تغطية جناح سوزوكي بمعرض القاهرة الدولي 2013 (حصريا ع نايل موتورز)

[Amr Axel]

بسم الله الرحمن الرحيم
السلام عليكم و رحمة الله و بركاته



يسعدني اني اقدم لكم تغطية لجناح السوزوكي بمعرض القاهرة الدولي 2013
و اللي ضم كثير من الانواع و الموديلات الحديثة
و لكن هنتكلم عن جناح السوزوكي و مفاجأته لنا السنة دي


اولا : جناح سوزوكي

ثانيا : الماروتي Maruti

ثالثا : التو 800 سي سي Alto 800 cc

رابعا : التو سيلاريو Alto Celerio

خامسا : التو كي 10 Alto K10

سادسا : سويفت ديزاير Swift Dzire

سابعا : مفاجأة خاصة جداااااااا لأول مرة



أولا : جـنـاح سـوزوكي


يمكن الجناح الوحيد اللي عامل كده عشان تصدقوا لما قولنا ان السوزوكي بتمشي ع الحيط
بالاضافة انه كان بجانب كبار انواع السيارات مثل فورد و بنتلي و جاجوار يعني مش اي اي و لا زي زي












يتبع ----->>

[Amr Axel]

ثانيا : ماروتي Maruti




حبيبة الملايين و الشهيرة بتوتي












اما المواصفات






السعر : 41,000 ج




يتبع ----->>

[Amr Axel]

ثالثا : التو 800 سي سي Alto 800 cc


هي الالتو اللي كانت نازلة 2008-2009
و وضحنا الفرق بينهم في الموضوع ده

http://www.nilemotors.net/Nile/32448...013-800-a.html


و ما شاء الله عليها كانت واقفة متألقة تجذب انظار الزوار بموديلاتها









السعر : 53,500 ج




يتبع ----->>

[Amr Axel]

رابعا : التو سيلاريو Alto Celerio


سيلاريو هي من احدث اصدارات الالتو و لكن بموتور مختلف و هو 1000 سي سي بجانب تمتعها بوسائل امان اكثر
و بصراحة شايف تقفيلها محترم و احسن من الالتو مش معناه ان الالتو 800 سي سي سئ لكن السيلاريو أفضل في التقفيل













اما عن المواصفات






السعر : 75,000 ج




يتبع ----->>

[Amr Axel]

خامسا : التو كي 10 Alto K10



الآن اقدم لكم احدث اصدارات الالتو اللي وصلتلنا و هي التو كي 10

العربية لها نفس تصميم الالتو 800 سي سي لكن مع اختلاف الفوانيس و الشبكة
اختلاف التابلوه
بس مش 800 سي سي لكن 1000 سي سي و هو موتور سيلاريو

انا شايف ان الموديل ده هو البديل الأفضل للالتو 800 سي سي و تفضيلي لعدة اسباب :
- شكل الالتو المحبب لنفسي مع فوانيس و شبكة تدي شكل هجومي اكثر
- نفس التابلوه 800 سي سي مع وجود طارة السيلاريو و عدادات التو 2013
بجانب اختلاف مقبض الفتيس
- و الاهم موتور السيلاريو 1000 سي سي قدرة اعلي من 800 سي سي و استهلاك وقود اقل و ع حد علمي الموتور حائز ع لقب اقل استهلاك في العالم

من الاخر العربية جمعت بين مميزات التو 800 سي سي 2008 و 2013 و سيلاريو
و ع حد علمي ان العفشة الموجودة مختلفة للأفضل طبعا و ده موجود في المواصفات
















اما المواصفات






السعر : 62,000 ج




يتبع ----->>

[Amr Axel]

سادسا : سويفت ديزاير Swift Dzire

طبعا كلنا عارفين السويفت من اوائل العربيات اللي بيبحث عنها كل من يريد عربية مستعملة نظرا لسمعتها :)
ده غير اننا كلنا شوفنها السويفت الجديدة الهاتشباك و للأسف مخدتش حقها هنا بالرغم انها عربية اقل ما يقال عنها اكثر من رائعة
لكن المرة دي سوزوكي قدمت لنا سويفت ديزاير سيدان مش هاتشباك لمحبي السيدان و العربية ما شاء الله كانت بتخطف انظار الزوار بجانب الالتو بموديلاتها

انا مش هتكلم كتيير عن العربية لكن هسيب الصور هي اللي تتكلم :)

اما عن مواصفات العربية

السعر : 89,000 ج

يتبع ----->>

[Amr Axel]

سابعا : مفاجأة خاصة جداااااااا لأول مرة





طبعا محدش عارف ايه الصورة ديه ايه اللي انت منزله ده يا عم انت

المفاجأة هي شكل جديد تماما للالتو
و نزل قبل كده من كام شهر في القسم هنا ع انه كونسيبت
و اخيرا تم اطلاقه ليكون المعرض اول عرض لها هنا
و اعتقد ديه اللي نازلة برة تحت اسم التو ايكو Alto Eco

العربية هي هي الـ800 سي سي لكن اختلاف تام في الشكل الخارجي و الداخلي و بصراحة من ساعة ما شوفت الانتريور و انا عامل كده







اما المواصفات



السعر : العربية لسه متمش تسعيرها رسمي لكن اطمنوا السعر هيكون حلو ;)


و بكده انتهينا بحمد الله من جناح سوزوكي بمفاجأته


.. في حالة النقل يرجي ذكر المصدر ..


