تقرير استلام التو 2013

[islamahmed1990]

تمام يا صاحبي و يا ريت بالمرة تشوف فلتر الزيت الاصلي اللي راكب نوعه ايه و صورة ليه

تفتكر هعرف اوصله

تقريبا هما قايلين ع مكانه في المانيوال بتاع الألتو
هنزل ابص كده مكان ما هما مشاورين و اشوف فيه حاجه ظاهره و لا لأ


اه ليا سؤال هوا انا لو مستلمتش كتاب الضمان قبل ال 1000 كيلو
اعمل ايه ؟؟
استعبط و أغير الزيت و الفلتر بره و لا ارحلهم طرازان كده

[islamahmed1990]

عشان اكون دايما اقتصادي في استهلاك البنزين


ممكن جد يقولي انقل علي سرعات ايه
و خاصه ان بقي فيه غيار خامس انا مش واخد عليه نهائيا
يعني انا كنت سايق كده انبارك
الاول لحد 20
التاني لحد 40
الثالث لحد 60
الرابع لحد 80
الخامس بقي بعد كده
و ساعات كنت اخلي الرابع لحد ال 90

[islamahmed1990]

اه حاجه كمان
اجيبلها غطا منين يكون علي مقاسها لحسن العربيه و هيا جديده الواحد بيحب يحافظ عليها

[islamahmed1990]

اللي انا عايز اعمله

طقم طاسات

كاسيت يشغل فلاشه نوعه ادريان كانوا بيتكلمه عنه ع منتدي الصوتيات و سعره حنين

لسه مش اكيد اني اركب سماعات ع الرف الوراني

مبحبش احط فرش فوق الفرش الفبريقه عشان احب انا اتمتع بيه طالما دافع فيه فلوس

عايز كمان حامل احط فيه الموبايل لان الموبايل ملوش مكان خالص و الحته اللي قدام المج هولدر بعيده عن ايد الواحد و انا بستخدم الموبايل كتير عكس الماروتي كان فيه مكان قدام العدادات ممكن لما الكاسيب يركب يبقي فيه رف ينفع

كمان عايز اجيب غطا للطاره لان طاره الألتو رفيعه

عايز اركب سنتر و انذار لاني كنت اتعودت عليهم في الماروتي بس مش عارف ايه موقف الضمان

كنت فكر اعمل الاكصدامين بلون العربيه بس الورق الكاربون اللي بيتلزق ده و اسيب الشبكه و اماكن الفوجات اسود زي ما هما بس المشكله اني بحب العربيه بدون اي لعب فيها

و اخيرا الحركه القرعه اللي عاملينها و انها من غير ولاعه و لا طفايه نفسي اركبهم و يكون شكلهم نضيف زي الفابركه بالظبط

[omar_saad]

السلام عليكم
أسأل الله أن يكفيك شرها ويعطيك خيرها وخير ما صنعت له...
انا لا أزال منتظر استلام الالتو من التوكيل..
فيه كام حاجه كده بخصوص الالتو..
شفت طاسات. متركبة في التو قمة في الشياكة لدرجة اني حسيت انها جنوط ومعرفتش اللا لما قربت قوي من العربية
الواحد لو يلاقي الطاسات دي...
هل ينفع اجيب الكاسيت انا واديه للتوكيل يركبه عشان موضوع الضمان؟
التوكيل مش بيركب ازاز كهرباء .. ينفع يتركبلها ومتخرجش برة التوكيل؟
اخيرا... ايه رأيك في اللون النبيتي ده؟ لأن ان شاء الله نفس لون عربيتي

[Amr Axel]

تفتكر هعرف اوصله

تقريبا هما قايلين ع مكانه في المانيوال بتاع الألتو
هنزل ابص كده مكان ما هما مشاورين و اشوف فيه حاجه ظاهره و لا لأ


