يا جماعه هل يوجد فقل دريكسيون ينفع للماروتي

[rameahmed]

السلام عليكم و رحمة الله و بركاته
كنت عاوز اشتري قفل للدريكسيون الي بيقفل الدبرياج مع الطاره بس لقيت في ناس بتقول انه مش بينفع مع كل العربيات فهل حد جربه قبل كده في الماروتي و هل حد يعرف نوك كويس او طول قطر بتاع دريكسيون الماروتي كام و سعره في رنج كام و ايه احسن مواصفات عشان الدنيا قلق و الحراميه شغالين نار اليومين دول في حلوان هههههه و ربنا يحفظ عربيتنا جميعا و يعدي الايام ده علي خير

[mesaharaty]

متابع للأهمية

[dr.hazem]

اغلب اللي في السوق شغالين عادي....

Sent from my SE Arc S using Forum Runner

[dr.hazem]

وبالمناسبة الحاجات اللي في السوق اغلبها صيني وتعبان والطاره عندنا نشرها مش صعب!!
غير ان تمنهم بقا غالي جدا...
رأيي أفضل شئ هو الجي بي اس تراكر...
تحياتي

Sent from my SE Arc S using Forum Runner

[M.Al-Hefnawy]

بيشتغل عادي يا باشا ما فيش فيه مشكلة ... وسعره تقريباً من 50 - 150 جنيه وكل اللي في السوق صيني ... كنت جايب واحد بـ 75 جنيه لعربية اختي الماروتي وشغال كويس لغاية دلوقتي وبتستعمله في لانوس بعد ما بعنا الماروتي

[alking_2006]

اى قفل دركسيون بينفع للماروتى لأن كلهم بيتعدل طولهم زى منتا عايز
و بالنسبة لنشر الطارة بتاعة الماروتى
الفكرة ان الانذار او قفل الدركسيون او زرار فصل الكهربا او خلع فيوز طرمبة البنزين فى بعض العربيات يمكن التغلب عليهم و كلنا معترفين بكدا
و لكن الفكرة هيا تصعيب السرقة على الحرامى
يعنى اننا بنخليه يسرق العربية فى وقت اطول
فبتبقى فرصة انه يرتبك او حد يشوفه اكبر ان شاء الله
مش نخليه اول ما يفتح العربية و لا يلاقى انذار و لا يلاقى قفل يبقى اكننا بنرحب بيه :)

و ربنا يسترها علينا جميعا و على عربياتنا

[rameahmed]

متشكر يا جماعه و فعلا هي الفكره كلها في ان احنا نعطل الي حرامي او نخليه يصرف نظر عن سرقة العربيه و تصعيب الامر عليه و ربنا هو الحافظ بس احنا بنحاول ناخد بالاسباب و ياريت كل الي عنده انزار يعلي السنسور بتاعه لبيومين دول و انا ان شاء الله هشتري و احد و كنت عاوز اعرف هي ايه ال جي بي اس تراكر

[Amr Axel]

فعلا زي ما الاخوة قالولك هو بيتعدل مقاسه فقط لكن الأفضل يتقفل مع دواسة البنزين البنزين العربية ممكن تمشي من غير دبرياج اعتمادا ع دواسة البنزين و تنقل كمان :) و ممكن من غير بنزين كمان اعتمادا ع الدبرياج لكن بدون نقلات و من غير فرامل اعتمادا ع فرامل اليد ههههههههه شوفت النكبة ما احلي الاوتوماتك في النقطة دي
بالاضافة ان القفل ممكن يتنشر او هينشر الدريكسيون لكن زي ما الكينج قال الموضوع تأخير للحرامي لأن الحرامي لما بيلاقي العربية مزرعة وسائل لمنع السرقة بيكبر دماغه و يمشي الا لو مش فارقة معاه
الجي بي اس ترايكر كويس فعلا و هو بيبعتلك مكان العربية فين و تقدر تتابعها

فالأفضل قفل دريكسيون - انذار متوصل ع الـ4 ابواب و شنطة و كبوت و تعلي الحساس ع الاخر
و لو حبيت تضيف فصل الكهربا بزرار بشرط الكهربائي اللي يعملك القصة ديه ميكونش يعرف بيتك و لا قريب منك و الأفضل ميعرفش نمرة العربية حتي
بالاضافة لجي بي اس ترايكر او فكرة الموبيل يصل بيك اول ما الباب يتفتح

[LORD.ADeL]

فعلا زي ما الاخوة قالولك هو بيتعدل مقاسه فقط لكن الأفضل يتقفل مع دواسة البنزين البنزين العربية ممكن تمشي من غير دبرياج اعتمادا ع دواسة البنزين و تنقل كمان :) و ممكن من غير بنزين كمان اعتمادا ع الدبرياج لكن بدون نقلات و من غير فرامل اعتمادا ع فرامل اليد ههههههههه شوفت النكبة ما احلي الاوتوماتك في النقطة دي
بالاضافة ان القفل ممكن يتنشر او هينشر الدريكسيون لكن زي ما الكينج قال الموضوع تأخير للحرامي لأن الحرامي لما بيلاقي العربية مزرعة وسائل لمنع السرقة بيكبر دماغه و يمشي الا لو مش فارقة معاه
الجي بي اس ترايكر كويس فعلا و هو بيبعتلك مكان العربية فين و تقدر تتابعها

فالأفضل قفل دريكسيون - انذار متوصل ع الـ4 ابواب و شنطة و كبوت و تعلي الحساس ع الاخر
و لو حبيت تضيف فصل الكهربا بزرار بشرط الكهربائي اللي يعملك القصة ديه ميكونش يعرف بيتك و لا قريب منك و الأفضل ميعرفش نمرة العربية حتي
بالاضافة لجي بي اس ترايكر او فكرة الموبيل يصل بيك اول ما الباب يتفتح

دة كلام من الاخر ان شاء الله