عرض مودرن موتورز علي باكدج الاكسسوارات

[Amr Axel]

بسم الله الرحمن الرحيم
السلام عليكم و رحمة الله و بركاته

اصدقائي و زملائي نسور السوزوكي

انهاردة جايب لكم عرض التوكيل علي الاكسسوارات و هو عبارة عن باكدج بيتكون من الآتي :

- فرش داخلي تقريبا عليه علامة سوزوكي حسب ما شوفت

- غطاء للعربية ووتر بروف

- هيديونت (CD - MP3 - Flash - Radio) اعتقد النوع Black Volume

- انذار

- سنترلوك

( ضمان سنة )


طبعا الموضوع ده هيفيد الناس اللي عايزين يركبوا و خايفين العربية تخرج من الضمان


اما بالنسبة السعر
فهيكون 1700 ج بدلا من 2350 ج للباكدج كله ع بعضه


انا عن نفسي حسبتها لقيت الاسعار تعتبر واحدة زي برة ممكن التوكيل اغلي 50-100 ج في الباكدج كله ع بعضه بس في المقابل العربية هتفضل في الضمان و هم المسئوليين عن التركيب لو انت من الناس اللي يهمها الضمان و بيخافوا يعملوا حاجة برة او مفيش حاجة معينة في دماغهم للتركيب زي مثلا هواة الساوند سيستم الجامد و غيره

و بالتوفيق للجميع ان شاء الله

[eng.koussy]

معلش يا باشا تقدر تعرفلنا السنتر بكام , اصل معظم اللى اشترى مستناش حاجة زى كدة و ركب كل الحاجات اللى متخرجوش من الضمان

[LORD.ADeL]

بالتوفيق للباكدج ^_^
بنتظار باكدج صيانه وقطع غيار يا متر ^__^

[dr.hazem]

تسلم ياغالي عالعرض الجامد ده واتمنى ان التوكيل يبتدي يتعاون في قطع الغيار ويدو اعتبار للسوزوكي زي النيسان...


تحياتي

[دكتور احمد]

معلش يا باشا تقدر تعرفلنا السنتر بكام , اصل معظم اللى اشترى مستناش حاجة زى كدة و ركب كل الحاجات اللى متخرجوش من الضمان

السنتر والانذار لوحدهم ب650 جنيه ونوعه كوبرا (تايواني) ومعاه ضمان سنه..

وده رقم المهندس اللي ماسك الاكسسوارات في التوكيل لو حد عايز يسأله في اي حاجه:01116777936

[HHALAWANY]

وهو الكاسيت بينزل معاه سماعات ولا ايه يا استاذي
وكام واحدة ؟؟؟

[mohamedhagrass]

انا منبهر فعلا بسي للاسف بقى الواحد خرج من الضمان من زمان وبعد ما عك وركب
برا وعك الطابلوه عشان الكاسيت وقرف يلا خير
عندي بقى لو عاوز الفرش بس
وسعر السنتر والانذار لوحده كام ؟
وكالعاده تبهرني باضافاتك

[HHALAWANY]

وسعر السنتر والانذار لوحده كام ؟
وكالعاده تبهرني باضافاتك

الاجابة تحت :)

السنتر والانذار لوحدهم ب650 جنيه ونوعه كوبرا (تايواني) ومعاه ضمان سنه..

وده رقم المهندس اللي ماسك الاكسسوارات في التوكيل لو حد عايز يسأله في اي حاجه:01116777936

[wael mohamed]

شكرا على العرض الجامد ده بس انا اسف المشكله ان الأنذار على الأربع ابواب فقط وكمان احتمال البابين اللى ورا مفهمش عشان بيتوصل على نور الصالون وورا مفيش زرار نور وكمان مبيوصلوش على الشنطه والكبوت يعنى لو نسيت الشنطه ومقفلتش المفتاح بيقى لو متسرقتش اقل واجب اتقلبيت والجميل فى الموضوع انه مبيفصلش الكونتاكت مع قفل الريموت يعنى اللى يدخل من الشنطه يلعب براحته. اسف مره تانيه بس انا هدفى الأفاده وشكرا

[دكتور احمد]

شكرا على العرض الجامد ده بس انا اسف المشكله ان الأنذار على الأربع ابواب فقط وكمان احتمال البابين اللى ورا مفهمش عشان بيتوصل على نور الصالون وورا مفيش زرار نور وكمان مبيوصلوش على الشنطه والكبوت يعنى لو نسيت الشنطه ومقفلتش المفتاح بيقى لو متسرقتش اقل واجب اتقلبيت والجميل فى الموضوع انه مبيفصلش الكونتاكت مع قفل الريموت يعنى اللى يدخل من الشنطه يلعب براحته. اسف مره تانيه بس انا هدفى الأفاده وشكرا

انت حضرتك بتتكلم عن الموديل اللي بيركب في التوكيل؟؟؟

[HHALAWANY]

عاوزين حد يقولنا على تقريه على موضوع السنتر والانزار اللي عند التوكيل ظروفهم ايه معاه .. عن تجربة
وشكرا

[S O P H O S]

عرض كويس