ضغط هوا الكاوتش و التحميل عالعفشة

[bambino]

السلام عليكم أيها الأخوة الكرام

أنا عارف إنى مقصر بس الدنيا مشاغل و ربنا يعلم

لاحظت حاجة ...لما بروح أظبط هوا الكاوتش فى الماروتى بظبطه على 28. مرة أو اتنين كبرت دماغى و قلت أشوف 30 حيعمل إيه

الملاحظات:
- الاحساس بالمطبات أفضل
- بعد يوم و اتنين ابتديت أسمع كركرة فى أول الغيار (الغيار المتدلع مش العطشان)

أنا متعود جوة المدينة بدلع غياراتى عشان الزحمة - قدر الإمكان - و مكنتش أبدا بسمع صوت الكركرة ده - أنا أعرف إنه بيبان فى العربيات المستعملة بس - كل اللى كنت بحس بيه رجرجة خفيفة - الطبيعى يعنى - مش أكتر

و فعلا لما رجعت تانى أظبط على 28 الكركرة راحت و العربية رجعت تمام

مش كده يبقى فعلا فيه تحميل على العفشة؟ أظن المقصات و الكبالن؟ مش كده؟

و الصوت ده بيبقى جاى من الكبالن ...صح؟

مع تحياتى

[أحمد كمال]

معلش يعني ايه غيار متدلع و غيار عطشان؟

[bambino]

معلش يعني ايه غيار متدلع و غيار عطشان؟

هههههههه آسف للمصطلحات الغريبة :))

متدلع مقصود بيه النقل من غيار أقل لغيار أعلى بدرى أوى عن احتياج الغيار الأعلى...يعنى مثلا من التانى للتالت على 20 - 25 و هكذا (آر بى إم قليل)

و العطشان طبعا - بالضرورة - هوه عكسه...يعنى مثلا النقل من التانى للتالت على 45 (آر بى إم عالى)

و أرجو المعذرة مرة تانية :)))

(دلعها فى الغيارات و ريحها فى المطبات)

مع تحياتى

[dr.hazem]

هههههههه آسف للمصطلحات الغريبة :))

متدلع مقصود بيه النقل من غيار أقل لغيار أعلى بدرى أوى عن احتياج الغيار الأعلى...يعنى مثلا من التانى للتالت على 20 - 25 و هكذا (آر بى إم قليل)

و العطشان طبعا - بالضرورة - هوه عكسه...يعنى مثلا النقل من التانى للتالت على 45 (آر بى إم عالى)

و أرجو المعذرة مرة تانية :)))

(دلعها فى الغيارات و ريحها فى المطبات)

مع تحياتى

مبدئياً ضغط كاوتش الماروتي 27 مش 28....
ثانيا النقل اللي بتنقله ده هيدمرلك طقم الدبرياج بدري جدا!! ده اللي انت مسميه متدلع!!
طبعا الكركره اللي حضرتك سمعتها دي تسمى تسقيف knocking = detonation
وذي يدورها بتقصف عمر الماتور!،!
وهي ناتجة عن عدم تشبيع الغيار....

ياريت تراجع نفسك لان واضح ان كل ظروف قيادتك للسيارة رايحه ناحية دمرني شكرا!!

تحياتي

Sent from my SE Arc S using Forum Runner

[windofchange]

الموتور بيسقف نتيجة انك دلعت الغيارات بزيادة...احرق سنة علي كل غيار علشان ميبوظش منك بسرعة

[bambino]

مبدئياً ضغط كاوتش الماروتي 27 مش 28....
ثانيا النقل اللي بتنقله ده هيدمرلك طقم الدبرياج بدري جدا!! ده اللي انت مسميه متدلع!!
طبعا الكركره اللي حضرتك سمعتها دي تسمى تسقيف knocking = detonation
وذي يدورها بتقصف عمر الماتور!،!
وهي ناتجة عن عدم تشبيع الغيار....

ياريت تراجع نفسك لان واضح ان كل ظروف قيادتك للسيارة رايحه ناحية دمرني شكرا!!

تحياتي

sent from my se arc s using forum runner

شكرا لتوضيح حضرتك بس أنا مش متأكد إن كلامى وصل مفهوم. التسقيف اللى أنا فاهمه بيبقى فيه رجرجة عنيفة مش كركرة..و لا أنا فاهم غلط؟

الكركرة بالظبط زى صوت الشيشة بس معدن ... و خفيف ... لا هوه بيبطأ السحب و لا بيرجرج

لو أنا فاهم غلط أرجو التوضيح
مع تحياتى

[أحمد كمال]

الكركرة برضه تسقيف

[dr.hazem]

شكرا لتوضيح حضرتك بس أنا مش متأكد إن كلامى وصل مفهوم. التسقيف اللى أنا فاهمه بيبقى فيه رجرجة عنيفة مش كركرة..و لا أنا فاهم غلط؟

الكركرة بالظبط زى صوت الشيشة بس معدن ... و خفيف ... لا هوه بيبطأ السحب و لا بيرجرج

لو أنا فاهم غلط أرجو التوضيح
مع تحياتى

هو ده التسقيف المقصود...
ومفيش حاجة اسمها حمل عالكبالن يخليها تكركر...
الكبالن لما بتبوظ بتطقطق جامد فى الملفات وتسمع في الطاره....
التسقيف بيحصل جوا الماتور نفسه وتخيل ان صوته بيطلعلك لبره امال اللي بيحصل جواه ايه....

تحياتي

Sent from my SE Arc S using Forum Runner

[Land_Cruiser]

كتر الدلع هيتلف الموتور . كأنك بتربي طفل صغير بالضبط. الافضل تلتزم بالنقلات في مواعيدها مش قبل و لا بعد و تضبط ضغط الاطارات حسب الموصي به في كتالوج العربيه او كما قال الزملاء علي ٢٧. لو زودت الضغط العفشه هتبقي ناشفه و متعبه و العربيه هتجري معاك إنما الفرامل هتبقي وحشه و ممكن العربيه تزحف منك

[mesaharaty]

طيب الراجل ينقل للتالت على كام والرابع على كام ؟
أنا عن نفسى باظبطها مع صوت الموتور .
نظريا التانى لغاية 30 والتالت لغاية مثلا 45 والرابع بعد كده

[dr.hazem]

طيب الراجل ينقل للتالت على كام والرابع على كام ؟
أنا عن نفسى باظبطها مع صوت الموتور .
نظريا التانى لغاية 30 والتالت لغاية مثلا 45 والرابع بعد كده

انا كنت بنقل للتاني على 20
للتالت على 40
للرابع 65
بتعتمد على طقم الدبرياج وصوت الماتور والاحساس وكده...
تحياتي

Sent from my SE Arc S using Forum Runner