الفرق بين التو 2008 و التو 2013 800 سي سي ( حصريا علي نايل موتورز )

[Amr Axel]

موضوع جميل اوي وتابعته كله
بس مفيش موضوع مفصل كده عن ال 1000 سي سي 2013 وموتورها ايه اخباره واستهلاك بنزين والاوبشن اللي فيها
وشاكر ليكو كلكو

ان شاء الله يا باشا هيكون فيه موضوع عن التو k10 بس من ناحية الموتور و الاستهلاك فالموتور هو موتور سيلاريو و ع حد علمي ان الموتور ده حائز ع لقب اقل استهلاك موتور في العالم و انتظر ان شاء الله تقرير عن العربية :)
و هتلاقي في القسم تغطية لجناح سوزوكي في معرض اوتوماك فورميلا السنة دي فيه صور كل الموديلات :)

[khalid_adel]

ان شاء الله يا باشا هيكون فيه موضوع عن التو k10 بس من ناحية الموتور و الاستهلاك فالموتور هو موتور سيلاريو و ع حد علمي ان الموتور ده حائز ع لقب اقل استهلاك موتور في العالم و انتظر ان شاء الله تقرير عن العربية :)
و هتلاقي في القسم تغطية لجناح سوزوكي في معرض اوتوماك فورميلا السنة دي فيه صور كل الموديلات :)

تسلم ياعمرو باشا
انا تابعت ككلللللللل المواضيع وشفت التغطيه في المعرض ماشاء الله حاجه حلوه اوي
ومنتظر تقرير ال k10 بفارغ الصبر مع معرفه الاوبشن اللي فيها زياده وكده

[Amr Axel]

تسلم ياعمرو باشا
انا تابعت ككلللللللل المواضيع وشفت التغطيه في المعرض ماشاء الله حاجه حلوه اوي
ومنتظر تقرير ال k10 بفارغ الصبر مع معرفه الاوبشن اللي فيها زياده وكده

ان شاء الله يا باشا :)

[tedata]

شكرا على التقرير الرائع لسيارة سوزوكى التو

[rania mohamed]

لو سمحتوا يا حماعه ممكن حد يفهمتي موضوع عدادا الحراره يعني لو الحراره عليت اعمل ايهوانا غالبا بمشي ع التاني او التالت بالكتير عشان داخل المدينه والزحمه فطبيعي بتسخن جداا و لان انا العربيه التو 2013 زيرو عندي من حوالي ست شهور ومعنديش فكره عن اي حاجه في الصيانه

[Amr Axel]

لو سمحتوا يا حماعه ممكن حد يفهمتي موضوع عدادا الحراره يعني لو الحراره عليت اعمل ايهوانا غالبا بمشي ع التاني او التالت بالكتير عشان داخل المدينه والزحمه فطبيعي بتسخن جداا و لان انا العربيه التو 2013 زيرو عندي من حوالي ست شهور ومعنديش فكره عن اي حاجه في الصيانه

العربيات الحديثة بدل العداد بتكون لمبة و بيكون في سينسور للحرارة لو الحرارة عليت اوي تلاقي لمبة الحرارة في التابلوه نورت تنبهك ان الحرارة عالية
بس متقلقيش العربية لسه جديدة و مية الريداتير لسه و ده بيساعد ع تخفيض درجة الحرارة لو افترضنا ان العربية سخنت بالرغم من مية الريداتير هتلاقي المروحة اشتغلت لحد ما تبرد العربية و بعدين تفصل في الحالات المستعصية اوي و المروحة مجبتش نتيجة و ده نادرا ما يحدث الا في حالات نادرة زي مثلا عدم وجود مية في الريداتير او انسداد الدورة و بالتالي مفيش تبريد صح ساعتها الحرارة هتعلي و تلاقي لمبة التحذير الخاصة بالحرارة نورت في التابلوه هنا المفروض تقفي ع جنب
و المفروض كل فترة تبصي ع القربة و تتأكدي ان المية فيه لحد علامة الـ Full و لو ناقصة زوديها بمية مقطرة مش مية نار ( او اسمه العلمي حمض كبريتيك مخفف ) و لا حتي مية من الحنفية عشان الصدأ و التبريد
و للعلم مية الريداتير تتغير كل سنتين او 40 الف ك تقريبيا للحفاظ كفائة التبريد و ع الدورة من الصدأ و تكون الرواسب اللي قد يؤدي لحدوث اخرام في الريداتير

و بخصوص السواقة في الزحمة حاولي متحرقيش ع الغيارات كتييير يعني يفضل الأول للطلعة فقط و التاني اخره 35-40 و التالي اخره 60 ده للمحافظة كمان ع الموتور و الفتيس مستقبلا

بخصوص الصيانات اذ امكن حضرتك تعملي تقرير عن العربية في القسم يعني انطباعك عنها مميزات او عيوب شايفاها فيها و العربية موديل كام و عاملة كام الف ك و الصيانات اللي اتعملت و ان شاء الله هنقولك الخطوة الجاية و هنتابع معاكي اي استفسارات او صيانات للعربية

[dr.hazem]

لرفع الموضوع