رخصة العربية !!!!!!!!!!!!

[ahmed_samy2002]

يا صباح الفل على الناس الفل !!!!!!!!!!!!!!!!!!!!!!!
انا بصراحة مش عارف اقوووووووووووووووول اية ؟؟؟؟؟؟! !!!!!!!!!!!!!!!!!!!!
حاسس انة اهبل و انا بسألأ السؤال دة !!!!!!!!!!!!!!!!!!!!!!!
بس اعمل اية بقى ربنا يخليكوا لامثالى !!!!!!!!!!!!!!
هدخل فى الموضوع على طول : انا رخصة العربية بتاعتى هتنتهى يوم 4 - 4 - 2013
فكنت عايز اعرف اية الخطواط اللى لازم اعملها و كمان اية الورق اللى لازم يكون معايا ؟
خطوة خطوة لوسمحتوا و بالترتيب !!!!!!!!!!!!!!!!!!!!!!!!
و شكراااااااااااااااااااااااااااااا جداااااااااااااااااااااااااااااااااااااااااااااااا ا

[ahmed_samy2002]

هوة السؤال طلع صعب ولا هايف لدرجة ان الواحد مش عايز يرد ؟؟؟؟؟؟؟؟؟؟؟؟؟؟؟
انا لاحظت ان فى 13 واحد دخل على الموضوع و ماحدش رد علية خااااااااااااااالص !!!!!!!!!!
الموضوع تافه للدرجة دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ULTRA]

حضرتك حتجيب شهادة مخالفات و يفضل من مرور الدراسة و تروح المرور اللى انت تابع الية تعمل تأمين علي السيارة بمدة التجديد سنة او اثنين و بحد اقصي 3 سنوات و تروح للموظف تأخذ منة ورقة بالضريبة و تدفعها كل دة لو انت ما عندكش فحص لو عندك فحص بيق هتعمل الفحص اولا

[egman]

صباح الفل عليك يا باشا

الخطوات باذن الله :

1- حضرتك تعمل التجديد قبل ميعاد انتهاء الرخصه بحوالى اسبوعين على الاقل علشان الرخصة تفضل سارية لان فى حالة سريان الرخصه وعدم انتهاء مدتها هتطلع على المرور بتاع حضرتك تروح على مكتب التصوير عدل تقوله عايز ورقه بيان لوحات ب نص جنية مش اكتر (لو انتظرت لما الرخصه تنتهتى هيبقى معاك شهر سماح بدون ضريبة زيادة عند التجديد وكده كده هتروح تعمل شهاده بيانات قبل شهادة المخالفات لانا لرخصه منتهيه ).

2- تاخد الورقة هى صغيرة اوى وتطلع على شباك اللوحات وتقوله عايز بيان لوحات علشان اجيب المخالفات وتديله النموذج واصل الرخصه وتشغل دماغك مع الراجل علشان تنجز لو المرور زحمة وده على حسب مرور حضرتك .
شوية ويديك النموذج موقع ومختوم من رئيس الوحده وفيه بيان لوحات العربية هتاخده وتطلع على نيابة المرور الى حضرتك تابع ليها وان شاء الله يكون النيابه شغالهم ش مضربه لو مضربه تبقى تطلع على الرداسه وحاول طبعا لو هتروح الدراسه انك تسيب اعصابك فى البيت علشان ما يحلكش حاجة .

3- هتدى موظف الشباك الرخصة وبيان اللوحات ويوقلك اسمع اسمك فى الشباك ده او ده واحد للما عندهمش مخالفات والتانى لا قدر الله فى حالة وجود مخالفات ، المهم تاخد براءة الزمة وتتكل على الله على مرورك ويبق كويس اوى لو المرور الى حضرتك تابع له فيه نيابة يبقى مش هتروح مشاوير ولا حاجة وكله فى مكان واحد (براءة الزمة او المخالفات الى هتاخدها فرتة صلاحيتها اسبوع من تاريخ صدورها الاول كانت بتبقى شهر تقريبا او 15 يوم اخر مرة لقيتها اسبوع من تاريخ صدورها فخلى بالك لما تجيب الشهادة بتاعه المخالفات تروح على طول المرور علشان ما تعدش الكرة ده تانى ).

4- اول ما تدخل مرورك روح على شباك التامين الاجبارى وقوله بجدد الرخصة وعايز اعمل التامين بتعها لمده ؟؟؟؟ انت تحدد هتعمل رخصه كام سنة والراجل هيديك الوصل بتاع التامين تحطه فى الملف الى معاك .

5- تروح على شباك الورق الى بيصرفوا منك النماذج وتقوله عايز ورق تجديد رخصه تلات سنين مثلا ولو هتفحص وبتقوله كمان وورق فحص .

6- فى حالة الفحص هتاخد الورق الى انت اشتريته من الراجل وتروح تدور على بتاع البصمه وتيدله 5 جنية علشانا لرقم يبقى باين بتاع الموتور وسهل بالنسبه له هى ده الى بتنور حياته وبعد ما يخصل هيقولك روح للمهنس ، هتورح للمهندس ولو عندك حاجة فى العربية خبطه او زجاج مشروخ يبقى تحط 50 جنية فى الورق وهو هيوقعلك على طول .

7- تاخد الورق الى معاك كله وتطلع على شبالك التجديد وتدى الراجل الىفى الشباك الورق وتديله وش كده على طول بايدك قبل اى كلام 20 جنية هيقولك امر يا باشا قوله بجدد تلات سنين وبفحص هيقولك ارتاح يا باشا وهنده عليك وشوية هينده عليك ويقولك روح ادفع الضريبة وهات الوصل وتديله الوصل وخلى بالك الخزنه بتقفل 12 ظهرا وترجعله تانى هيقولك استنى رخصتك يا باشا على الشبالم وتاخد كوباية شاى من الكافتريا وتقعد تنتظر الرخصه .

