إعـــــــلان

Collapse

.

,
See more
See less

نصيحه من خبراء ماروتى من فضلكم .. ضرورى ومستعجل

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    نصيحه من خبراء ماروتى من فضلكم .. ضرورى ومستعجل

    قدامى عربيه ماروتى فبريكا دواخل وسقف موديل 97 لون كحلي ماتور ممتاز ......

    المهم انا اخدتها لميكانيكى وكشف عليها هى بيقول محتاجه جوز كبالن امامى كمان ماتورها بيدخن يعنى زي ماهو بيقول محتاجه شنبر مستقبليا بس العربيه كحاله كويسه ونظيفه من تحت ومن جوه بس رشه باره نظافه بس محتاج رايكم فيها كعربيه تمشي معايا خصوصا انا بتعلم جديد وكمان طالب فيها 18 الف ...

    ممكن بقي رايكم فيها كسعر وعربيه وهل اخدها ولا اشوف شيء احسن ؟؟

    منتظر ردكم ومتابع
    الكلمات الدلالية (Tags): خبراء, ضرورى, فضلكم, ماروتى, من, نصيحه, ومستعجل
  • #2
    المشاركة الأصلية كتبت بواسطة ضياء عويضه
    قدامى عربيه ماروتى فبريكا دواخل وسقف موديل 97 لون كحلي ماتور ممتاز ......

    المهم انا اخدتها لميكانيكى وكشف عليها هى بيقول محتاجه جوز كبالن امامى كمان ماتورها بيدخن يعنى زي ماهو بيقول محتاجه شنبر مستقبليا بس العربيه كحاله كويسه ونظيفه من تحت ومن جوه بس رشه باره نظافه بس محتاج رايكم فيها كعربيه تمشي معايا خصوصا انا بتعلم جديد وكمان طالب فيها 18 الف ...

    ممكن بقي رايكم فيها كسعر وعربيه وهل اخدها ولا اشوف شيء احسن ؟؟

    منتظر ردكم ومتابع
    موديل 97 بيلعب بالكتير لما يبقى نضيف قوي وبعد غلاء الأسعار في 18فعلا
    ولكن حضرتك بتقول عايزه طقم شنبر وده ينزل من سعرها ومع الكبالن كمان أعتقد ان سعرها المعقول 16ونص لانك هتصرف عليها عالاقل 1000جنيه وممكن مترجعش كويسة. ..
    تحياتي

    Sent from my SE Arc S using Forum Runner
    don't judge a car unless you have driven it

    hm414 سابقا

    Comment

    • #3
      يعنى حضرتك ترجح لو وصلت للسعر ده معقول ؟؟؟

      وهل فيها مشاكل كتير كده حتحصل بعدين وابعد عنها افضل ولا ايه رايك

      واسف للاطاله بس حابب اعرف اكثر لانى جديد في العربيات بس داخله مزاجى الماروتى ^^

      Comment

      • #4
        طب مش ال 128 افضل منها؟

        Comment

        • #5
          المشاركة الأصلية كتبت بواسطة ضياء عويضه
          يعنى حضرتك ترجح لو وصلت للسعر ده معقول ؟؟؟

          وهل فيها مشاكل كتير كده حتحصل بعدين وابعد عنها افضل ولا ايه رايك

          واسف للاطاله بس حابب اعرف اكثر لانى جديد في العربيات بس داخله مزاجى الماروتى ^^
          لو وصلت السعر ده يبقى هو ده تمنها...
          بالنسبة للمشاكل متقلقش لو اتصلحت او حتى غيرتلها ماتور بالفتيس مش خساره فيها ان شاء الله...
          وهي عربية مناسبة كبدايه وسهل التعلم عليها وموفره وقطعها موجودة في كل مكان....
          تحياتي

          Sent from my SE Arc S using Forum Runner
          don't judge a car unless you have driven it

          hm414 سابقا

          Comment

          • #6
            المشاركة الأصلية كتبت بواسطة Eng.Peter
            طب مش ال 128 افضل منها؟
            ال128 موديل اقدم وسواقتها مش سهله واعطالها اكتر...
            تحياتي

            Sent from my SE Arc S using Forum Runner
            don't judge a car unless you have driven it

            hm414 سابقا

            Comment

            • #7
              ربنا يطمن حضرتك

              كان في كلام لحضرتك انها عربية العمر بس بالنسبه للسعر مش عارف اقدر انزلها ولا لا صاحبها مصمم على ال 18 بس حاعمل محاولة وربنا يسهل

              بس معلش لو اخدها بالثمن ده يبقى انا خسرت ولا ايه الظروف خصوصا انها ممكن افضل بيها لفترة كبيره ومش افكر غير فيها وبس

              وبصراحه انا شايفها افضل من 128 مع انى كنت ناوى اجيب 128 بنفس تمنها بس ناس قالت الماروتى بالسعر ده لقطه وعربية تعيش وموديل غير ال128 القديم


