إعـــــــلان

Collapse

.

,
See more
See less

لخبراء تركيب السنترلوك للماروتي !!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    لخبراء تركيب السنترلوك للماروتي !!

    اصدقائي الاعزاء ، السلام عليكم ورحمة الله وبركاته
    بما اني اشتريت السوزوكي ماروتي والحمدلله ، وبما انها من غير اي اوبشنز !!
    ففكرت كده اعملها سنترلوك

    المهم توكلت على الله وقابلت راجل كبير في السن "معرفة" عشان يمشيني الاول بالعربية لاني لسة مبتدأ وبعد كده ياخدني للشخص اللي بيعمل السنترلوك ، ( معلش انا مش عارف بيسموه ايه)

    بصراحة انا ماعملتش اي حاجة خالص !!
    الراجل اللي كان معايا .. خوفيني !! وقالي ان العربية شكلها هايبوظ حرام عليك دي لسة جديدة
    وقالي انهم هايفكوا الفرش والمشمع وكل حاجة عشان يعملوا السنترلوك
    وقالي انها مش هاترجع زي الاول ومش بعيد تاني يوم يبوظ !!!
    ونهاها اني اكيد هاندم :(

    انا مش عارف بقا كلامه صح ولا غلط ؟؟!!
    قلت اسأل اهل الخبرة والشباب اللي جربت
    كلامه صح ولا غلط ؟؟ انا مش عارف ؟؟
    وافرد انا حبيت اركب سماعات وكاسيت وخلافه ، ماهي هاتبقى نفس المشكلة برضوا
    ياريت يا شباب تفيدوني

    وشكرا



    ----------------------------------------------------

    ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

    يرجى مراجعة قواعد المنتدى

    مشرف 10 ب
    Hossam Halawany
    الكلمات الدلالية (Tags): السنترلوك, تركيب, لخبراء, للماروتي
  • #2
    اولا الف مبروك ع العربية ربنا يديك خيرها و يكفيك شرها
    و منتظرين منك موضوع في القسم تقرير و انطباعك عن العربية

    بس خلي بالك اللون الأحمر مخالف لقوانين المنتديلأن المشرف كتبلك تنبيه في الموضوع :)


    بخصوص السنترلوك و يبوظ شكل العربية عايز اقولك انا مت ع نفسي من الضحك في حكاية العربية هتبوظ و مش هترجع جديدة انا حسيت كأن اللي هيركب سنترلوك هيفك الموتور يا باشا فرش الابواب ده احنا بنفكه عادي بايدينا كمان و عادي خالص المهم تروح المكا اللي هتركب فيه
    و عايز تركب انذار و سنتر قدامك حل من الاتنين يا تركب في التوكيل بما ان العربية لسه زيرو
    ياما تركب في وولف wolf و ديه نوعية محترمة جداااا و ضمان و توكيلهم في اخر ش جسر السويس ورا اسواق القنال سنتر و انذار 300 بالتركيب تقريبا و الناس هناك شغلهم نضيف

    طريقة تركيب الانذار و السنتر

    الانذار : بيركب السرينة ( السماعة ) في الحوض و العلبة او الكونترول يعني بتاع الانذار بيركب تحت التابلوه و يوصله بكهربا العربية و بعدين يوصل الابواب الاتنين عليه و اوعي حد يوصلك باب السواق بس البابين و لو عايز الـ4 ابواب تجيب زراير للبابين اللي ورا و يتوصل عليهم و لو عايز كبوت و شنطة كمان تجيبلهم برده زراير و كلهم يبقوا واصلين ببعض ع لمبة الصالون و الانذار و بعدين الحساس علبة صغيرة و تخليه يعلي الحساس ع الاخر عشان اي حد يجي جنب العربية يشتغل
    السنتر هيفك فرش الابواب و يركب السنتر تحت المسوجر في كل باب لو هتعمل الاربع ابواب او الاتنين اللي قدام بس زي ما تحب يعني و بعدين يوصلهم بكهربا العربية و ممكن تربطه بالانذار لو عايز بحيث لما تفتح الانذار السنتر يفتح و لما تقفل يقفل هم بيظبطوا كل ده


    بس ملحوظة لو بتنسي زي حالاتي بلاش تركبه لأنك هتضطر تستني نسخة المفتاح التانية او الريموت لو نسيته
    و انا افضلك لو هتركب يبقي بابين قدام لأن لو الاربع ابواب وارد اي حد يجي يفتح و ينط في العربية زي ما حصل مع أعضاء معانا هنا

