منظف الكربراتير

[lidosasa]

السلام عليكم
لو حد جرب منظف الكرابراتير اللي بيتحط في تنك البنزين ياريت يقولي هو كويس ولا اي كلام . ويتحط عادي في اي وقت مع تفويل البنزين ولا ليه نظام معين عشان يكون مفعوله احسن . عربيتي ماروتي ٢٠٠٧ عاملة ٥٤٢٠٠ كيلو

[beshomilan]

هو انا اعرف ان مظف الكربراتير ده بيترش بيه على الكربراتير بعد ما تفك العمه وانا بستعمله فعربيتى كده
انما اول مره اعرف انه بيتحط مع البنزين!!!
هو اصلا علبته رش مش سايله عشان يتحط مع تفويلة البنزين
والله اعلم

[محمد طايع]

هو انا اعرف ان مظف الكربراتير ده بيترش بيه على الكربراتير بعد ما تفك العمه وانا بستعمله فعربيتى كده
انما اول مره اعرف انه بيتحط مع البنزين!!!
هو اصلا علبته رش مش سايله عشان يتحط مع تفويلة البنزين
والله اعلم

ده حاجه وده حاجه
فيه منظف كاربيراتير بيترش فعلا بشكل مباشر على الكاربيراتير واجزاؤه الداخليه بغرض التنظيف
وفيه نوع تانى تماما برضه بينظف الكاربيراتير أو دورة الوقود كلها وبينضاف لتفويلة البنزين

مفيش حد فيهم بيستخدم مكان التانى

بالنسبة لجدوى الموضوع من عدمه راجع الموضوع التالى

http://www.nilemotors.net/Nile/343065-abro-fuel-system-cleaner-473-ml.html

تحياتى

[dr.hazem]

هو بيعطي نتايج اكتر لما يتحط في الكربيراتير دايركت


وانا بحب انظف الكربيراتير بالرش كل 10 آلاف كيلو انما اللي عالتفويله او لو حتى كبيت منه جوه الكربيراتير ده ضعيف ومش قد كده وبعمل بيه كل 5 آلاف كيلو


تحياتي

[lidosasa]

هو بيعطي نتايج اكتر لما يتحط في الكربيراتير دايركت


وانا بحب انظف الكربيراتير بالرش كل 10 آلاف كيلو انما اللي عالتفويله او لو حتى كبيت منه جوه الكربيراتير ده ضعيف ومش قد كده وبعمل بيه كل 5 آلاف كيلو


تحياتي

بعد إذنك يا دكتور يا ريت تقولي طريقة الرش ازاي وياريت لو فيه صور عشان ما ابوظش الدنيا وارش في حتة غلط . واسم المنظف ايه وسعره كام

[dr.hazem]

بعد إذنك يا دكتور يا ريت تقولي طريقة الرش ازاي وياريت لو فيه صور عشان ما ابوظش الدنيا وارش في حتة غلط . واسم المنظف ايه وسعره كام

من عنيا الاتنين

طيب يا كنج
هوا الموضوع كان شرحهولي قبل كده بشمهندس سمير عياد...

قدامك اختيارين
لو البوجيهات جديده,,, يبقى انتا عايز تحافظ عليها
وبالتالي في طريقه ممكن تعملها بس انا مجربتهاش
الاول انك تفك العمه وتفك البوجيهات
وترش زي مقال عادل وتدي مارش تلات مرات بدون بوجيهات
هتلاقي من مكان البوجيهات بيطلع زي دخان اسود ده الطبيعي وده الهباب اللي كان هيلزق عالبوجيهات

او الاختيار التاني لو البوجيهات قديمه وهتتغير فالاسهل انك تنظف وهما جوه او تركب طقم قديم من عندك وتنظف

بالنسبه للعمليه نفسها الموضوع بسيط جدا

انا عن نفسي بحب طريقة انك تكون هتغير البوجيهات....

