تقرير عن تغيير جوان منافول واولسيه كاما للالتو

[elkomyalto]

بسم الله الرحمن الرحيم


بعد عناء من اللف والبحث عن جوان منافول للسياره الالتو بتاعتى
الحمد لله ربنا وفقنى وفصلته عند واحد بتاع تفصيل جوانات فى التوفيقيه

والجوان كما هو فى الصوره كان منفس من النص

وعامل صوت فى الماتور جامد ومزعج

وبعد السؤال فى كذا مكان عنه فلم اجده لانه بيتباع مع طقم الجوانات كله
ولا يباع منفرد وطبعا طقم الجوانات مكلف جدا حوالى 300 جنيه
فبعد السؤال من بعض المحلات قالوا لى ممكن تفصله افضل
وفعل وصفولى واحد بيفصل جوانات وعملته وركبته والحمد لله وكلفنى الجوان 15 جنيه بس
فعملت 2 جوان وركبتهم مع بعض كما كان راكب

ايضا كان لازم اغير الزور ال بيركب بين المنافول وماسورة الشكمان كما هو بالصوره

بردوا دورت عليها ووجدتها بعد شوية لف ب 25 جنيه والحمد لله


ايضا كان هناك تسريب زيت بسيط وبعد البحث قال لى الميكانيكىقبل ما يفك
ان الاولسيه بتاع الكاما هو ال مسرب ويجب تغييره
كما هو واضح فى الصوره ...

جبت الاولسيه من التوفيقيه ثم ذهبت الى الميكانيكى وكانت الصدمه انه طلع مش نفس المقاس
فخليت الميكانيكى يفكه ورحت بيه تانى للتوفيقيه للمحل ال اشتريته منه ولم اجده
لفيت شويه عليه والحمد لله وجدته بعد عناء وسعره 10 جنيه

واخيرا بعد التركيب هناك فرق طبعا كبير بين صوت العربيه فى الاول والان بعد تركيب الجوان
وربنا يسهل واشوف موضوع التسريب انه ميظهر تانى


ومستنى رأيكم فى التقرير ..

[S O P H O S]

مبروك
مشكورررر علي نقل التجربة ..

[Amr Axel]

اهي ديه التقارير و الا فلا
تسلم ايديك يا دكتور ع التقرير الرائع ده
و الف مبروك عليك القطع الجديدة

بس كان ايه سبب ان الجوانات تضرب ؟؟؟

[lidosasa]

أنا معايا ماروتى ولاحظت النهاردة تسريب فى الزيت حصور التسريب وأرفعه فى موضوع جديد بالمنتدى لأرى نصائحكم بخصوص التسريب

[elkomyalto]

مبروك
مشكورررر علي نقل التجربة ..

جزاكم الله خير ... وشكرا على المرور
والله يبارك فيك يا باشا

[elkomyalto]

اهي ديه التقارير و الا فلا
تسلم ايديك يا دكتور ع التقرير الرائع ده
و الف مبروك عليك القطع الجديدة

بس كان ايه سبب ان الجوانات تضرب ؟؟؟

الله يبارك فيك يا عمووووره
وده بعض ما عندكم الواحد بيتعلم منك

وسبب ان الجوان ضرب من النص الميكانيكى قال لى انه ممكن يكون من كثرة السخونه
او يكون الوش فيه حاجه
بس انا مش مقتنع بموضوع الوش ده
فهو ممكن يكون العمر الافتراضى بتاعه خلص والله اعلم

[elkomyalto]

أنا معايا ماروتى ولاحظت النهاردة تسريب فى الزيت حصور التسريب وأرفعه فى موضوع جديد بالمنتدى لأرى نصائحكم بخصوص التسريب

ممكن يكون الاولسيه مسرب بس تأكد ان الجوان سليم

ولو فيه اولسيه او اى شى عايز يتغيير نصيحه منى علشان متلفش كتير عليه او متجبش حاجه غلط
خلى الميكانيكى يفكه الاول وتاخذه معاك وتجييب ذيه بالضبط