زيت الفتيس للماروتى

[memo13]

السلام عليكم و رحمة الله و بركاتة

انا عندى استفسار يا ماروتية بالنسبة لزيت الفتيس

انا عاوز اعرف العربية بتاخد قد اية زيت فتيس عشان انا غيرتة امبارح و حاسس ان الراجل اشتغلنى وقالى انو حط كمية وانا حاسس ان اللى حطة اقل من اللى حاسبنى علية فكنت عاوز اعرف الماروتى بتاخد اد لية زيت فتيس

وشكرا مقدما

[lidosasa]

الماروتى بتاخد 2 كيلو زيت للفتيس
وممكن تفك بنفسك المقياس لآنه بيبقى قلاوظ وتشوف بنفسك معيار الزيت

[Amr Axel]

بتاخد حوالي 2 لتر زيت لزوجة 75w90 او 80w90
و الزيت بيتغير كل 20-30 الف لأن مفيش حاجة اسمها الزيت يتزود معني انه يتزود يعني فيه تسريب عندك
اهم حاجة لما تغير زيت اوعي حد يعبيلك من الطرمبة البرتقالي او الفضي او اي طرمبة مقفولة لأن شوفتهم بيعبوها ايه اي زيت من جراكن اشكال و الوان و شحم و ساعات بتكون فاضية و مفيهاش حاجة
و بتكون نصب بمعني انه بيفضل يدوس ع دراع الطرمبة ع اساس انه بيعبي و هو في الحقيقة مبيعبيش حاجة اساسا و يقولك خدت 2 لتر و كأنها كلمة ثابتة معاهم كلهم نادرا ما تجد حد امين و بيحط فعلا لكن في جميع الاحوال ابعد عن الطرمبة المقفولة دي اللي مش باين لها معالم
عايز تغير تخليه يبعبي من جيركن زيت فتيس مقفول و متبرشم و يفتحه قدامك و يزود منه بالرداخ او قمع و راكب فيه خرطوم غير كده لأ

[memo13]

بتاخد حوالي 2 لتر زيت لزوجة 75w90 او 80w90
و الزيت بيتغير كل 20-30 الف لأن مفيش حاجة اسمها الزيت يتزود معني انه يتزود يعني فيه تسريب عندك
اهم حاجة لما تغير زيت اوعي حد يعبيلك من الطرمبة البرتقالي او الفضي او اي طرمبة مقفولة لأن شوفتهم بيعبوها ايه اي زيت من جراكن اشكال و الوان و شحم و ساعات بتكون فاضية و مفيهاش حاجة
و بتكون نصب بمعني انه بيفضل يدوس ع دراع الطرمبة ع اساس انه بيعبي و هو في الحقيقة مبيعبيش حاجة اساسا و يقولك خدت 2 لتر و كأنها كلمة ثابتة معاهم كلهم نادرا ما تجد حد امين و بيحط فعلا لكن في جميع الاحوال ابعد عن الطرمبة المقفولة دي اللي مش باين لها معالم
عايز تغير تخليه يبعبي من جيركن زيت فتيس مقفول و متبرشم و يفتحه قدامك و يزود منه بالرداخ او قمع و راكب فيه خرطوم غير كده لأ

يبقى انا اتنصب عليا فعلا يا عمرو
المشكلة ان دى اول مره اغير فيها زيت فتيس و ماكنتش فاهم الدنيا ماشية ازاى هو الاشتغالة كانت فى الكمية يعنى هو قالى انها خدت 2 كيلو و نص وانا شكيت الصراحة عشان العربية صغيرة معقولة هاتاخد 2 كيلو و نص زيت فتيس!
المهم هو حط الزيت فعلا من الطرمبة البرتقالى بس انا كنت شايف الخرطوم و كنت شابف الزيت بيتحرك جواه يعنى مكانش بيعبى على الفاضى حتى و هو شغال الطرمبة خلصت و قام فاتحها و حط فيها زيت تانى من جركن زيت تروس التعاون هو لونه اخضر و الصراحة يعنى الجركن كان متبرشم و فاتحة قدامى بس انا حسيت انو اشتغلنى فى الكمية لما حش انى مش فاهم يالا بقى محدش بيتعلم ببلاش
اه على فكرة هو قالى عاوز زيت 70 ولا 140 فلما انا بلمت قالى 140 احسن عشان الحر و كده فكدة صح ولا انا برده اتعمل عليا حوار فى حكاية 70 و 140 دى ؟

