الماروتي عليها اللعنة

[dr.hazem]

هو حضرتك بتضحك على ايه ايوه ممكن وجهه نظر ممكن تخليك تعيد تفكير طالما مرجبتش العربيه بنفسك وانا هشتريها مستعمله مش جديده عشان كدا كلامه عن العربيه خوفنى

مبدئيا بتاسف لحضرتك لو كان في سوء فهم لكن انا لم اقصد اي شئ...
ثانيا مينفعش حد ياخد فكره عن عربية سمعتها في الشارع زي الفل من مجرد اي حد لم يمتلك السياره اساسا لان دي مش موجهة نظر...
في موضوع مثبت معدي ال 80 صفحه عن مميزات وعيوب الماروتي من مالكيها واعتقد انه افضل مكان يتقال عليه وجهات نظر...
وربنا ييسرلك وتلاقي عربية بحاله ممتازه ان شاء الله
ممكن نساعدك ونحددلك ميزانيتك تشتري ايه ...

تحياتي

[mohamedhagrass]

حمد الله على سلامتك وتفسيري للحصل ان العربيه مش متصانه او الصيانه الدوريه بتاعتها مش كامله
وده يرجع لاهمال وغير انها موديل قديم ومش ده السبب برضو المشكله انه مكنش بيتعملها صيانه
انا معايا ماروتي 2008 بشد بيها هاندات وكل حاجه لاكن بعقل عشان المواقف الوحشه ده
وحمد الله على سلامتك لاكن الي حصل معاك بالنسبه ليا شيئ يحببني فيها مش يضايقني انك شديت هند ونزلت غيار 3 ل اول مع ان كان الافضل تاني وبعدها اول + عرفت تسيطر عليها وده بحد ذاته شيئ جميل + واخيرا انت مكنش المفروض تشد الهاند كدا بتشدها نص او اكتر سنه عشان متقفش خالص لاكن تهدي كانك بتتعامل بفرامل الرجلين بتشد كذا شده بسي مش للاخر .
وعلى كلا المهم انك بخير

[Amr Axel]

حمد الله ع سلامتك بس انا شايف انك ظلمت العربية كذا سبب
اولا العربية موديل قديم و ممكن مش معمولها صيانة صح لأن ع سبيل المثال لو الدورة فيها هوا انسي الفرامل لو زيت الفرامل فضل فترة متغيرش بشكل دوري انسي الفرامل لو الماستر العمومي او الفرعي فيه مشكلة انسي الفرامل لو التيل خلصان انسي الفرامل :)
ثانيا ع ما اتذكر الموديل في التسعينات كانت الفرامل بدون سيرفو لكن بعدها بقت بسيرفو و بالتالي قوة الفرامل تضاعفت

[Amr Axel]

ليه بس كدا دا لسه بسال وبفكر ونويت اشترى ماروتى الاسبوع دا بس بصراحه موضوعك خوفنى وهيخلينى اعيد النظر

بالعكس متقلقيش لو شوفتي الموضوعات اللي بتكلم عن الماروتي بس هتعرفي
التجربة ديه متخلكيش تحكمي ع العربية لأنها موديل قديم و واضح انها مش معمولها صيانة صح لكن المفروض التجربة تكون ع عربية جديدة او عربية معلومها صيانة صح

لكن هتجيبي جديدة لسه عربية بحالتها مش هتقولي كده حتي لو مستعمل مش هتقل عن موديل الفينات و ساعتها فيه صيانات بتتعمل وقائية و صيانات دورية تحافظ ع العربية و تخليها زي الفل
و ممكن تجيبي الالتو 800 سي سي 2008-2012

و ان شاء الله شوفي العربية اللي ناوية تجبيها و معاكي في حدود كام و احنا ندلك ع الافضل من حيث الموديل و كل حاجة عنها
و لما تجيبي العربية ان شاء الله هنتابع معاكي الصيانات و لو مستعملة هنقولك ايه الصيانات اللي المفروض تتعمل بشكل وقائي و الصيانات فيما بعد

[amr011111]

ماتزعلش منى دى مش امانه لمه تستلف عربيه قريبك وتبهدلها لو عربيتك ماكنتش هتعاملها بأستهتار كده ماتزعلش من كلامى

كلام سليم

[ahmedalaahosny]

الله يسلمكوا ياجماعة هو اساسا لو شفت العربية تقول دي عربية بطاطا مخبطة من كل حته وصاحبها مش فاضي ليها فاكيد لاصيانات ولابتاع لانها كانت بتاعه اختوا قبل ماتسافر وهو معاه النترا الجديدة فهيبص اساسا عليها ليه وكمان العربية دي اتعلم افراد العيلة كلهم السواقة عليها فكلها خبط بالنسبه للي كان ناوي علي ماروتي وانا كرهته فيها انا كنت ناوي اصلا علي سويفت 93 بس بعد مااتعلم كويس بس قولت طب مااجيب لي ماروتي 2010 فيها شئ من الزيرو وع الاقل اخبط فيها براحتي لان قطع غيارها ببلاش بص الخلاصة اي عربية هتعملها صيانة هتشيلك علي السقف ههههههه زى فوق راسها كده ايا كانت انشلا ١٢٨ هتمرمطها هتبهدلك زى ماعملت معايا كده بس ياسيدى