شوية حاجات عملتها في الماروتي ولسه مش عجباني

[followlight]

السلام عليكم

انا طبعا جديد في مجال السيارات بقالي 6 شهور بس

اشتريت الماروتي موديل 2000

العربيه كويسة جدا فابريكه ما عدا رفرف وباب الكلام ده من 6 شهور برده

ضبطها ومشيت بيها سمكرة الرفرف والباب ورشتهم وتمام

المهم الميكانيكي قالي غير سلك البوجيهات والبوجيهات

وانا بربط العفشه قالولي لم البلي شويه

روحت للميكانيكي قالي لا اشتري بلي جديد

المهم اشتريت شويه حاجات

واقولكم الاسعار بالمرة

طقم اسلاك البوجيهات 40 جنيه

سير تقسيمه 30 جنيه

البوجيهات دينسو 45 جنيه

الرولمان بلي الياباني 85 جنيه والهندي ب 60 جنيه في koyo & nsk

اويل سيل طبعا انا جبت الياباني بس سعر الواحد غالي جدا لانه زي بتاع الموديلات النيسان 30 جنيه الواحد وفي اسباني بس انا عرفت بعدين وارخص كتير من 8-15

وبعد ما حليت لقيت مقص بايظ المقص الواحد ب 85 جنيه الهندي

وقبل كده كنت مغير بيضات دريكسيون بس مش فاكر بكام

وبعد كل ده بيومين الفرامل ما كنتش مضبوطه ظبطها عند واحد ما كنتش متاخد منها الهواء

والراجل قالي احنا نشيل الضفادع اللي وراء ونركب مشترك ثلاثي عشان العربيه تمسك الاربع عجلات لما افرمل بس معملتهاش

بس العربيه مش حاسس انها زي الاول مش عارف ليه

صوت الماتور بقه اعلي

ما بين كل نقله الصوت بقي بيعلي بدري شويه يعني لما اجي انقل من التاني علي التالت قبل الاربعين الصوت بيعلي مع ان في الاول كان ممكن علي الاربعين الصوت يعلي

انتو ايه رايكم


انا من الاسكندرية علي العموم من البيطاش

[lidosasa]

مبروك على العربية وربنا يديك خيرها ويكفيك شرها
بس لازم تكتب العربية عالمة كام كيلو عشان خبراء الماروتى اللى معانا تقدر تفيدك صح .
أنت غيرت زيت الموتور وبصيت على سير الكاتينة وسير الموبينة ولا لاء
أنا أسف مش حقدر أفيدك فى موضوع علو صوت الموتور مش بحب أفتى من غير ما أعرف

[dr.hazem]

السلام عليكم

انا طبعا جديد في مجال السيارات بقالي 6 شهور بس

اشتريت الماروتي موديل 2000

العربيه كويسة جدا فابريكه ما عدا رفرف وباب الكلام ده من 6 شهور برده

ضبطها ومشيت بيها سمكرة الرفرف والباب ورشتهم وتمام

المهم الميكانيكي قالي غير سلك البوجيهات والبوجيهات

وانا بربط العفشه قالولي لم البلي شويه

روحت للميكانيكي قالي لا اشتري بلي جديد

المهم اشتريت شويه حاجات

واقولكم الاسعار بالمرة

طقم اسلاك البوجيهات 40 جنيه

سير تقسيمه 30 جنيه

البوجيهات دينسو 45 جنيه

الرولمان بلي الياباني 85 جنيه والهندي ب 60 جنيه في koyo & nsk

اويل سيل طبعا انا جبت الياباني بس سعر الواحد غالي جدا لانه زي بتاع الموديلات النيسان 30 جنيه الواحد وفي اسباني بس انا عرفت بعدين وارخص كتير من 8-15

وبعد ما حليت لقيت مقص بايظ المقص الواحد ب 85 جنيه الهندي

وقبل كده كنت مغير بيضات دريكسيون بس مش فاكر بكام

وبعد كل ده بيومين الفرامل ما كنتش مضبوطه ظبطها عند واحد ما كنتش متاخد منها الهواء

والراجل قالي احنا نشيل الضفادع اللي وراء ونركب مشترك ثلاثي عشان العربيه تمسك الاربع عجلات لما افرمل بس معملتهاش

