Tweet
ترخيص الماروتى
خبراء الماروتى
فى حد عنده خلفية عن اجراءات نقل الملكية وتجديد رخصة الماروتى ونقلها من مرور لاخر
وهتتكلف حوالى كام
هى موديل 2008
-
خبراء الماروتى
فى حد عنده خلفية عن اجراءات نقل الملكية وتجديد رخصة الماروتى ونقلها من مرور لاخر
وهتتكلف حوالى كام
هى موديل 2008
-
متابع:B4_048: -
متابع ايضأComment
-
كنت ناقل كلام احد الاخوة زمان ومشيت عليه ونقلت
بس مش فاكر التكلفه كام
نقل ملكيه سيارة
اولا:طبعا بعد ما يتعملك توكيل تروح الشهر العقارى بالتوكيل والبطاقه وتسجل العربيه بأسمك بيع وشرا لنفسك
وتجيب شهاده مخالفات من المرور اللى العربية تبعه ده لو الرخصه ساريه لو مش ساريه هتجيب معاهم شهاده بيانات
ثانيا تاخد العقد المسجل وشهاده المخالفات وتروح على المرور اللى انت هترخص تبعه
وتجيب من هناك نموذج فحص وتجديد ودول 3 ورقات (نموذج تجديد)(نموذج فحص فنى)(نموذج فحص بيئى)
ومعاهم ورقه صغيره اللى هى وصل الطفايه
ثالثا:تدفع بوليصه التأمين الاجبارى من دلوقتى على عربيتك عادى بكل بياناتها الا اللوحه تسيبها فاضيه متكتبش فيها رقم العربيه تسيبه فاضى
رابعا بقى: تاخد الورق ده والعربيه وتطلع على الفحص وتدى الرخصه القديمه وبطاقتك للظابط الموجود فى وحده الفحص وهو هيملى فى شهاده الفحص الفنى شويه بيانات وتاخد منه الورقه تفحص وكله يبقى تمام وتختم ورقك من المهندس على الفحص وعلى وصل الطفايه(متنساش الوصل ده)وبعد ما تخلص الكلام ده تروح تانى للظابط بتاع وحده الفحص يختملك ختم النسر على ورقه الفحص تقوم واخد الورق تانى وتروح داخل المرور
بتشترى دويسه ورق تحط فيه كل الورق بتاعك ده
فيه شباك بصراحه انا مش فاكر اسمه ايه بس بتروحله بيبقى فيه موظف بيديك اذن دفع عشان تروح تدفع الضريبه بأسمك وبيكتبلك فى اذن الدفع ده 100 جنيه رسم لوحات جديده و20 جنيه تأمين لوحات وحوالى 2 جنيه دمغه
خامسا:تروح تدفع الرسوم فى الخزنه وربنا يعينك فى المشوار ده وتاخد الدمغه مع الوصل متنساش
سادسا: ترجع تانى للشباك اللى اداك اذن الدفع وتديله الكلام ده كله هيقولك روح سجل البطاقه (وده نظام جديد مكنتش اعرف عنه اى حاجه وطلع انك بتروح بصوره البطاقه والصوره دى تكون فى ورقه كبيره والبطاقه نفسها)وتقف على الشباك هياخدهم منك الموظف ويحط البطاقه تحت جهاز بار كود عشان ياخد بياناتها وبيكتبلك رقم على الصوره بتاعت البطاقه وتاخد الصوره دى بعد ما تتختم وتديها لنفس الموظف اللى معاه الملف هيحطها فى الملف ويبقى كده مبروك
هتستنى فى شباك تسليم الرخص طبعا هتكون فكيت النمر القديمه وماسكها معاك وتستنى الموظف ينده على اسمك
هينده عليك ويديك ورقتين وصورتين منهم الورقتين دول عباره عن اذن تسليم واذن صرف
التسليم هتلاقى عليه رقمك القديم والصرف هتلاقى عليه رقمك الجديد وبتوقع تحتهم
وتقف تانى فى الطابور عشان تسلم النمره القديمه
بعد ما تسلمهم النمر القديمه هيديك صوره اذن الصرف تاخده وترجع تانى للشباك اللى كنت عنده اللى اداك الاذن وتاخد منه رخصتك الجديده
بعد كده تصور البطاقه والرخصه وتشترى اقرار بيتباع ب50 قرش فى اكشاك التصوير
واخيرا تقف فى الصف وانت معاك الصور دى والرخصه وتستنى دورك وتاخد النمر الجديده
واخر حاجه خالص تاخد اللوح وتخرج بره وحده المرور وتدور على اى شاب لطيف كده ولابس تيشرت كحلى ومكتوب على ضهره بألابيض فنى تركيب لوحات عشان يركبلك اللوح
تحياتيdon't judge a car unless you have driven it
hm414 سابقاComment
-
كل دة
انت كدة بتخلينى افكر ابيع العربية احسن
ههههههههههه
بس الف شكر على المعلومات الجميلة والمتعبة ديةComment
-
للاسف عملتهم كلهم وخدو مني 3 ايام!!! بدون مشاريب ولله الحمدالمشاركة الأصلية كتبت بواسطة mego802 مشاهدة المشاركة
تحياتيdon't judge a car unless you have driven it
hm414 سابقاComment
-
المشكلة مش فى المشاريب المشكلة فى المرمتة اللى بيعملوها معاناالمشاركة الأصلية كتبت بواسطة dr.hazem مشاهدة المشاركةComment
-
هيا فلوس الضريبة غير الترخيص ؟
ولو انا هرخص سنة واحدة بس بتبقى كام ؟؟[CENTER][SIZE=6][B]. . . 3aysH w msh 3aysh . . . [/B][/SIZE]
[/CENTER]Comment
-
الاخ rafe3_dent لو العربيه بأسمك وهترخص في نفس المرور وبدون فحص
هتشتري ورق تجديد رخصه حوالي 15 جنيه وهتدفع تأمين أجباري تقريبا 95 جنيه وهتدفع ضريبه سنه 145 جنيه ده علشان تجدد الرخصه سنه واحده فقط في نفس المورو السياره بأسمك وبدون فحص لن تحتاج لوجود السياره معك فقط الرخصه والبطاقه والموضوع كله حوالي ساعه بالكتيرComment
Comment