Tweet
يا جماعة من فضلكم الالتو 800 بتاخد كام كيلو زيت مع تغير الفلتر وبدون تغير الفلتر وما هو افضل نوع زيت تم تجربيتة وما هو الفرق بين الزيت المعدنى والتخليقى وهل ضرورى اغير فلتر الزيت هذا اول غيار زيت للسيارة هى عملة 1600 كيلو وكمان الكاوتش بيتظبط على كام امامى وخلفى ومعلش سؤال اخر عند لف طارة الدركسيون بسمع صوت بس ضعيف رغم انى ربطت العفشة بس مزبطتش الزواية لانى لا اعرف ما هى اعراض التى يجب عند سماعها يتم عمل ظبط زواية
-
-
بص انا معنديش معلومة محددة عن الألتو على وجه الخصوص..
لكن هاكلمك في معلومات عامة تخص أي عربية جديدة عالزيرو..
طالما العربية جديدة فالأفضل تستخدملها زيت تخليقي
مرحلة استخدام الزيت المعدني دي تبقا لما الموتور يبتدي يتعب..
وبالنسبة لأول غيار زيت أنصحك تغير معاه الفلتر لأنه هايكون لم كل الرايش والوساخة اللي طلعت من احتكاك اجزاء الموتور وهو لسة جديد..
خصوصا ان الألتو مافيهاش طبة ماجنيتيك أو ممغنطة عشان تلم الرايش ده..
وأخيرا ماتستخسرش الفلتر انك تغيره حتى ولو كل مرة..
ده كله بـ20 جنيه مش هاييجي حاجة جنب سعر الزيت اللي تقريبا 300 جنيه
أنا شخصيا في عربيتي باغير الفلتر مع كل غيار زيت
مش هاستخسر فلتر ب20 جنيه على كل 10 آلاف كيلو بتمشيهم العربية
بالمناسبة..
الصوت اللي بتسمعه وانت بتلف الدركسيون ممكن يكون صوت الباور..
جرب في عربية تانية وشوف فيها نفس الصوت ولا لأ
لو لقيت عندك حاجة غير مألوفة ساعتها ممكن تبتدي تسأل[CENTER]
[/CENTER] -
المشاركة الأصلية كتبت بواسطة الحصان الاسرع مشاهدة المشاركة
بتاخد لترين و نص بدون فلتر - 3 لتر الا ربع بالفلتر و اوعي حد يقولك لأ 3 قوله ملكش دعوة و حطلي 3 لتر الا ربع بالفلتر
بخصوص الزيت قبل ما ندخل في الانواع عندك تخليقي و نص تخليقي و معدني
طبعا انسي المعدني و النص تخليقي و لا تيجي جنبهم دلوقتي خالص حط تخليقي اللي بيقولوا عليها 10 الاف مع العلم ان مفيش زيت اسمه 5000 و 10000 كلها فتي الزيت حسب حالته بيتغير ممكن اللي بيقولك 10000 ميكملش معاك 8000 و ممكن اللي بيقولك 5000 يوصل لـ7000
ديه بتعتمد الجو و طريقة السواقة و حالة الموتور و طبعا المتابعة الدائمة للزيت يعني تشوف لزوجته و ريحته لو اتاكسد بس لو عايز تمشي ع جدول محدد انك تغير 10 الاف خلاص مفيش مشاكل بس برده تتابع حالته كل فترة
الانواع شل - فالفولين بس التخليقي طبعا اهم حاجة بلاش تسترخص و تقول هدفع 260 او 270 لأ اجيب زيت سعره اقل مهو كله زيت لأ ده هياثر ع اداء العربية و الموتور مع الوقت و العربية لسه جديدة
الفلتر يتغير مع كل تغييرة لأنك لما بتغير بتحافظ ع الموتور و بلاش تسترخص برده في الفلتر الأفضل تجيب الأصلي اللي هو فلتر سوزوكي سيبك من ابو 15 و 20 اللي اغلب المنتشر منه مضروب
و خاصة اول فلتر تغيره المفروض تكون عملت صيانة الـ1000 و غيرت الزيت و الفلتر ايه اللي خلاك تستني كل الفترة ديه ؟؟!!
