دبرياج الماروتي... بين المشكلة والحل..

[dr.hazem]

السلام عليكم ورحمة الله وبركاته...
لاحظت في الفتره الأخيرة ان ناس كتير معانا غيرو طقم الدبرياج بدري جدا جدا..
فحبيت نتناقش في الموضوع..
ياترى اللي غير الطقم قبل 50ألف يحكيلنا ليه غيره بالذات اللي غيروه حوالي ال20 ألف
ياترى ايه الاعراض او المشاكل اللي واجهته وخلته يغير؟؟
وياريت يحكيلنا تجربته من حيث الميكانيكي والمصنعيه ونوع او صناعة الطقم الجديد كانت ايه وتكلفته كام.

وياترى الأعراض راحت بعد التغيير ولا لا بعيد الشر...

تحياتي للجميع و اعذروني لقلة تنسيق الموضوع لاني عالموبايل...

Sent from my SE Arc S using Forum Runner

[micromoud]

ياريت فعلا انا عندى اسطوانة وديسك بس ودعوا بدرى معايا مش عارف ليه وانا سايبهم لغايه ما يجيبوا اخرهم

[khalidawad]

معلش سؤال كده على الماشى
سلامو عليكوم الاول
هو غيار المرشدير في الفتيس لما ما يجيش مع الواحد يبقى إيه العيب أو بيجى بس حشر

[karimmagdy50]

متابع

[mesaharaty]

متابع

[Amr Axel]

انا لاحظت ان اسطوانة الماروتي بتفور بسرعة لو واحد رجله تقيلة ع الدبرياج
معرفش ايه السبب

[i_Am_Legend]

فعلا..بتعمل الموضوع دة مع ناس كتير...عمرها قصير جدا جدااا

[MEGO802]

انا عندى عامل 42900 والاسطوانة تمام
المشكلة عندى فى الديسك هو اللى تعبان وقولت اسيبة يجيب اخرة

[amrmamdooh]

انا عندي موضوع غيار المارشدير ده برضو ما بيجيش معايا ساعات - مع العلم ان عربيتي ماروتي 2013 عامله حوالي 3000 كيلو

[motto]

غيرتهم على 20 الف او 21 الف """"" صوووت عالي جدا ومفيش عزم والعربيه سخنت ... جبت الاتنين بحوالي 300 ج والمصنعيه 80 ج لكن فعلا اتفورو بدري

[islamahmed1990]

غيرتهم علي 40 الف كيلو
بدون سابق انذار شاطت مني و انا ماشي علي الدائري الصبح علي سرعه 80
و فجاءه مبقتش تسحب و اخرها 60 كيلو في الساعه وو يكون صوت الموتور علي اخره كمان
و اهوه ركبت الفاليو ب 300 و شويه بالبليه الياباني و الميكانيكي خد 80 جنيه
و عامل عليها لحد النهارده 25 الف كيلو وربنا يسترها علينا جميعا

[m7nsh]

مش عارف يا حازم ؟ بس غريبه ..
لما جيت بعتها كانت ماشيه حوالى 50 ومكانش فى اى مشاكل الحمد لله ..دى تجربتى
نقطه على جمب ..فى حاجات 3 اساسيين فى رايى المتواضع يقصفو عمر اى مجموعه دبرياج
1-الدوس ع الفاضى (مريح رجلك الشمال ع الدواسه وانت ماشى سريع اصلا ومش بتنقل مثلا).
2-الدوس نص دوسه ..مش بتدوس للاخر وانت بتنقل
3-الفرك الكتير
والصح انك تدوس دبرياج فى حالتين 2 فقط لاغير طول حياتك :
1- وانت بتنقل (اكيده يعنى ياعم الفقيق عارفينها دى ..سامع حد بيقول كده فى سره)
2-لما العربيه تهدى خالص سرعتها وتكاد تكون هتبطل ..تدوس ساعتها قبل مرحله الرجرجه مباشره .. والحركه دى كمان عشان تستفيد بفرامل الموتور engine brake

[waelgam2005]

مش عارف يا حازم ؟ بس غريبه ..
لما جيت بعتها كانت ماشيه حوالى 50 ومكانش فى اى مشاكل الحمد لله ..دى تجربتى
نقطه على جمب ..فى حاجات 3 اساسيين فى رايى المتواضع يقصفو عمر اى مجموعه دبرياج
1-الدوس ع الفاضى (مريح رجلك الشمال ع الدواسه وانت ماشى سريع اصلا ومش بتنقل مثلا).
2-الدوس نص دوسه ..مش بتدوس للاخر وانت بتنقل
3-الفرك الكتير
والصح انك تدوس دبرياج فى حالتين 2 فقط لاغير طول حياتك :
1- وانت بتنقل (اكيده يعنى ياعم الفقيق عارفينها دى ..سامع حد بيقول كده فى سره)
2-لما العربيه تهدى خالص سرعتها وتكاد تكون هتبطل ..تدوس ساعتها قبل مرحله الرجرجه مباشره .. والحركه دى كمان عشان تستفيد بفرامل الموتور engine brake

انا فى حاجه بس عاوز اعلق عليها من كلام حضرتك فى النقطة دى :
2-الدوس نص دوسه ..مش بتدوس للاخر وانت بتنقل
هوا مش كدا المفروض انك بتريح الاسطوانة ومش بتدوس دبرياج كتير ؟ اصل انا مش بدوس على الدبرياج للاخر وانا بنقل على التالت والرابع بالاخص والتانى بجيب التلت تربع وساعات بجيب الدبرياج كله انما الاول والمارشدير الخنيق اللى ساعات مبيجيش بضطر اجيب اخر الدواسة طبعا

[dr.hazem]

انا فى حاجه بس عاوز اعلق عليها من كلام حضرتك فى النقطة دى :
2-الدوس نص دوسه ..مش بتدوس للاخر وانت بتنقل
هوا مش كدا المفروض انك بتريح الاسطوانة ومش بتدوس دبرياج كتير ؟ اصل انا مش بدوس على الدبرياج للاخر وانا بنقل على التالت والرابع بالاخص والتانى بجيب التلت تربع وساعات بجيب الدبرياج كله انما الاول والمارشدير الخنيق اللى ساعات مبيجيش بضطر اجيب اخر الدواسة طبعا

لا طبعا كده غلط والمفروض تفصل الدبرياج نهائي...
اللي بيختلف بس هوا رفعة الدبرياج هي اللي بتبقى اسهل عالتروس الأصغر (التالت والرابع)

تحياتي

Sent from my SE Arc S using Forum Runner

[micromoud]

الفاليو الكورى ولا الهندى ولا اليابانى يا جماعه