إعـــــــلان

Collapse

.

,
See more
See less

تحسين عزل سوزوكي الـتـو و تركيب فرش ارضية جلد (حصريا ع نايل موتورز)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • تحسين عزل سوزوكي الـتـو و تركيب فرش ارضية جلد (حصريا ع نايل موتورز)

    بسم الله الرحمن الرحيم
    السلام عليكم و رحمة الله و بركاته

    بسم الله الرحمن الرحيم
    السلام عليكم و رحمة الله و بركاته


    ناس كتيير كانوا في انتظار موضوع تحسين عزل السيارة بعد متابعة الموضوع التالي

    http://www.nilemotors.net/Nile/320377-a.html


    ( ده كان موضوع مهبب ... انت اتنيلت شرفت بدأنا الهم )


    و ادي ضميري ضلم الموضوع عشان الناس اللي كانوا بيسألوا عليه اهو جالكم

    المهم خلونا في موضوعنا اخيرا تم بحمد الله شراء المواد و تغيير ارضية السيارة بفرش جلد بدلا من الموكيت بالاضافة لزيادة عزل الصوت و يعتبر حرارة في نفس الوقت

    اولا قمت بالنزول للمناصرة و شراء الخامات و هي

    جلد الارضية سعره المتر 25 ج عرض 148 سم تم شراء 2 متر ( مع العلم اني جبت خامة طرية جداا عشان متقرفنيش في التقطيع و في فرشها في الأرضية )
    لباد شعر سماكة 5 ملم سعره المتر 15 ج عرض 2 متر تم شراء 2 متر
    كيلو و نص غراء سعره 9 ف 3 = 27 ج و يا ريتهم كفوا هههههههه ( هقول ايه فاشل كيلو و نص مش مكفينك .... يا عم هي لحمة مكنت تورينا شطارتك و انت قاعد تلف حوالين نفسك عشان تلزقها )




    بالاضافة للادوات المستخدمة للفك و التركيب و التقطيع
    و هي بيبة و مفتاح مقاس 15 و تفرق من عربية لاخري
    مفك
    مقص - كاتر
    و اهم الادوات التي شيرت النص كوم في عز الشتا و البنطلون الجينز ذات مقاس مليون لارج للتحرك بحرية كاني بصطاد من فوق المركب و الشبشب المرعب قاهر الرمال الطريف ان اليوم ده كان الاسبوع اللي فات لما قلبت امطار و برق و رعد و رياح و كانت الكراسي و الكنبة في الشارع و شربوا احلي شرب لما اتسطلوا هههههههه
    (ادينا اتروقنا في عز السقعة و المطرة ... اتكلم عن نفسك ده احلي شغل و انت غرقان D: )


    بداية الموضوع اني طول الوقت حاسس ان الموتور في الصالون جوة و اي نقرة او فتحة في الارض بحس انها بترزع العربية كلها و طبعا مفيش عزل و الموكيت راكب ع الصاج و يا ريتهم مكملينه للتابلوه و للأسف ظلمتهم طلع ان التابلوه من ورا نازل لحد تحت ده غير ان مفيش عزل تحت الكبوت
    ده غير قرف الموكيت في التنضيف و اتقطع طبعا محدش يبص للقرف اللي انا عامله في العربية ههههههههههه لأني من ساعة ما جبت الخامات و هبدأ شغل شيلت الدواسات و خليت العربية ع موكيتها و بدأت انتقم و اطلع غلي فيه و افرفته برجلي عيند لدرجة اني كنت بتعمد اخد الرمل برجلي جوة ههههههههه و ادي عينة من اللي عملته في العربية ( ده انت مرمتها مبقتش تسوي نكلة ... و انا هخليك متسواش سحتوت مصدي )




    اولا هنفك الكراسي و الكنبة بس لازم نفك الكونسول اللي في الوسط لأن المسماير تحته و بعدين نشيل بعض الفيبر فوق المسامير زي ما واضح في الصور و طبعا انا كنت في حالة يرثي لها لأني بفتكر اللي قاعد ورا عاملي ايه في فيبر العربية





