بس العربيه مش حاسس انها زي الاول مش عارف ليه

صوت الماتور بقه اعلي

ما بين كل نقله الصوت بقي بيعلي بدري شويه يعني لما اجي انقل من التاني علي التالت قبل الاربعين الصوت بيعلي مع ان في الاول كان ممكن علي الاربعين الصوت يعلي

انتو ايه رايكم

انا من الاسكندرية علي العموم من البيطاش

مبروك العربية ده اولا...
كان ممكن بدل متسمكر الرفرف تجيبه جديد بطانه مش معدي ال250جنيه...
بغض النظر..
علو صوت الماتور بدون ميوصل للسرعه الموافقة للصوت ده مع ضعف في السحب بالذات في المطالع او والعربية محمله او مع رجرجه في الفتيس جامد في الطلعه دي اعراض طقم الدبرياج....
بس قبل ده لازم تتاكد ان الكربراتير والكهرباء مظبوطين....
تحياتي

Sent from my SE Arc S using Forum Runner

[aw2100]

انا اتوقع ان فية حاجة قفشة عندك وده اللى بيخلى صوت الموتور بيعلى والسحب بيضعف شوف فيه جنوط بتسخن فى العربية وقول لينا وعموما طالما العربية مستعملة لازم تعمل مراجعة على فلتر الهواء والبنزين وتغير زيت الفتيس كمان وبالنسبة لزيت الفرامل من الأفضل انك تغييره بدل حكايه سحب الهواء عشان كده يبقى زيت الفرامل وحش وده اللى بيعمل هواء فى دورة الفرامل وهو لازم يتغير بالكامل كل سنتين ولما تغييرة حتحس فى الفرامل بتغيير كبير ومبروك على العربية الجديدة !!!

[Amr Axel]

الف مبروك العربية يا باشا و تسلم ايديك ع الاسعار يا ريت تشاركنا بيها في موضوع اسعار قطع الغيار المثبت بالقسم

بخصوص السمكرة و الرش كنت تشتري استيراد او جديد حتي مش هيكلفك مبلغ كبيير تشيل و تركب و كأنه فبريكة

بخصوص البلي طبعا NSK غني عن التعريف تركب و انت مطمن لأنها شركة يابانية متخصصة في بلي السيارات اساسا

سير الكاتينة نوعه ايه ؟؟

بخصوص الفرامل لو التيل سليم و كل حاجة سليمة و الهوا متفرغ اذن غير زيت الفرامل كله الراجل ينزل الزيت القديم كله و يخلي الزيت الجديد ينزل من كل فردة عشان ينضف الدورة و طبعا عشان ميحصلش خلط لكذا نوع زيت و بالتالي الماستر ممكن يضرب و الانواع الكويسة بيندكس و لوكهايد

بخصوص صوت الموتور و تحس كان الار بي ام بيعلي فجأة و العربية سحبها ضعف اذن اضم صوتي لصوت اخونا حازم انه احتمال كبيير يكون طقم الدبرياج بس الأفضل تبص ع الكهربا الأول

و كنت لسه كاتب ع صيانات تتعمل بشكل وقائي او دوري في موضوع اخر فهقتبسها هنا مباشرة

