ريحه فى ماتور الماروتى

[wael nour]

السلام عليكم انا معايا ماروتى جديدة عاملة 4 الاف كيلو بقالى يومين بشم ريحه شياط خفيفه مع صهد الماتور فى منطقة الكبوت لما العربيه بتمشى 15 كيلو فأكثر. لكن فى بداية التسخين مفيش ريحه

[lidosasa]

ممكن تكون المشكلة فى زيت الماتور حضرتك نوع الزيت أيه وحاطه على كام كيلو
حضرتك لازم تكشف على زيت الماتور
يعنى لونه وريحته ولزوجته
لآنك لو ماشى بزيت الزيرو اللى نزلة بيه العربية أعتقد والله أعلم إنه بتغيير مع صيانة الألف كيلو

[akmm]

متابع

[max100x]

اتأكد من حراره العربيه قبل كل شئ
انا اشك في 3 حاجات
1-زيت نزل علي فرن الشكمان و لما العربيه بتسخن الريحه بتبدتي تظهر
2-فيه وصله بين عمة الكربراتير و بين فرن الشكمان .... تقريبا شكلها نيكل بس هي ورق حراري , حاول تتاكد انها سليمة
3-انت بتقرص علي العربية؟؟؟ لان الريحه دي ممكن تكون من اسطوانة الدبرياج

[waelgam2005]

الريسحة دى كانت بتظهر معايا ومع ناس تانيه مستلمة معايا لما اقرص عليها وانا نازل كنت اشم ريحة شياط وراحة لوحدها وناس كتير كانت بتقول ان فيه جيوان فى الماتور ولا مش عارف فين بالظبط بيطبع عشان لسه جديد وبيقعد فترة كدا عشان يطبع معرفش اذا كان الكلام ده صح ولا لاء بس المهم هوا فعلا الريحة راحت معايا عن الاول ومبقتش اشمها لما بقرص على العربية

[bambino]

زى ما الشباب قالوا بالظبط مع التحفظ إن القرص عشان يطلع ريحة شياط لازم يكون قرص ب افتراء..ههههههههه...حاجة من اللى تجيب زيت...بعد الشر يعنى

فيه احتمال محدش خد باله منه و أكيد يسبب الريحة..حضرتك بتنسى شفاط البنزين مشدود؟

[wael nour]

جزاكم الله كل خير على تعاونكم معايا الف الف شكر

[wael nour]

معلش انا حاطت زيت موبيل 5 الاف بقالى 6 شهوروعملت 4500 كيلو اغير دلوقتى ولا استنى 5 او 6 الاف

[mesaharaty]

يعنى غيرت الزيت اللى العربية نازلة بيه فى صيانة الألف ولا لأ ؟؟

[wael nour]

اه غيرنه وحطيت زيت 5 الاف