البوجيهات دى إيه ظروفها

[mesaharaty]

الحكاية وما فيها إنى من يجى سنة ونص كده اشتريت 3 بوجيهات من سوزوكى سنتر وبعدين ماقتنعتش بيهم فرحت اشتريت تلاتة تانيين من عند المحل اللى بيقولوا عليه توكيل ده اللى فى السيدة زينب وكانو أغلى بكتير من الاولانيين .
المهم أنا مش فاكر دلوقتى أنهى تلاتة اللى اشتريتهم من عند سوزوكى وأنهى التانيين لأن الموضوع عدى عليه وقت طويل ؟
وعاوز أعرف هل كده (بعد مرور سنة ونص تقريبا على الشراء والركنة) ممكن البوجيهات دى تكون باظت أو كفائتها قلت ؟
ثانيا : تفتكروا أنهى بوجيه أنسب للعربية (انظر الصورة) ؟
لاحظوا إن فيهم واحد السن المعدنى بتاعه لامع والتانى مطفى شوية (غامق) فهل دى تفرق فى حاجة (كان فيه كهربائى شافهم وقاللى إن اللى سنه لامع ده السن بيتفصل من البوجيه عند تغيير البوجيه وإخراجه) فمش عارف هل دى فتاوى ولا بجد .
المهم دلوقتى بقى أفيدونى هل أشغل البوجيهات دى ولا لأ ؟ وأيهما أصلح ؟
رقم البوجيه وموديله باين فى الصور .

مع جزيل الشكر للجميع

آدى صورة لعلب البوجيهات


وآدى صور للبوجيهات نفسها (لاحظوا الفرق فى السن)

[mesaharaty]

وآدى صور للبوجيهات نفسها (لاحظوا الفرق فى السن)

[akmm]

حفظ البوجيهات لفتره طويله قبل الإستخدام اكيد يؤثر على الكفاءه فى الإشتعال ... ليه ؟ لان البوجيهات عدوها اللدود هى الرطوبه وابلجو مليان منها ويؤثر عليها حتى ولو هى فى العلب الكرتون بتاعتها ... ولكن ممكن المحافظه عليها للتخزين بوضها داخل كيس من الصوف ووضع كيس الصوف داخل كيس من النايلون وده لمحاوله عزلها تماما عن التأثر بالرطوبه ... عموما ركبها وشوف الحال ايه ممكن ان شاء الله تشتغل طبيعى وحاةل بعد كده عدم ركن بوجيهات جديده دون استخدام لفتره طويله .... وبالنسبه للإختلاف بينهم حقبقى لااعرف وننتظر راى الإخوه فى المنتدى ونشوف .. ولمدكن بوجيهات ngk من الماركات المحترمه جدا بالسوق ...

[Amr Axel]

عامة طالما اتركنت فترة طويلة و طريقة الحفظ مش صحيحة مرجحش تركبها لأنها ممكن تكون خدت رطوبة و طقم البوجيهات رخيص يعني مش قصة و الأفضل تركيب طقم ع بعضه زي بعض متشكلش يعني
بس حاول لو تفتكر انهي من سوزوكي سنتر و انهي من توكيل ان جي كي
و يا ريت لو صورة للبوجيهين من مكان الاشتعال و صورة للكتابة المحفورة عليهم

بس ايه مشكلة البوجهيات الحالية او ايه النوع اللي راكب و بقاله كام كيلو ؟؟

[mesaharaty]

عامة طالما اتركنت فترة طويلة و طريقة الحفظ مش صحيحة مرجحش تركبها لأنها ممكن تكون خدت رطوبة و طقم البوجيهات رخيص يعني مش قصة و الأفضل تركيب طقم ع بعضه زي بعض متشكلش يعني
بس حاول لو تفتكر انهي من سوزوكي سنتر و انهي من توكيل ان جي كي
و يا ريت لو صورة للبوجيهين من مكان الاشتعال و صورة للكتابة المحفورة عليهم

