أنفخ نيتروجين واللا لأ . ل ألتو

[omar_saad]

السلام عليكم
الأخوة الكرام .. عايز. انفخ الاطارات نيتروجين في الألتو ..
حد جرب....
حد عنده خبرة....
فيه جدوي واللا لأ...
ولكم جزيل الشكر

[مهند-النجار]

الصراحة عمري مجربت
ناس كتير بتشكر فيها

و بعدين هو نسبة النيتروجين ف الهوا كام ؟؟

[Amr Axel]

نيتروجين أفضل لانه بيفضل محافظ ع الضغط فترة طويلة عكس الهوا العادي كل شوية يزيد و ينقص بتغير درجات الحرارة لكن طبعا ملوش اي تأثير تاني زي حكاية بينعم الكاوتش في المطبات و الخزعبلات اللي بيقولوها
عن نفسي بستخدمه و خاصة في الاستبن الفردة 5-7 ج اول مرة لكن التزويد بيكون في حدود 2 ج
و ممكن تعمله في بريدجستون سواء نيتروجين او زوايا او اي حاجة تاني لأن لينا خصم 50 % ع اي حاجة نعملها ماعدا شراء الكاوتش حوالي 3-5 % خصم بشرط تواجد استيكر المنتدي

http://www.nilemotors.net/Nile/353477-a.html

[al_manara]

حسيت بفرق وحيد . في الحر الكاوتش الضغط بتاعة مش بيزيد . عكس الهواء.
الهواء بالنسبالي افضل لان اي مكان بعرف ازود فية . عكس النيتروجين . غير ان الهواء اوفر . مش كل شوية ادفع 5 جنية تضبيط نيتروجين .

فضلت مالي نيتروجين تقريبا سنة ونصف .

[Ahmed Amin]

حسيت بفرق وحيد . في الحر الكاوتش الضغط بتاعة مش بيزيد . عكس الهواء.
الهواء بالنسبالي افضل لان اي مكان بعرف ازود فية . عكس النيتروجين . غير ان الهواء اوفر . مش كل شوية ادفع 5 جنية تضبيط نيتروجين .

فضلت مالي نيتروجين تقريبا سنة ونصف .

علي فكرة أنت لما بتملي فردة بس لأول مرةمن الصفر بتبقي ب 5 جنيه,,
بس لما بتيجي تعمل أتشيك عال ضغط أو تزود بياخد 2 جنيه بس عال أربع فرد.

وفي بريدجستون الكشف وتزويد نيتروجين مجاني لو عامل النيتروجين من عندهم بس مش بياخد حاجة خالص, بس انا بديلة 2 جنيه برضه لأني أخدت خدمة.
ونص جنيه عال فردة مش كتير.

وبالنسبة لأستاذ عمر طبعاً هيبقي فيه فرق هتحس بيه,, لأن في الحر الهوا بيسخن والضغط بيزيد جوا الفردة والكاوتشة بتبقي ناشفة,
ولو روحت لحد يظبط لك وهيا سخنة وقلل الضغط منها ومشيت بيها هتيجي بليل لما الجو يبرد هتلاقي الفردة ريحت شوية.. هوا دا وضع الهوا..

أما بالنسبة للنيتروجين مش بيتأثر بالحرارة زي الهواء ومش قصة الهواء فيه كام في المية نيتروجين. وهتفرق قد أيه..

الطريقة الصح عشان تملي نيتروجين بتاع الكاوتش يفضي الفرد الاول خالص, عشان تفضي من الهوا خالص, وساعات لو الجهاز قوي تلاقي الكاوتش بيطبع عال جنط, بعدين بيبدأ يملا بالضغط اللي انت عايزة.

ولما تيجي تزود بعد كدا أو تظبط ب 2 جنيه بس للأربع فرد في أي مكان.
ولو في مكان مفهوش نيتروجين بتزود هوا, هتعمل أيه يعني.. هتبقي فقدت شوية من مميزات النيتروجين بس.

