رجة فى الموتور

[lidosasa]

أنا أول ما أشتريت العربية من كام شهر كان فيه رجة فى الموتور وخصوصاً مع بداية الدوارة بس لما أدوس بنزين تروح ولما العربية تسخن كويس بتروح . وعشان كنت لسه مبتدأ فى السواقة طنشت وقلت مش حروح لميكانيكى غير مرة واحدة بعد ما أكون أتظبطت شوية فى السواقة وأعمل كله مرة واحدة .
عموماً بعدها بدأت قواعد الموتور تتحل والرجة مبقتش تأثر فى العربية وبقت فى الموتور بس والعمة
وإمبارح بس روحت لميكانيكى وغيرت وضبطت قواعد الموتور وغيرت سير الكاتينة . الرجة رجعت تانى زى الأول بالظبط ترج العربية نفسها وخاصة عند التابلوه وطبعاً مع الوقت حتحل قواعد الموتور تانى .
المشكلة بقى من أيه بالظبط عايز أعرف

[aliabdo]

يعنى ايه قواعد الماتور حلت ؟؟

بص المشكله دى لو بتروح لما تزود يقى العربيه عايزه تتظبط موتور
لو موجوده على طول معاك يبقى قواعد

[dr.hazem]

مشكلتك من الاساس مكنتش القواعد غالبا....
مفيش ماتور 3 سلندر مبيرجش اول ما يشتغل والطبيعي انه يرج....
وقواعد ماتور الماروتي الفبريكا معمرين جدا مشاقل من 70ألف ده بالميت....
وغالبا الرجرجه بعد ما تسخن العربية واللي بتلاحظها في عصاية الفتيس من ظبط الكهرباء...
القواعد تكون محتاجة غيار لو الماتور بيرج جامد جدا وونتا ماشي لو رفعت رجلك مره واحده تهس بهبده جامدة تحت رجلك ويتجرب الاول تتشد ولو متحلتش المشكلة يبقى فعلا عايزين تغيير....
تحياتي

Sent from my SE Arc S using Forum Runner

[max100x]

سؤال بسيط ... العربية موديل كام و عاملة كام كيلو؟

[lidosasa]

سؤال بسيط ... العربية موديل كام و عاملة كام كيلو؟

موديل 2007 وعاملة 53500 كيلو

[Amr Axel]

مشكلتك من الاساس مكنتش القواعد غالبا....
مفيش ماتور 3 سلندر مبيرجش اول ما يشتغل والطبيعي انه يرج....
وقواعد ماتور الماروتي الفبريكا معمرين جدا مشاقل من 70ألف ده بالميت....
وغالبا الرجرجه بعد ما تسخن العربية واللي بتلاحظها في عصاية الفتيس من ظبط الكهرباء...
القواعد تكون محتاجة غيار لو الماتور بيرج جامد جدا وونتا ماشي لو رفعت رجلك مره واحده تهس بهبده جامدة تحت رجلك ويتجرب الاول تتشد ولو متحلتش المشكلة يبقى فعلا عايزين تغيير....
تحياتي

sent from my se arc s using forum runner

ابو حازم قال المفيد العربية في الأول فيها رجة و بتروح و ده حتي عندي في الالتو 3 سلندرو انت بنفسك قولت الرجة موجودة زي الأول ده طبيعي في بداية التشغيل بعدها هتلاقي الموتور هدي
حاسس ان الميكانيكي ده ياما حافظ مش فاهم ياما فك عشان ياخد القديم و اهو شغل ليه ياما هي فعلا باظت لكن من الاعراض اللي بتقولها مش شايف اعراض تلف قواعد

[lidosasa]

ابو حازم قال المفيد العربية في الأول فيها رجة و بتروح و ده حتي عندي في الالتو 3 سلندرو انت بنفسك قولت الرجة موجودة زي الأول ده طبيعي في بداية التشغيل بعدها هتلاقي الموتور هدي
حاسس ان الميكانيكي ده ياما حافظ مش فاهم ياما فك عشان ياخد القديم و اهو شغل ليه ياما هي فعلا باظت لكن من الاعراض اللي بتقولها مش شايف اعراض تلف قواعد

هو فعلاً حافظ مش فاهم بس أنا أخدت القواعد القديمة وتقريباً طالعة زى الفل وكأنها مشتغلتش وكان الموضوع مش محتاج أكتر من إنه يشد على المسامير شوية بالمفتاح . بس بالنسبة للرجة هى بتفضل موجودة وبتظهر فى السلانسية طول ما أنا سايق وفعلاً ظاهرة فى الفتيس يبقى محتاجة ظبط كهرباء زى ما دكتور حازم قال بس معلش دا يتعمل عند كهربائى ولا ميكانيكى ؟؟؟؟؟!!!!!!!!!!!!!!!!

[Amr Axel]

هو فعلاً حافظ مش فاهم بس أنا أخدت القواعد القديمة وتقريباً طالعة زى الفل وكأنها مشتغلتش وكان الموضوع مش محتاج أكتر من إنه يشد على المسامير شوية بالمفتاح . بس بالنسبة للرجة هى بتفضل موجودة وبتظهر فى السلانسية طول ما أنا سايق وفعلاً ظاهرة فى الفتيس يبقى محتاجة ظبط كهرباء زى ما دكتور حازم قال بس معلش دا يتعمل عند كهربائى ولا ميكانيكى ؟؟؟؟؟!!!!!!!!!!!!!!!!

هو صعب موضوع انها تفك ديه لكن كان ممكن يعيد ربطها و يظبط كهربا لو محتاجة تظبيط بدل ما تغرم و كويس انك اخدت القدام خليهم احتياطي

عادي يا باشا يكون فيه هزة في الموتور ع السلانسية و لما تدوس بنزين يروح ده عندي انا كمان عشان متقلقش بس طبعا هزة تعتبر بسيطة
و تقصد ايه بظاهرة في الفتيس يعني عصاية الفتيس بتتهز هزة خفيفة سواء ممور او معشق ؟؟

ممكن تكون الهزة اللي عندك طبيعية بس انت اللي حاسس انها جامدة و ممكن محاجة ظبط كهربا بس و ديه عند كهربائي لكن ممكن ميكانيكي لو بيفهم يعملها

[max100x]

موديل 2007 وعاملة 53500 كيلو

عربيتك مفيهاش مشكله يا ريس و زي ما قالوا اخواتنا ... ظبط كهربا عند " الميكانيكي" و االرجة هتروح باذن الله

[dr.hazem]

هو فعلاً حافظ مش فاهم بس أنا أخدت القواعد القديمة وتقريباً طالعة زى الفل وكأنها مشتغلتش وكان الموضوع مش محتاج أكتر من إنه يشد على المسامير شوية بالمفتاح . بس بالنسبة للرجة هى بتفضل موجودة وبتظهر فى السلانسية طول ما أنا سايق وفعلاً ظاهرة فى الفتيس يبقى محتاجة ظبط كهرباء زى ما دكتور حازم قال بس معلش دا يتعمل عند كهربائى ولا ميكانيكى ؟؟؟؟؟!!!!!!!!!!!!!!!!

ظبط الكهرباء عند الميكانيكي طبعا....
تحياتي

Sent from my SE Arc S using Forum Runner