[memo13]

الماروتى بتاخد 2 كيلو زيت للفتيس
وممكن تفك بنفسك المقياس لآنه بيبقى قلاوظ وتشوف بنفسك معيار الزيت

هابص على المقياس النهاردة تسلم يا كبير

[Amr Axel]

يبقى انا اتنصب عليا فعلا يا عمرو
المشكلة ان دى اول مره اغير فيها زيت فتيس و ماكنتش فاهم الدنيا ماشية ازاى هو الاشتغالة كانت فى الكمية يعنى هو قالى انها خدت 2 كيلو و نص وانا شكيت الصراحة عشان العربية صغيرة معقولة هاتاخد 2 كيلو و نص زيت فتيس!
المهم هو حط الزيت فعلا من الطرمبة البرتقالى بس انا كنت شايف الخرطوم و كنت شابف الزيت بيتحرك جواه يعنى مكانش بيعبى على الفاضى حتى و هو شغال الطرمبة خلصت و قام فاتحها و حط فيها زيت تانى من جركن زيت تروس التعاون هو لونه اخضر و الصراحة يعنى الجركن كان متبرشم و فاتحة قدامى بس انا حسيت انو اشتغلنى فى الكمية لما حش انى مش فاهم يالا بقى محدش بيتعلم ببلاش
اه على فكرة هو قالى عاوز زيت 70 ولا 140 فلما انا بلمت قالى 140 احسن عشان الحر و كده فكدة صح ولا انا برده اتعمل عليا حوار فى حكاية 70 و 140 دى ؟

مفيش زيت 70 في التعاون هو 90 و 140 و 140 ده تقيل و بيتحط للفتيسات القديمة او اللي فيها بوش و تعبانة لكن لو اتحط في فتيس جديد هيخربه بدري و هيخلي الفتيس محجر معاك الصبح اول ما تدور العربية لحد ما يسخن و يبدأ يفك و تلاقيه سهل معاك يمكن في الصيف عشان الحر و السخونية مش هتحس اوي لكن لو في الشتا هيتعبك عشان تنقل
المفروض اللزوجة الطبيعي 90 هي المناسبة للفتيس

بخصوص الزيت اللي حاطه انت قريت مكتوب عليه 140 و لما شوفت عنده لقيت طرمبتين و لا هي واحدة بس اللي بيعبي منها و قالك 70 و 140 قولتله خلينا في 140 راح معبيلك منها ؟؟

و حسبلك لتر الزيت التعاون بكام ؟؟

[memo13]

مفيش زيت 70 في التعاون هو 90 و 140 و 140 ده تقيل و بيتحط للفتيسات القديمة او اللي فيها بوش و تعبانة لكن لو اتحط في فتيس جديد هيخربه بدري و هيخلي الفتيس محجر معاك الصبح اول ما تدور العربية لحد ما يسخن و يبدأ يفك و تلاقيه سهل معاك يمكن في الصيف عشان الحر و السخونية مش هتحس اوي لكن لو في الشتا هيتعبك عشان تنقل
المفروض اللزوجة الطبيعي 90 هي المناسبة للفتيس

بخصوص الزيت اللي حاطه انت قريت مكتوب عليه 140 و لما شوفت عنده لقيت طرمبتين و لا هي واحدة بس اللي بيعبي منها و قالك 70 و 140 قولتله خلينا في 140 راح معبيلك منها ؟؟

و حسبلك لتر الزيت التعاون بكام ؟؟

اه انا قصدى 90 ولا 140 انا اتلخبطت معلش

طب انت اية رأيك اغيرو ولا اقضى بية الصيف و اغيرو على الشتا ؟

هو سألنى قبل ما يجيب الطرمبة و بعد ماقلتلو 140 جاب الطرمبة و انا بصيت على الجراكن بتاعة زيت الفتيس زى ماقولت انا قريت مكتوب عليها زيت تروس و كان التعاون و لونة اخضر بس انا مش فاكر كويس الرقم كان كام

حسب ال 2 كيلو و نص ب 47.5 يعنى اللتر كان ب 19 جنية

[alking_2006]

انظف زيت فتيس للماروتى زيت فتيس موبيل لزوجة 90
العلبة لسه جايبها ب 26 جنيه و بتبقى 1 لتر
هتجيب علبتين و بيتحطوا كلهم