وأخر نصيحة لو هتملي خليك من مركز بريدجستون معتمد, مش اي حد بتاع كاوتش,
عشان مؤخراً في ناس ضعيفة النفوس جايبة الجهاز أه, بس الجهاز بيملي هوا مش نيتروجين.

[lidosasa]

طبعاً النيتروجين أفضل
غاز خامل لا يتفاعل ولا يتأثر بدرجة حرارة الجو فدايماً بتكون العربية ضغطها مظبوط وخاصة وإحنا دخلين على الصيف فالهوا العادى بيتمدد فى الكاوتش وومكن لا قدر الله ينفجر منك وأنت ماشى
ومفيش فيه بخار مياه فميخليش الجنوط يصدى من جوا
مشكلته الوحيدة لما تحب تزود فردة ممكن تدور عليه شوية لحد ما تلاقى حد عنده نتروجين . أنا ولله الحمد فيه واحد جنب بيتى .
أهم حاجة بقى إن قراءة عداد أجهزة النيتروجين مظبوط بالملى يعنى الضغط 28 يبقى 28 أما بقى العداد العادى اللى فى كل محلات الهوا العادى يقرا 28 وهو فى الحقيقة 35 وحصلت معايا كتير أيام ما كنت بزود هوا عادى وكنت حاسس إنى ماشى على حجارة مش كاوتش

[_hema]

السلام عليكم
الأخوة الكرام .. عايز. انفخ الاطارات نيتروجين في الألتو ..
حد جرب....
حد عنده خبرة....
فيه جدوي واللا لأ...
ولكم جزيل الشكر

اخى الكريم

الكلمات التاليه اتيت بها لحضرتك من موضعى اخى الكريم / احمد مصطفى مستشار قسم نيسان وعشان الموضوع اللى كاتبه كبير جداً وبيتناول موضوعات شتى فاحضرت لحضرتك الجزء الذى تحتاج اليه

( (((

ومن الأخطاء الشائعة التي يحرص عليها مالكي السيارات أنه يجب نفخ الإطار أقل من الضغط الموصي به في الصيف لإن درجة حرارة الجو مرتفعة والتي سوف تؤدي إلى ارتفاع ضغط الإطار نتيجة الحرارة الناجمة من الجو.

والحقيقة أنه لم يذكر ذلك في الضغط الموصي به لنفخ الإطار من شركات تصنيع السيارات .. حيث أن المدون بكتيب مالك السيارة (الكتالوج) أو لوحة البيانات الملصقة بقائم الباب لا يدل على صحة ذلك أنما ذكر رقم واحد لمقدار الضغط بالإطارات الأمامية ورقم واحد لمقدار الضغط بالإطارات الخلفية ولم يذكر درجة حرارة الجو صيفا أو شتاء.

وإنما ذكر مع تلك الأرقام إنه يجب أن يتم قياس ضغط الإطار والإطار باردا ، حيث أن الهواء يعتبر غاز ، فإنه يتمدد مع الحرارة وينكمش مع البرودة وحيث أن الحيز الذي به الهواء (داخل الإطار) مغلق فإن التمدد والانكماش يؤدى إلى زيادة ونقص ضغط الإطار.

ففي حالة أن الجو حار سيكون الضغط مرتفع بالإطار نتيجة درجة الحرارة الخارجية ولذلك عند إعادة ضبطه سيحتاج إلى كمية أقل من الهواء للوصول إلى الضغط المطلوب.

أما في الشتاء فدرجة الحرارة المنخفضة تؤدي إلى قراءة منخفضة للضغط وعليه يحتاج الإطار إلى كمية أكبر من الهواء للوصول إلى الضغط الموصي به وهذا مما تسبب في ذلك الاعتقاد.

وهنا يبرز التساؤل حول أفضلية ملء الاطار بالنيتروجين أم أن الهواء العادي يعتبر كافيا؟

منذ فترة ليست ببعيدة في مصر ونحن نسمع عن تزويد الإطارات بالنيتروجين وأهميته للسيارة وكيف أنه يجعل ضغط الإطارات ثابت لا يزيد ولا يقل ، وانه يجعل سير السيارة مختلف ويعطيها نعومة ومرونة عند المطبات وفوائد اخرى كثير.

