تقرير ﻋﻦ ﺗﺮﻛﻴﺐ ﺳﻨﺘﺮ و ﺍﻧﺬﺍر للماروتي

[amgadshah]

ﺍﻟﺴﻠﺎﻡ ﻋﻠﻴﻜﻢ ﻳﺎ ﺟﻤﺎﻋﻪ..
اﻟﻨﻬﺎﺭﺩﻩ ﻃﻠﻌﺖ ﻓﻰ ﺩﻣﺎﻏﻰ ﺍﺭﻛﺐ ﺍﻧﺬﺍﺭ ﻭﺳﻨﺘﺮ
ﻋﻠﻲ ﺍﻟﺴﺎﻋﻪ 6 ﻛﺪﻩ ﻃﻠﻌﺖ ﻋﻠﻰ ﻋﺰﺑﻪ ﺳﻌﺪ ﺍﺷﺘﺮﻳﺖ ﺳﻨﺘﺮ و ﺍﻧﺬﺍﺭ ﻣﺎﺭﻛﻪ ﺳﻴﻤﻔﻮﻧﻰ ﺗﺎﻳﻮﺍﻧﻲ ..
ﺍﻟﺎﺗﻨﻴﻦ ﻋﻤﻠﻮﺍ 300 ﺟﻨﻴﻪ ﻭﺧﺪﺗﻬﻢ للكهربائي ركبهم ب ١١٠ جنيه وهو كان عاوز ١٢٠ ..
الموضوع ماخدش ساعتين زمن ، بس الراجل الكهربائي ايده تتلف في حرير شغله حلو الصراحة ويستاهل كل مليم خده.

الحمد لله قرار سريع و جرئ كده بس مهم جدا واتأخر سنه ،تخيلوا؟؟!!

[S O P H O S]

مبروك ..

[el diesel]

مبروك على الانذار

[dr.hazem]

مبروك ان شاء الله وكان نفسنا في صورة لشغل الراجل وياريت تقولنا بعض مميزات الانذار...
تحياتي

Sent from my LT18i using Forum Runner

[HHALAWANY]

الف مبرووووووك
وياريت فعلا لو تدينا تقرير عن الانذار

[Walid_M]

الف مبرووووووك
وياريت فعلا لو تدينا تقرير عن الانذار

+1

[lidosasa]

الإنذار أصبح ضرورة لا غنى عنها لآى عربية على الأقل عشان الواحد يعرف ينام . ويبقى عمل اللى عليه وأخد بالأسباب

[amgadshah]

شكرا لإهتمامكم جميعا..
بالنسبة للانذار هو ماركة اسمها سيمفوني تايواني الصنع عامل 180جنيه بيشتغل بعد ما اوقف العربية بدقيقة ، لو حد لمسها جامد شويه تدي انذار صغير ،ولو كان مصمم تعمل فضيحة..
واالكهربائي بالمناسبة عملي خاصية فيها ان لو حد فتحها من غير الربيموت بتاعها ماتدورش معاه..الكهرباء بتكون مفصولة عن الموبينه..
لا صراحة الراجل شغله ممتاز.
انا تحت امركم في اي استفسار.

[amgadshah]

بالنسبة للراجل انا مصورتهوش وهو بيشتغل للاسف فاتت عليا دي معلش تتعوض في تقرير تاني (;

[mr_twist]

الف مبروك انا برضه ركبت الانذار والسنتر بعد سنه من شرا العربيه واحد حلو كسرلي المرايه اليمين ودوخني السبع دوخات وامبارح بس ركبت ال كات اوت بتاعت الموبينه دي مع اني صراحه شايف مالهاش لازمه الراجل قالي لو الانذار علق لأي سبب توصل سلكتين ببعض زي بايباص كده للكات اوت فحسيت ان اي حرامي هايبقي عارف القصه دي ومش هايغلب بس اهه الواحد بياخد بالاسباب انا بس ليا سؤال عايز اركب زراير للبابين اللي ورا السنتر مابيحسش ان كانوا مفتوحين او مقفولين الراجل مرضيش يخرب في العربيه ههههههههه انا جايب السننر والانذار سباي بالمناسبه وكانوا غاليين ساعتها عملوا ٥٠٠ جنيه غير التركيب و الكات اوت ب ٣٠ جنيه

[amgadshah]

الف مبروك انا برضه ركبت الانذار والسنتر بعد سنه من شرا العربيه واحد حلو كسرلي المرايه اليمين ودوخني السبع دوخات وامبارح بس ركبت ال كات اوت بتاعت الموبينه دي مع اني صراحه شايف مالهاش لازمه الراجل قالي لو الانذار علق لأي سبب توصل سلكتين ببعض زي بايباص كده للكات اوت فحسيت ان اي حرامي هايبقي عارف القصه دي ومش هايغلب بس اهه الواحد بياخد بالاسباب انا بس ليا سؤال عايز اركب زراير للبابين اللي ورا السنتر مابيحسش ان كانوا مفتوحين او مقفولين الراجل مرضيش يخرب في العربيه ههههههههه انا جايب السننر والانذار سباي بالمناسبه وكانوا غاليين ساعتها عملوا ٥٠٠ جنيه غير التركيب و الكات اوت ب ٣٠ جنيه

مبروك اولا عالانذار والسنتر..
وطبعا زرار فصل الكتاوت ده زى قلته بس هو بيعطل شوية.
انا عامل زرار تانى ملوش علاقة بالكتاوت ,حتى لو وصلت اسلاك الدنيا كلها مع بعض العربية متدورش بيفصل الكهربا عن تانك البنزين يخلى العربية كأن مفيهاش بنزين لو عمل قرد متدورش معاه الا من المفتاح لو فتحه ,انصحك تركبه عند كهربائى كويس وأمين أويكون بعيد عنك وميعرفكش بس يكون شاطر مش واخدها دراع..
بالنسبة للابواب الخلفية انت مربتطهمش ليه بالسنتر؟؟انا عندى كله شغال مع بعضه وده احسن ومفيهاش بهدله للعربية ولا حاجة

[mr_twist]

ماهي المشكله اني معنديش زراير نور في البيبان الخلفيه فبالتالي الانذار مابيحسش ان كانوا مفتوحين ولا مقفولين بضطر اتأكد منهم يدويا بعد ماقفل العربيه......

[dr.hazem]

ماهي المشكله اني معنديش زراير نور في البيبان الخلفيه فبالتالي الانذار مابيحسش ان كانوا مفتوحين ولا مقفولين بضطر اتأكد منهم يدويا بعد ماقفل العربيه......

ممكن تركب زراير نور لكن هتظطر تعمل خروم ليهم...
تحياتي

Sent from my LT18i using Forum Runner