    و اي استفسار يا باشا عن العربية اتفضل

    و في انتظار تقاريرك عن العربية و اي حاجة تعملها فيها حتي لو مساحة :)
    [CENTER][SIGPIC][/SIGPIC]
    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
    [/CENTER]

    AXEL سابقا

    Comment

    • #3
      بس ملحوظة لو بتنسي زي حالاتي بلاش تركبه لأنك هتضطر تستني نسخة المفتاح التانية او الريموت لو نسيته
      و انا افضلك لو هتركب يبقي بابين قدام لأن لو الاربع ابواب وارد اي حد يجي يفتح و ينط في العربية زي ما حصل مع أعضاء معانا هنا

      و اي استفسار يا باشا عن العربية اتفضل

      و في انتظار تقاريرك عن العربية و اي حاجة تعملها فيها حتي لو مساحة :)[/color][/size][/quote]

      مش فاهم الجذء ده جضرتك ، ممكن توضيح من فضلك :)
      Hossam Halawany

      Comment

      • #4
        مش فاهم ايه اللي مش واضح في كلامي :)

        كنت بقولك لو من النوع اللي ممكن ينسي المفتاح و ينزل من العربية و يقفلها او يسيبها شغالة و يقفل الباب زي حالاتي يبقي بلاش تركب السنتر لأنك مش هتعرف تفتح الباب الا بالريموت الاضافي او وجود نسخة تانية من المفتاح لو السنتر لوك قفل و المفتاح جوة

        و بخصوص التركيب لبابين فقط لأنك لو ركبت 4 ابواب الـ4 ابواب بيتفتحوا كلهم في نفس الوقت و بالتالي ممكن تلاقي حد نط في العربية حصلت مع ناس معانا هنا و هو واقف مجموعة كانوا هيقلبوه فتحوا ابواب العربية الـ3 و هو كان قاعد فيها كمان عشان يقلبوا العربية ... مجرد نصيحة للوقت الحالي بشكل مؤقتا نظرا للحالة الامنيةو برده براحتك عايز تريح دماغك و تركب ع كل الابواب عيش :)

        اما الجزء الاخير من كلام فبقولك تعملنا تقرير بمعني مثلا ركبت انذار و سنتر تعملنا موضوع في القسم تشرح فيه التركيب و فين و السعر و انطباعك و لو فيه صور يبقي زي الفل         و هكذا ع اي حاجة تعملها و بالتالي تعم الفائدة :)
        [CENTER][SIGPIC][/SIGPIC]
        [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
        [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
        [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
        [/CENTER]

        AXEL سابقا

        Comment

        • #5
          المشاركة الأصلية كتبت بواسطة amr axel مشاهدة المشاركة
          مش فاهم ايه اللي مش واضح في كلامي :)

          كنت بقولك لو من النوع اللي ممكن ينسي المفتاح و ينزل من العربية و يقفلها او يسيبها شغالة و يقفل الباب زي حالاتي يبقي بلاش تركب السنتر لأنك مش هتعرف تفتح الباب الا بالريموت الاضافي او وجود نسخة تانية من المفتاح لو السنتر لوك قفل و المفتاح جوة

          و بخصوص التركيب لبابين فقط لأنك لو ركبت 4 ابواب الـ4 ابواب بيتفتحوا كلهم في نفس الوقت و بالتالي ممكن تلاقي حد نط في العربية حصلت مع ناس معانا هنا و هو واقف مجموعة كانوا هيقلبوه فتحوا ابواب العربية الـ3 و هو كان قاعد فيها كمان عشان يقلبوا العربية ... مجرد نصيحة للوقت الحالي بشكل مؤقتا نظرا للحالة الامنيةو برده براحتك عايز تريح دماغك و تركب ع كل الابواب عيش :)

          اما الجزء الاخير من كلام فبقولك تعملنا تقرير بمعني مثلا ركبت انذار و سنتر تعملنا موضوع في القسم تشرح فيه التركيب و فين و السعر و انطباعك و لو فيه صور يبقي زي الفل           و هكذا ع اي حاجة تعملها و بالتالي تعم الفائدة :)
          الانذار عندي بيقفل اللوك اوتوماتيك اول ما اتحرك بالعربية
          نوعه wolf

          Comment

          • #6
            بالنسبه للاخ صاحب الموضوع

            اتصل بيهم علي الارقام اللي هنا و اسأل عن حد يركبلك النظام في عربيتك

            WolfEgypt.com is for sale | HugeDomains
            http://www.wolfegypt.com/.......s.htm
            Get set up with a new domain name right away. Affordable payment plans to fit any budget. Friendly customer support.

            Comment

            السابق template التالي
            Working...
            X