    اول ما شوفت المنظر قولت ما شاء الله العربية حلوة كده ما كانوا شالوا الكراسي و خلوا كرسي السواق مكان الكنبة هههههههههه( ع اساس انك هتطول يا اوزعة ... يعني انت اللي ابو طويلة يا قزم )




    هنفك الكونسول اللي في الوسط بالكاب هولدر و بعدين الفيبر ع الابواب
    ثم نشيل الموكيت و طبعا الصدمة ع البلاوي اللي تحت الموكيت هههههههههه
    و بدأت رحلة تنضيف العشة ديه هههههههههه ( ده عشة الفراخ انضف منها ... و انت مالك عربيتي و انا حر و لو مش عاجبك روح نضفها )

    اخدت الموكيت القديم و طلعت فردته ع اللباد و الفرش الجلد عشان اقطع مكان المسامير و الفتيس و خلافه و طبعا زودت الطول عشان يوصل لورا التابلوه بدل الذل اللي كانوا بيذلوه ليا بالموكيت القصير و انا نفسي مكملتش اكتر من اللي هم عاملينه طلعت ظالمهم و الاجزاء واصلة لحد تحت ههههههههههههههه
    و نزلت فردت اللباد عشان اشوف المقاسات و ديه النتيجة



    طالما طلعت مظبوط اخدت اللباد ع الجلد و ظبط مقاساته
    ثم نزلت فرشت اللباد و لزقت من الاطراف ناحية الابواب و تحت الكونسول و الزوايا
    و استنيت لحد ما لزق لأن جايب غرا خفيف جداااا يكاد يكون زي الزيت بدل التقيل عشان مينشفش بسرعة و يمسك عشان اي تظبيط و ديه النتيجة النهائية للباد ما شاء الله تحس ان فيه أمل في العربية ديه



    و بعدين جبت الجلد و فردته و فعلا الخامة الطرية ساعدتني في التقطيع و لزق من نفس الاماكن لكن زودت الغرا شوية خاصة تحت الدواسات و بصراحة اتقرفت جداااااا بسبب ان العربية مليانة مطبات و اسلاك و حاجات غريبة اللباد كان اسهل من الجلد تخيلوا !!!



    و الشكل ما شاء الله بقي كده قبل التقفيل و الشد النهائي



    و بدا التقفيل النهائية لتركيب الفيبر و الكراسي و الكنبة ثم باقي الفيبر و ديه النتيجة ورا و قدام





    تفتكروا خلصنا كده ؟؟؟ اكيد لأ نسيتوا عزل الكبوت لزيادة كتم الصوت ده غير ان البطارية بهدلت الجزء اللي فوقيها في الكبوت و لازم اعزل بدل ما الاقي الكبوت فتافيت فتافيت ( فتافيت السكر هانم ... بس ياض )
    ده الكبوت قبل ما اشتغل فيه محدش يركز مع شخبطة القلم الرصاص اللي ع الكبوت أصل ساعتها أغنية شخبط شخابيط كانت شغالة و اندمجت معاها ههههههههههه ( شخبط شخابيط .... بس يا عم الفنان )



    مش هوجع دماغكم باخد المقاسات لأني اتشقلبت و تم اخذ القياس بوضع ورقة ع كل مكان و تحديده بالقلم و بعدين التقطيع
    و قبل بدأ لزق القطع جبت بواقي اللباد اللي اتقطع و حشيت الفراغات اللي تحت العضم و بعدين بدأت لزق كل قطعة علي حدي زي ما انتم شايفين النتيجة و طبعا زي ما شايفين البطارية عملت ايه في الكبوت من تحت





    و ديه صورة بالنهار لأني ساعتها كنت شغال بليل ع نور كشاف الموبيل و في عز المطرة ههههههه غاوي اقرف نفسي ( فقري طول عمرك ... مهو طول ما انت قاعدلي هتفضل كل حاجة منحوسة )