حالة العربية لا تغني عن الصيانات الوقائية او الدورية
و بالتالي اللي هتحتاجي تغيريه
- سير الكاتينة طبعا تجيبي نوعية نضيفة و تاريخ انتاجها جديد و البيانات بتكون مكتوبة ع السير و العلبة او الكيس المتبرشم و الانواع النضيفة طبعا الاصلي بتاع سوزوكي - كونتيننتال اوروبي - صان ياباني - جيتز انجليزي لو موجود
- و يتبص ع سير الدينامو لو محتاج يتغير
-تغيير زيت الموتور و الفلتر و الافضل زيت شل سواء معدني زي شل الاصفر لزوجة 15w50 او تخليقي شل الترا لزوجة 5w30
- تغيير زيت الفتيس و بلاش يتعبي من الطرمبة البرتقالي يعني اللي يعبيلك زيت فتيس يكون من جيركن متبرشم و افضل الزيوت شل و فالفولين لزوجة 75w90 او 80w90 و الزيت بيتم تغيره كل 25-30 الف ك
- فلتر البنزين و اوعي حد يقولك ملهاش فلتر بنزين و فلتر الهوا و دول ممكن كل 20-25 الف ك
- و لو البوجيهات و الابلاتين محتاجين يتغيروا ممكن تتغير و عامة البوجيهات كل 20 الف
- تغيير مية الريداتير و ديه بيتم تغييرها كل سنتين او 40 الف ك تقريبا
- تغيير زيت الفرامل بالكامل بمعني الميكانيكي ينزل الزيت من الدورة كلها و ينضف الدورة بالزيت الجديد و يعبي تاني و افضل الانواع بيندكس او لوكهيد و برده الزيت بيتم تغييره كل سنتين زي مية الريداتير
- تنضيف البوابة و الكربراتير
- فحص الكاوتش و حالته
- و اخيرا ظبط زوايا و تربيط العفشة

بخصوص زيت الموتور اعتقد المعدني مناسب جدااا ليك خاصة شل hx5 لزوجة 15w50 او اللي بيقولوا عليه شل الاصفر

[followlight]

replay

العربيه بقالها معايا 7 شهور كانت ماشيه 85 الف

دلوقتي عامله 97500 الف

انا بغير زيت شيل الاحمر

بالنسبه للسير التقسيمه Sgp

بس مركبيوش لانه كان متغير علي 76 الف قبل كده

انا غير ت الكاوتش كله الاربعه

hankook 255
petlas 255

الاول كوري
الثاني تركي

غيرت قبل كده الزيت بتاع الفرامل وغيرت التيل بس من خمس شهور

ونظفت الكربراتير قيل كده من ثلاث شهور

بس مغيرتش فلتر البنزين من ساعة مجبتها

والعجل بيسخن اللي قدام

وشحمت الاسكاترا بس اوقات بيكون عندي تقل في الدريكسيون ناحية الشمال

[aw2100]

العربيه بقالها معايا 7 شهور كانت ماشيه 85 الف

دلوقتي عامله 97500 الف

انا بغير زيت شيل الاحمر

بالنسبه للسير التقسيمه sgp

بس مركبيوش لانه كان متغير علي 76 الف قبل كده

انا غير ت الكاوتش كله الاربعه

hankook 255
petlas 255

الاول كوري
الثاني تركي

غيرت قبل كده الزيت بتاع الفرامل وغيرت التيل بس من خمس شهور

ونظفت الكربراتير قيل كده من ثلاث شهور

بس مغيرتش فلتر البنزين من ساعة مجبتها

والعجل بيسخن اللي قدام

وشحمت الاسكاترا بس اوقات بيكون عندي تقل في الدريكسيون ناحية الشمال

لازم تغيير فلتر البنزين زمانه بقى اسود هباب وده يكتم العربية ويقلل من عزم السحب بالزات فى الطوالى
اكشف على اجهزة العجل امامى علشان ممكن تكون قافشة ودة اللى بيسخن الجنوط ويزود استهلاك البنزين ويبوظ اسطوانة الدبرياج
ولو ماغيرتش زيت الفتيس لازم تغييره حتحس بفرق كبير وربنا يقويك !

[Amr Axel]

العربيه بقالها معايا 7 شهور كانت ماشيه 85 الف

دلوقتي عامله 97500 الف

انا بغير زيت شيل الاحمر

بالنسبه للسير التقسيمه sgp

بس مركبيوش لانه كان متغير علي 76 الف قبل كده

انا غير ت الكاوتش كله الاربعه

hankook 255
petlas 255

الاول كوري
الثاني تركي

غيرت قبل كده الزيت بتاع الفرامل وغيرت التيل بس من خمس شهور

ونظفت الكربراتير قيل كده من ثلاث شهور

بس مغيرتش فلتر البنزين من ساعة مجبتها

والعجل بيسخن اللي قدام

وشحمت الاسكاترا بس اوقات بيكون عندي تقل في الدريكسيون ناحية الشمال

ليه زيت شل الاحمر فيه مشكلة في الموتور عندك ؟؟

بخصوص السير حاول في اقرب فرصة متاحة تغيره بس جبت السير منين و تاريخ انتاجه كام ؟؟