وامانه عليك فى كل خطوة بتعملها تبقى تقول حسبي الله ونعمي الوكيل فيكم يا بتوع المرور اللهم ارنا فيهم يوما اسوداً

ولما تروح البيت ومعاك الرخصه تطلع تصلى لله ركعتين شكر على وصولك بالسلامة ...........

[egman]

اه نسيت اقولك يبقى معاك المثلث وشنطة الاسعافات احتياطى علشان التلكيك وكمان تاخد الطفاية قبل ما تروح للمهندس بتاع الفحص للراجل بتاع الطفيات وخليه يتمدلك انها شغاله ما فيهاش حاجة ولو عصلج معاك اديله 20 جنية هيديك صلاحيه عليها ............

[ahmed_samy2002]

هل من مزيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[LORD.ADeL]

باشاا اعتقد شباب قامو بالواجب واذا في حاجه معينه حابب تسال عليها اتفضل ((:

[egman]

هى د ه كل اجراءات الرخصه ، لو حضرتك عرفت حاجة جديدة قلنا عليها وابقى خد فكه معاك كتير وخمسات وكده علشان الرش . وربنا يوفقك .

[waelgam2005]

هوا ايه موضوع شهادة المخالفات دى ؟؟؟ دلوقتى انا تقريبا هجدد بسنة برضه عشان عربيتى قسط وهيبقى فى نفس التاريخ ده وانا تبع مرور العاشر من رمضان
هوا عشان اجيب شهادة المخالفات دى هتبقى فى نفس المرور بتاعى ولا هلف حواليها عشان اعرف المخالفات ؟

[LORD.ADeL]

هوا ايه موضوع شهادة المخالفات دى ؟؟؟ دلوقتى انا تقريبا هجدد بسنة برضه عشان عربيتى قسط وهيبقى فى نفس التاريخ ده وانا تبع مرور العاشر من رمضان
هوا عشان اجيب شهادة المخالفات دى هتبقى فى نفس المرور بتاعى ولا هلف حواليها عشان اعرف المخالفات ؟

ايوة ياوائل شهادة مخلفات هتجبها من نيابه للى فى مرور عندك تجيب استمارة تقريبه وتملها
ودخلها مع رخصه وتستني بقا ياتدفع 5ج وتروح يا لاقدر الله تدفع مخلفات بقا علشان تسويها وتستلم رخصه علشان تجدد ومهم عارف الاجراءات بتاعت تقسيط دي؟ ولا؟

[waelgam2005]

ايوة ياوائل شهادة مخلفات هتجبها من نيابه للى فى مرور عندك تجيب استمارة تقريبه وتملها
ودخلها مع رخصه وتستني بقا ياتدفع 5ج وتروح يا لاقدر الله تدفع مخلفات بقا علشان تسويها وتستلم رخصه علشان تجدد ومهم عارف الاجراءات بتاعت تقسيط دي؟ ولا؟

اللى اعرفه انى هروح شركة التامين اجدد سنة واخد جواب منهم واروح للبنك اديهلهم بعد ما ادفع القسط الاخير اللى فى السنة الاولى دى واستلم اول شيك واخد منهم جواب بتجديد الرخصة بسنة
مش عارف صح كدا ولا فيه حاجه ناقصة

[LORD.ADeL]

اللى اعرفه انى هروح شركة التامين اجدد سنة واخد جواب منهم واروح للبنك اديهلهم بعد ما ادفع القسط الاخير اللى فى السنة الاولى دى واستلم اول شيك واخد منهم جواب بتجديد الرخصة بسنة
مش عارف صح كدا ولا فيه حاجه ناقصة

كله صح ان شاء لله بس حوار انهم هيدوك اول شيك دي مش عارف بتختلف من بنك لبنك تقريبا والله اعلم ممكن مايدولكش شيكاتك خير مع اخر قسط مع ورق عربيه ونسخه مفتاح عربيتك تانيه اللى مع بنك وان شاء لله ترخص ع خير

[waelgam2005]

كله صح ان شاء لله بس حوار انهم هيدوك اول شيك دي مش عارف بتختلف من بنك لبنك تقريبا والله اعلم ممكن مايدولكش شيكاتك خير مع اخر قسط مع ورق عربيه ونسخه مفتاح عربيتك تانيه اللى مع بنك وان شاء لله ترخص ع خير

انا سالت خدمة العملاء وانا كنت بدفع القسط اللى فات فى بنك cib بقولها هوا انا عشان اخد اول شيك بتاع اول سنة لازم اروح فرع القاهره ولا هينفع فى فرع العاشر قالتلى لا كله هنا فا لو مكنش ينفع انى اخد اول شيك كانت قالت والله اعلم هنشوف
وشكرا على الرد استاذ عادل واسف استاذ احمد انى اقتحمت موضوعك :d

[LORD.ADeL]

انا سالت خدمة العملاء وانا كنت بدفع القسط اللى فات فى بنك cib بقولها هوا انا عشان اخد اول شيك بتاع اول سنة لازم اروح فرع القاهره ولا هينفع فى فرع العاشر قالتلى لا كله هنا فا لو مكنش ينفع انى اخد اول شيك كانت قالت والله اعلم هنشوف
وشكرا على الرد استاذ عادل واسف استاذ احمد انى اقتحمت موضوعك :d

الشكرلله ياوائل وربنا يسدد ماعليك ويكفيك شر عجلها ان شاء الله