تقرير مصور عن عمل " نص عمرة " للماروتي

[max100x]

قبل اي شئ

======================================

شكر خاص للاستاذ Amr Axel علي مساعدته و عطاءه الدائم اثناء عمل عمرة الموتور

======================================

احب اتكلم عن الاسباب اللي خلتني عملت نص العمرة :

1- دخان من الشكمان و العربية كانت بتاكل زيت

2- كنت كل شويه اغير البوجيهات علشان فيه زيت كان بينزل عليهم و العربية بتقطع مني

3- العربية سخنت مني قبل كده فعملت جوان وش سلندر اتنين فوق بعض و دا كان غلط لانه ضيع عزم العربية و مكانتش بتجري زي الاول و طبعا دا بسبب انه ميكانيكي حمار

4- كان فيه تسريب في "طبة" الموتور و "طبة" المانفول و دا السبب الاساسي في عدم اكتمال دورة المياه و نتج عنه سخونه في العربية و العربية عملت بما يسمي طحينه (اختلاط ميه مع زيت)


انا عملت الاتي :

سألت عن ميكانيكي كويس و عمرو اكسيل رشحلي عم عصام الميكانيكي و فعلا طلع الراجل ممتاز جدا و كفاية عليا طريقة معاملته .... انسان مؤدب جدا و علي خلق ...عكس الصنايعيه اللي اتعاملت معاهم...بجد راجل فوق الممتاز ... و صنايعي بيفهم و بيشخص العطل 10/10


الطلبات + الاسعار (1/4/2013)

طقم جوانات كامل =100 جنيه
ترس فالام=80
فلتر زيت ياباني =35
طقم شنبر =150
طقم حشو شنبر =10
طقم صباب=185
سنسور الحراره الهندي =30
بوجيهات =40
زيت باكم امريكي = 15
ديسك + اسطوان + بلية(فاليو الكوري) =420
+
ماكينه مرشدير =55 جنيه
(الحاجات دي كلها من عند اكرم حمدي و الراجل عمل تخفيض 25 جنيه )
و عنوانه
شارع دمشق - مصر الجديده


جبت كمان
وش سلندر هندي =850
اويل سيل صباب =30

و ده كان من عند ليدرز شارع ايران - الدقي
أ/محمد رفعت


جبت كمان

بطاريه Ac Delco 40A
سعرها كان 350

من عند واحد محترم جدا اسمه الاستاذ ماهر
تاير ماركت
شارع احمد الزمر - بجوار سوق السيارات -الحي العاشر


جبت كمان

جركن زيت = 60

و ده كان زيت اي كلام علشان هيترمي بعد التليين


========================

المصنعية
350 جنيه عم عصام
20 جنيه للصبيان
120 خراط


و تم عمل الاتي :

فكينا الكبود و فوجئت انها اول مره يتعملها عمرة
شد الموتور كله بالكامل خارج العربية ما عدا طبعا الفتيس
ده عم عصام الميكانيكي





الموتور و هو بيتنضف من جوا








خلال يومين انا كنت راكب العربية و ماشي بيها لكن العملية طولت اكتر من كده
بسبب ان وش السلندر عندي من كتر السخونه "اتهتك" في الاجزاء الداخلية و قفع و مرار طافح نزل عليه

فغيرته خالص و الحمدلله اهي تحت البيت ماشية زي الفل بس لسه بتلين

[micromoud]

ألف مبرووووك التقرير ممتاز ... ممكن تقولى بعد العمرة جبتلها صفيحة بنزين وسبتها دايرة عند الميكانيكى ولا مشيت بيها على طول والميكانيكى مكانه فين

[max100x]

ألف مبرووووك التقرير ممتاز ... ممكن تقولى بعد العمرة جبتلها صفيحة بنزين وسبتها دايرة عند الميكانيكى ولا مشيت بيها على طول والميكانيكى مكانه فين

طبعا سبت العربيه دايره شويه عند الميكانيكي كام ساعه و قالي امشي بيها 500 كيلو و تعالالي و انا قربت اخلص المسافه دي و عاوز اعمل زيها كمان مرة علشان ااكد علي التليين

[Amr Axel]

ما شاء الله هي ديه التقارير و لا فلا شايفين يا نسور التقارير ههههههه

الف مبروك يا بيتر و لا شكر و لا حاجة المهم العربية ماشية تمام و اي حاجة عايزها انت عارف رنة بس :)

و مقولتليش ليه انك روحت تجيب البطارية من عند أ \ ماهر انا كنت قريب من هناك يومها لحد بليل
و احب اضيف الناس دول برده ترصيصهم كويس عن تجربة

و لو عايز ظبط زوايا موجود برده هههههههه بس عند واحد تاني في الحي السابع بيظبط للماروتي نظرا لقلة وجود البرنامج الخاص بها :d

[AMRSPEED]

دى نفس المشاكل اللى عندى بالظبط بتاكل زين ودخان من الشكمان وكل شويه اغير البوجيه بسب زيت بيجى على البوجيه الأول
وقبل كده عملت طقم شنبر
انا هستنى تقولى ايه رايك فى العمره
عشان انا حاسس ان العربيه مش بترجع زى الأول جرب بقى وقولنا بعج التليين وتنصحنى اعمر ولا اجيب ماتور استيراد

