تقرير عن صيانة ال1000 في ابو رواش

[HHALAWANY]

بسم الله الرحمن الرحيم
اصدقائي نسور السوزوكي
جايلكم النهاردة بتقريري البسيط عن صيانة الالف في مودرن موتورز ابو رواش
وقبل اي كلام احب اشكر كل واحد ساعدني بالمعلومات اللي انا كنت محتاجها
وعلى راسهم الدوك الكبير واستاذي اكسيل :)

مبدئيا انا كنت حاجز بعد طلوع الروح يوم السبت اللي هو النهاردة على الساعة 11
روحت فعلا وكنت هناك الساعة 10 الا ربع تقرييا
دخلت الاستعلامات وسلمت الرقم والباشمهندس سالني اذا كنت انا بشتكي من حاجة في العربية وانا فعلا قلتله على عيب الفيتيس وتقله وكمان الديبرياح العالي .كمان المهندس قالي عاوز الزيت اللي بيتغير كل 10000 ولا كل 5000 .. انا مش عارف انهي احسن بس اخترت الغالي اللي هو بيتغير كل 10000
المهم .. قالي اني هاستلم العربية على الساعة واحدة ونص.... راح بص على العربية وكان في مهندس تاني معاه وفتحوالكبوت وقالي ان الماتور محتاج يتعمله فووم .. مش فاكر الكلمة بالظبط لاكن هو قالي انه هايغسلة عشان خاطر مايسخنش وعشان امان ليا ... انا قلتله اوك

دخلت العربية وماعرفتش عنها حاجة الا بعد الساعة واحدة ونص سالت عليها واستلمتها على الساعة 2 وربع

اولا الفاتورة بتقول الاتي
صيانة 1000 مجانية
غسيل محرك ب50 جنيه
فلتر زيت ب40جنيه
زيت محرك موبيل ون كمية 3 لتر 231 جنيه
ضريبة مبيعات 32 جنيه
مصروفات اخرى 10 جنيه
الاجمالي ... 360 جنيه

وطبعا انا لا اخدت حاجة ولا شفت حاجة وكله حصل من ورا ضهري
اولا انا مش فاهم 3 لتر زيت ازاي واتا عرفت منكم انها بتاخد2 لتر بس ... مش عارف

نيجي للنتيجة بقا
الديبرياج وطي سنة فعلا
الفيتيس حاسس انه لسة تقيل شوية
نيجي بقا للي غايظني .. في الاول انا كنت بجيب على الغيار الثالث لحد 75 مرتاح
وساعات لو الطريق سريع او نازل منحدر ممكن ادخل على 85 مرتاح برضو

دلوقتي انا بجيب الثالث واخره على 55 او 60 وصوت الماتور بيعلى ومايزدش اطلاقا
مش عارف بقا ليه مع انها المفروض تبقا العربية احسن من الاول!!!
كمان وانا ماشي على الهادي بسمع صوت كركرة حاجة كده عامله زي الطيارة النفاسة بتاعة زمان ... بس صوته واطي ولاكن مسموع وبيروح بعد كده مع التزويد !!!!
كمان حاسس ان العربية مخنوقة ومابتسحبش كويس زي الاول .....
ياريت ياشباب حد يفيدني في النقطتين دول والمفروض صح كده ولا ايه والمفروض برضو اعمل ايه؟

بصراحة انا مش مبسوط اطلاقا وكمان مخنوق من اللي حصل .. لاني ماحستش ان في صيانة محترمة حصلت وكمان ماحستش باي تحسن حقيقي للعربية

وشكرا

[HHALAWANY]

مافيش حد بيرد ليه عليايا شباب.،،، ماحدش عنده معلومة
فين الناس الخبرة والناس اللي مجربة
طمنوني يا جماعة وردوا عليا

[mohamed76]

اولا الف مبروك للصيانة
وان شاء الله تكون الحاجات اللى بتشتكى منها ده بسيطة
واللى معاه العربية ان شاء الله مش هيتأخر عليك فى الرد على النقاط اللى يعرفها
انا مش معاى العربية بس انا لو مكانك اول حاجة هعملها هكلمهم فى مركز الخدمة و اقولهم على الحجات اللى بشتكى منها و اشوف ردهم ايه مع رد الاعضاء اللى معهاهم العربية