    كنت لسه هعمل طبقة تانية بس تكون حتة واحدة بس لسه ملقتش الكلبسات المناسبة

    طبعا الناس هتسأل ..... طب مفيش مشاكل من وجود اللباد ع البطارية ..... معتقدش ان يكون فيه اي خطر لأن ده عبارة عن فتل و قطن و شوية مواد غريبة لكن منستش اهم حاجة اعملها و هي طبقة ثانية زيادة من الشحم ع قواطيش البطارية و الافيس الواحد برده لازم يكون في السليم و من غير حاجة احنا بنحط الشحم

    و الشنطة كانت عزلها جاهز من الأول طبقة حوالي 5 سم مش 5 ملم لباد زي الصوف كده بيكتم طبعا احسن بكتيير و كنت اتمني الاقيه لكن ملقتش منه في اي مكان بالاضافة لطبقة خشب ام دي اف تحتها و فوقيها موكيت ثم جلد

    بالاضافة لكتم صوت الابواب
    http://www.nilemotors.net/Nile/319927-a.html


    و الليلة ديه خدت مني حوالي 6 ساعات متواصل ناهيكم عن اني قربت اشتغل سروجي و ميكانيكي في منطقتي و لا الجماهير المشجعيين في البلكونات

    و بعد تجربة العربية الصوت بسم الله ما شاء الله اتكتم عن الأول و العربية واقفة او و انا سايق بعد ما كنت بحس اني الموتور قاعد ع التابلوه قدامي
    بالاضافة اني مبقتش اسمع صوت النقر او الفتحات في الارض تاني و بقي الصوت مكتووم
    ( فكرتني بالعربيات الفيخمة ... لوللا أفخم من اي عربية يا أهبل )

    طبعا كنت بفكر في عزل للابواب زيادة بجنب العزل الداخلي لكن قولت اشوف العزل لحد التابلوه و الكبوت هيعمل ايه و الحمد لله الصوت اتكتم و مش محتاج اعزل اكتر من كده

    و بكده تم بفضل الله و حمده تغيير فرش السيارة و تحسين عزل الصوت


    لكن المرة ديه بفكر في عزل مختلف شوية معرفش حد جربه قبل كده و لا لأ لكن مش هقولكم دلوقتي عليه هخليه مفاجأة P:

    ( ايه ايه ها ايه قول ها ايه ايه .... اخرررررررررررررررس )

    و انتظروني ان شاء الله في مفاجأت كتيييير خلال اليومين الجايين :)

    بالتوفيق للجميع

    [CENTER][SIGPIC][/SIGPIC]
    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
    [/CENTER]

    AXEL سابقا

  • #2
    موضوع حلو جدا مش قادر امسك نفسى من الضحك ربنا يباركلك فى العربية

    Comment


    • #3
      والله انت برنس نفسي اعمل السيريون زيك كده :)
      سبحان الله وبحمده سبحان الله العظيم

      Comment


      • #4
        يااااااااااااه اخيراً عملته

        الف الف مبروك ياباشا العزل

        على فكرة عزل الابواب بردو هيفرق معاك اكتير وكمان لو عملته على القوايم هتلاقي الدنيا احلى واصوات التزييق اختفت

        على فكرة كل ماانسى الموضوع ده يجي حد يفكرني ويشجعني اني اعمله
        eng f3lix سابقا

        Comment


        • #5
          انتا مشكلة هههههههههههههههههههههه
          بس ما شاء الله عزل ممتاز وشغل على ابوه
          والله نفسى اعمل زيك كده بس الناس عندى ممكن تقعد معايا وممكن اللى يضحك عليك ولا يتريق عليك وانتا طبعآ طول ما انتا شغال فى حاجتك بتبقى مش عايز حد يركز معاك لانى لسه بتجرب وبتتعلم وممكن حاجه تخرب منك :d
          سبحان الله وبحمده سبحان الله العظيم

          [SIGPIC][/SIGPIC]

          Comment


          • #6
            اخييييييييرا..
            ألف مبروك وربنا يديك خيرها ويكفيك شرها...
            طبعا انت عارف ان كان نفسي اكون حاضر عشان تخلص في 3ساعات مش 6 ههههههه
            بس النصيب....
            اشوفك على خير ياغالي...
            تحياتي

