Tweet
بدا الموضوع لما استلفت عربية ابن خالي(ماروتي 99) لشراء شوية حاجات من عوض الله اللي ف المجزر المفيد انا صراحة رحت وخلصت علي 9 بليل وبعدين عملت شوية مشاوير وبعدين قولت الف واشوف حته فاضية كده اتعلم فيها نقل الغيارات بسرعة انا لقيت كده شارع طويل شوية بتاع سور الامن المركزي وكان فاضي الشيطان لعب ف دماغي بمفك واجري بقي يامعلم قال يعني راكب عربية ف سباق فورميلا 1 مشيت شوية وقلت الف بقي وارجع وانا راجع لقيت برده فاضي طيارة بقي واذا بيا المح واحد بيشاور لتاكسي مش عارف ماهي كانت فاضية دااحنا الساعة 12 بليل ايه ده ؟ بسيطة دبرياج وفرامل وهات المورالاول قلت اتخطاه وخلاص بس انا جيت احسبها لقيت ان كمان في عربيات جاية ف وش التاكسي يادي النيلة ماهي كانت صحرا من شوية قولت طب عقبال مابتاع التاكسي يمشي هفرمل بسيط يعني مش هقف وخد عندك البيه كان واقف بيكلم الراجل مش هيركب قولت خلاص الامر لله اقف وقد كانت المفاجاة ان دواسة الفرامل لصقت ف الارض احلاووة ده انا لسة بتعلم من اسبوعين ده انا كده هتبهدل ومش عربيتى يادى النيلة ودى شاهين يعنى ده انا بالنسبة لها قد البوجيه ماعلينا انا حسيت انها بردت فجاة كده وميه دافيهه انا فكرت ف 3 حلول اول واحد اني افتح الباب وافرمل بالاديدس بس افتكرت ان دي عربيه مش لعبه تاني واحد اخبط بقي يامعلم تالت واحد اني انزل من التالت للاول علي طول وقد كان بس العربية جعرت كده وحسيت انها هتشتم صراحة لما بصيت للهاند بريك خطف كده وانا برجع للاول افتكر اني ممكن اشدها قمت شاددها والحمد لله زحفت ولفت كده وانا عمال اجيب ف الدركسيون شوية يمين وشوية شمال والا هاخد العمود بالحضن وأخيرا وقفت افففف ركنتها زق والموتور داير كمان وطفيتها وقفلتها بالانذار واتصلت بصاحبها جه خدها وتوبه مش راكبها تاني ده انا قطعت ميه ونور من الخضة بس اكتشفت اني ف الزنقة بفكر بسرعة اوي اه والله السؤال بقي هل انا دست جامد فرامل فرملت بس الدواسة مارجعتش بس لو معلقة كانت كلبشت ف الارض مااتحركتش انا جريت بيها قبل ماالف وفرملت واحدة واحدة يعني مش ضعطة واحدة طب ليه بقي كده ؟ بس الصراحة لولا العناية الالهيه والمنتدي الجامد ده لان كنت قريت قبل كده موضوع هنا كان بيتكلم عن انك هتعمل ايه لو معاكش فرامل ؟ بصراحة شكرا يااجمد منتدي سيارات ف مصر والله مش مبالغة بصراحة مش راكب علبة السالمون دي تاني
-
-
ملحوظة انا كنت علي حاجة و60 -
هل انت بعد كل ده بتحط اللوم عالعربيه الاصيله اللي انت كنت واخدها غدر وصانتك برضو؟؟؟
ههههههههههههههههههههه
بغض النظر عن اللي حصل معاك لو كنت راكب موديل 2012 وعملت كده كان معاك حق
انما انت راكب موديل بقاله ماشي ييجي 13 سنه في الشارع وعايز تعاملها معاملة مايكل شوماخر!!!
تبقى علبة السلامون اللي مش عاجباك هي العربية اللي حافظالنا كرامتنا وراكبينها وبتودينا وتجيبنا ونحمد ربنا على نعمته...
