الماروتى فيها عجلة مش مظبوطة و بتحدف

[mohamed_mesho3]

النهاردة حاسس ان الدريكسيون خفيف زيادة عن اللزوم
و فى حدفة شمال شوية
و لما مسكت فرامل مرة حسيت ان العجلة ادام شمال ملوحة
و على السرعة محستش بحاجة تفتكروا دا يبقى ايه ؟؟

[waelgam2005]

انا مش عاوز افتى بس ممكن اقول هوا ده ليه علاقة بضغط الهوا بمعنى انت متاكد ان ضغط الهوا مظبوط ممكن يكون ليه علاقة بالحدفة دى؟

[bmw323]

ممكن تروح بريدجستون تراجع الزوايا الأمامية والخلفية والأتزان والعفشة وبسيطة أن شاء الله

[dr.hazem]

ممكن تروح بريدجستون تراجع الزوايا الأمامية والخلفية والأتزان والعفشة وبسيطة أن شاء الله

يا جماعة بريدجستون معندوش برنامج الماروتي على جهاز الزوايا ومش بيشتغل في الماروتي... تحياتي

Sent from my SE Arc S using Forum Runner

[mohamed_mesho3]

روحت للميكانيكى بتاعى النهاردة و لف بالعربية و طمننى على العفشة و كله تمام بس الجنط عندى محتاج يستعدل ,, قومت ركبت الاستبن و بردوا فى حدفة شمال ,,, مين احسن حد اظبط عنده زوايا و اكمل بالاستبن و اخلى الجنط اللى عايز يستعدل دا استبن مع العلم ان الاستبن معملش 3 كيلو اصلا ايه رايكوا ؟؟

[Amr Axel]

في الحي السابع جنب مصر و السودان و فرن كريستال فيه واحد اسمه الدالي عنده برنامج الماروتي و بيظبط كويس و يربطلك العفشة

[dr.hazem]

روحت للميكانيكى بتاعى النهاردة و لف بالعربية و طمننى على العفشة و كله تمام بس الجنط عندى محتاج يستعدل ,, قومت ركبت الاستبن و بردوا فى حدفة شمال ,,, مين احسن حد اظبط عنده زوايا و اكمل بالاستبن و اخلى الجنط اللى عايز يستعدل دا استبن مع العلم ان الاستبن معملش 3 كيلو اصلا ايه رايكوا ؟؟

الدالي كويس قي ظبط الزوايا.... واكيد الزوايا عندك مش مضبوطة لان لو مضبوطة كانت حدفت يمين لان الاستبن اعلى في النقشه من الفرده اليمين.. بس يا ريت تضبط هوا الاستبن لانه ممكن يكون مريح شويه
حضرتك عامل كام كيلو؟
لان لو ماششي اكتر من 15 ألف عالكاوتش مش هينفع تمشي بالاستبن عشان هيخلي الطاره ترج
تحياتي

Sent from my SE Arc S using Forum Runner

[mohamed_mesho3]

الدالي كويس قي ظبط الزوايا.... واكيد الزوايا عندك مش مضبوطة لان لو مضبوطة كانت حدفت يمين لان الاستبن اعلى في النقشه من الفرده اليمين.. بس يا ريت تضبط هوا الاستبن لانه ممكن يكون مريح شويه
حضرتك عامل كام كيلو؟
لان لو ماششي اكتر من 15 ألف عالكاوتش مش هينفع تمشي بالاستبن عشان هيخلي الطاره ترج
تحياتي

sent from my se arc s using forum runner

كده الكلام اختلف ,, اولا الله يباركلك يا دكتور حازم على المعلومات القيمة دى , و استاذ عمرو الاسطورة بتاعتنا ,, ثانيا انا عامل 26 الف كيلو و على كلام حضرتك كده هغير الكوتش بالجنط و ارجع الاستبن تانى و بكرة باذن الله الدنيا تهدى شوية بس و هعيش معاها :)

[bmw323]

يا جماعة بريدجستون معندوش برنامج الماروتي على جهاز الزوايا ومش بيشتغل في الماروتي... تحياتي

Sent from my SE Arc S using Forum Runner

[scientist9508]

أنا عندى نفس المشكله بالظبط و لكن الحدفه يمين بدل شمال و عملت كل حاجه
1 - عملت الزوايا اكثر من مره و كمان عملت زرجينه
2 - رصصت العجل
3 - خليت الميكانيكى يعمل صيانه كامله للعفشه و يربطها و يتمم عليها أكثر من مره

و رغم كل ده لسه فى حدفه يمين . . فأشار على أصحاب الخبره بتغيير الكاوتش بالكامل
وأنا حاليآ أبحث عن كاوتش جديد للعربيه

إذا وصلت لنتيجه سأبلغكم

[alking_2006]

من بعض اسباب الحدفة اليمين او الشمال و عن تجربة ان يكون بستم الفرامل لاحدى العجلات الامامية قافش و مش بيرد مكانه و دا بيبان لما تيجى تغير التيل تلاقى فردة متاكلة و فردة زى مهيا متاكلتش