بس ايه مشكلة البوجهيات الحالية او ايه النوع اللي راكب و بقاله كام كيلو ؟؟

والله ما فاكر أنهى طقم بتاع سوزوكى وأنهى توكيل
وبالنسبة للصورة إن شاء الله تلاقيها بكره
وبالنسبة للبوجيهات الحالية فلا مشكلة ولا أعرف نوعهم إيه كمان لأنى شارى العربية بيهم ولم أغيرهم (غيرت الأبلتين والكوندنسر أصلى) وبقالهم حوالى 5000 كم

لكن يا باشا إنت ماعرفتنيش أى موديل من اللى فى الصور هو الأقرب لبتاع الماروتى وكمان ما قولتش رأيك فى حتة إن السن لامع ولا مطفى دى ؟ أهى برضه معلومة للمستقبل . وكده أنا مقتنع بكلامكم عن إن البوجيهات ممكن تكون رطبت من الركنة ولا مانع من شراء بوجيهات جديدة عند الحاجة .

مع الشكر

[dr.hazem]

الاتنين يركبو ولكن الbpr6es ده بتاع عربيات انجكشن وجربته والحقيقة اداؤه كان سذ مقارنة بال bp6ey
بالنسبة للركنه فهي ليها تأثير سلبي ع البوجيهات لأنها بترطب وعموما التجربة خير برهان....
الفروق اللي انت شايفها بين البوجيهات زي موضحتلك ده الفرق بين الانجكشن و الكربراتير والاتنين يركبو عندنا لان سنهم له نفس الطول والاتنين لهم نفس معامل الحراره لكن شعله المخصصة للانجكشن اضعف من بتاعة الكربراتير....
تحياتي

Sent from my SE Arc S using Forum Runner

[dr.hazem]

حفظ البوجيهات لفتره طويله قبل الإستخدام اكيد يؤثر على الكفاءه فى الإشتعال ... ليه ؟ لان البوجيهات عدوها اللدود هى الرطوبه وابلجو مليان منها ويؤثر عليها حتى ولو هى فى العلب الكرتون بتاعتها ... ولكن ممكن المحافظه عليها للتخزين بوضها داخل كيس من الصوف ووضع كيس الصوف داخل كيس من النايلون وده لمحاوله عزلها تماما عن التأثر بالرطوبه ... عموما ركبها وشوف الحال ايه ممكن ان شاء الله تشتغل طبيعى وحاةل بعد كده عدم ركن بوجيهات جديده دون استخدام لفتره طويله .... وبالنسبه للإختلاف بينهم حقبقى لااعرف وننتظر راى الإخوه فى المنتدى ونشوف .. ولمدكن بوجيهات ngk من الماركات المحترمه جدا بالسوق ...

مصطلح الترطيب بالنسبة للبوجيه لا يقصد بيه رطوبة الماء... لان ببساطة لو فرضا انها رطوبة ميه فالاحتراق داخل المحرك كفيل بانه يبخر اي ذرة ميه لان ببساطة الحرارة داخل المحرك تتعدى ال 300مئوية.....
المقصود ما يعرف بان المعدن بتاعه بررد(بتشديد الراء) وفي الحاله دي توصيل الكهرباء في المعدن ده بيبقى ضعيف جدا.....
تحياتي

Sent from my SE Arc S using Forum Runner

[dr.hazem]

بالنسبة لكلام الكهربائي فهو فتاي اصيل وبيخاف يقول معرفش....
مفيش ولا نوع بوجيه بينفصل سنه بالفك والكلام الفاضي ده....
بالمناسبة...
الbpr6es هما الغاليين وتمن ال3ممكن يبقى بحوالي 70جنيه وده طبعا لانهم مخصصين للانجكشن وبيركبو في الفيرنا كمثال....
وبالمناسبة برضو...
مصطلح سن البوجيه عكس الصور تماماً...
سن البوجيه هو الجزء اللي بيصدر الشعلة مش الجزء اللي بيركب فيه السلك....
تحياتي

Sent from my SE Arc S using Forum Runner

[dr.hazem]

