة
وفى حاجة تانية
ان انا قبلها كنت مظبط تاكيهات العربية فا مش عارف

و الله ظبط التاكيهات بردو لو متعملش صح التاكيهات بتبقى "محملة" و بتسخن العربية
و الحالة عندى فى الاخر كانت كدا و كنت مستغرب جدا ان المفروض مع المشى الهوا بيخبط فى الرادياتير و المفروض يكون ابرد من و هيا واقفه

جرب الاول اللى قولتلك عليه و بعد كدا نشوف حاجة حاجة
يعنى انتا كدا كدا فى كل الحالات هتحتاج تسلك الرادياتير و تغير المياه و تغير الترموستات
و بعد كدا نشوف النتيجة و نبدأ نظبط حاجة حاجة و نجرب لحد ما الدنيا تظبط بأذن الله فى الاخر

[dr.hazem]

حضرتك غيرت سير الكاتينه قريب؟

Sent from my SE Arc S using Forum Runner

[MEGO802]

لا انا لسة مغيرتش سير الكاتينة خالص

[dr.hazem]

العربية ماروتى 2008
اولا ابتدى المؤشر يهيس
مرة المروحة تشتغل على النص ومرة تشتغل بعد النص بشوية وساعات تشتغل قبل الاخر بشوية
رحت غيرت الترموستات جبت ترموستات من عند ميدو تشتتغل مرة والتانية تشتغل على طول متفصلش وبقت تشتغل مع الكونتاكت
رحت غيرتها بواحدة تانية عملت نفس الحكاية تشتغل اول مرة وبعد كدة تفضل تشتغل على طول مع الكونتاكت
رحت جايب قطعة نحاس ورحت عند الخراط عشان اركب ترموستات 128 جبت الترموستات العالية اللى بتشتغل على ايطالى90
تشتغل الاول كويس وبعد كدة تخرف زى الاول مرة تشتغل على 90 وبعد كدة تخرف بعد النص
رحت جبت الترمستات الواطية اللى مفروض تشتغل على ربع المؤشر تقريبا المانى
لاء كانت بتشتغل على النص على وبعد كدة تعمل زى اللى قبليها
انا تعبت مش عارف اعمل اية
مع العلم انا مغير زيوت وفلاتر ومربط وش السلندر
ياريت حد يدلنى حل للمشكلة اية

طيب...
كذا حاجة تعمل المنظر اللي عندك هحاول اضيف على كلام بشمهندس كنج حبتين من الأسهل للاصعب...
1/غطا الراديتير ممكن يعمل كده لو باظ والافضل تغييره كده كده كله ب10 جنيه..

2/دورة الميه واخده هوا جامد ومحتاجه تتظبط...

3/مية الحنفية سيئه جدا كمبرد وبتغلي عند درجة حرارة اقل من الميه الخضرا بمراحل وبالتالي انصح بتغييرها...

4/الراديتير ريشه متنية وعايز تنضيف وتسليك..
5/كهربة العربية لو مش مظبوطة تعمل نفس المشاكل دي...

دي الحاجات البسيطة اللي ممكن متكونش عملتها وعشان كده لسا المشكلة موجودة....

فانا رأيي حضرتك تبدا كالتالي..
تشتري غطا جديد وتجيب زجاجة خل فضيها في الراديتير وانطلق بالعربية مشوار للميكانيكي يظبط الكهرباء او ياكد على الظبط انه تمام وروح فورا بعدها لبتاع الراديتير قوله يفك ويسلك الراديتير وينضف الدورة بالكامل ويعبي ميه خضراء ويشيل الثيرموستات عشان نتأكد أن المشكلة منها ولا في لا..
اتظبطت.. كان بها ونعم يتفضلك تركيب الثيرموستات...
متظبطتش نبدي نشوف المشاكل التانية اللي ممكن تنعكس بالشكل ده ع العربية....
وياريت ترجعلنا تطمنها ايه الأخبار..
تحياتي

Sent from my SE Arc S using Forum Runner

[MEGO802]

انا فعلا غيرت غطا الريداتير وجبت واحد جديد
وظبط كهربة العربية اكثر من مرة عشان اتاكد
كدة فاضل ان اروح انظف الريداتير واسلكة
بس انا عايز اعرف اية وظيفة الخل فى تنظيف الريداتير

[dr.hazem]

انا فعلا غيرت غطا الريداتير وجبت واحد جديد
وظبط كهربة العربية اكثر من مرة عشان اتاكد
كدة فاضل ان اروح انظف الريداتير واسلكة
بس انا عايز اعرف اية وظيفة الخل فى تنظيف الريداتير

الخل هو حمض ضعيف جدا لكن له مفعول السحر في تنضيف دورة الميه من الاملاح والرواسب..
والافضل منه هو ملح الليمون تحط منه ملعقتين في الراديتير هيرجع جديد من جوه...
عشان متخفش الطرق دي مجربه ومفيش منها خوف...
عن نفسي عملتها في عربية اخويا وكانت فورد اكسبلورر وهي اصلا بتاخد 11لتر ميه فحطيت 5 قزاير خل ومعلقتين ملح لمون وختها جري على 120 ربع ساعه..
رجعت البيت سبتها تبرد سنة وفتحت الخرطوم الداخل للريدبتر من تحت فضت الميه بالكامل ونزلت كل البلاوي اللي فيها وعالجنا المشكلة اللي بانت اكتر مع الموضوع ده وهو انه كان في تسريب وعبينا ميه جديدة والحمد لله اختفت مشكلة الحرارة نهائي...
تحياتي

Sent from my SE Arc S using Forum Runner

[dr.hazem]

هو حضرتك لما بتشيل الثيرموستات العربية مبتتظبطش نهائي؟

Sent from my SE Arc S using Forum Runner

[MEGO802]

سورى انا مش فاهم العربية هتتظبط ازاى وانا شايل الترموستات
هى فى الاول تتظبط وبعد كدة تهيس

[dr.hazem]

سورى انا مش فاهم العربية هتتظبط ازاى وانا شايل الترموستات
هى فى الاول تتظبط وبعد كدة تهيس

اقصد ترموستات الكوعه لو متشاله برضو العربية بتسخن؟
لو اه يبقى المشكلة مش منها بالاساي وفعلا اما دورة التبريد واما عيب ميكانيكي...
قبل منروح ببميكانيكا وقرفها سلك الراديتير ونضف الدوره ونشوف الأخبار ايه وان شاء الله خير...
تحياتي

Sent from my SE Arc S using Forum Runner