وأيضا سمعنا كلام آخر عن انه يسبب مشاكل للإطار والسيارة لانه غاز وهو ليس بديل عن الهواء وأشياء أخرى كثير.

ولكن هل كل ما يقال عنه صحيح !!؟؟ .. إذا كنت ممن لا يعرفوا النيتروجين وفوائدة وإذا كنت واحد من الـ 85% الذين لا يفحصوا إطاراتهم دوريا فأنت تحتاج لتعرف ما يلي:

* يتكون الهواء الداخل للإطارات من عدة أجزاء وهى:


- 78% نيتروجين .. وهو أكبر جزء من اجزاء الهواء في الاطار وهو جاف وغير قابل للإشتعال.

- 21% أوكسحين .. ونسبة التسرب الخاص به في الأطار والبلف تكون أكبر 3-4 مرات من النيتروجين.

- 1% بخار ماء وغازات أخرى .. ونسبة التسرب الخاصة بهم في الأطار والبلف تكون أسرع 250 مرة من النيتروجين.

وبسبب حجمه الكبير فهو أقل جزء من أجزاء الهواء القابلة للتسرب وإختراق الإطار والبلف ويبقى في الإطار لفترة أطول من الأجزاء الأخرى.

* كيف يتم توليد النيتروجين لضخه في الإطارات :

- اصبح الآن متوافر عند كثير من الصانعين أجهزة توليد النيتروجين بمختلف الأحجام والانواع ، فمنها ما هو لسيارات الركوب والنقل الخفيف أو سيارات النقل الثقيل والمعدات وحتى الطائرات .. وكلها تعتمد على فكرة واحدة وهى الإعتماد على توليد الهواء من الكمبروسر ثم توصيله بمجموعة فلاتر تعمل على فصل عناصر المكونة للهواء ، فيوجد فلتر لفصل الأكسجين وفلتر لفصل بخار الماء والغازات الاخرى وإستخلاص النيتروجين وتخزينه في تنك منفصل لإستخدامه عند الحاجة.

اضغط هنا لمشاهدة الصورة بالحجم الطبيعي.

- وصراحة لا تختلف معظم الاجهزة بعضها عن بعض في جودة الفلترة للنيتروجين ولكن العامل الاساسي والأهم المسبب للإختلاف ما بين الأجهزة وما بن مكان لآخر هو عمل الصيانة وتغير فلاتر الأجهزة حسب الوقت الموصى به من كل صانع .. فمن الممكن ان تقوم بتزويد إطاراتك بالنيتروجين ويتضح ان الهواء الداخل به نسبة قليلة جدا من النيتروجين وتكون غير فعالة.

- لذا ننبهكم بإختيار اماكن موثوقة عند تزويد الإطارات بالنيتروجين.
اضغط هنا لمشاهدة الصورة بالحجم الطبيعي.

* النسبة الفعالة الموصى بها من الخبراء والشركات العالمية التي قامت بعمل دراسات كبيرة وفعالة في موضوع النيتروجين هى من 93% : 99%

- الموضوع ليس حول النيتروجين ، بل حول تخفيض نسبة النيتروجين وبخار الماء والغازات الاخرى من خلال تقليل نسبة الأكسجين ، وبخار الماء والغازات الأخرى في الإطارات من 22 ٪ الى 7 ٪ أو أقل من ذلك ، سوف تواصل الإطارات الحفاظ على الضغط المناسب أطول مما لو كنا نستخدم "الهواء العادي."

على سبيل المثال: أثبتت التجارب أنه مع نسبة 95% من النيتروجين في الإطارات تحتفظ بالضغط الأمثل ثلاث إلى أربع مرات لفترة أطول.