انتا فكيت العمه
قدامك الكربيراتير له فتحتين وفيه اجزاء متحركه زي بكرة البنزين
هتجيب فوطه نظيفه وحطها جوا الفتحتين
وتجيب الWD40 ترش بيه على بكرة البنزين (يعني الدبليو دي لتنظيف الاجزاء الخارجية فقط)
ده اول خطوة

بعدين شيل الفوطه لفها حوالين الكربيراتير لمنع اي رذاذ انه يوصل للبويه لانه بيسيح اللون...
هتجيب منظف الكربيراتير (ايا كان نوعه وانا عن نفسي بفضل نوع Stop وهوا امريكي ولقيته عند واحد ب 20 (لو عايز اجيبهولك..)

العربية حاليا مبطله
هترش جوا الفتحتين دول بعد رج العبوة لحد اما تشوف ان فعلا اللون رجع للون المعدني الاصلي

هتدور العربية (هتغلبك شويه في التدوير لكن استحملها شويه)
اول اما تدور زي ما قال عادل هتديها دوس بنزين من البكره اللي الكربيراتير
(انا بفضل ان العربية تكون سخنه عشان تقرص عالمكنه براحتك خالص بدون خوف)

اقرص عليها شويه لمده دقيقتين وهتلاحظ فعلا الدخان الاسود من الشكمان
والعربية دايره
شد الشفاط شويه للمستوى التاني مثلا
ايدك اليمين فيها المنظف والشمال حطها على بكرة البنزين
هترش شويه والعربية دايره وتزود بنزين من البكره (لان هتلاقي اول مبترش ان العربية هتطفي فعشان كده الشفاط وتزود بنزين)


طبعا العمليه دي هتعملها وتقرص عالماتور وهكذا
لحد امتى؟؟

المفروض حسب ما قرأت انك تخلص ربع او ثلث العبوة (دي نحسبها ازاي معرفش)
لكن الافضل انه لحد اما الدخان الاسود الخارج من الشكمان يختفي....

طيب
كده انتا خلصت تلات ارباع المهمه
فاضلك ربع مقسوم على جزئين

اقفل العمة ومتنساش تنظف فلتر الهوا او تغيره بالمره
ركب العمة عالكربيراتير والعربية كل ده دايره بالشفاط
اركب العربية
رجع الشفاط
خدلك لفتين كده واقرص شويه وحاول تفتح في الماتور سنه
لان القرص هوا اللي بينظف ...

هترجع البيت
يا تركب بوجيهات جديده
ياتطلع اللي جوه تنظفهم وبكده انتا اتممت العمليه


في ملاحظه كمان
البوجيهات ممكن تسيبهم بس اللفتين تلف كويس وتقرص كويس هيتنضفوا لوحدهم وهتطلعهم المفروض متلاقيش عليهم هباب اسود اطلاقا....


ملاحظه كمان

نفترض ان العربية طفت منك وانتا بترش وهيا دايره
ده عادي جدا
اصبر شويه وجرب تدور من غير متديها بنزين واصبر عليها يعني ممكن متدورش من اول مره كل ده طبيعي لان البوجيهات ساعتها بتكون في حاله يرثى لها فعلا,,,,

بس ياباشا كده العمليه واضحه وان شاء الله لو عملتها قريب ابقى اصورهالكم بالفيديو....


تحياتي للجميع

http://www.nilemotors.net/Nile/194106-a.html

ده اقتباس ليا من موضوع قديم...


تحياتي

[dr.hazem]

في انواع تانيه يا غالي مش شرط ستوب

فيه gunk carb cleaner
وفيه Abro chock & carb cleaner
وفي نوع ماليزي تحفه بجد اسمه hardex

دي كلها انواع محترمه وممتازه وجربتها بنفسي والهارديكس حلو لانه عبوته مسموح انك ترش منها حتى لو العبوة مقلوبه راسا على عقب بخلاف بقية الانواع اللي لازم العبوه تكون معدوله فيها....

تحياتي