تحياتيdon't judge a car unless you have driven it
hm414 سابقاComment
-
هههههه منور الموضوع يادكتور هى اساسا مش بتاعتى كمان ده انا واخدها لفةComment
-
بس برده محدش فسرلي طب ليه الدواسة لصقت ف الارض كدهComment
-
ماتزعلش منى دى مش امانه لمه تستلف عربيه قريبك وتبهدلها لو عربيتك ماكنتش هتعاملها بأستهتار كده ماتزعلش من كلامىahmed air سابقاComment
-
بهدلت ايه ؟ ده انا كل اللي عملته مشيت علي حاجة وستين وبعد كده كل اللي حصل عشان العربية لا تخبط التاكسي ولا العربيات اللي ف وشه وحتي بعد مارفعت الهاند اللي حصل عشان مااسلمش ع العمود ولا ارجعهالوا حتت وفرافيت واقوله فداية هههههههههههههه اللى خلانى امشى على ستين انى اصلا عايز اتعلم على حارات الفتيس لانها واسعة مش عارف هو ده ف اللى قبل الالفين بس ولا كله كدهComment
-
وعادى جدا يابرنس مش زعلان المشكلة ان الشارع كان صحرا وانا رايح اشمعنى بقى وانا راجع بقى قلب ع الدائرى وبرده محدش قالى ليه الدواسة لصقت ف الارض كدهComment
-
ياغالي اللي حصل معاك ممكن كذا حاجهالمشاركة الأصلية كتبت بواسطة ahmedalaahosny مشاهدة المشاركة
ممكن كانت دورة الفرامل واخده هوا
ممكن الماستر بتاع الدواسه باظ
ممكن الماستر العمومي باظ
اي حاجه يعني مش هي النقطه
الحلو في الموضوع انك انت اول واحد معانا يحصل معاه الحوار ده
ههههههههههههههههه
وشتمت عالعربيه مع انها ملهاش ذنب
هههههه
يعني انت خلصت مشاويرك بيها وبعد ده بتقول لسا هتتعلم عالحارات بتاعة الفتيس
ههههههههههه
الله يسامحك...
تحياتيdon't judge a car unless you have driven it
hm414 سابقاComment
-
المهم حمد الله على سلامتك احسن من كل حاجه[CENTER]Best Regards[/CENTER]
[SIZE="4"][FONT="Comic Sans MS"][S][CENTER][B]F.@.®.€.S[/B][/CENTER][/S][/FONT][/SIZE]Comment
-
ليه بس كدا دا لسه بسال وبفكر ونويت اشترى ماروتى الاسبوع دا بس بصراحه موضوعك خوفنى وهيخلينى اعيد النظرComment
-
هههههههههههههههههههههههههههههههههالمشاركة الأصلية كتبت بواسطة la_luna مشاهدة المشاركة
عربيه موديل 99 تخليك تعيد النظر انك تجيب العربية جديده؟؟؟
ههههههههههههههه
وسعت شويه منك ديdon't judge a car unless you have driven it
hm414 سابقاComment
-
هو حضرتك بتضحك على ايه ايوه ممكن وجهه نظر ممكن تخليك تعيد تفكير طالما مرجبتش العربيه بنفسك وانا هشتريها مستعمله مش جديده عشان كدا كلامه عن العربيه خوفنىالمشاركة الأصلية كتبت بواسطة dr.hazem مشاهدة المشاركةComment
-
ماهو يا لونا العربيات المستعملة حالات فممكن تجيبي مثلا مرسيدس مستعملة وتكرهك في شركة مرسيدس ذات نفسها..فاهم شيء في شراء المستعمل الحالة والكشف علي العربية جيدا سمكري وميكانيكي امناء ويخافوا الله وتقيسي كبس الموتور فالبنزينة وميقلش عن 75% بس واهم شيء فالمستعمل الحالة ثم الحالة ثم الحالة[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
جزاك الله كل خير شكرا لرد حضرتكالمشاركة الأصلية كتبت بواسطة windofchange مشاهدة المشاركة
ربنا ييسر الحالComment
Comment