الكاوتش انت مركب نوعين مع بعض ؟؟؟؟؟

فلتر البنزين غيره طبعا

بخصوص العجل خلي حد يبصلك ممكن تكون الفرامل قافشة او فيه مشكلة

و متنساش باقي الصيانات في المشاركة اللي فاتت من زيوت و سوائل و قطع غيار

[followlight]

في حاجه تانية

امبارح روحت انظف الريداتير

لقيت الراجل بيقولي ده في طحين في القربه قالي انت عندك جوان ضارب

المهم انا قولتله نظف دورة المياة وبعد كده اشوف ايه ده

انا العربيه فاضلها 700 كيلو واغير زيت وفلتر

المياه بتنقص في القربة

بتنزل مياه من الجكمان

وفي دخان في تسخينة الصبح شويه وبعد كده بيروح مش بيطلع تاني

لو حد غير جوان قبل كده يا ريت يقولي اتكلف كام

بالنسبة للزيت انا اللي اشتريت من العربيه كان بيغيره فا انا كملت علي نفس النوع

الكاوتش عندي 2 هانكوك

2 بطلس

ان شاء الله حغير الجنوط

[Amr Axel]

امبارح روحت انظف الريداتير

لقيت الراجل بيقولي ده في طحين في القربه قالي انت عندك جوان ضارب

المهم انا قولتله نظف دورة المياة وبعد كده اشوف ايه ده

انا العربيه فاضلها 700 كيلو واغير زيت وفلتر

المياه بتنقص في القربة

بتنزل مياه من الجكمان

وفي دخان في تسخينة الصبح شويه وبعد كده بيروح مش بيطلع تاني

لو حد غير جوان قبل كده يا ريت يقولي اتكلف كام

بالنسبة للزيت انا اللي اشتريت من العربيه كان بيغيره فا انا كملت علي نفس النوع

الكاوتش عندي 2 هانكوك

2 بطلس

ان شاء الله حغير الجنوط

لا حول و لا قوة الا بالله اظاهر فعلا ان الجوان ضارب اممكن العربية سخنت منك اوي فأثر ع الجوان
هو عامة رخيص الجوان حوالي 30-40 ج و الأفضل تجيبه الأصلي سواء من منفذ بيع قطع غيار التوكيل في الدقي او ليدرز في الدقي برده بلاش انواع غير معروفة و صيني و مصري و بتنجاني لأنها اغلب الوقت معمولة تحت بير السلم و غير سليمة
و لما تروح للراجل هيفك وش السلندر و يكحت مكان الجوان القديم من ع وش السلندر و مكانه ع الموتور لحد ما يخليها ع الشعرة مفيش حتة من الجوان القديم و انت بنفسك تبص بس اوعي يقولك اخرط وش السلندر و اركبلك جوانين لأن كده بيغير مقاسات غرفة الاحتراق و الله اعلم النتيجة هتكون ايه و لو عايز ميكانيكي احنا هنا بنتعامل مع واحد كويس جدااا لو عايز عنوانه ابقي قولي ابعتهولك

الراجل اللي بيغير الزيت شكله كان بيسترخص و بيحط الزيت ده ياما الموتور محتاج شنبر بقي
لو الحالة كويسة المفروض بتحط شل الاصفر مناسب للمواتير اللي تعدت 100 الف و بيزل كل 4-5 الاف ع حسب
الكاوتش حاول تغير و تخلي الـ4 زي بعض و هانكوك الكوري طبعا أفضل

بخصوص الجنوط نصيحة متجيبش اعلي من 12 و لو جبت سواء 12 او 13 لازم تعمل حساب عرض الجنط و الوزن يكون مساوي او اقل من الجنط الستوك عشان العفشة متبوظش او الدريكسيون يتقل و الأفضل بلاش الجنوط المنتشرة الصيني و الحاجات الرخيصة دي لأنها مع اول فتحة او مطب جامد ممكن تنزل تلاقيه في الأرض

[followlight]

طب حضرتك متعرفش مكان في الاسكندرية