* ضغط الإطارات المضبوط يعتبر من أهم عوامل الحفاظ على الإطارات ، ويتميز النيتروجين بما يلى:

1- تقليل إستهلاك الوقود والحفاظ على البيئة .. فمع الحفاظ على ضغط الإطار المناسب الموصى به من قبل صانع السيارة ، تقل مقاومة وإحتكاك الإطارات بالطريق مما يعمل على خفض جهد السيارة وبالتالي تقليل إستهلاك الوقود.

2- إطالة عمر الإطار .. عندما يتفاعل الأوكسجين مع المواد المكونة للاطار يسبب الأكسدة التى تجعل المطاط يضعف وتسبب لمكونات الإطار عدم التماسك وتفقد قوتها ، بالإضافة أنه عند السرعة ودرجات الحرارة العالية والضغط الكبير يتفاعل الأكسجين مع البطانات الداخلية وطوق الإطار والحزام الداخلي ويسبب تآكل ، أما النيتروجين لا يسبب أيا من هذا لعدم تأثره بالمسببات السابقة.

3- يقلل من إنفجار الإطار .. بسبب حفاظه على الضغط داخل الإطار ، حيث أثبتت الدراسات أن 95% من حوادث انفجار الإطارات سببها زيادة الضغط بداخله.

4- ثبات قراءة جهاز مراقبة ضغط الإطارات الخاصة بالسيارة (TPMS) .. إذا كانت سيارتك تحتوي على هذا الجهاز فمع النيتروجين و ثبات الضغط سوف يقل تكرار الإنذار الخاص بالجهاز.

5- يحافظ على جنوط السيارة .. بما أنه لا يوجد هواء وبخار ماء والغازات الاخرى المسببة للصدأ فإن النيتروجين بما أنه جاف لا يسبب صدأ للجنوط ويحافظ عليها.

6- يقلل من حدوث إنتفاخ الإطار الجانبي (البالونة) .. يحدث الإنتفاخ الجانبي للإطار بسبب حدوث إصطدام الجنط بالأرض من حفر ومطبات ويحدث قطع وإنفصال في مكونات الإطار الجانبية ويتخللها هواء مما يسبب حدوث هذا الإنتفاخ ، ويزيد من مخاطر حدوث ذلك ضغط الهواء الزائد ، لذا مع النيتروجين وثبات الضغط يقل حدوث هذا.

وقد يختلف بعض مالكي السيارات فى الرأى .. فبعضهم جرب النيتروجين ولم يشعر بكل هذه المزايا خصوصا في مسألة استهلاك الوقود ، وبعضهم يجد مميزات كثيرة للنيتروجين ويشعر بها عند استخدامه ، والبعض الآخر يقلل من كم هذه المميزات والبعض أيضا لا يرى فرقا بين استخدام النيتروجين أو الهواء.

* من أيضا يستخدم النيتروجين؟

- فرق الناسكار والآندي كار .. تستخدم تلك الفرق النيتروجين للإطارات لأنه يتيح لها ثبات الضغط مع السرعات العالية والحرارة الكبيرة المتولدة من الإحتكاك على الحلبات وبالتالى يحافظ على الإطارات خلال السباق وما يصاحبه من مزايا.

- سيارات الراليات والفورميلا-1 .. وذلك أيضا لتحمل درجات الحرارة العالية الناجمة عن السير على سرعات تصل الى أكثر من 300 كم/س والتوقف المفاجىء والمناورة فى المنعطفات الحادة وغيرها من ظروف الحلبات والطرق.

- في الخطوط الجوية التجارية والطائرات الحربية وطائرات الشحن .. إدارة الطيران الفيدرالي (faa) تطلب وضع النيتروجين في جميع إطارات طائراتها للقضاء على ظاهرة تجمد الهواء المضغوط بالإطارات في الإرتفاعات الشاهقة (بسبب وجود بخار الماء) ، وأيضا لإستحماله الضغط والحرارة الكبيرة المتولدة عند الهبوط بسبب الإحتكاك.

- الحكومة الأمريكية .. وكالة ناسا والجيش الأمريكي يستخدموا أيضا النيتروجين للعديد من الأسباب نفسها التي تستخدم في الطائرات التجارية.