مصطلح الترطيب بالنسبة للبوجيه لا يقصد بيه رطوبة الماء... لان ببساطة لو فرضا انها رطوبة ميه فالاحتراق داخل المحرك كفيل بانه يبخر اي ذرة ميه لان ببساطة الحرارة داخل المحرك تتعدى ال 300مئوية.....
المقصود ما يعرف بان المعدن بتاعه بررد(بتشديد الراء) وفي الحاله دي توصيل الكهرباء في المعدن ده بيبقى ضعيف جدا.....
تحياتي

Sent from my SE Arc S using Forum Runner

نسيت احكيلك اني ياما نضفت البوجيهات بميه وصابون وبيشتغلو ويعدوا 10آلاف كيلو كمان:-)


تحياتي

Sent from my SE Arc S using Forum Runner

[Amr Axel]

والله ما فاكر أنهى طقم بتاع سوزوكى وأنهى توكيل
وبالنسبة للصورة إن شاء الله تلاقيها بكره
وبالنسبة للبوجيهات الحالية فلا مشكلة ولا أعرف نوعهم إيه كمان لأنى شارى العربية بيهم ولم أغيرهم (غيرت الأبلتين والكوندنسر أصلى) وبقالهم حوالى 5000 كم

لكن يا باشا إنت ماعرفتنيش أى موديل من اللى فى الصور هو الأقرب لبتاع الماروتى وكمان ما قولتش رأيك فى حتة إن السن لامع ولا مطفى دى ؟ أهى برضه معلومة للمستقبل . وكده أنا مقتنع بكلامكم عن إن البوجيهات ممكن تكون رطبت من الركنة ولا مانع من شراء بوجيهات جديدة عند الحاجة .

مع الشكر

زي ما ابو حازم قالك اما حكاية سن لامع و سن مطفي و يتفصل و الهجس ده بتاع صنايعية لأنه مش فاهم حاجة لو سالته اي الفرق بين البوجيهين هتلاقيه مسكهم بص فيهم اوي و يقولك واحد مضروب و واحد أصلي ههههههههه
و أحب اضيف نقطة ان فيه حاجة اسمها خلوص لازم تتظبط قبل التركيب مش اي حاجة تتركب و خلاص لأن لو الخلوص زيادة او اقل او بوجيه خلوصه اكتر من بوجيه الدنيا مش هتظبط معاك في بنزين سواء حرق زيادة او ميتحرقش كويس و تشم ريحة بنزين نئ
و الخلوص بيتم ضبطه بفيلر

[alking_2006]

على فكرة عندى معلومة بالنسبة لترطيب البوجيهات
كنت قريت على نايل موتورز من فترة واحد كان بيحكى
انه لما بيجى يركب البوجيهات حتى لو هيركب بوجيهات جديدة و مش متخزنة عنده ممكن تبقى متخزنة عند التاجر و اكيد التاجر بيكبر دماغه فى موضوع شروط التخزين

بيحرقها على عين البوتاجاز علشان اى رطوبة تخرج منها من اولها و من قبل ما يركبها و قال فعلا ان البوجيه بيعمر معاه وقت اطول لما بيعمل كدا

[dr.hazem]

على فكرة عندى معلومة بالنسبة لترطيب البوجيهات
كنت قريت على نايل موتورز من فترة واحد كان بيحكى
انه لما بيجى يركب البوجيهات حتى لو هيركب بوجيهات جديدة و مش متخزنة عنده ممكن تبقى متخزنة عند التاجر و اكيد التاجر بيكبر دماغه فى موضوع شروط التخزين

بيحرقها على عين البوتاجاز علشان اى رطوبة تخرج منها من اولها و من قبل ما يركبها و قال فعلا ان البوجيه بيعمر معاه وقت اطول لما بيعمل كدا

انا وضحت ان الموضوع مش موضوع رطوبة مائية....
ملوش معنى الكلام ده...
البوجيه اللي يبررد ملوش حل غير رمي الزباله....

