إعـــــــلان

Collapse

.

,
See more
See less

استفسار بخصوص الماروتى والالتو

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    استفسار بخصوص الماروتى والالتو

    السلام عليكم

    لو سمحتم أنا جديد معاكم فى المنتدى وكنت محتاج أسمع رأي الخبراء عشان انا ان شاء الله ناوى اجيب عربية جديدة ودي اول عربية هشتريها باذن الله ومعنديش خبرة فى موضوع العربيات الصراحة وكنت محتاج اعرف الفرق بين السوزكى ماروتى و الالتو 2013 من حيث استخدام العربية وقطع الغيار واستهلاك البنزين ومين يستحمل السفر فيهم اكتر ولو فكرت ابعها بعد كدة هخسر كتير وهل ليهم مشاكل أو اعطال كتيرة ولازم الصيانة فى التوكيل ولا فى أي مكان لاني محتار بين الاتنين بس شايف ان الالتو شكلها احسن وهل فرق السعر بينهم دلوقتى كبير فتنصحونى بأي واحدة فيهم معلش طولت عليكم .. وشكرا مقدما.
    الكلمات الدلالية (Tags): استفسار, الماروتى, بخصوص, والالتو
  • #2
    الماروتي 800 سي سي كربياتير استهلاك البنزين بتاعها موفر جدا واقتصاديه
    قطع غيار رخيصه ومتوفره واي حد بيشتغل فيها
    الالتو 800 سي سي انجكشن برضو موفره في الاستهلاك لاكن ازيد شويه عن الماروتي
    قطع غيار متوفره معنديش فكره عن اسعارها وفيها تكيف وحجمها جميل والاعضاء يفيدوك اكتر عنها لاني
    مركبتهاش لاكن ممكن تحكم لو بصيت في القسم على التقريرات هنا وبرضو الميزانيه تحكم
    [CENTER][FONT=Comic Sans MS][SIZE=2]Rap is away to show your Emotions,Rap is big and Endless like oceans,Rap make it easier to show your feels,Rap is alife style and one of my needs[/SIZE][/FONT][/CENTER]

    Comment

    • #3
      اتفضل هنا
      نايل موتورز - NileMotors.net
      http://www.nilemotors.net/Nile/315362-a.html

      تحياتي

      Sent from my SE Arc S using Forum Runner
      don't judge a car unless you have driven it

      hm414 سابقا

      Comment

      • #4
        لو هختصرلك الموضوع هقول الآتي...
        الماروتي ارخص. شكل اقدم. اصغر شويه. محرك بكغمه واحده وكربراتير بتكنولوجيا قديمة شويه وبقطع غيار برخص التراب وصيانة ولا اسهل ومبينزلش فيها اي اضافات....

        الالتو اغلى بحوالي 12 ألف جنيه على آخر سعر سمعته من فتره. محرك بكامتين و12 صباب حديث و انجكشن. موفره اكتر من الماروتي في استهلاك البنزين. مكيفه. مفهاش اضافات غير التكييف. شكل احدث. اوسع. اعلى لان جنطها 13. قطع غيارها اغلى ولكن معمرة أكثر لان نطام الاشعتل في اليكتروني بخلاف الماروتي اللي شغاله بأبلاتين وكوندنسر...
        القرار عندك طبعا....
        تحياتي

        Sent from my SE Arc S using Forum Runner
        don't judge a car unless you have driven it

        hm414 سابقا

        Comment

        • #5
          دكتور حازم جابلك الخلاصه واعتذر لو كانت في معلومات غلط من ناحيه الالتو لاني مجربتهاش
          ولاكن باخد فكره من ناس مختلفه وواضح اني فهمت غلط
          [CENTER][FONT=Comic Sans MS][SIZE=2]Rap is away to show your Emotions,Rap is big and Endless like oceans,Rap make it easier to show your feels,Rap is alife style and one of my needs[/SIZE][/FONT][/CENTER]

          Comment

          • #6
            المشاركة الأصلية كتبت بواسطة mohamedhagrass
            دكتور حازم جابلك الخلاصه واعتذر لو كانت في معلومات غلط من ناحيه الالتو لاني مجربتهاش
            ولاكن باخد فكره من ناس مختلفه وواضح اني فهمت غلط
            كلام حضرتك سليم...
            العربيتين حلوين
            بالمناسبه...
            الاتنين بيسافرو وبيتحملو...
            بالنسبالي لو الفرق فعلا 12 ألف هاخد الالتو ويبقى معايا عربيه احدث وموفره اكتر ومكيفه....
            لو اكتر من كده ممكن اعيد التفكير في الماروتي...