[Amr Axel]

الف مبروك يا باشا صيانة الـ1000 عقبال صيانة الـ100 الف
بخصوص الزيت كان ممكن تكتفي باللي بيقولوا عليه 5000 اساسا مفيش حاجة اسمها زيت 5000 و زيت 10000 المفروض معدني و تخليقي المعدني مناسب لموتور الماروتي بس التخليقي شغال برده و ع حد علمي هم بيستخدموا موبيل و للعلم احنا مقولناش العربية بتاخد 2 لتر احنا قولنا 3 لتر الا ربع بالفلتر و لترين و نص من غير فلتر مفيش حد جاب سيرة 2 لتر ابدا :)

العربية مكنش محتاجة غسيل لأنها لسه جديدة المواتير اساسا مصممة للعمل في الظروف الشاقة شوية التراب دول ميعملوش حاجة اهم حاجة كل فترة انفخه هوا لكن بلاش غسيل انا عندي في عمر العربية كله مغسلتوش غير مرة و كيميائي d:

بالنسبة الاسعار كلها كويس لكن اللي غريبة مصروفات اخري و لا هم بياخدوا المصنعية بطريقة غير مباشرة طالما مجانية ؟؟؟ كان المفروض تسأل لأني اول مرة اشوفها

بخصوص النقلات متزودش في التالت عن 60 و عندي كذلك ده طبيعي و الصوت يعلي العربية 3 سلندر 800 سي سي يا باشا مش 1600 4 سلندر :)

اما النقلات عندي احساس انك لسه مش متعود عليه

بخصوص التقل و الكركرة مش عارف ممكن كهربا عايزة تتظبط بس جرب العربية ع السلانسيةو شوف الصوت موجود و لا لأ


و اخيرا كالعادة مفيش حد راح بماروتي الصيانة و رجع فرحان :(

وتسلم ايديك ع التقرير و في انتظار تقاريرك الحلوة :)

[lidosasa]

الأستاذ عمرو جاب ليك من الأخر
وفعلاً عمر ما حد قال إن العربية بتاخد 2 لتر زيت هما 3 إلا ربع بالفلتر وأكيد بيحسبوك على 3 لتر ودا شىء عادى .
وممكن تكون كهربة العربية مش مظبوطة وتبان معاك المشاكل أكتر لو بتستخدم بنزين 80 ؟

[HHALAWANY]

الف مبروك يا باشا صيانة الـ1000 عقبال صيانة الـ100 الف
بخصوص الزيت كان ممكن تكتفي باللي بيقولوا عليه 5000 اساسا مفيش حاجة اسمها زيت 5000 و زيت 10000 المفروض معدني و تخليقي المعدني مناسب لموتور الماروتي بس التخليقي شغال برده و ع حد علمي هم بيستخدموا موبيل و للعلم احنا مقولناش العربية بتاخد 2 لتر احنا قولنا 3 لتر الا ربع بالفلتر و لترين و نص من غير فلتر مفيش حد جاب سيرة 2 لتر ابدا :)

اولا شكرا لردك عليا واهتمامك بسؤالي
ثانيا : وانت فعلا معاك حق انتو كنتو قلتو انها بتاخد 3 الا ربع بالفلتر .. انا كنت ناسي بس :)
وهما كلو عليا الربع اللي باقي مع الاسف :(

ثاثا: اللي حطوهولي ده 10000 وده بيبقى بقا تخليقي ولا معدني ؟؟؟
وانا بصراحة ماكنتش فاهم انهي احسن وهو حتى مافدنيش عشان اقدر احدد صح
بس على كده النوع اللي حطهولي ده كويس ولا في مشكلة مثلا !!؟؟



بالنسبة الاسعار كلها كويس لكن اللي غريبة مصروفات اخري و لا هم بياخدوا المصنعية بطريقة غير مباشرة طالما مجانية ؟؟؟ كان المفروض تسأل لأني اول مرة اشوفها