اه ليا سؤال هوا انا لو مستلمتش كتاب الضمان قبل ال 1000 كيلو
اعمل ايه ؟؟
استعبط و أغير الزيت و الفلتر بره و لا ارحلهم طرازان كده

لا لازم تاخده انا استلمت كله في نفس الوقت حتي الولاعة قالي ابقي تعالي خدها قولتله اتصرف مش همشي الا لما اخدها و جابلهالي
الفلتر لو انت واقف قدام الموتور هيكون ع شمال الموتور ورا الاكصدام لو بصيت من فوق هتشوفه و من تحت هتشوفه لأنه لبرة

و ده شكل موتورنا يا باشا

[Amr Axel]

عشان اكون دايما اقتصادي في استهلاك البنزين


ممكن جد يقولي انقل علي سرعات ايه
و خاصه ان بقي فيه غيار خامس انا مش واخد عليه نهائيا
يعني انا كنت سايق كده انبارك
الاول لحد 20
التاني لحد 40
الثالث لحد 60
الرابع لحد 80
الخامس بقي بعد كده
و ساعات كنت اخلي الرابع لحد ال 90

بالنسبة ليا الأول للطلعة بس و ميعديش 20
التاني لحد 35
التالت لحد 55-60
الرابع اوبن بوفيه بس طبعا هيكون حمل عدد لفات ممكن توصل للريد زون لأن العربية 12 صمام و بالتالي بتطلع اكتر عدد لفات موتور ممكن في السرعات المتوسطة و اكيد ده اللي لاحظته لما بتشد بتجمع بسرعة معاك
فانا بخلي الرابع لحد 80-100 بالكتيير و بعد كده بفتح بالخامس و عيش فيه لحد 150-160 و هتلاقيها جمعت معاك اكتر من الرابع من 90-100 ع الخامس

[Amr Axel]

اللي انا عايز اعمله

طقم طاسات

كاسيت يشغل فلاشه نوعه ادريان كانوا بيتكلمه عنه ع منتدي الصوتيات و سعره حنين

لسه مش اكيد اني اركب سماعات ع الرف الوراني

مبحبش احط فرش فوق الفرش الفبريقه عشان احب انا اتمتع بيه طالما دافع فيه فلوس

عايز كمان حامل احط فيه الموبايل لان الموبايل ملوش مكان خالص و الحته اللي قدام المج هولدر بعيده عن ايد الواحد و انا بستخدم الموبايل كتير عكس الماروتي كان فيه مكان قدام العدادات ممكن لما الكاسيب يركب يبقي فيه رف ينفع

كمان عايز اجيب غطا للطاره لان طاره الألتو رفيعه

عايز اركب سنتر و انذار لاني كنت اتعودت عليهم في الماروتي بس مش عارف ايه موقف الضمان

كنت فكر اعمل الاكصدامين بلون العربيه بس الورق الكاربون اللي بيتلزق ده و اسيب الشبكه و اماكن الفوجات اسود زي ما هما بس المشكله اني بحب العربيه بدون اي لعب فيها

و اخيرا الحركه القرعه اللي عاملينها و انها من غير ولاعه و لا طفايه نفسي اركبهم و يكون شكلهم نضيف زي الفابركه بالظبط

بص يا ابو اسلام

-بالنسبة الطاسات فيه اشكال و الوان مقاس 13 و سعرها هيعمل في حدود 50-60 للطقم


- الكاسيت بتاع ادريان بصراحة انا مش مقتنع بيه ناهيك ان خرجه ضعيف جدااا مش هقوم سماعات 400 وات مثلا صح فمبالك 4 سماعات الأفضل تركب حاجة نضيفة عالطول زي سوني او بايونيير حتي لو هتستني شوية
و ع فكرة كابل الكاسيت جاهز للتركيب عالطول وواصل بيه السماعات الامامية اما اللي ورا لازم توصل سلك بالفيشة