بالتوفيق للجميع

[eiad_naser]

والله تقرير رائع تسلم ايدك يا استاذ عمرو كاني روحت المعرض بالظبط
انا وصلت المعرض النهارده الساعه 6 م ودخلوني جراش الاستاد ودفعت تزكره 5 جنيه باركنج
ومشيت وجيت ادخل المعرض قالولي فيه تذكرة دخول روحت اجيب تزكره الدخول لقيتها ب 25 جنيه كان معايا 2 اصحابي لقتني هدفع 75 جنيه قولت علي ايه انا كنت بدخله ببلاش اصلا استعوضت ربنا في ال5 جنيه باركنج وروحت اتمشيت في وسط البلد شويه وروحت لقيت التقرير هههه ووفرت ال75 جنيه
تسلم ايدك يا كبير علي التقرير والصور

[waelgam2005]

أيه ياعم التقرير الجامد ده بجد تسلم ايدك بس ليا ملحوظتين الاولى الماروتى بقت ب 41 ؟؟؟؟؟؟؟؟ هيا طالعه ليه كدا
والملحوظة التانية هيا العربية الاخيرة دى التو ايكو هيا بصراحة زى الفل واعتقد هيبقى سعرها من 55 ل 60 لو اقل من كدا هتنتشر جاااامد اوى وهتكسر على الماروتى اللى سعرها بيطلع هيا ملحوظتى فى العربية الشكل الحلو ده كان عاوز تجنيط يعنى مستخسرين يجنوطها ويحلو شكلها اكتر من كدا

[Amr Axel]

والله تقرير رائع تسلم ايدك يا استاذ عمرو كاني روحت المعرض بالظبط
انا وصلت المعرض النهارده الساعه 6 م ودخلوني جراش الاستاد ودفعت تزكره 5 جنيه باركنج
ومشيت وجيت ادخل المعرض قالولي فيه تذكرة دخول روحت اجيب تزكره الدخول لقيتها ب 25 جنيه كان معايا 2 اصحابي لقتني هدفع 75 جنيه قولت علي ايه انا كنت بدخله ببلاش اصلا استعوضت ربنا في ال5 جنيه باركنج وروحت اتمشيت في وسط البلد شويه وروحت لقيت التقرير هههه ووفرت ال75 جنيه
تسلم ايدك يا كبير علي التقرير والصور

الله يكرمك يا أ\ اياد :)
بس بصراحة سعر التذاكر مبالغ فيه شوية يعني لو 10 ج يكون كويس
بس حضرتك متأكد من تذكرة دخول باركينج الاستاد بـ5 ج ؟؟ مش 10 ج لأني دفعت 10 ج و معايا التذكرة ؟؟

[dr.hazem]

سابعا : مفاجأة خاصة جداااااااا لأول مرة



طبعا محدش عارف ايه الصورة ديه ايه اللي انت منزله ده يا عم انت

المفاجأة هي شكل جديد تماما للالتو
و نزل قبل كده من كام شهر في القسم هنا ع انه كونسيبت
و اخيرا تم اطلاقه ليكون المعرض اول عرض لها هنا
و اعتقد ديه اللي نازلة برة تحت اسم التو ايكو Alto Eco

العربية هي هي الـ800 سي سي لكن اختلاف تام في الشكل الخارجي و الداخلي و بصراحة من ساعة ما شوفت الانتريور و انا عامل كده


اما المواصفات


السعر : العربية لسه متمش تسعيرها رسمي لكن اطمنوا السعر هيكون حلو ;)

و بكده انتهينا بحمد الله من جناح سوزوكي بمفاجأته


.. في حالة النقل يرجي ذكر المصدر ..

بالتوفيق للجميع

عيني عليك انا يا عمرووووو
الله يخليك لينا وللقسم..
تغطية جميله ما شاء الله وكالعادة...
خلصت فيك كل الكلام بجد...
مكلمتش حد من التوكيل يهتمو بالسوزوكي شوية زيادة؟؟ ويظبطونا زي النيسان؟؟

سلامي ليك يا غالي...

Sent from my SE Arc S using Forum Runner

[S O P H O S]

مجهود رائع
بس كنت اتمني سوزوكي تتوسع فالسيدان والهتشباك الاكبر فسعة المحرك
هي مميزة جدا فالعربيات الصغيرة
لكن حرام شركة جميلة كده تقيد نفسها فشكل معين فمصر بالتحديد
تحياتي ..

[zadgo]

مشكور على التقرير المتميز

[eng.koussy]

انا كدة عرفت مش منزلين طفاية و ولاعة و درج تحت الكاسيت فى الالتو 800 , علشااان الكية 10 تنزل بالحاجات التاااااافهة دى , اية التفاااااهة دة , و بص بقى يا استاااذ عمرو احنا عايزين طريقة نجيب بيها التارة الجامدة دى و عدااد ر بى ام علشان ان اتغاااااظت جدا

[Ahmed_BYD_F0]

والله تقرير زى الفل يا عمرو بيه

بس اللى صدمنى فى الموضوع سعر الالتو اللى زى ماقولتلك قبل كده انى راح اشترها بــ 53500 وكمان 2009

امال 2013 بكام

هو مكانش فيه التو 2013

ويا ترى سعر التو 2013 كام