نصيحة نزل الزيت اللى انتها حطيته دا و حط موبيل

[Amr Axel]

اه انا قصدى 90 ولا 140 انا اتلخبطت معلش

طب انت اية رأيك اغيرو ولا اقضى بية الصيف و اغيرو على الشتا ؟

هو سألنى قبل ما يجيب الطرمبة و بعد ماقلتلو 140 جاب الطرمبة و انا بصيت على الجراكن بتاعة زيت الفتيس زى ماقولت انا قريت مكتوب عليها زيت تروس و كان التعاون و لونة اخضر بس انا مش فاكر كويس الرقم كان كام

حسب ال 2 كيلو و نص ب 47.5 يعنى اللتر كان ب 19 جنية

من رايي نزله عايز تقعده شوية و تنزله انت حر بس هيبقي تقيل ع الفتيس
عايز تغير حط شل كويس سعر الليتر 24-26 ج

[memo13]

انظف زيت فتيس للماروتى زيت فتيس موبيل لزوجة 90
العلبة لسه جايبها ب 26 جنيه و بتبقى 1 لتر
هتجيب علبتين و بيتحطوا كلهم

نصيحة نزل الزيت اللى انتها حطيته دا و حط موبيل

هايحصل ان شاء الله تسلم يا باشا على النصيحة

[memo13]

من رايي نزله عايز تقعده شوية و تنزله انت حر بس هيبقي تقيل ع الفتيس
عايز تغير حط شل كويس سعر الليتر 24-26 ج

لا خلاص هاغيرة ان شاء الله
معلش فى سؤال تانى يا عمرو انا عارف انى تقلت عليك بالنسبة لزيت الموتور بقى الماروتى بتاخد 3 كيلو و لا 2.5 ؟؟

[lidosasa]

أنا مغير زيت الفتيس بموبيل متبرشم كان اللتر ب 22 جنيه بس الكلام ده من فترة قبل زيادة اسعار الزيوت توكل على الله ونزل الزيت وغيره أحسن وعوضك على الله فى الفلوس اللى دفعتها .
وبالنسبة لزيت الموتور الماروتى بتاخد 2.5 لو مش حتغير الفلتر و 2.75 لو حتغير الفلتر واوعى تحط 3 لتر نهائى لآنه حيكون خطر على الموتور . والأفضل إنك تغيير الفلتر أحسن وأنضف للعربية ومش حيكلفك كتير 25 جنيه تقريباً . أنا شخصياً أفضل زيت شيل هيلكس الأصفر الجركن 4 لتر حتلاقيه دلوقتى ب 125 أو 130 لآن الأسعار زادت شوية وبلاش موبيل للموتور خليك فى الشيل أحسن وبيخلى صوت الموتور أنعم أنا مغيره وداخل على 3000 كيلو من ساعة ما غيرته ولسه لزوجته زى ما هى مفيش غير بس تغيير فى لونه ودا طبيعى وصوت الموتور ناعم . وكان فيه موضوع هنا فى المنتدى عن موضوع الزيوت وكان فيه أغلبية كبيرة بتفضل الشيل وممكن تدور على الموضوع وتقراه

[max100x]

24 جنيه من بنزينه شيل

[waelgam2005]

شل هيلكس الاصفر 5000 ممتاز للماروتى وبالنسبة لفلتر الزيت بتغير مرة ومرة او لو حابب تغيره كله تغيره انت حر انا بستعمله بقالى 3 مرات اهو وزى الفل وعامل بيه لحد دلوقتى 4000 كيلو ولسه بيقول مقلش لا بس انا هغيره على 4500 والمقاس زى ما قال الاستاذ المحترم اللى قبلى سواء ان كنت هتغير فلتر بكمية قد ايه او من غير فلتر بكمية قد ايه

[Amr Axel]

يا باشا و لا يهمك اسال براحتك
بخصوص زيت الموتور 2.5 من غير فلتر و 2.75 بالفلتر
و ممكن تستخدم شل hx5 او يعني اللي بيطلق عليه هنا شل الاصفر لو شل 5000 و ده لزوجة 15w500 و سعره بفي 125 ج
اما بخصوص فلتر الزيت انصحك بتغييره مع كل تغييرة و تستخدم فلتر سوزوكي من منفذ بيع قطع غيار التوكيل او استخدم نوع ياباني كويس