            Sent from my SE Arc S using Forum Runner
            don't judge a car unless you have driven it

            hm414 سابقا

            Comment


            • #7
              تحـــــزير هــــــام
              تحزر شركة سوزوكي العالميه من عمل هذا العزل في سيارتكم
              علشان اللي هيعمل العزل ده اللي عمله الاستاذ عمرو
              لو هوا راكب العربيه وقافل الابواب والازاز
              لو حد نده عليه من بره العربيه مش [overline]هيسمعه[/overline]




              هههههههههههههههههههه =======> طبعا ده تحزير كاذب تهريج يعني :)

              الف مبروك يا برنس علي العزل
              وبصراحه موضوع شيق جد
              وفكرة الارضيه الجلد ده حتريحك كتيييييييييييير في التنضيف زمش هتبقي متعبه زي الموكيت

              Comment


              • #8
                المشاركة الأصلية كتبت بواسطة algazar2 مشاهدة المشاركة
                موضوع حلو جدا مش قادر امسك نفسى من الضحك ربنا يباركلك فى العربية

                الله يكرمك يا باشا نورت :)
                [CENTER][SIGPIC][/SIGPIC]
                [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                [/CENTER]

                AXEL سابقا

                Comment


                • #9
                  المشاركة الأصلية كتبت بواسطة bmya مشاهدة المشاركة
                  والله انت برنس نفسي اعمل السيريون زيك كده :)

                  طب يلا شد حيلك و خلينا نشوف تقرير السيريون :)
                  [CENTER][SIGPIC][/SIGPIC]
                  [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                  [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                  [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                  [/CENTER]

                  AXEL سابقا

                  Comment


                  • #10
                    المشاركة الأصلية كتبت بواسطة eng f3lix مشاهدة المشاركة
                    يااااااااااااه اخيراً عملته

                    الف الف مبروك ياباشا العزل

                    على فكرة عزل الابواب بردو هيفرق معاك اكتير وكمان لو عملته على القوايم هتلاقي الدنيا احلى واصوات التزييق اختفت

                    على فكرة كل ماانسى الموضوع ده يجي حد يفكرني ويشجعني اني اعمله
                    الله يبارك فيك
                    شوفت بقي و لما عملته الجو قلب و اديتها مطرة و رياح و عواصف ههههههههه
                    لا مفيش مشاكل خالص في الفيبر دلوقتي بعد العزل انا طول الجلد شوية عشان ينزل تحت الفيبر و اكبسه من ساعتها مفيش اي ترزيع و ما شاء الله اي نقر او اي حفر بقي صوتها مكتوب بدل المراجيح اللي الواحد كان بيسمعها بس شايل بواقي اللباد للقوايم بس افضي و انزل اعمل القوايم كلها
                    اما الابواب فهي جواها عزل بالفعل بس لو ضيفت هيكون اضافة ع الصاج الداخلي و هو فرخ بلاك

                    يلا شد حيلك منتظرين التقرير بس اهم حاجة السيفتي و المضرب يكونوا جاهزين احتياطي ههههههههه
                    [CENTER][SIGPIC][/SIGPIC]
                    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                    [/CENTER]

                    AXEL سابقا

                    Comment


                    • #11
                      المشاركة الأصلية كتبت بواسطة aldesha989 مشاهدة المشاركة
                      انتا مشكلة هههههههههههههههههههههه
                      بس ما شاء الله عزل ممتاز وشغل على ابوه
                      والله نفسى اعمل زيك كده بس الناس عندى ممكن تقعد معايا وممكن اللى يضحك عليك ولا يتريق عليك وانتا طبعآ طول ما انتا شغال فى حاجتك بتبقى مش عايز حد يركز معاك لانى لسه بتجرب وبتتعلم وممكن حاجه تخرب منك :d
                      هههههههههههههه
                      يا باشا ده ناقص الناس تدخل تقعد معايا في الصالون من البلوكنات بس بطنش و اشتغل :)
                      و في انتظار تقرير تقولنا فيه عملت ايه :) اهم حاجة متستعجلش
                      [CENTER][SIGPIC][/SIGPIC]
                      [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                      [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                      [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                      [/CENTER]

