اتخنقت

[waelkaram]

لو سمحتم يا شباب
فى موضوع خنقنى جدا كل شويه الكنتكت بيعلق ومش بيدور العربيه روحت لكهربائى حرامى
قلى غيرت الفيوز وبعدين عملت كده تانى شفت كل الفيوز لقيت ان كل الفيوز سليمه
ايه الحل فى الموضوع ده لحسن كرهت العربيه

[dr.hazem]

ممكن المشكله في المارش نفسه..،

Sent from my SE Arc S using Forum Runner

[Amr Axel]

معتقدش انه ينفع تقول العربية زفت و زبالة و تذم فيها لمجرد انها محتاجة تتصلح او لأنك مروحتش للصنايعي المناسب و انت بنفسك قولت صنايعي مش تمام اي عربية مهما كانت لو مصلحتهاش و وديتها لواحد كويس او عملت صيانات هتقرفك في عيشتك
انما لو محافظ ع الصيانات الدورية و ايديك فيها عالطول عمرك ما هتشتكي ابدا
بخصوص الماروتي هي عربية اعتمادية جداا و مفيش حد اشتكي منها في اي حاجة

القصة عندك ممكن يكون المارش فيه مشكلة و ديه محتاجة كهربائي كويس يفتح و يشوف السبب

العربية موديل كام و عاملة كام الف ؟؟ و ايه اخر الصيانات اللي عملتها ؟
و ايه الاعراض اللي بتواجهها في الكونتكت ؟

[mesaharaty]

لو سمحتم يا شباب
فى موضوع خنقنى جدا كل شويه الكنتكت بيعلق ومش بيدور العربيه روحت لكهربائى حرامى
قلى غيرت الفيوز وبعدين عملت كده تانى شفت كل الفيوز لقيت ان كل الفيوز سليمه
ايه الحل فى الموضوع ده لحسن كرهت العربيه

بالهداوة يا باشا
ماتضايقش من العربية بسرعة كده وإدينا شرح مفصل شوية للمشكلة علشان نقدر نتفهمها معاك ونقرر إن كانت من المارش ولا البطارية مثلا فالموضوع محتاج تفصيل شوية .

[waelkaram]

بص يا باشا
العربيه مودل 2001
عمله 80 الف اشترتها كانت عامله 60 الف حلو الكلام
لا مش حلو ليه ؟؟؟؟؟؟؟؟؟؟؟؟؟؟؟
عشان اول مجبتها غيرتلها سير كتينه واسطوانه ودسك وغيرت كل الفلاتر حلو
لا مش حلو ليه ؟؟؟؟؟؟؟؟؟؟؟
لقيت المرش بيخبط وبعدين بيعلق كنت لازم اديها الرابع وازقها الى المام وبعد كده ادور تمام
روحت للكهربائى قلى غير ترس الفلام والبندكس غيرتهم
ومفيش فايده وانا بشغل العربيه تحس ان حاجه بتتكسر ومش عاوزه تدور لحد لما البطاريه تفضه واللى يحب النبى
والنبى يزوق وبقى منظرى عار فى الشارع
اخرت المتمه جابت وش سلندر بدون مقدمات المكانيكى بعد مفك قال لى عمر افتراضى
وغير وفك وركب الصبح بدور العربيه بحسب الست الى بتبخر فى المحلات كانت نيمه وره العربيه نزلت اشفها لقيت
الدخان الابيض ده طالع من الشكمان مش الست بتاعت البخور
من الاخر العربيه دى عملت فيه كل المشاكل اللى بتعملها العربيات فى سنه
وحسبيى الله ونعم الوكيل
عرفت بقى انا بشتم ليه
وسمحنى لو كنت ديقتكم

[dr.hazem]

