يا شباب الماروتى

[MEGO802]

حد يعرف ثمن تغير جوان وش السلندر كام

[Amr Axel]

للماروتي سعره هيكون كلام فاضي يعني ع ما اتذكر الهندي في المحلات كان في حدود 30 ج
بس نصيحة بلاش تسترخص في الجوان و تجيب اي صناعة تانية الأفضل تجيب الاصلي عشان يبقي مظبوط و يعيش سواء من منفذ بيع قطع غيار التوكيل او مكان زي ليدرز
و لما تيجي غير جان الوش خلي الميكانيكي يظبط وش السلندر و يكحت البواقي من عليه عشان متعملش فروق و تسريب و اوعي يقولك اخرطه و احطلك جوانين و الكلام ده لأنه بالشكل ده هيلعب في قياسات غرفة الاحتراق و مش هتبقي مظبوطة حتي لو هتجيب وش سلندر بس ميضيعش الدنيا عندك و الا هتفضل رايح جي عليه كل شوية

[MEGO802]

بص يا عمرو انا المشكلة عندى ان فية تسريب مياة من جوان وش السلندر على الشكمان والماية بتنقص
الميكانيكى قالى خليها لما تجيب اخرها قولتلة لا اعملها على طول رحت جبت جوان من اكرم حمدى تايلاندى ب 25 جنية
الميكانيكى قالى ان هو هيشيلى الجوان القديم ويكحت وش السلندر وبعدين يحط زيت علية من فوق وتحت ويحطة على الوش
بس انا عايز اعرف مصنعيتة هتكون فى حدود كام

[Amr Axel]

المصنعية حوالي 50 ج بس اسأله الأول قبل ما تشتغل عشان مش بعد ما الشغل يخلص يضربلك في العالي اهم حاجة تبص ع الوش و المكان اللي قصاده بعد ما يكحت عشان لو فيه اي حاجة او حسيت و لو بذرة مش مكحته يظبطها و يربط المسامير صح عشان يحكم الجوان

[waelkaram]

بصراحه العربيه دى زباله وانا قرفت منها

[dr.hazem]

بصراحه العربيه دى زباله وانا قرفت منها

ياغالي حضرتك نازل شتيمه في العربية من ساعة مدخلت المنتدى....
ممكن في موضوع منفصل توضحلنا موديل عربيتك وماشيه قد ايه وآخر مره تم فيها صيانة كانت امتى ؟ وتوضحلنا مشاكلك معاها بحيث نفيد ونستفيد؟؟


تحياتي

Sent from my SE Arc S using Forum Runner

[MEGO802]

بالعكس العربية دية جميلة جدا واعتمادية جدا جدا

[waelkaram]

بص يا باشا
العربيه مودل 2001
عمله 80 الف اشترتها كانت عامله 60 الف حلو الكلام
لا مش حلو ليه ؟؟؟؟؟؟؟؟؟؟؟؟؟؟؟
عشان اول مجبتها غيرتلها سير كتينه واسطوانه ودسك وغيرت كل الفلاتر حلو
لا مش حلو ليه ؟؟؟؟؟؟؟؟؟؟؟
لقيت المرش بيخبط وبعدين بيعلق كنت لازم اديها الرابع وازقها الى المام وبعد كده ادور تمام
روحت للكهربائى قلى غير ترس الفلام والبندكس غيرتهم
ومفيش فايده وانا بشغل العربيه تحس ان حاجه بتتكسر ومش عاوزه تدور لحد لما البطاريه تفضه واللى يحب النبى
والنبى يزوق وبقى منظرى عار فى الشارع
اخرت المتم جابت وش سلندر بدون مقدمات المكانيكى بعد مفك قلى عمر افتراضى
وغير وفك وركب الصبح بدور العربيه بحسب الست الى بتبخر فى المحلات كانت نيمه وره العربيه نزلت اشفها لقيت
الدخان الابيض ده طالع من الشكمان مش الست بتاعت البخور
من الاخر العربيه دى عملت فيه كل المشاكل اللى بتعملها العربيات فى سنه
وحسبيى الله ونعم الوكيل
عرفت بقى انا بشتم ليه
وسمحنى لو كنت ديقتك