عملت حادثه النهارده واحتاج الافادة

[wael mohamed]

السلام عليكم تعرضت اليوم لحادث فى سيارتى الماروتى موديل 2012
دخل فيا ميكروباص فى جنب العربيه اللى عند السواق وهو جاى سريع من ناحية غلط وانا بلف والنتيجه .. البابين اتطبقوا مبيفتحوش وباب اللى قاعد جنب الساق اتعوج والزجاج الامامى اتكسر والرفرف اتطبق لجوا والجنط والكاوتش اتنوا , والكبيره اللى كملت الهم لما جيت امشى بالعربيه لقيت الدركسيون سايب بصيت تحت لقيت الشمعدان اتكسر اللى بيمسك الباره دورت فى المحلات مش لاقى عشان امشى العربيه لحمت الجزء اللى اتكسر عشان تروحنى
السؤال ومن فضلكم الرد اشترى منين الشمعدان ده جديد وبحوالى كام وشكرا لكم

[elmo7amed]

قدر الله وماشاء فعل الحمد لله على كل حال وحمدالله على سلامتك اهم حاجه

[lad]

انت اللى كنت عند مزلقان الجامعة انهاردا

[S O P H O S]

ربنا يعوضك خير معلش

[abu judy]

اه انا اللى كنت عند مزلقان الجامعه الحمد لله. هو محدش بيقولى اشترى منين ليه

[alking_2006]

اه انا اللى كنت عند مزلقان الجامعه الحمد لله. هو محدش بيقولى اشترى منين ليه

تم الرد فى رسالة لك على الخاص
بالتوفيق

[Amr Axel]

الف سلامة يا باشا و ربنا يعوض عليك
كل اللي حصل ممكن يتلم و بمصاريف قليلة متقلقش سواء هترش او تجيب و تشيل و تركب
و اعتقد الكينج رد عليك خلاص بخصوص الشمعدان :)

[HHALAWANY]

قدر الله وماشاء فعل والحمدلله انك كويس وبصحة والباقي كله يهون بأذن الله
ربنا يعوض عليك بالخير بأذن الله ويسترها معاك ومعانا

[wael mohamed]

شكرا لكل الناس وشكرا للكينج انا اشتريته جديد من منفذ بيع قطع غيار التوكيل ب 375 جنيه فى شارع المساحه بالدقى مش عارف اقول اسمه وعنوانه ولا ده يبقى اعلان بس لسه هركبه ولما اعمل حاجه جديده فى العربيه هبلغكم الف شكر واسف على تأخير الرد عشان كنت مشغول بالعربيه

[wael mohamed]

انا ركبت الشمعدان النهارده وكانت بليه القديم بايظه اشتريتله بليه جديده. والجديد ان المساعد طلع اتعوج فى الحادثه والعفشجى قالى لازم يتغير عشان الزوايا والأتزان بس طبعا مش هينفع دلوقتى مشيت بالعربيه لقيتها صفر زوايا واتزان مفيهاش خالص مع انى وانا مركب الشمعدان الملحوم كان احسن روحت بعدها ظبطت زوايا الموضوع اتحسن شويه بس مش زى الأول بس الحمد لله وانشاء الله لما اعمل جديد هقولقوا مع السلامه