بص يا باشا
العربيه مودل 2001
عمله 80 الف اشترتها كانت عامله 60 الف حلو الكلام
لا مش حلو ليه ؟؟؟؟؟؟؟؟؟؟؟؟؟؟؟
عشان اول مجبتها غيرتلها سير كتينه واسطوانه ودسك وغيرت كل الفلاتر حلو
لا مش حلو ليه ؟؟؟؟؟؟؟؟؟؟؟
لقيت المرش بيخبط وبعدين بيعلق كنت لازم اديها الرابع وازقها الى المام وبعد كده ادور تمام
روحت للكهربائى قلى غير ترس الفلام والبندكس غيرتهم
ومفيش فايده وانا بشغل العربيه تحس ان حاجه بتتكسر ومش عاوزه تدور لحد لما البطاريه تفضه واللى يحب النبى
والنبى يزوق وبقى منظرى عار فى الشارع
اخرت المتمه جابت وش سلندر بدون مقدمات المكانيكى بعد مفك قال لى عمر افتراضى
وغير وفك وركب الصبح بدور العربيه بحسب الست الى بتبخر فى المحلات كانت نيمه وره العربيه نزلت اشفها لقيت
الدخان الابيض ده طالع من الشكمان مش الست بتاعت البخور
من الاخر العربيه دى عملت فيه كل المشاكل اللى بتعملها العربيات فى سنه
وحسبيى الله ونعم الوكيل
عرفت بقى انا بشتم ليه
وسمحنى لو كنت ديقتكم

مبدئياً ياغالي لايمكن ان العداد ده بتاعها...
دي على الأقل قالبه عداد مره اذا مش مرتين كمان...
بالنسبة لمشكلة المارش فغالبا انت محتاج مارش تاني سواءا جديد او استيراد ع التجربة...
بالنسبة لجوان وش السلندر فغالبا العربية سخنت من حضرتك ومنتبهتش او الميه كانت قليله جدا وسخنت والحرارة معليتش قدامك ومش بعيد تكون طرمبة الميه تعبانه...
بالنسبة للدخان الابيض ده يعني زيت محروق غالبا وده شكله طقم شنبر...
اعتقد اي عربيه عمرها معدي ال 10سنين هيبقى عمرها الافتراضي خلص وانت بتشتريها وانت مستنيها تفتح بقها... الكلام ده ينطبق على كل العربيات الحاليه ما عدا الألماني...
وكمان فى حاجة...
ممكن العربية اللي حضرتك حدتها قدمها وحش عليك...
وباكدلك ان الماروتي حمالة قسية بجد ولو رجع بيا الزمن برضو كنت هشتريها...
تحياتي

Sent from my SE Arc S using Forum Runner

[LORD.ADeL]

بااشا
مع احترامي كامل لحضرتك
مشكله وغلطه غلطتك انت من الاول للاسف لان
وانت بتشتري عربيه غلطتك انت ماكشفت عليه كويس وفصصتها من كل نواحي مكيانيكيه زى اي حد بيتشري عربيه مستعمله من الاخر وبلغه سوق انت شربت عربيه دي للاسف وربنا يعوض عليك فى فلوس اللى دفعتها فيها لان
بالوصف للى بتقوله دة عربيه متبهدله ولا كان بيتعمل لها اي صيانه وبالتالي اذا ماصنت عربيتك عمرها ماهتصونك
لاكن حكم عام ع عربيه فاكلنا نختلف معاك لان عربيه مع كل هنا ماشاء الله زي الفل وعامتا كل مشكله وليها حل ان شاء الله اهدي بس ونحاول نشوف كل مشكله ع حدااوالله مستعان

[AROR]

بص يا باشا انا كان معايا واحده موديل 95 وعانيت مع موضوع المارش كتير و ترس البندكس وترس الفلام اللى فى الفتيس وكانوا كل حوالى شهرين يكسروا بعض وافك الفتيس علشان اغير ترس الفلام اللى بيعشق مع ترس البندكس ويكسروا بعض لدرجة ان الفتيس اكثر من كتر الفك والتركيب

[AROR]

لدرجة انى مرة غيرت الحاجة فى التوكيل ومفيش فايدة وبرضة المارش الاستيراد منفعش وكان الحل الوحيد بعد معاناة سنتين اني اشتريت مارش بتاع عربية سوزوكى 1000 اللى هيه سوزوكى فان وهو بيركب على فتيس الماروتى بقاعدة علشان مقاسه مختلف عن بتاعها واشتريته من شارع ابو الفرج بشبرا من امام مستشفى الرمد من عند بتوع قطع غيار السوزوكى وهم حوالى محلين خاصين ببيع قطع غيار الماروتى علشان مارش بتاع عربية سوزوكى 1000 بيستحمل اكتر من بتاع الماروتى