تركيب سماعة

[lidosasa]

أنا عندى فى العربية سماعتين بس على قدهم خالص ومش عارف نوعهم أيه ولا كام وات لآنى شارى العربية بيهم من حوالى 3 شهور . وعايز أركب سماعات قوية شوية و أنا مش بحب الدوشة ومش عايز أعمل دى جى بالعربية بس عايز الصوت يكون مجسم شوية وواضح .
ياريت يا جماعة تنصحونى بأى نوع وبيكون كام وات وسعره كام
بس أنا عايز حاجة على القد خالص متكونش غالية

[Amr Axel]

ممكن تركب سماعتين بايونيير 400 وات بيضاوي سعرهم اخر مرة جبتهم بـ240 ج من ارخصهم في التوفيقية

http://www.nilemotors.net/Nile/308603-400.html

و اعتقد نفس حدود السعر في فانتازيا في جسر السويس
ديه ارخص حاجة تقدر تجيبها و صوتها كويس سواء بيز او نقاء المهم الهيد يونت فيه طبعا كينوود و و غيره لكن فوق الـ300 ج
و لو عايز تركب سماعتين قدام في الابواب صغيرين مع اللي ورا لو 10 سم فيه سوني 130 وات حوالي 100 ج من بي تك توكيل سوني و عليهم ضمان 6 شهور تقريبا
و فيه كينوود مش فاكر 110 وات و لا 130 وات بحوالي 85 ج في فانتازيا برده
و البايونيير مش موجودة 10 سم الا نادر و مش لاقيها

انت عارف اتنين ورا مع اتنين قدام هيطلعلك احلي صوت مجسم و و احلي عيشة :)

[dr.hazem]

في الماروتي واي عربية لو مفيش توازن بين ورا وقدام مش هتاخد صوت حلو...
يعني النصيحة انك تركب قدام سماعتين في الباب عشان فعلا تاخد احلى صوت....
ومتنساناش بتقرير....
تحياتي

Sent from my SE Arc S using Forum Runner

[rameahmed]

انا افضل السماعات السوني اكسبلود ممتازه و مركبها عندي بس هي غاليه شويه

[ahma8]

انا لسة من فترة مركب سماعتين و كاسيت لو حابب شوف التقرير بتاعى فى المواضيع بتاعتى

[D . a .\ AYMAN]

كنت جايب 10 سم بايونير 110 وات من التوفيقية بـ 150 جنيه .. ومركبهم قدام في التابلوه مكان السماعات بتاعة العربية العقيمة اللى كانت جاية معاها ... بس مش عاجبني قوي .. صوتهم مش قد كدة

يمكن عشان زمان كان عندي 10 سم بايونير كانوا 350 وات وكان صوتهم مرعب وقمة في النقاء

وورا في الرف بتاع الشنطة مركب سماعتين 400 وات jvc صوتهم كان رائع أول ما جبتهم .. بس أنا للأسف قطعت سلك من أسلاك التويتر بتاع واحدة فيهم وكنت هابوظ الرق بتاع التانية وما بقوش قد كدة بس لسة صوتهم حلو برضه