امتى اشحم الماروتى؟؟؟

[osos007]

ممكن حد يفيدنى فى تشحيم الماروتى ... هي العربيه زيرو بقالها 3 شهور وشويه ... انا بعد شهر من استعمالى للعربيه رفعتها وغسلتها من تحت قولت للراجل اللي فى البنزينه مش محتاج اشحم قاللى لا حرام العربيه لسه زيرو قولت ماشي بس دلوقتي عديت ال3 شهور هل اشحم ولا لسه شويه ولو لسه شويه اشحم بعد قد ايه ؟؟ ... ياريت رد عشان انا بحاول احافظ على العربيه على قد ماقدر
مشكورين مقدما

[lidosasa]

يا باشا العربية أصلاً على كبالن ومفيش فيها مكان للتشحيم
أرفعها كل فترة فى المغسلة ونضفها كويس وخلاص على كده
والله أعلى وأعلم

[وائل شويخ2]

مفيش حاجه أسمها تشحيم فى العربيات الكبالن

ممكن تغسلها من تحت بالفوم والميه وتشيك على جلد الكبالن والأسكترا

وترش الجلد wd 40 بيرجع العفشه فابريكه

[Amr Axel]

نصيحة يا باشا بلاش تغسل العربية من تحت كتيير حضرتك عارف مية + هوا = صدا
عايز تغسل يكون كل فترة بعد الشتا اهو تكون لمت بلاوي الشتا كله و تتغسل من تحت كويس و تنبه ع العامل المية متوصلش للحوض عشان الكهربا

عايز العفشة ترجع تاني تمام يبقيبعد ما تنضف تجيب wd-40 و ترش ع العفشة من تحت لو مش عارف ترش فين قول العامل و بعدها بيوم او يومين تغسل من تحت تاني و تجيب شحم ابيض و ترش برده ع العفشة و بعدها تربط العفشة و شوف العربية هتبقي عاملة ازاي :)
بس القصة ديه اعملها كل سنة لأن الشحم الابيض عمره قصير كبييره سنة عكس الشحم التاني لكن ميزة الشحم الابيض انه مبيلمش تراب زي التاني
هتلاقي الشحم ده في سمايل و مكتوب عليها white grease و سعرها 25 تقريبا او اكتر مش فاكر

كذلك الموتور يكفي كل سنتين تلاتة لو حبيت تغسله و انت و نصيبك بقي مع طقم الكهربا
مع العلم ان المواتير اساسا تقدر تستحملالظروف الشاقة يعني شوية التراب دول ميعملوش حاجة يكفي كل فترة تنفخ هوا و هو يفضل نضيف عن نفسي منضفتش الموتور في عمر العربية كله غير مرة واحدة
و الأفضل الغسيل يكون باستخدام الفووم بدل ضربة المية اللي بيعملوها اللي بتخرب الدنيا الفوم يترش ع الموتور بعيدا عن طقم الكهربا و الاجزاء الفبر او البلاستيك و بعدين بهوا او فوطة مبلولة ع حسب نوعية الفووم و الموتور هيرجع يلمع و أأمن

[osos007]

نصيحة يا باشا بلاش تغسل العربية من تحت كتيير حضرتك عارف مية + هوا = صدا
عايز تغسل يكون كل فترة بعد الشتا اهو تكون لمت بلاوي الشتا كله و تتغسل من تحت كويس و تنبه ع العامل المية متوصلش للحوض عشان الكهربا

عايز العفشة ترجع تاني تمام يبقيبعد ما تنضف تجيب wd-40 و ترش ع العفشة من تحت لو مش عارف ترش فين قول العامل و بعدها بيوم او يومين تغسل من تحت تاني و تجيب شحم ابيض و ترش برده ع العفشة و بعدها تربط العفشة و شوف العربية هتبقي عاملة ازاي :)
بس القصة ديه اعملها كل سنة لأن الشحم الابيض عمره قصير كبييره سنة عكس الشحم التاني لكن ميزة الشحم الابيض انه مبيلمش تراب زي التاني
هتلاقي الشحم ده في سمايل و مكتوب عليها white grease و سعرها 25 تقريبا او اكتر مش فاكر

كذلك الموتور يكفي كل سنتين تلاتة لو حبيت تغسله و انت و نصيبك بقي مع طقم الكهربا
مع العلم ان المواتير اساسا تقدر تستحملالظروف الشاقة يعني شوية التراب دول ميعملوش حاجة يكفي كل فترة تنفخ هوا و هو يفضل نضيف عن نفسي منضفتش الموتور في عمر العربية كله غير مرة واحدة
و الأفضل الغسيل يكون باستخدام الفووم بدل ضربة المية اللي بيعملوها اللي بتخرب الدنيا الفوم يترش ع الموتور بعيدا عن طقم الكهربا و الاجزاء الفبر او البلاستيك و بعدين بهوا او فوطة مبلولة ع حسب نوعية الفووم و الموتور هيرجع يلمع و أأمن

الله ينور عليك .. على فكره انا مهندس ميكانيكا وكلامك ده منطقي جدا وعجبني جدا جدا لان انا بعمل كده فى شغلى بس عمر ما جه فى بالى اعمل كده فى عربيتي مع انه نفس المبدأ ههههههههه
مشكور جدا جدا جدا وسيتم عمل اللازم :0002014a:

[sab3aawy]

لا يوجد ما يسمي تشحيم للسيارات الحديثة. كان زمان السيارات فيها اماكن لضخ الشحم للرولمان بلي. وحاليا مع استعمال البلي المعزول في السيارات الحديثة ( ونعني بكلمة حديثة هنا من الثمانينات و طالع . يعني مش حديثة اوي ) لم يعد هناك لزوم للتشحيم ولا مكان للتشحيم فالسيارات الحديثة ليس بها فتحات تشحيم من الاصل
الصيانة تشمل فقط ما ينص عليه جدول الصيانة بدليل المستخدم من زيوت وفلاتر وسوائل مختلفة وبوجيهات وسيور فقط ولاداعي لاي اعمال لم ينص عليها دليل المستخدم

[osos007]

لا يوجد ما يسمي تشحيم للسيارات الحديثة. كان زمان السيارات فيها اماكن لضخ الشحم للرولمان بلي. وحاليا مع استعمال البلي المعزول في السيارات الحديثة ( ونعني بكلمة حديثة هنا من الثمانينات و طالع . يعني مش حديثة اوي ) لم يعد هناك لزوم للتشحيم ولا مكان للتشحيم فالسيارات الحديثة ليس بها فتحات تشحيم من الاصل
الصيانة تشمل فقط ما ينص عليه جدول الصيانة بدليل المستخدم من زيوت وفلاتر وسوائل مختلفة وبوجيهات وسيور فقط ولاداعي لاي اعمال لم ينص عليها دليل المستخدم

مشكور ياسعادة الباشا وكلام حضرتك منطقى جدا وسليم بس المقصود بالتشحيم بلغة الصنايعيه هو رش الجاز بالهوا على العربيه من تحت مش شحم بالمعني الحرفى يعني .