استشارة ضرورى

[mtamer_fa]

السلام عليكم

انا عندي عربية سوزوكي سويفت وكنت عاوز اغيرها عشان اجيب واحدة التكيف يكون قوى وارجو الافادة في تسعير عربيتي عشان ابعها ومواصفتها بالأمانة كما يلى :
موديل 93 ياباني كاملة مانويل فبريكة دواخل بالكامل رشة برة اللون زيتي ميتالك - تكيف اصلى متفكش خالص لسة فيه برشام الفابريكة شغال كويس على الطريق جوا البلد مش حلو ودة من اسباب بيع العربية - سنتر وزجاج رفع - زجاج كهرباء في البيبان الأصلي بتاع العربية في كل باب زرا التحكم وفى بابي التحكم الرئيسي بكل الابواب والسنتر - كاست cd - كامرة بشاشة عرض على التابلو - التابلو حالته ممتازة - فرش الارض والسقف و البيبان رصاصي الفابريكة وحالته ممتازة - فرش الكراسي جديد بس بتاع الفابريكة تحته وهو كويس بس كان اتقطع من عند الكرسي بتاعى - نور زينون العالي وفوانيس شبورة ليد - الموتور جيد - العفشة جيدة جدا مساعدين الفابريكة وكمان كوبلين بتاع الفابريكة والتاني غيرته بياباني المقصات بتاعت الفابريكة - العربية محتاجة فردة جديدة والاستبن معمله داخلي
رخصة سارية حتى 7-2014 انا تانى مالك للعربية والى اشتريتها منهم سنة 2002 وكانت مرفوعة 5 سنين لأنها كانت بتاعت ابوهم واتوفا ولما اشترتها كانت ماشية 35 الف كيلو وهى عاملة الان 15 الف اول مرة العداد يقلب العداد خمس ارقام
ياريت حد يقيملى سعرها لان كل اما اسئل واحد يقول ده كويسة وحالتها ممتازة واخر مرة تاجر عرض عليا 30 انا مش عرف اسعرها
وياريت حد يفيدنى اجيب اية كنت بفكر في جين 2 بس مش عارف وان عاوز حاجة تكون في حدود 60 ويكون شكلها حلو شبابي

ارجو الافادة ضرورررررى

[el diesel]

سعر السوق من 30 ل 34
ونصيحتى ليك فى العربية الجديدة اركب الفا روميو موديل 146 او 156 وبتمن اقل من 50 الف بس قسما بالله العظيم هاتبقى راكب عربية بجد وتعرف يعنى ايه ايطالى و قطع الغيار بتاعة الموديلين دول مرترطة "جديد واستيردا"
لو فكرت فيها كلمنى على الخاص و فيه قصادى حالة فوق الوصف بس انت انوى