            في نقطه كمان...
            الماروتي إعادة بيعها في رأيي احسن من الالتو و هتلاقي منها كسر زيرو كمان لو حبيت انما اللي بيشتري الالتو غالبا مبيبعهاش....
            و برضو عشان اكون موضوعي...
            الماروتي صحيح ابلاتين وكوندنسر لكن ذول بيتغيرو كل 20 ألف كيلو...
            لو هقارن قطع الغيار ببعض الماروتي هتكسب...
            وبغض النظر المحصله النهائية كتكلفه الاتنين واحد وعشان كده انا بقول الالتو احسن...
            تحياتي

            Sent from my SE Arc S using Forum Runner
            don't judge a car unless you have driven it

            hm414 سابقا

            Comment

            • #7
              مكان حضرتك و مدى توفر قطع غيار الالتو فيه ده هيفرق - لكن الماروتي موجوده عند كل الناس

              Comment

              • #8
                الالتو تتميز ب كل حاجة عن الماروتى فيما عدا نقطة اعادة البيع و توافر قطع الغيار ( برا القاهرة ) , لكن لو حضرتك من القاهرة هنا ف الاتنين قطع غيارهم موجودة
                الالتو بقى تكييف و دلع و جو مصر محتاج دا اوى و خصوصا ان حضرتك داخل على صيف بقى و كده

                Comment

                • #9
                  متشكر جدا لردود حضراتكم المشجعة :) mohamedhagrass, dr.hazem, amrmamdooh, mohamed_mesho3m وجزاكم الله كل خير

                  Comment

                  • #10
                    المشاركة الأصلية كتبت بواسطة mohamedhagrass مشاهدة المشاركة
                    الماروتي 800 سي سي كربياتير استهلاك البنزين بتاعها موفر جدا واقتصاديه
                    قطع غيار رخيصه ومتوفره واي حد بيشتغل فيها
                    الالتو 800 سي سي انجكشن برضو موفره في الاستهلاك لاكن ازيد شويه عن الماروتي
                    قطع غيار متوفره معنديش فكره عن اسعارها وفيها تكيف وحجمها جميل والاعضاء يفيدوك اكتر عنها لاني
                    مركبتهاش لاكن ممكن تحكم لو بصيت في القسم على التقريرات هنا وبرضو الميزانيه تحكم

                    المشاركة الأصلية كتبت بواسطة dr.hazem مشاهدة المشاركة
                    لو هختصرلك الموضوع هقول الآتي...
                    الماروتي ارخص. شكل اقدم. اصغر شويه. محرك بكغمه واحده وكربراتير بتكنولوجيا قديمة شويه وبقطع غيار برخص التراب وصيانة ولا اسهل ومبينزلش فيها اي اضافات....

                    الالتو اغلى بحوالي 12 ألف جنيه على آخر سعر سمعته من فتره. محرك بكامتين و12 صباب حديث و انجكشن. موفره اكتر من الماروتي في استهلاك البنزين. مكيفه. مفهاش اضافات غير التكييف. شكل احدث. اوسع. اعلى لان جنطها 13. قطع غيارها اغلى ولكن معمرة أكثر لان نطام الاشعتل في اليكتروني بخلاف الماروتي اللي شغاله بأبلاتين وكوندنسر...
                    القرار عندك طبعا....
                    تحياتي

                    sent from my se arc s using forum runner

                    محمد و حازم جابولك من الاخر
                    الماروتي شكل زي مهو ماعدا اختلافات بسيطة في الشكل ليناسب عصرنا لكن التابلوه هو هو - موتور كربراتير - سرعة قصوي 150 ك\س - جنط 12 - تانك 28 لتر - مفيش اي كماليات لكن ممكن التركيب - قطع الغيار رخيصة جدااا

                    الالتو شكل احدث سواء داخليا او خارجيا -الحجم اكبر داخليا او خارجيا - موتور انجيشكن 12 صمام - طبعا استهلاك اقل في البنزين - العداد معاك لـ180 لكن محدش فكر يجيب بيها اكتر من 160 ك\س - جنط 13 - تانك 35 لتر - تكييف و يمكن تركيب باقي الكماليات برده - قطع غيار اعلي من الماروتي بس الميزة ان قطع غيارها في التوكيل زي برة في السعر ممكن ازيد حاجة بسيطة اوي

                    طبعا فيه حاجة جرب تسوق ديه و تسوق ديه و انت تشوف بنفسك

                    الصيانات زي ما انت عايز بس ع الاقل خليك في الضمان شوية عشان لو فيه اي حاجة
                    اهم حاجة في العربيات ديه او العربيات بشكل عام الصيانة الدورية اكرمت العربية اكرمتك هنتها هانتك و زي مقولتك قطع الغيار في منفذ بيع قطع غيار التوكيل قريبة جدااااا من برة

                    اعادة البيع العربيتين عليهم اقبال فوق ما تتخيل خاصة انها تعتبر العربيات المناسبة حاليا هنا سواء اقتصادية او صغيرة و طبعا ياباني
                    [CENTER][SIGPIC][/SIGPIC]
                    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                    [/CENTER]

                    AXEL سابقا

                    Comment

                    • #11
                      Amr Axel شكراً لرد حضرتك واهتمامك :)

                      Comment

                      السابق template التالي
                      Working...
                      X