السماعات انا عن نفسي مركب ورا بايونيير 400 و قدام كينوود 110

http://www.nilemotors.net/Nile/308603-400.html

http://www.nilemotors.net/Nile/323984-10.html

- بخصوص الفرش بلاش تحط كسوة احسن الكسوة خربتلي الكراسي لو هتعمل اعمل فرش تفصيل عملته عند جينز كار

http://www.nilemotors.net/Nile/288080-a.html

لو هتستمر ع الفرش الفبريكة اشتري فووم منظف عشان اي حاجة تنضف عشان اللون ميبوظش


-الحامل انا جايب حامل معلقه ع الهواية لكن ممكن تجيب موبيل هولدر كبس ع الازاز من التوفيقية


- الطارة صعب تلاقيها لأنها صغيرة بس لقيت المقاس في دمشق و اسعارها في حدود 30 ج

- انذار و سنتر التوكيل قالي يخرج برة الضمان و نفس الكلام اتقال للناس سواء كاسيت او انذار او سنتر اي حاجة برة الضمان و فيه ناس ركبت النوعية اللي عندهم صيني اشتكوا منها
بس لو هتركب برة يبقي انذار و سنتر وولف و توكيل وولف اخر ش جسر السويس ورا اسواق القنال سعرهم تقريبا 300 ج بالتركيب

- نصيحة سيب الاكصدامات زي مهي كده شكلها احلي و مع الوقت هتحس بالموضوع ده لكن تقعد معاك فترة بالاضافة انك لو رشيت الاكصدامات مع اي خبطة او تكحيتة اللون هيقرش او يقع و هيبقي شكله نيلة

- الولاعة و الطفاية ممكن تجيبها من محلات قطع غيار سوزوكي و يفضل تشوف ارخص المحلات في الحاجتين دول او استني نشوفها في التوفيقية لأننا عايزين نتجمع كالمعتاد و ننزل التوفيقية ع الاسبوع الجاي ان شاء الله نشتري شوية حاجات للعربيات فننزل كلنا و تجيب كل حاجة عشان هتبقي القطع بتاعت عربيتي موجودة و نجيب عليها بدون مشاكل قولت ايه ؟؟

[wael nour]

الف مبروك ربنا يبارك فيها

[bassemali]

الف مبروووووووووووووك

[D . a .\ AYMAN]

الف مبروك ... بارك الله لك فيها ورزقك خيرها وحفظك من شرها

أكسيل باشا قايم بالواجب كله أهه

[eng.koussy]

مبرووك يا باشا , و عقبال ما تعمل بيها 1,000,000,000 ان شاء شاء الله , بما انك راجل معاك 2013 كنت عايز اسالك كام سؤال , علشان انا كمان معايا 2013 و عايز اتاكد من كام حاجة :
1. بتعمل معاك كام كيلو فى اللتر
2. التكييف لما بتشغلة بيفصل و يوصل كتير يعنى الكباس بيفصل و يوصل ؟
3. لاقيتلها طاسات حلوة ؟
4. الكوتش تقيل معاك شوية ولا اية , و هل بتظبنة على كام ؟
5. بفكر الزق استيكر بنفس لون العربية غلى الاكصدامات , اية رايك ؟
نصائح من بحث :
1. انا لاقيت الولاعة بتاعة الشاهين بتركب عليها
2. لاقيت درج يركب تحت الكاسيت يتحت فية الموبيل او المحفظة
3. خايف اركب سنتر يقللى برة الضمان مع انة توكيل استغفر الله العظيم لان السنتر بالانذار تبع التوكيل ب900 جنية , انا سمعت الكلام دة كنت هقلله كلمة استغفر الله العظيم

[islamahmed1990]

انا دلوقتي عامل بالعربيه 501 كيلو بالتمام
الأنطباع عن العربيه انها ممتازه فعلا و اتقل من الماروتي بمراحل
و التقفيل من جوا ميقلش عن الفيرنا
و سواقتها لزيزه و ان كنت لسه مش متعود ع الدواسات فرجلي بتوجعني