__________________

[dr.hazem]

انا نفخت نيتروجين ولم احس باي فرق وبالنسبالي كده ولا كده كنت بزود الهوا واشيك عليه اسبوعيا لاني شاري المنفاخ ومقاس الكاوتش...
طبعا علميا النيتروجين افضل لكن عمليا على ارض الواقع هو اصعب
وخصوصا ان احنا فمصر محدش بتاع كاوتش هيغير فلاتر اجهزة النيتروجين ولا الهوا...

تحياتي

[omar_saad]

بعد تجربة النيتروجين

السلام عليكم ورحمة الله
بارك الله فيكم وأشكركم جزيل الشكر...
بعد تجربة النيتروجين مسافة حوالي 300 ك ... فأنا الأن مؤيد تماما لكلام Dr.Hazem
أولا ... لم أحس بأي ميزة من مميزات النينروجين
ثانيا... صوت احتكاك الكاوتشات مع السرعات مختلف وأعلي بشكل واضح عما سبق....
ثالثا ... أغبي حاجة .... لم يقلل احساس المطبات ... بل زاد الطين بلة ... والسيارة بتحسسني بصوت وهبدة كل مطب .....
رابعا ... قد تكون السيارة أخف في السرعة ولكن غير متأكد ...
بصراحة ... ها غير النهاردة ورجع الهواء العادي تاني. بلا وجع دماغ لأن بصراحة خلاني اتخنقت من العربية......

بارك الله فيكم

[Amr Axel]

اي ميزة من مميزات النيتروجين !!!! باشا هو حضرتك قريت كلامي و لا مبصتلوش اصلا ؟؟
انا كلامي كان واضح انه ملوش ميزة غير حاجة واحدة بيحافظ ع الضغط لفترة اطول من الهوا
لا بينعم الكاوتش و لا الكلام الفاضي ده كله
و شوف الضغط ممكن يكون الضغط زيادة فتلاقيه منشفها معاك

[omar_saad]

اي ميزة من مميزات النيتروجين !!!! باشا هو حضرتك قريت كلامي و لا مبصتلوش اصلا ؟؟
انا كلامي كان واضح انه ملوش ميزة غير حاجة واحدة بيحافظ ع الضغط لفترة اطول من الهوا
لا بينعم الكاوتش و لا الكلام الفاضي ده كله
و شوف الضغط ممكن يكون الضغط زيادة فتلاقيه منشفها معاك

السلام عليكم
ليه داخل شمال بس في يا عمرو باشا
قرأت والله
كلامي لكل من قال المميزات وخلافه
مف
المفاجأة كانت في. نشوفية. الكاوتش
علي الضغط وعملت تشك

[ahmed1981]

شوف الموضوع ده يمكن يفيد:ـــــــــــــ

http://www.nilemotors.net/Nile/49376-a.html

-
-

[Amr Axel]

السلام عليكم
ليه داخل شمال بس في يا عمرو باشا
قرأت والله
كلامي لكل من قال المميزات وخلافه
مف
المفاجأة كانت في. نشوفية. الكاوتش
علي الضغط وعملت تشك

هههههههههه يا باشا شمال ايه بس ده انا داخل موبايل و الموقع قارفني في دخوله فممكن تلاقيني متجنن منهم
انا بس اللي استغربتله حكاية مميزات لأن محدش جاب سيرة مميزات ليه غير الضغط بيفضل ثابت لفترة اطول من الهوا العادي
اما النشوفية ديه غالبا ملاها ع ضغط عالي و خلي بالك لو بتقيس ع مقياس مؤشر مش هيطلعلك قراية صحيحة هتقراها 30 لكن في الحقيقة بتكون 32-34 و عن تجارب
و زي مقولتلك يفضل تعملها في اماكن كويسة زي بريدجستون عشان تضمن انه نيتروجين فعلا و متفلتر مش هوا و محطوط ع انها نيتروجين بالاضافة انهم في بريدجستون بيستخدموا مقياس ديجيتال مش العادي