Tweet
السلام عليكم
من فترة كنت بفكر أركب سماعات للأبواب الأمامية عندى فى الماروتى و شجعنى التقرير السابق لأستاذ عمرو عن تركيب السماعات فى تابلوه عربيته الألتو و اتصلت بيه و اتفقنا نتقابل و نشترى السماعات ليا و تفضل مشكورا الجمعه قبل الماضيه بالنزول معى و اشتريناها من نفس المحل اللى كان جاب منه "فانتازيا" سماعتين كينود 110 وات ب 85 جنيه و انا كنت فاكك فرش الباب الأمامى يمين و عمرو بردو كان معاه متر علشان نقيس عمق السماعات هينفع و لا لأ. لقينا ان مفيش غير مكان واحد فقط هو اللى هينفع و هو اللى انا ركبت فيه السماعات عندى زى ما هتشوفوا.
و بردو كنت لقيت أستاذ إياد كان كاتب انه ركب السماعات عنده فى بيبان الماروتى فقمت بالتواصل معه و لكنه افادنى انه مركب السماعات فى الابواب الخلفية عنده و ليست الأمامية
توكلت على الله امبارح و قمت بفك فرش البيبان الأمامية للماروتى و كنت عايز اعمل الشغل من غير غلطة علشان كان ممكن افتح فى الفرش من الخارج و يطلع غلط من الداخل و العكس بردو لو عملت صح من الداخل ممكن ميكونش صح من الخارج
اولا: صورة العلبة
و العلبة لو قلبناها هنلاقى الناحية التانيه موجود فيها دليل الكارتونه علشان القطع فى الباب يكون مظبوط كما هو موضح فى الصورة بالسهم
بعد ما فكيت الفرش جبت انبوبة معجون أسنان و حطيت على اطراف الفتحة الموجودة فى الباب نقطه و حطيت الفرش فى الباب و طلعته تانى و كانت النتيجة ان اتعلم فى الباب الاطراف الخارجية للفتحة فقمت جايب قلم جاف و وصلت ما بين النقط دى و كانت النتيجة ان بقى مطبوع عندى فى الفرش نسخة مظبوطة للفتحة اللى فى الباب كما هو موضح فى الاسهم فى الصورة التالية
جبت دليل الكارتونه و علمت دائرة بالقلم الجاف على الفرش و كان الهدف بردو ان يكون المكان مناسب على الفرش من برا "لا يتعارض مع مسند اليد" و مناسب على الفرش من جوا "موجود داخل العلامات اللى بالأسهم"
و جبت الأزميل و الشاكوش (كانوا عندى و لكن موجودين عند أى محل بويات ب 20 جنيه) الموضحين بالصورة التالية و مشيت على الخط اللى عملته من دليل الكارتونه لحد ما خلصت و فتحت فى القماش اللى فى الفرش بالمقص
و بعد كدا جبت الأربع قطع المعدن اللى المسامير بتدخل فيها و حطيها على أطراف الفتحة اللى فى الفرش اللى عملتها و ركبت السماعة مكانها و الغطا بتاعها و ربطت بالمسامير و كانت النتيجة كالتالى
و بعد كدا ركبت الفرش فى العربية و كانت النتيجة كالتالى
الحمد لله تمت المهمة بنجاح
و لكن....
مع الأسف السلك اشتريته و لكن مش معايا دلوقتى علشان أكمل الشغل
أنتظروا الجزء الثانى مع توصيل السماعات للكاسيت من تحت الفرش
من فترة كنت بفكر أركب سماعات للأبواب الأمامية عندى فى الماروتى و شجعنى التقرير السابق لأستاذ عمرو عن تركيب السماعات فى تابلوه عربيته الألتو و اتصلت بيه و اتفقنا نتقابل و نشترى السماعات ليا و تفضل مشكورا الجمعه قبل الماضيه بالنزول معى و اشتريناها من نفس المحل اللى كان جاب منه "فانتازيا" سماعتين كينود 110 وات ب 85 جنيه و انا كنت فاكك فرش الباب الأمامى يمين و عمرو بردو كان معاه متر علشان نقيس عمق السماعات هينفع و لا لأ. لقينا ان مفيش غير مكان واحد فقط هو اللى هينفع و هو اللى انا ركبت فيه السماعات عندى زى ما هتشوفوا.
و بردو كنت لقيت أستاذ إياد كان كاتب انه ركب السماعات عنده فى بيبان الماروتى فقمت بالتواصل معه و لكنه افادنى انه مركب السماعات فى الابواب الخلفية عنده و ليست الأمامية
توكلت على الله امبارح و قمت بفك فرش البيبان الأمامية للماروتى و كنت عايز اعمل الشغل من غير غلطة علشان كان ممكن افتح فى الفرش من الخارج و يطلع غلط من الداخل و العكس بردو لو عملت صح من الداخل ممكن ميكونش صح من الخارج
اولا: صورة العلبة
و العلبة لو قلبناها هنلاقى الناحية التانيه موجود فيها دليل الكارتونه علشان القطع فى الباب يكون مظبوط كما هو موضح فى الصورة بالسهم
بعد ما فكيت الفرش جبت انبوبة معجون أسنان و حطيت على اطراف الفتحة الموجودة فى الباب نقطه و حطيت الفرش فى الباب و طلعته تانى و كانت النتيجة ان اتعلم فى الباب الاطراف الخارجية للفتحة فقمت جايب قلم جاف و وصلت ما بين النقط دى و كانت النتيجة ان بقى مطبوع عندى فى الفرش نسخة مظبوطة للفتحة اللى فى الباب كما هو موضح فى الاسهم فى الصورة التالية
جبت دليل الكارتونه و علمت دائرة بالقلم الجاف على الفرش و كان الهدف بردو ان يكون المكان مناسب على الفرش من برا "لا يتعارض مع مسند اليد" و مناسب على الفرش من جوا "موجود داخل العلامات اللى بالأسهم"
و جبت الأزميل و الشاكوش (كانوا عندى و لكن موجودين عند أى محل بويات ب 20 جنيه) الموضحين بالصورة التالية و مشيت على الخط اللى عملته من دليل الكارتونه لحد ما خلصت و فتحت فى القماش اللى فى الفرش بالمقص
و بعد كدا جبت الأربع قطع المعدن اللى المسامير بتدخل فيها و حطيها على أطراف الفتحة اللى فى الفرش اللى عملتها و ركبت السماعة مكانها و الغطا بتاعها و ربطت بالمسامير و كانت النتيجة كالتالى
و بعد كدا ركبت الفرش فى العربية و كانت النتيجة كالتالى
الحمد لله تمت المهمة بنجاح
و لكن....
مع الأسف السلك اشتريته و لكن مش معايا دلوقتى علشان أكمل الشغل
أنتظروا الجزء الثانى مع توصيل السماعات للكاسيت من تحت الفرش
Comment