                      AXEL سابقا

                      Comment


                      • #12
                        المشاركة الأصلية كتبت بواسطة dr.hazem مشاهدة المشاركة
                        اخييييييييرا..
                        ألف مبروك وربنا يديك خيرها ويكفيك شرها...
                        طبعا انت عارف ان كان نفسي اكون حاضر عشان تخلص في 3ساعات مش 6 ههههههه
                        بس النصيب....
                        اشوفك على خير ياغالي...
                        تحياتي

                        sent from my se arc s using forum runner

                        الله يبارك فيك يا باشا
                        اكيد طبعا بس عراف اللي عملي مشاكل ايه التقطيع علي المقاس و انها قلبت مطرة جامد و الكراسي و الكنبة شربوا مية لمدة 5 سنين قدام ههههههههه
                        لو تسمع كلامي بس و تاخدلك يومين خطف
                        [CENTER][SIGPIC][/SIGPIC]
                        [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                        [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                        [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                        [/CENTER]

                        AXEL سابقا

                        Comment


                        • #13
                          المشاركة الأصلية كتبت بواسطة eiad_naser مشاهدة المشاركة
                          تحـــــزير هــــــام
                          تحزر شركة سوزوكي العالميه من عمل هذا العزل في سيارتكم
                          علشان اللي هيعمل العزل ده اللي عمله الاستاذ عمرو
                          لو هوا راكب العربيه وقافل الابواب والازاز
                          لو حد نده عليه من بره العربيه مش [overline]هيسمعه[/overline]




                          هههههههههههههههههههه =======> طبعا ده تحزير كاذب تهريج يعني :)

                          الف مبروك يا برنس علي العزل
                          وبصراحه موضوع شيق جد
                          وفكرة الارضيه الجلد ده حتريحك كتيييييييييييير في التنضيف زمش هتبقي متعبه زي الموكيت

                          ههههههههههههههههههههههه ديه اخرتها يا باشا تحذير و بالخط العرض يا فضيحتنا يا فضيحتنا ههههههههههه
                          الله يبارك فيك يا أ \ اياد
                          فعلا الجلد مريح و الحمد لله اني عملته ساعة المطرة نزلت تاني يوم بفوطة مبلولة و لا كأن حاجة حصلت
                          [CENTER][SIGPIC][/SIGPIC]
                          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                          [/CENTER]

                          AXEL سابقا

                          Comment


                          • #14
                            ما شاء الله .... شغل جامد جدا

                            ربنا يباركلك فيها

                            أنا نفسي بإذن الله أعمل الموضوع ده ... بس مش هاشيل الموكيت وأحط جلد ... أنا عايز أحط اللباد العازل ده بس وأوصله لغاية التابلوه وأحط الموكيت تاني فوقيه

                            إلا صحيح ما شيلتش الكونسولة اللى تحت الفتيس ليه عشان تحط تحتها بإتقان أكتر ولا مش بتتشال ... أصلي كنت مستني أشوفك أصلا هاتشيلها إزاي بالذات :) عشان حاولت أشيلها قبل كدة ما عرفتش

                            تسلم إيديك على الشغل الجميل ده
                            [CENTER][U][FONT=Courier New]D . a . \ A Y M A N[/FONT][/U][/CENTER]
                            [CENTER][U][FONT=Courier New]A . S . Y[/FONT][/U][/CENTER]

                            N.Y.S.M.A سابقاً

                            Comment


                            • #15
                              يا ابني اطلع على الحرفيين وخلص وسيبك من المحاماة والكلام الفاضي ده هههههههههه... بصراحة تسلم إيدك.. الله ينور (ممكن كمان تعزل تحت الكنبة النتيجة هاتبقى راااااااائعة

                              Comment

                              Working...
                              X