[micromoud]

طبعا سبت العربيه دايره شويه عند الميكانيكي كام ساعه و قالي امشي بيها 500 كيلو و تعالالي و انا قربت اخلص المسافه دي و عاوز اعمل زيها كمان مرة علشان ااكد علي التليين

يعنى على كده موضوع انك تحرق صفيحتين بنزين والعربية واقفه عالسلانسيه كده دى مش مهمه ...؟

[max100x]

دى نفس المشاكل اللى عندى بالظبط بتاكل زين ودخان من الشكمان وكل شويه اغير البوجيه بسب زيت بيجى على البوجيه الأول
وقبل كده عملت طقم شنبر
انا هستنى تقولى ايه رايك فى العمره
عشان انا حاسس ان العربيه مش بترجع زى الأول جرب بقى وقولنا بعج التليين وتنصحنى اعمر ولا اجيب ماتور استيراد

اول شئ تعملة انك تخلي الميكانيكي يشوف الموتور من جوا كويس ولا تعبان و بعدين يقرر اذا كان هيتعملك نص عمرة او عمرة او يتغير الموتور بواحد استيراد

[max100x]

يعنى على كده موضوع انك تحرق صفيحتين بنزين والعربية واقفه عالسلانسيه كده دى مش مهمه ...؟

صفحتين بنزين يعني هتقعد يومين 48 ساعه قدام العربية لان حرقها للبنزين قليل جدا

و اعتقد ان ده بيتعمل في حاله العمرة الكاملة ... انا عربيتي عملت طقم شنبر فقط لاغير ...فقدرت اني امشي بيها لكن طبعا اقصي سرعه وصلت ليها 60 فقط علشان الشنابر الجديده متجرحش السلندرات و تدخلني في قصه عمرة كاملة

لو نص عمرة متشلش همها خالص ... دي حاجه بسيطه بس بتحتاج اهتمام نسبيا

[lidosasa]

سؤال بالنسبة للبطارية هو سعرها 350 جنيه وخد منك البطارية القديمة ولا من غيرها ؟؟؟؟
عايز أطمن لآنى لسه شارى البطارية وكان سعرها 400 جنيه وأخد منى القديمة ب 50 جنيه .

[S O P H O S]

مبروك
وان شاء الله تبقي افضل

[AMRSPEED]

انا رحت للميكانيكى انهارده قالى منصحكش بالعمره قطع الغيار مش مضمونه واحسنلك متعملش عمره قولتله طيب اعمل ايه
قالى العمره هتكلفك 1500 مثلا
قالى احسن حل هات ماتور استيراد فاضى من غير دينامو وكربراتير والجزء اللى فوق قولتله وده يعمل كام قالى مش هيعدى الف جنيه وفعلا رحت سألت سمعت من 900 ل 1100 وبكده فعلا احسنلى ولا تليين ولا وجع دماغ
وياريت اسمع رايكو

[max100x]

سؤال بالنسبة للبطارية هو سعرها 350 جنيه وخد منك البطارية القديمة ولا من غيرها ؟؟؟؟
عايز أطمن لآنى لسه شارى البطارية وكان سعرها 400 جنيه وأخد منى القديمة ب 50 جنيه .

اخد مني القديمه و اداني حشو علشان البطاريه الجديده صوابعها رفيعه = 350 جنيه

[max100x]

مبروك
وان شاء الله تبقي افضل

الله يبارك فيك :)

[max100x]

انا رحت للميكانيكى انهارده قالى منصحكش بالعمره قطع الغيار مش مضمونه واحسنلك متعملش عمره قولتله طيب اعمل ايه
قالى العمره هتكلفك 1500 مثلا
قالى احسن حل هات ماتور استيراد فاضى من غير دينامو وكربراتير والجزء اللى فوق قولتله وده يعمل كام قالى مش هيعدى الف جنيه وفعلا رحت سألت سمعت من 900 ل 1100 وبكده فعلا احسنلى ولا تليين ولا وجع دماغ
وياريت اسمع رايكو

الاسعار اللي بتقول عليها دي كانت عند مين؟ لاني رحت عزبه شلبي علشان اجيب وش السلندر استيراد و اخر سعر وصلتله كان 800 بالكامة و مرضيش ينزل عن كده .

الشئ الوحيد اللي يخوف من قصه الاستيراد دي ان الموتور "بطيخه" انت و حظك .

[dr.hazem]

الاسعار اللي بتقول عليها دي كانت عند مين؟ لاني رحت عزبه شلبي علشان اجيب وش السلندر استيراد و اخر سعر وصلتله كان 800 بالكامة و مرضيش ينزل عن كده .

الشئ الوحيد اللي يخوف من قصه الاستيراد دي ان الموتور "بطيخه" انت و حظك .

مش ببطيخه....
الورق واثباته والهم ده مشكلة كمان....
والقرار بيعتمد عالحاله الداخلية للماتور...
تحياتي

Sent from my SE Arc S using Forum Runner