عربيتك ماروتي ؟؟؟؟ اتفضل هنا شوية

[mommy to adam]

السلام عليكم ورحمه الله وبركاته

اهلا بكل اهل السيارة اللذيذة ماروتي ( عزيزة )

انا لسه جايبة ماروتي 2013 وعايزة اعرف بقي ازاي مدلعين العربية دي وياريت لو صورة كمان عشان يبقي موضوع كويس ومرجع لكل اهل الماروتي

انا كل اللي عملته حطيت كاسيت في الاول ابو بكرتين بس طلع صوته مش حلو وغيرته وطبعا اضطريت اقطع التابلوه وده صوته احلي بكتير من الاول
وركبت سماعات صغيرة علي البوردا سوني
وجبت كفر للدركسيون
ودواسات

ايه الجديد عندكم بقي

[HHALAWANY]

ربنا يباركلك فيها ويكفيكي وايانا شرها .... انا كمان جبت العربية زيرو ومش فاهم اي حاجة ونزلت لوحدي التوفيقية وحسيت اني محتاس :(
فممكن بس ياريت لو ترفعلنا صورة الكاسيت ومكانه فين بالظبط وصور التظبيطاط اللي انتي عملتيها عشان انا عاوز اعمل كده ومقلق من المكان فكنت حابب اشوف كذا تجربة قبلي

خلي بالك من اللون الاحمر عشان محظور الكتابة بيه ده بتاع رد الادارة بس ، انا وقعت الوقعة دي قبلك
تحياتي
وشكرا

[HHALAWANY]

ياريت حضرتك كمان توافينا بتقرير عن العربية من وجهه نظرك ليها وايه هي مشاكلها و مميزاتها اللي بتلاحظيها

[dr.hazem]

الف مبروك العربية

اتمنى عمل بحث في القسم لانه مليان مواضيع عن الاكسسوارات

ممكن تتفضلي هنا

http://www.nilemotors.net/Nile/316817-a.html

تحياتي

[lidosasa]

فيه حاجات كتير جداً فى الإكسسوارات عشان الماروتى وكله على حسب الميزانية اللى حضرتك مجهزها للعربية . بس أنا شخصياً بفضل الحاجات الضرورية والعملية الأول واللى تحفظ على العربية يعنى تركيب السنتر لوك والإنذار لآنه ضرورى جداً لتأمين العربية من السرقة وبيريح فى فتح وقفل العربية .
وكمان ممكن تشترى طاسات للجنوط يكون شكلها حلو صدقينى حتفرق كتير فى شكل العربية ودى صورة لشكل الطاسة اللى فى عربيتى

[HHALAWANY]

فيه حاجات كتير جداً فى الإكسسوارات عشان الماروتى وكله على حسب الميزانية اللى حضرتك مجهزها للعربية . بس أنا شخصياً بفضل الحاجات الضرورية والعملية الأول واللى تحفظ على العربية يعنى تركيب السنتر لوك والإنذار لآنه ضرورى جداً لتأمين العربية من السرقة وبيريح فى فتح وقفل العربية .
وكمان ممكن تشترى طاسات للجنوط يكون شكلها حلو صدقينى حتفرق كتير فى شكل العربية ودى صورة لشكل الطاسة اللى فى عربيتى

هي الطاسات دي بتتجاب بالمقاس ؟؟ واروح اجيبها منين بالظبط ؟؟ ومين بيركبهالي ؟؟
وشكرا

[dr.hazem]

هي الطاسات دي بتتجاب بالمقاس ؟؟ واروح اجيبها منين بالظبط ؟؟ ومين بيركبهالي ؟؟
وشكرا

بتتجاب بالمقاس ومقاس الماروتي 12
تجيبها من محلات اكسسوارات العربيات او شارع دمشق او التوفيقية...
وانت بتركبها...
تحياتي

Sent from my LT18i using Forum Runner

[lidosasa]

هي الطاسات دي بتتجاب بالمقاس ؟؟ واروح اجيبها منين بالظبط ؟؟ ومين بيركبهالي ؟؟
وشكرا

طبعاً بمقاس الجنط يعنى طاسة 12 لآن جنوط الماروتى 12 وعند أى محل إكسسوار عربيات وتركيبهم سهل جداً الطاسة تتحط فى مكانها ويتخبط عليها بالأيد تيجى داخلة جوا الجنوط . وفيه أشكال كتير تختار الشكل اللى يعجبك وتركبه حتحس بشكل جديد تماماً للعربية لآن الجنوط الحديد بتاع العربية شكله عار

[mommy to adam]

شكرا ليكم جميعا علي الردود والمشاركات

انا فعلا مركبة سنتر للعربية بس لسه مجبتش طاسات لا ن للاسف ال12 مش متوفر منه اشكال خالص واذا لاقيته اصلا

[wael mohamed]

الف مبروك على العربيه انا لسا جايب الطاسات من اسبوعين ب 55 من الحرفيين بحلوان وموجود الشكل اللى كان فى الصور

[S O P H O S]

الف مبروك ..

[wael mohamed]

هو جراب الدركسيون ليه اسم معين او مقاس معين عشان كل لما اجرب واحد يطلع واسع واجيبه منين وبكام

[dr.hazem]

هو جراب الدركسيون ليه اسم معين او مقاس معين عشان كل لما اجرب واحد يطلع واسع واجيبه منين وبكام

جراب دريكسيون small موجود في شارع دمشق والتوفيقية والأسعار من 15 لحد 50 حسب الخامه والشكل...
تحياتي

Sent from my LT18i using Forum Runner

[LORD.ADeL]

جراب دريكسيون small موجود في شارع دمشق والتوفيقية والأسعار من 15 لحد 50 حسب الخامه والشكل...
تحياتي

sent from my lt18i using forum runner

اضافه لكلام الدووك
ممكن بردو اذا لاقيت حد من بياعين للى بيكونو فى الاشارات معهم جربات دريكسيون
هتلاقي اوقات معه حاجات حلوة وومكن تفاصل معاهم جامد واكيد هيكون ارخص من دمشق وتوفيقه نفسها ...

[LORD.ADeL]

شكرا ليكم جميعا علي الردود والمشاركات

انا فعلا مركبة سنتر للعربية بس لسه مجبتش طاسات لا ن للاسف ال12 مش متوفر منه اشكال خالص واذا لاقيته اصلا

مبروك على العربيه الاول
تانى حاجه
مقاس 12 مش هتلاقيه غير فى توفيقه وقليل زي ماقلتي
وفى اشكال عادة ونيكل
عادة للاسف دلوقت بيعمل 70ج لسه سائل عليه
ونيكل هيكون 100-120 تقريبا لان دة بيختلف تمام عن عادي فى شكل خالص

مقاس طاسه 12 لان بطبيعى جنط الاصلي 12 وبتجيب افيززز طويل علشان يتم ربط طاسات علشان ماتقعش وعربيه ماشيه ع بسرعه..
والله مستعان