نصيحه محدش يحط مله لمون ولا خل فى الريداتير

[AMRSPEED]

انا حطيت معلقتين ملح لمون فى الريداتير زى ما كنت قريت فى المنتدى قبل كده الدنيا كلها باظت
فجأه للقيت درجه الحراره قبل الأخر بشرطه وبخار جامد جدا طالع من الكبوت وبعدها على طول سمعت صوت زى ما يكون حاجه فرقعت ولقيت الماسوره اللى بين الريداتير والمكنه اتخرمت
الدنيا كلها باظت بعد ما كان معنديش اى حاجه
دى نصيحتى عن تجربه

[AhMeD MeTwAlY]

قدر الله وما شاء فعل بس سعتك مش عارف ان دي كلها املاح وسبب من اسباب السخونه الاملاح

[exact]

أضم صوتي لصوتك... أنا ضفت خل للميه... وتوقعت ان الغليان هيحصل لأن درجه غليان الخل اقل من 85... فما طولتش فالتسخين... لأن ده هيسبب ان مفيش تبريد كافي... عاوز خل يبقى عالبارد وبدون ادراة للمحرك وتغسل كذا مرة

اللي حصل عندي نفس اللي حصل عندك... ثقوب في الماسورة السفليه اللي طالعه من الموتور... وطيران طبيتين ميه من وش السلندر دخلت زيت عالميه وخلتني لفيت حوالين نفسي وكنت هاغير جوان بسببهم بس ربنا نجدني من الميكانيكي الفتاي

[Amr Axel]

لا حول و لا قوة الا بالله
الحمد لله انك بخير
فعلا دايما بنصح الناس تبعد عن قصة الخل و اللمون لأن الخل مع الوقت هياكل الخراطيم اه هينضف لكن الخراطيم هتودع و اللمون تجربه حضرتك بالرغم ان ناس بتحط خل و لمون و مفيش حاجة بتحصل لكن هو نصيب لكن الصح نخلينا في السليم لذلك فيه سوائل خاصة لعمل فلاش لدورة التبريد

[max100x]

طبيعي جدا يحصل كده لو سبت الخل معشش في العربية او انك تضيف كميه كبيره
هوا يدوب تضيف الخل و تشغل الموتور 5 دقايق و بعدين تنزل الميه كلها اللي في العربيه وبعدين تضيف ميه مقطرة
و بعدين واضح ان فيه كميه صدا جامده في دورة الميه عندك و كان لازم يحصل كده

انا من غير اضافه خل او غيره .... غيرت الطبتين اللي في وش السلندر بسبب عدم استخدامي مياه مخصصه للتبريد

[MohammedAladel]

الشئ لزوم الشئ

[AMRSPEED]

والله ياباشا انا لسه عمنضف الريداتير امبارح اصلا وكان زى الفل بس الراجل قالى هحطلك مياه عديه لحد بكره نتأكد ان شغلنا سليم وكنت رايح بكره احط المياه الخضرا وكله كان تمام وغيرت غطا الريداتير بس جت فى بالى فكره ملح الليمون نزلت عملتها ويادوبك مكملتش 3 دقايق وكل ده حصل
عموما انا بس حبيت انقل التجربه وياريت محدش يكررها

[S O P H O S]

جزاك الله خيرا
علي التنبيه ..

[MEGO802]

هو ايو طبتين المية اللى بتقولوا علية دة
قصدكوا جوان وش السلندر اللى هو تقريبا 20 جنية

[dr.hazem]

هو ايو طبتين المية اللى بتقولوا علية دة
قصدكوا جوان وش السلندر اللى هو تقريبا 20 جنية

الطبب دي بتبقى في الماتور في كذا مكان ملهاش علاقة بالجوان....
تحياتي

Sent from my SE Arc S using Forum Runner

[exact]

الكلام مش عالفلوس... الكلام عالبهدلة عشان تفك الطبب دي لازم تحل كل اللي راكب في وش السلندر وبتاخد شغل جامد وطبعا انت وحظك

[AMRSPEED]

انا انهارده اتفرجت على بتاع الريداتير وهو بينضفه لقيته حط نقتتين بريل كده
فا احنا ممكن نعمل حاجه ممكن واحنا بنعمل دوره الغسيل نحط الخل بحيث مش هيبقى فى مجال ان يحصل حاجه وكده كده هيتحط من الأربه ويخرج من النحيه التانيه على طول

[dr.hazem]

عن نفسي كنت بنظف دورة عربية بتستوعب 11لتر ميه
حطيت 5قزازيز خل سعه نص لتر وملعقتين ملح لمون وكملت ميه....
واخذت العربية ربع ساعة على 120 وركنت سبتها تبرد ونزلت الميه المعفنه اللي كانت فيها وكان صاحبها بيحط مية حنفي فلكم ان تتخيلو كمية الوساخه والصدا اللي نزلو....
وانا مقتنع بالتنظيف بيهم لو الحاله صعبه ومتوقع ان في سدد ومش عايز تروح لبتاع راديتير....
تحياتي

Sent from my SE Arc S using Forum Runner