مأساتى مع التوكيل

[wael nour]

من كام يوم كنت بعمل صيانه ال5000 والله العظيم معامله زى الزفت فوق ماممكن تتخيلو كنت هناك الساعه 8.45 صباحا وأول عربية تقريبا خرجت الساعة 1.30 شوية المهندس مش موجود وشويه الكهرباء مقطوعه والكمبيوترات مش شغالة والجامد كنت بشكى من صوت تصفيره على الغيار التالت من سرعة 40 كيلو الى 60 قولتلهم راح المهندس جربها ونادوا عليا قولت تمام يمكن سير الدينمو واتشد يروح يقولى الباشا المشكله فى الفتيس سيب العربيه وهنعرض المشكله على مهندس الضمان لأما يتصلح او يتغير فطبعا انا قولتلو سيبك من الفتيس واعمل الصيانه (استفسار الصوت ده طبيعى ولا التالت المفروض من 40 الى 60 يبقى زى غيره ) بس بالمناسبه العربيه كانت مخلصه كل حاجه وفضلت مركونه واقفه على انى احاسب اكتر من ساعه المهم استلمت العربيه وكنت مخنوق اوى وكل هدفى امشى من هناك كانت بتتهز شويه بس قولت بارده المهم وصلت البيت وركنتها تانى يوم ادور رعشه جامده وصوت طقطقه فى الكبوت مع العلم انى مشتكتش من الكهرباء ولأ علو الماتور وطبعا مكنتش ناوى اعتب التوكيل تانى حاولت اظبط الأسبراتير شغل كهرباء واظبط الكربراتير تعليه مفيش فايده اتظبطت شويه وركنتها تانى يوم الرعشه كانت جامده اوى وتقريبا مفيش سحب والعربيه كانت بتعد 2 مش 3 وانا مش خبره كان معايا اخويا. فضل يجرب فى البوجيهات لقى واحد فاصل فكه وركبه وحط الكابل الحمد لله العربيه ظبطت مع العلم انها مش بتاعت الأول عشان لعب الكهرباء والموتور الواحد كان فى غنى عن كل ده لو مروحتش التوكيل بس قدر الله ماشاء فعل انا مش عارف هل صنيعى التوكيل فك كبل البوجيه ومحطوش كويس وكان مهزوز وكانت ماشيه بتهز ولما فصل السحب مات الله اعلم بس انا اتشئمت من التوكيل وديه تانى مره يعملوا معايا كده بجد ديه اخر مره اروح فيها التوكيل وهعمل السنتر والكاسيت والسنزور وكل اللى فى نفسى بره التوكيل وهوقعها من الضمان .اسف للأطاله

[bondok20002002]

ياه للدرجة دي
تحياتي

[dr.hazem]

لا حول ولا قوة الا بالله...
هما كده ومش ناويين يظبطو المسائل ابدا!!
الحمد لله انها جت على قد كده...
بس ياريت توضح ايه الصوت اللي بيطلع لحسن يكون عيب فعلا وتبقى بتوقع الضمان وانت محتاجه....
تحياتي

Sent from my SE Arc S using Forum Runner

[islamahmed1990]

كان نفسي يظبطوا الاداء عشان كنت ناوي و النيه لله اني اظبط صيانات الالتو معاهم بس كده شكلي هنفضلهم و اظبطها مع اكسيل يقزلي بيعمل ايه و اعمل زيه

[Amr Axel]

لا حول و لا قوة الله بالله برده انا هتكلم مع احد المسئوليين ان مازال فيه شكاوي و يا ريت تشاركنا بالكلام ده في التقييم المثبت بالقسم بس كويس انه يقولك ممكن يكون فيها مشكلة و تتعملك في الضمان

بس قبل ما تخرج نفسك من الضمان بخصوص التصفير يا ريت توضيح لأن ممكن تكون فيه مشكلة و يحلوها و هي في الضمان

[Amr Axel]

كان نفسي يظبطوا الاداء عشان كنت ناوي و النيه لله اني اظبط صيانات الالتو معاهم بس كده شكلي هنفضلهم و اظبطها مع اكسيل يقزلي بيعمل ايه و اعمل زيه

لما اتكلمت مع احد المسئوليين قالي ان الشكاوي و المشاركات وصلتلهم و هنشوف شغل تاني خالص من السنة دي معرفش ايه الدنيا بقي بس هتكلم معاهم تاني

وعامة شوف ايه الدنيا لو الدنيا لسه برده مع بعض بقي في القطع سواء من منفذ بيع قطع الغيار او برة و لو عايز ميكانيكي او ظبط زوايا او اي حاجة كله موجود ان شاء الله