ووضحتلك اني بغسلعم بميه وصابون وعادي..
تحياتي

Sent from my SE Arc S using Forum Runner

[exact]

الخلاصه
مع احترامي الفائق لكلام الزملاء المجتهدين ولكل مجتهد نصيب... مفيش حاجة اسمها البوجيهات ترطب... والرطوبة ليست عدو البوجيهات...
للتصحيح فقط عدو البوجيهات اللدود بمعنى الكلمة هو ترسب الزيت على اقطابه يليه بعد ذلك ترسب الكربون من نواتج الاحتراق... بخصوص الرطوبة العازل من الخزف والسيراميك ولا يتأثر بالرطوبة وده لأن اساسا ناتج الاحتراق ماء واكاسيد كربون ونتروجين وخلافه... وحرارة البوجيه اثناء عمله تتجاوز الــ 700 درجة.... وبالتالي ليس منطقيا اطلاقا انه يتأثر بالميه...وانا شخصيا بعد اما باصنفره باديها ميه وصابون بسلك المواعين وبيقعدوا معايا بتاع 30000 كيلو وبعد كده بيركبوا في فيسبا

بخصوص اللي في الصور.... حسب كلام ان جي كي... الاتنين زي بعض تمام في القطر (b) وان الاتنين العازل اللي حوالين السن الاوسط بارز (p) ورمزهم الحراري (6) اللي بيشير لأن البوجيه ليس ساخن ولا بارد.. وحرف ال (e) يشير لكون طول القلاووظ 19 ملليمتر

طيب لحد هنا وحلو... الاختلاف عندنا في حاجتين... ان واحد فيهم رمزة
bpr6es حرف الار ده بيرمز لكون البوجيه يحتوي بداخله على مقاومة كهربية متوسط قيمتها من 10 الى 22 كيلو اوم مدفونة جوه البوجيه ومتوصله على سنه الوسطاني وحرف الـ (s) ده انه شكل السن الاوسط ستاندرد هتلاقيه ممسوح ومستوي والحته اللي طالعه فوق العازل الخزف من السن الاوسط طولها 2.5 ملليمتر

طب ليه المقاومة... المقاومة دي عشان تمنع الشوشرة على الالكترونيات الدقيقة زي وحدات الكونترول بتاع العربية او لو العربيه فيها جي ام مضروب مثلا وبالتالي هي الاكصر استخداما في السيارات ذات الحقن الالكتروني اما السيارات العادية فلا ضرر من استخدامها ولكن النوع الثاني انسب

البوجيه التاني... Bp6ey نفس الكلام ولكه بدون مقاومة والتوصيل بداخلة ببار من النحاس فقط (لا يوجد حرف ار) بينما حرف y ده بيرمز لأن البوجيه سنه الوسطاني طوله 2.5 ملليمتر ولكنه ليس ممسوح وهتلاقيه منقور من وسطه بخط رفيع كده ده وظيفته انه بيزود مساحة سطح القطب الاوسط وبالتالي شرارته اعرض ويديك احتراق افضل وسعره ارخص عشان مفيهوش المقاومة ويعتبر انسب

من باب العلم بالشئ سوزوكي لا تنصح اطلاقا باستخدام اسلاك بوجيهات نحاس ولكن تنصح باللي بيسموه عندنا حراري او كربون

[dr.hazem]

الخلاصه
مع احترامي الفائق لكلام الزملاء المجتهدين ولكل مجتهد نصيب... مفيش حاجة اسمها البوجيهات ترطب... والرطوبة ليست عدو البوجيهات...
للتصحيح فقط عدو البوجيهات اللدود بمعنى الكلمة هو ترسب الزيت على اقطابه يليه بعد ذلك ترسب الكربون من نواتج الاحتراق... بخصوص الرطوبة العازل من الخزف والسيراميك ولا يتأثر بالرطوبة وده لأن اساسا ناتج الاحتراق ماء واكاسيد كربون ونتروجين وخلافه... وحرارة البوجيه اثناء عمله تتجاوز الــ 700 درجة.... وبالتالي ليس منطقيا اطلاقا انه يتأثر بالميه...وانا شخصيا بعد اما باصنفره باديها ميه وصابون بسلك المواعين وبيقعدوا معايا بتاع 30000 كيلو وبعد كده بيركبوا في فيسبا

