عايز أعلى الماروتى

[MEGO802]

بقالى فترة وحاسس ان العربية وطيت على الارض (هى طول عمرها واطية هههههههه)
الاول كنت بمشى فى شوارع فيها مطبات كتير فمكنتش بتاثر فيها اى مطب
دلوقتى بقت مفيش مطب الا ولازم يعلم عليها
فا مش عارف اعمل اية
احطلها كوبيات من تحت & ولا اغير السوست بتاعتها

[Amr Axel]

بص ع العفشة عندك الأول
و اوعي تفكر تحط علايات او اي تعديل ترفع بيه العربية و الا هتزعل جامد في الثبات ع السرعات لأن العربية اساسا خفيفة و المفروض تفضل زي مهي و يتركبلها كاوتش اعرض سنة عشان يثبتها اكتر

[dr.hazem]

ممكن بس تكشف عالعفشه جايز بعيد الشر في مساعد بايظ ولا حاجة...
غير كده قدامك حل مكلف شويه وهو انك تغير بجنط 13 من الارقام المناسبه ليها لكن مش هيفرق كتير...
او تضحي بالثبات وتركب الكاوتشات اللي بتعلي ولا انصح بيه لو بتمشي على طرق سريعه...
بالنسبالي لما غيرت الكاوتش جبت الاعرض سنتي وده علا العربية 1.2 سم بس خلف فقراية العداد....
مفيش حل سلمي بالكامل..
تحياتي

Sent from my SE Arc S using Forum Runner

[MEGO802]

اولا شكرا على الرد بتاعكم Amr Axel & dr.hazem
ثانيا انا فكرة ان انا اغير الجنوط دية مستبعدة تماما لان انا لسة مغير اربع فرد كاوتش فصعب ان انا اغيرهم تانى
وانا كدة كدة هكشف على العفشة بس لو فى مساعد بايظ اكيد العربية هتبقى واطية فى الجزء اللى فية المساعد
بس العربية كلها واطية من جميع الجهات تقريبا
وغير كدة انا العربية واطية هعليها بالمعدل الطبيعى بتاعها فاكيد مش هياثر على الثبات ولا انا كدة غلط