صفارة مع صوت الكاسيت

[mesaharaty]

حبايبى واخواتى اكرمكم الله ....

إكتشفت إن فيه سماعة مش شغالة ولم أتأكد من إنها باظت ولا لأ
هل لما يكون فيه سماعة مش شغالة يبقى فيه تشويش وصفارة كده طالعة من الصوت ؟ أنا سامع صفارة بايخة كده وبتوضح أكتر لما باعلى الصوت لكن طول ماهو الصوت معقول فبتبقى الصفارة ضعيفة ومحتملة. وغير كده كان الصوت بيعلق (بيروح وييجى) فقمت راشش شوية اسبراى جاف على الزراير والجاكات الخلفية والتعليقة راحت (طبقا لعدد مرات التشغيل للتجريب) بس فاضل موضوع الصفارة ده .
وضع الصوت عندى فى العربية (شاريها كده) : جى إم (إف إم + فلاشة فى الظهر) ومنه خارج سلك له مدخلين داخلين فى الجى إم والطرف التانى من السلك داخل فى شاشة دى فى دى متركبة فى الشماسة اليمين (الشاشة بها فتحة يو إس بى + فتحة كارت ميمورى).
كده أراجع على إيه بالضبط ؟وكيف أجزم بأن السماعة بايظة ولا لسه شغالة ؟

[alking_2006]

لو الصفارة بتزيد مع دوس البنزين يبقى سلك بوجيهات مش معزول كربون و دى حصلت معايا شخصيا غير كدا مقدرش افيدك

[mesaharaty]

لأ ... الصفارة مش بتزيد مع دوس البنزين .
وكمان لاحظت إن الصفارة موجودة عند تشغيل السى دى ومش موجودة لما باكون مشغل من الفلاشة .

[Amr Axel]

ايه الاجهزة اللي راكبة عندك
هيد يونت و نوعه
السماعات نوعها و كام وات
الجي ام
و اي حاجة تانية راكبة

[mesaharaty]

ايه الاجهزة اللي راكبة عندك
هيد يونت و نوعه
السماعات نوعها و كام وات
الجي ام
و اي حاجة تانية راكبة

أهلا بالكبير قوى

والله يا حبيبنا الحكاية بسيطة لا فيها أجهزة معقدة ولا غالية حتى .
1- جهاز كده مش عارف له ماركة ومتركب مطرح ما بنركب الكاسيت وهو عبارة عن زرار صوت وزرار تحويل محطات على إف إم ثم زرارين للصوت برضه ثم سوتش للتحويل بين إف إم مود ، دى فى دى مود .
2- شاشة متركبة فى الشماسة اليمين وبها كارت ميمورى وفلاشة وبتعرض صوت وصورة .
إللى حصل إيه بقى ؟

كان فيه وصلة صوت رابطة بين الدى فى دى (دخلة) وبين الجهاز اللى زى الكاسيت ده (دخلتين) وكنت باتحكم فى السماعات من زرار الصوت بتاعه والصوت كان تمام والسماعتين فل الفل .
فى يوم الوصلة اتشدت بعنف واتقطعت فرحت جبت واحدة زيها وركبتها ومن هنا بدأت المشكلة بتاعت الصفارة . شيلتها برضه وجبت واحدة تانية فالوضع تحسن شوية ولكن مازالت الصفارة مع تشغيل السى دى وبسيطة جدا مع تشغيل الفلاشة .

(للحق إن اللى كانت راكبة فى الأول أفضل خامة من اللى اتركبوا بعد كده)
هل المشكلة إنى ممكن أكون ركبت الوصلة خطأ ؟ وده أدى لإلغاء سماعة من الإتنين ؟ أو أدى لتشويش صفارة ؟

[Amr Axel]

أهلا بالكبير قوى

والله يا حبيبنا الحكاية بسيطة لا فيها أجهزة معقدة ولا غالية حتى .
1- جهاز كده مش عارف له ماركة ومتركب مطرح ما بنركب الكاسيت وهو عبارة عن زرار صوت وزرار تحويل محطات على إف إم ثم زرارين للصوت برضه ثم سوتش للتحويل بين إف إم مود ، دى فى دى مود .
2- شاشة متركبة فى الشماسة اليمين وبها كارت ميمورى وفلاشة وبتعرض صوت وصورة .
إللى حصل إيه بقى ؟

كان فيه وصلة صوت رابطة بين الدى فى دى (دخلة) وبين الجهاز اللى زى الكاسيت ده (دخلتين) وكنت باتحكم فى السماعات من زرار الصوت بتاعه والصوت كان تمام والسماعتين فل الفل .
فى يوم الوصلة اتشدت بعنف واتقطعت فرحت جبت واحدة زيها وركبتها ومن هنا بدأت المشكلة بتاعت الصفارة . شيلتها برضه وجبت واحدة تانية فالوضع تحسن شوية ولكن مازالت الصفارة مع تشغيل السى دى وبسيطة جدا مع تشغيل الفلاشة .

(للحق إن اللى كانت راكبة فى الأول أفضل خامة من اللى اتركبوا بعد كده)
هل المشكلة إنى ممكن أكون ركبت الوصلة خطأ ؟ وده أدى لإلغاء سماعة من الإتنين ؟ أو أدى لتشويش صفارة ؟

الله يكرمك يا ريس و لا كبير و لا حاجة هنا كلنا واحد
بخصوص المشكلة ممكن فعلا تكون من السلك او السوكت حصله حاجة بعد الشدة ديه جرب تجيب الاسلاك من راديو شاك حاجتهم نضيفة و شوف

[mesaharaty]

الله يكرمك يا ريس و لا كبير و لا حاجة هنا كلنا واحد
بخصوص المشكلة ممكن فعلا تكون من السلك او السوكت حصله حاجة بعد الشدة ديه جرب تجيب الاسلاك من راديو شاك حاجتهم نضيفة و شوف

الله يخليك يا عمور
إمبارح بقى فضلت أشيل وأحط وأبدل فى الوصلات لغاية ما تأكدت إن السماعتين شغالين بس مش مع بعض ... بمعنى إن مع تبديل دخلات الوصلة وتجربة وصلة أخرى اتضح إن اللى بيشتغل سماعة واحدة بس إما يمين أو شمال لكن الإتنين مع بعض لأ .
والموقف الحالى إن الوصلة مشغلة سماعة واحدة بس (يعنى الوضع كما هو عليه)