العيوب اللي مقبلاني
1- لمبه الصالون مش بتنور
2- الباب لازم يترزع عشان يتقفل يأما انا اللي ايدي حنينه عشان العربيه جديده





و ليا كام استفسار
مؤشر البنزين 10 شرط
هل ال 10 شرط زي بعض
يعني مثلا التانك 35 لتر كل شرطه 3 لتر و نص ؟؟؟


كمان حد عمل صيانه الألف يقولي اتكلفت كام و عملوا فيها ايه ؟؟؟

[islamahmed1990]

مبرووك يا باشا , و عقبال ما تعمل بيها 1,000,000,000 ان شاء شاء الله , بما انك راجل معاك 2013 كنت عايز اسالك كام سؤال , علشان انا كمان معايا 2013 و عايز اتاكد من كام حاجة :
1. بتعمل معاك كام كيلو فى اللتر
انا لسه مش عارف هيا بتعمل كام كيلو لكن انا كنت طالع من المعرض و هيا اخر شرطه بتنور و تطفي فولتها لحد ما المسدس فصل و خدت 32 لتر بالظبط و لحد دلوقتي عامل 475 كيلو و لسه فاضل 3 شرط بس كان فيهم سواقه كتير في شوارع واقفه
2. التكييف لما بتشغلة بيفصل و يوصل كتير يعنى الكباس بيفصل و يوصل ؟
التكيف مشغلتوش غير مره واحده في المعرض اجربه و لسه مستني اعدي ال 1000 كيلو و اجربه و اقولك
3. لاقيتلها طاسات حلوة ؟
للأسف انا مفلس لانها خدت اللي ورايا و اللي قدامي فلسه الطاسات قدامها شويه
4. الكوتش تقيل معاك شوية ولا اية , و هل بتظبنة على كام ؟
انا طلعت من المعرض و مشيت بيه يوم و تاني يوم دخلت بنزينه نضيف قيست الضغط لقيت ال 4 فرد مظبوطين علي 30 و مش بشتكي من حاجه الدركسيون خفيف و مع النق الصوت مكتوم
5. بفكر الزق استيكر بنفس لون العربية غلى الاكصدامات , اية رايك ؟
انا كمان كنت بفكر ارش الأكصدامات او الزق استيكر بلون العربيه بس و الله هيا شكلها مش وحش كده بس عامه انا بفكر برده الزق استكير نبيتي (لون عربيتي) و اسيب مكان الفوجات و الشبكه سودا زي ما هيا
نصائح من بحث :
1. انا لاقيت الولاعة بتاعة الشاهين بتركب عليها
بكام و منين عشان عايز اكمل الحاجات الناقصه ديه من ولاعه و طفايه
2. لاقيت درج يركب تحت الكاسيت يتحت فية الموبيل او المحفظة
ده اللي هوا زي اللي بيكون موجود في العربيات العاديه اللي فيها مكان دبل دين بس نازل بكاسيت عادي ؟؟؟
اللي هوا رف او علبه سودا ؟؟
و بكام و منين؟؟
و ركبت كاسيت و سماعات ايه و اتكلفت كام ؟؟
3. خايف اركب سنتر يقللى برة الضمان مع انة توكيل استغفر الله العظيم لان السنتر بالانذار تبع التوكيل ب900 جنية , انا سمعت الكلام دة كنت هقلله كلمة استغفر الله العظيم
والله انا برده عايز أركب سنتر و انذار بس اكيد مش هركبه ب 900 هستني شويه علي العربيه اني اطمنلها و بعد كده هروح اركبه عند وولف اللي في اخر جسر السويس ب 300 جنيه زي ما عملت مع الماروتي

[islamahmed1990]

الف مبروك ... بارك الله لك فيها ورزقك خيرها وحفظك من شرها

أكسيل باشا قايم بالواجب كله أهه

الف مبروووووووووووووك

الف مبروك ربنا يبارك فيها

الله يبارك فيكم جميعا و يرزقك افضل منها