بخصوص اللي في الصور.... حسب كلام ان جي كي... الاتنين زي بعض تمام في القطر (b) وان الاتنين العازل اللي حوالين السن الاوسط بارز (p) ورمزهم الحراري (6) اللي بيشير لأن البوجيه ليس ساخن ولا بارد.. وحرف ال (e) يشير لكون طول القلاووظ 19 ملليمتر

طيب لحد هنا وحلو... الاختلاف عندنا في حاجتين... ان واحد فيهم رمزة
bpr6es حرف الار ده بيرمز لكون البوجيه يحتوي بداخله على مقاومة كهربية متوسط قيمتها من 10 الى 22 كيلو اوم مدفونة جوه البوجيه ومتوصله على سنه الوسطاني وحرف الـ (s) ده انه شكل السن الاوسط ستاندرد هتلاقيه ممسوح ومستوي والحته اللي طالعه فوق العازل الخزف من السن الاوسط طولها 2.5 ملليمتر

طب ليه المقاومة... المقاومة دي عشان تمنع الشوشرة على الالكترونيات الدقيقة زي وحدات الكونترول بتاع العربية او لو العربيه فيها جي ام مضروب مثلا وبالتالي هي الاكصر استخداما في السيارات ذات الحقن الالكتروني اما السيارات العادية فلا ضرر من استخدامها ولكن النوع الثاني انسب

البوجيه التاني... Bp6ey نفس الكلام ولكه بدون مقاومة والتوصيل بداخلة ببار من النحاس فقط (لا يوجد حرف ار) بينما حرف y ده بيرمز لأن البوجيه سنه الوسطاني طوله 2.5 ملليمتر ولكنه ليس ممسوح وهتلاقيه منقور من وسطه بخط رفيع كده ده وظيفته انه بيزود مساحة سطح القطب الاوسط وبالتالي شرارته اعرض ويديك احتراق افضل وسعره ارخص عشان مفيهوش المقاومة ويعتبر انسب

من باب العلم بالشئ سوزوكي لا تنصح اطلاقا باستخدام اسلاك بوجيهات نحاس ولكن تنصح باللي بيسموه عندنا حراري او كربون

كلام جميل جدا...
بس في حقيقة لا يمكن إنكارها بخصوص توصيل الكهرباء في البوجيهات ومدى تأثر معدن النحاس بعوامل زي الاكسده...
كمثال يقاس عليه وبنفس المبدا...
عندي مكنة لحام كهرباء....
كنت عايز ألحم باب البيت الحديد
توجهت لاقرب محل تجهيزات عامة واشتريت عدد من اسياخ اللحام..
لما جيت اشتغل بيهم ومن المعروف ان لحام الكهرباء بيحتاج ان يتعمل ماس داخلي يولد حرارة تخلي الماده اللي بتلحم تنصهر...
واجرب.. مش راضي يشتغل لدرجة اني مسكت السيخ ولمسته للقطب التاني دون أدنى تأثير...
قلت اووببا المكنه باظت..
سألت حداد قالي غالبا الييخ متخزن وحش ومعدنه بايظ ومش بيوصل كهرباء...
رجعت صنفرت السيخ وجربت ادا شراره لجزء من الثانية فعرفت ان العيب في الاسياخ فعلا...
ولفيت كعب داير كل ما اجيب اسياخ نفس العملية...
توجهت في الاخير لأكبر محل واشهرهم... بقوله عايز اسياخ قالي ما ببيع فرط لازم كرتونه...
بقوله بس دنا محتاج واحد اتنين بالكتير
قالي الكرتونه لما بتتفتح بتخرب...
واخدت منه مظطرا وكلفتني كتير جدا
وفعلا اول ما شبكته بعد ما كنت فقدت الامل ان ألحم الباب...
اول ما بيلمس الباب فورا بيلحم....
فالفكره ان المعادن توصيلها بيضعف فعلا...
مشموضوع رطوبة زي ما حكيت مسبقا... هو كلمة انه مرطب ميتقصدش بيها الميه وانما كنايه عن ان المعدن اصبح ردئ لاي سبب كان....
تحياتي....

Sent from my SE Arc S using Forum Runner

[mesaharaty]

متابع ومستفيد جدا