الكاوتش بيتظبط ع 30 بس الأفضل حاجة من الاتنين ياما تظبط نيتروجين و هتنسي الضغط فترة طويلة لأنه مبيتاثرش بدرجات الحرارة زي الهوا العادي و المقياس بيكون مظبوط
ياما لو هتظبط هواو ديه مشكلتة كل شوية لازم تظبط خاصة مع تغير درجات الحرارة ممكن تظبط الضغط بليل ع 30 تصحي الصبح تلاقيه 27 لو هتظبط هوا اظبط من مكان عنده منفاخ ديجيتال زي موبيل او تجيب انت منفاخ و مقياس ديجيتال و تظبط عليهم لأن المقياس اللي بيستخدموه ابو 7 ج ده بيطلع قراية غلط يظبطلك ع 30 و القراية الحقيقة ممكن تكون 34 جربتها كتييير و في الحالتين يفضل يكون معاك منفاخ ع الولاعة و مقياس احتياطي في العربية
ضبط الزوايا لما تكون العربية بتحدف منك الصوت اللي عندك انا متوقع انه طبيعي بس في صيانة الـ1000 اللي المفروض تكون عملتها ابقي قولهم عليها احتياطي و شوف لو في اي حاجة تانية في العربية يبصولك عليها
[CENTER][SIGPIC][/SIGPIC]
[SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
[SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
[URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
[/CENTER]
AXEL سابقاComment
-
المشاركة الأصلية كتبت بواسطة salamonti مشاهدة المشاركة
شكرا يا باشا على الرد بس الالتو لا يوجد بها باورComment
-
المشاركة الأصلية كتبت بواسطة amr axel مشاهدة المشاركة
والله ياعمرو الواحد مش عارف يشكرا الزاى على سرعة ردك ومعلوماتك القيمة انا جبت الالتو مخصوص علشان معلوماتك القيمة التى لا تبخل بيها على احد وهذا حاجة نادرة الان
اما بخصوص صيانة 1000 انا وجدت فى كتاب الصيانة انها تنتهى لحد 2000 كيلو وانا من محافظة السويس ومش عارف طريق اقرب فرع لعمل الصيانة وكمان انا ركبت سنتر وانذار برة وخايف اروح التوكيل يطرودونى طردة الكلاب ههههههههههة علشان كدة بفكر اعمل الصيانة برةComment
-
المشاركة الأصلية كتبت بواسطة amr axel مشاهدة المشاركة
الزيت إثنين كيلو ونص أو ثلاثة إلا ربع زي ما قال عمرو ... إوعى تخليه يحطلك 3 لتر بتكون أكتر من الحد الأقصى على المقاس
أنا بخليه يحطلي 2.5 لتر بالفلتر كمان ... وبعد كدة لو احتاجت بزود شوية كمان بس غالبا مش بتحتاج أي حاجة تاني[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاًComment
-
بسم الله الرحمن الرحيم
2.5 لتر بدون فلتر .2.75 بالفلترComment
-
المشاركة الأصلية كتبت بواسطة الحصان الاسرع مشاهدة المشاركة
الحقيقة معرفش الفروع اتصل ع الارقام اللي علي الكتالوج بتاع العربية و هم يقولولك
بخصوص الانذار و السنتر اللي اعرفه انها تطلعك من الضمان و الأفضل تخليك في الضمان شوية عشان لو فيه حاجة ظهرت و خاصة انهم هيركبولك فلتر الزيت سوزوكي بدل المضروب برة و طبعا تحط زيت تخليقي
عايز تعمل الصيانات برة براحتك[CENTER][SIGPIC][/SIGPIC]
[SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
[SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
[URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
[/CENTER]
AXEL سابقاComment
Comment