Tweet
بسم الله الرحمن الرحيم - نسور السوزوكي و اعضاء المنتدى الكرام ده تقرير صغير من مبتدئ تقارير عن تغيير هواء اطارات السوزوكي ماروتي للنيتروجين :
اسباب التغيير :
1- العربيه كانت ناشفه ف المطبات
2-الصيف داخل و مشكلة انفجار الإطارات على الطريق
3- قريت عنه و لاقيت الناس بتقول انه كويس للعفشه جدا
أما موضوع انها بتحتاج تتزود كل شويه لأ العربيه من اول ما جبتها و انا تقريبا زودتها مره واحده كل حوالي 1500 كم .
امبارح سألت واحد صاحبي معاه لانوس كان عمل نيتروجين و شكرلي فيه على مكان الورشه اللي عمل فيها و وصفهولي و اتجهت بعدها مباشرةللورشه - متسرع شويه - بس بحب انجز و الله - اتجهت للورشه و ركنت و بدأ الأسطى بعد ما خلص عربيه كانت ف أيده بأنه فك كل بلف ف الأربع كاوتشات و سابهم لحد ما جوم ع الجنط .
بدا بعدها بجهاز كده مستطيل فيه خرطومين واحد أحمر و التاني ازرق يشفط باقي الهوا اللي ف الكاوتشات لحد ما بقى شكلها يكسف افتكرتها عجلة تكتك و هوه قعد يضحك قولتله لو ركبتها هتحبها و قعدنا نهرج لكنه شكرلي ف العربيه جدا و قاللي يابيه كفايه انك راكب ياباني .
بعد ما شفط كل الهوا بدا يعكس المفتاح اللي ف الجهاز عنده و بدأ يملا الكاوتشات نيتروجين - قاللي انا هظبطهالك على 30 قولتله النيتروجين المفروض اعلى قاللي لأ هيه كده - قلتله انته أدرى.
خلص الأربع فرد و رحت مطلعله الأستبن - بيلمع طبعا - و برضو فضاه و ملاه نيتروجين
الموضوع كله اتكلف حوالي 30 دقيقه و 25 جنيه (خمس فرد) و قاللي و لا شهرين عشان تريح منك و ممكن تزودها هوا عادي لحد ما تجيلي أو هتيجي تزودها تقريبا بجنيه الفرده .
تمام جدا أخدت توتي و بدأت اقارن و انا ماشي بيها ايه الفرق ؟
1- العربيه بتسحب جدا
2- المطبات بقت طريه جدا و حاسس اني ماشي على حجر مش كاوتش
الشيئ الغريب الي قريته ان ده بيقلل استهلاك البنزين كمان عموما انا حسيت كده بس لسه مش متاكد هبقى اقولكم ايه اخبار البنزين - بس بجد النيتروجين ده جااااااحد
اسباب التغيير :
1- العربيه كانت ناشفه ف المطبات
2-الصيف داخل و مشكلة انفجار الإطارات على الطريق
3- قريت عنه و لاقيت الناس بتقول انه كويس للعفشه جدا
أما موضوع انها بتحتاج تتزود كل شويه لأ العربيه من اول ما جبتها و انا تقريبا زودتها مره واحده كل حوالي 1500 كم .
امبارح سألت واحد صاحبي معاه لانوس كان عمل نيتروجين و شكرلي فيه على مكان الورشه اللي عمل فيها و وصفهولي و اتجهت بعدها مباشرةللورشه - متسرع شويه - بس بحب انجز و الله - اتجهت للورشه و ركنت و بدأ الأسطى بعد ما خلص عربيه كانت ف أيده بأنه فك كل بلف ف الأربع كاوتشات و سابهم لحد ما جوم ع الجنط .
بدا بعدها بجهاز كده مستطيل فيه خرطومين واحد أحمر و التاني ازرق يشفط باقي الهوا اللي ف الكاوتشات لحد ما بقى شكلها يكسف افتكرتها عجلة تكتك و هوه قعد يضحك قولتله لو ركبتها هتحبها و قعدنا نهرج لكنه شكرلي ف العربيه جدا و قاللي يابيه كفايه انك راكب ياباني .
بعد ما شفط كل الهوا بدا يعكس المفتاح اللي ف الجهاز عنده و بدأ يملا الكاوتشات نيتروجين - قاللي انا هظبطهالك على 30 قولتله النيتروجين المفروض اعلى قاللي لأ هيه كده - قلتله انته أدرى.
خلص الأربع فرد و رحت مطلعله الأستبن - بيلمع طبعا - و برضو فضاه و ملاه نيتروجين
الموضوع كله اتكلف حوالي 30 دقيقه و 25 جنيه (خمس فرد) و قاللي و لا شهرين عشان تريح منك و ممكن تزودها هوا عادي لحد ما تجيلي أو هتيجي تزودها تقريبا بجنيه الفرده .
تمام جدا أخدت توتي و بدأت اقارن و انا ماشي بيها ايه الفرق ؟
1- العربيه بتسحب جدا
2- المطبات بقت طريه جدا و حاسس اني ماشي على حجر مش كاوتش
الشيئ الغريب الي قريته ان ده بيقلل استهلاك البنزين كمان عموما انا حسيت كده بس لسه مش متاكد هبقى اقولكم ايه اخبار البنزين - بس بجد النيتروجين ده جااااااحد
Comment