              تحياتى ليك وباذن الله متابع معاك لو في جديد

              Comment

              • #8
                السلام عليكم ورحمة الله وبركاته

                بعد مشاورات وكلام في السعر صاحبها مصمم على ال 18

                فعندى كم استفسار بقي وياريت ردك د/ حازم

                سعر طقم الشنبر يعمل كم ؟ وبرضه جوز الكبالن انا اعرف انه هندي 225 ج !
                وهل لو اخدها كعربيه ينفع اظبط فيها ولو حبيت ابيعها حتجيب تمنها مع الوقت ده .. ولا الافضل البحث عن افضل

                Comment

                • #9
                  المشاركة الأصلية كتبت بواسطة ضياء عويضه
                  السلام عليكم ورحمة الله وبركاته

                  بعد مشاورات وكلام في السعر صاحبها مصمم على ال 18

                  فعندى كم استفسار بقي وياريت ردك د/ حازم

                  سعر طقم الشنبر يعمل كم ؟ وبرضه جوز الكبالن انا اعرف انه هندي 225 ج !
                  وهل لو اخدها كعربيه ينفع اظبط فيها ولو حبيت ابيعها حتجيب تمنها مع الوقت ده .. ولا الافضل البحث عن افضل
                  آسف اني اتأخرت عليك في الرد...
                  الشنبر بالميكانيكي مش اقل من 600 جنيه...
                  الكبالن الخارجي الصيني الجوز ب 120 تقريبا غير تركيبهم...
                  السعر كده عالي...
                  ال18ممكن يجيبو لحد موديل 99 بحالته
                  دي 97 ولسا عايزه عالاقل 1000جنيه مصاريف غير نقل الملكية والتسجيل...
                  بالنسبة لاعادة البيع متقلقش لان الماروتي بتمسك سعرها بس انت هتاخد عربيه هتبقى واقفة عليك تقريبا ب 20 ولو حبيت تبيع بعد 3سنين مثلا هتجيبلك عالاقل 16 لو فضلت بحالتها وممكن اكتر لان أسعار العربيات الصغيرة هترفع بعد غلاء البنزين...
                  بص لو فعلا حالة العربية ممتازه اتوكل على الله بعد متصلي الاستخاره...
                  تحياتي

                  Sent from my SE Arc S using Forum Runner
                  don't judge a car unless you have driven it

                  hm414 سابقا

                  Comment

                  • #10
                    خليهاله جنبه فكرتني العربية ديه في التسعينات زيرو كانت بـ16 الف اساسا
                    عامة منصحكش بالعربية ديه حتي لو 15 الف اولا 97 بيلعب في 15-16 الف مش اكتر
                    معني طقم شمبر يعني دخلت في عمرة و الله اعلم و انت ماشي هتفتح في ايه تاني في الموتور يعني ديه لوحدها هتدخلها في 1000 بالتقريب ده غير انك هتسيب العربية يومين تلاتة عقبال ما تتصلح
                    من الاخر هتصرف حوال 2000 ج لاحظ ان فيه صيانات لازم تعملها اول ما تجيب العربية بشكل وقائي زي سير الكاتينة او حاجات محتاجة تتغير زي الفلاتر و سير الدينامو و الله اعلم حالة طقم الكهربا لازم تعمل حسابك صيانات و اي حاجة تظهر 500-1000 ج
                    يعني العربية هتدخلك في 20-21 الف الأفضل تجيبلك بالمبلغ ده موديل 2000 منها موديل احدث و ممكن حالتها افضل و في نفس الوقت اخدت الشكل الجديد                     و اللي هتدفعه في العمرة و الكلام ده تظبط بيه العربية احسن و تعملها صيانات و انت مرتاح
                    و بما ان العربية مستعملة حاول تجيب عربية فبريكة جوة و اهم حاجة الحوض لو راشة برة مش مشكلة طالما الشاسيه كله سليم لكن طبعا لو لقيت فبريكة برة و جوة ده عز الطلب و طبعا حالة الموتور تكون كويسة و العفشة و الكهربا يكونوا كويسيين مش عربية داخلة في عمرة زي ديه

                    تعالوا نعرف نعمل ايه لما نيجي نستلم عربية جديدة او مستعملة
                    http://www.nilemotors.net/Nile/244408-a.html
                    [CENTER][SIGPIC][/SIGPIC]
                    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                    [/CENTER]

                    AXEL سابقا

                    Comment

                    • #11
                      السلام عليكم ورحمة الله وبركاته

                      شاكر فضلكم والله د/ حازم و أ /عمرو

                      انا بجد كده خلاص صرفت نظر عنها من كلام حضراتكم

                      بس هل بقي اقدر القي موديل كم بالظبط وازاى اعرف اذا كانت تمنها غالي او كويس يعنى مثلا في رينج لاسعار الماروتى من موديلها وهل ياترى يبقى ازاى ؟؟

                      مشكلتى انى من الصعيد فالعربيه هنا قليله والماروتى متوفره ف القاهره والاسكندرية على ما اظن اكثر المحافظات .. فطبعا صعب انى اجي اشترى واحده في غير بلدى ^^

                      Comment

                      • #12
                        متابع

                        Comment

                        السابق template التالي
                        Working...
                        X