[wael nour]

الف شكر للرد الصوت عباره عن نحره زى صفارة بس مش عاليه بالشكل الجامد بس اعلى من باقى الغيارات والسرعات لما ببقى على الغيار التالت من سرعة 40 كيلو الى 60 كيلو بيظهر مش قبل كده ولا بعد كده ولو على التالت ونقلت الرابع على 50 كيلو مثلا الصوت يختفى او نقلت من التالت للرابع بدرى على سرعة 40 كيلو ميبقاش فى صوت اصلا هى كل الحكايه فى التالت من 40 الى 60 . نسيت اقول ان الصوت ده ظهر بعد زيارة التوكيل فى صيانه ال 1000 وبعدها بشويه ذهبت للتوكيل قالى مفيش حاجه وبرده عشان كنت جايب اخرى من الخنقه مشيت بس لما روحت التوكيل عشان اعمل صيانه ال 5000 قولت اقولهم. ولو حد سألنى قبل صيانه ال 1000 كيلو كان فيه صوت هقول مش عارف انا كنت بليين وقالولى متقرصش على العربيه وانقل بدرى فكنت بنقل من التالت الى الرابع على 40 كيلو فحتى لو كان موجود اكيد مكنتش بسمعه بس والله العربيه اتقلب حالها بعد مرواحى التوكيل طول عمرى اسمع ان التوكيل حلو وكان نفسى اجيب جديد عشان ارحم نفسى من الصنايعيه الجشعه بس اظاهر ان بره كان احسن على الأقل العربيه قدامى شايفها مش مختفيه وتخدها انت وبختك اسف للأطاله بس حد يقولى الصوت ده فى كل الماروتى ولا انا بس وشكرا

[dr.hazem]

الف شكر للرد الصوت عباره عن نحره زى صفارة بس مش عاليه بالشكل الجامد بس اعلى من باقى الغيارات والسرعات لما ببقى على الغيار التالت من سرعة 40 كيلو الى 60 كيلو بيظهر مش قبل كده ولا بعد كده ولو على التالت ونقلت الرابع على 50 كيلو مثلا الصوت يختفى او نقلت من التالت للرابع بدرى على سرعة 40 كيلو ميبقاش فى صوت اصلا هى كل الحكايه فى التالت من 40 الى 60 . نسيت اقول ان الصوت ده ظهر بعد زيارة التوكيل فى صيانه ال 1000 وبعدها بشويه ذهبت للتوكيل قالى مفيش حاجه وبرده عشان كنت جايب اخرى من الخنقه مشيت بس لما روحت التوكيل عشان اعمل صيانه ال 5000 قولت اقولهم. ولو حد سألنى قبل صيانه ال 1000 كيلو كان فيه صوت هقول مش عارف انا كنت بليين وقالولى متقرصش على العربيه وانقل بدرى فكنت بنقل من التالت الى الرابع على 40 كيلو فحتى لو كان موجود اكيد مكنتش بسمعه بس والله العربيه اتقلب حالها بعد مرواحى التوكيل طول عمرى اسمع ان التوكيل حلو وكان نفسى اجيب جديد عشان ارحم نفسى من الصنايعيه الجشعه بس اظاهر ان بره كان احسن على الأقل العربيه قدامى شايفها مش مختفيه وتخدها انت وبختك اسف للأطاله بس حد يقولى الصوت ده فى كل الماروتى ولا انا بس وشكرا

لو تقصد صوت ونه بتطلع فده طبيعي متقلقش ويبقى قريب لصوت العربية وهي واخده مارشدير وبترجع....
وممكن الصوت يروح لما الحر ييجي لان زيت فتيس الفبريكة تقيل شويه وممكن تغيره بزيت شيل 75w90 او ليكوي مولي....
وتغيره كل 20 ألف...

Sent from my SE Arc S using Forum Runner

[islamahmed1990]

غير زيت الفتيس و شوف الدنيا هتبقي ازاي

[heshom]

د حازم
لك رسالة على الخاص

[Amr Axel]

عندي احساس ان مفيش مشاكل خلي بالك عربياتنا سواء ماروتي او التو ع التالت صوت الموتور هتلاقيه عالي شوية فممكن يكون الصوت العادي بس انت مش واخد بالك

[wael nour]

الف شكر بجد الواحد بيرتاح لما يتكلم معاكوا

[S O P H O S]

معلش يا باشا
ده طبيعة توكيلات مصر ..