اصل هما بصراحة فضلو راكنين العربية بتاع ساعة الا ربع وهي خلصانة وانا ماكنتش عارف وافتكرتهم هايقولولي بعد ما تخلص لاكن ماحصلش ولما جيت سألت عليها قالولي خودها ايه واركبها .. الا ما حد حتى جيه معايا يسلمهالي .. لاقيتها مركونة كده مع نفسها روحت دافع الفلوس واتخنقت طبعا من الموقف وكان نفسي امشي باي طريقة فمشيت بقا حتى ماقريتش الكلام المفصل بتاع الفاتورة الا لما روحت البيت من كتر خنقتي


بخصوص النقلات متزودش في التالت عن 60 و عندي كذلك ده طبيعي و الصوت يعلي العربية 3 سلندر 800 سي سي يا باشا مش 1600 4 سلندر :)

اما النقلات عندي احساس انك لسه مش متعود عليه

ياباشا والله انا قبل ماروح التوكيل كنت بجيب على الثالث لحد 80 والثاني بيجيب معايا لحد 40 دلوقتي
الدنيا مخنوووقه والثالث لحد 60 بس وباعديها الماتور صوته بيتحرك
بغض النظر اني المفروض ازود او ماازودش لاكن الفكرة في الحركة ذات نفسيها ليه العربية اتخنقت كده ؟؟؟!!!!

بخصوص التقل و الكركرة مش عارف ممكن كهربا عايزة تتظبط بس جرب العربية ع السلانسيةو شوف الصوت موجود و لا لأ

فعلا .. صوت الكركرة موجود فعلا على السلانسيه .. مش عالي قوي اه بس موجود!!!!
وده من ايه بقا ولا انا اعمل ايه ، وازاي تخرج من التوكيل كده !!؟؟

و اخيرا كالعادة مفيش حد راح بماروتي الصيانة و رجع فرحان :(

مع الاسف ...

وتسلم ايديك ع التقرير و في انتظار تقاريرك الحلوة :)

شكرا ليك جدا :)

[waelgam2005]

تصحيح لحاجه الاستاذ عمرو قالها بس ان الماروتى طبيعى ان التالت يبقى اخره 60 لا هوا مش طبيعى خالص لان انا ساعات بوصل بيه لتمانين وهوا مش صح انك تقرص عليه بس مش معنى كدا انه يبقى اخره 60 وبعد كدا ميجبش لا انا اعرف ناس بتوصل بيه ل 100 كمان .
وعلى فكرة اللى اعرفه نوع الزيت ليه عامل اساسي على موضوع السحب وصوت الماتور وناس كتيرة اجمعت ومنهم انا على شل الاصفر من حيث السحب وصوت الماتور

[HHALAWANY]

طب انا اعمل ايه دلوقتي !!؟؟ :(

[Amr Axel]

تصحيح لحاجه الاستاذ عمرو قالها بس ان الماروتى طبيعى ان التالت يبقى اخره 60 لا هوا مش طبيعى خالص لان انا ساعات بوصل بيه لتمانين وهوا مش صح انك تقرص عليه بس مش معنى كدا انه يبقى اخره 60 وبعد كدا ميجبش لا انا اعرف ناس بتوصل بيه ل 100 كمان .
وعلى فكرة اللى اعرفه نوع الزيت ليه عامل اساسي على موضوع السحب وصوت الماتور وناس كتيرة اجمعت ومنهم انا على شل الاصفر من حيث السحب وصوت الماتور

للمرة التانية يا ابو وائل اوضحلك كلامي ان قصدي مش اخرها 60 و متجيبش بعد كده انا بقول اخرها 60 مرتاح و بعدها تنعر لكن تجيب 80 و انا جبت 80 لكن ساعتها هتلاقي الار بي ام وصل لـ4.5 - 5 و يبدأ الموتور يجعر و ينعر

لا يا باشا مينفعش كده اللي واخد عقلك ;)

[HHALAWANY]

طب برضو انا ماعرفعش المفروض اعمل ايه
ياعني المشكلة كده في الزيت ولا لا ؟
كمان انا ماعرفهش الزيت بتاعي تخليقي كده ولا معدني ؟
وهل الموضوع ليه علاقة بالكهربا ؟
وباعدين الموضوع كله اول عن اخر .. مش هايأثر اي تأثير سلبي بعد كده على الماتور مثلا او اي حاحة تانية لا قدر الله ؟
المفروض بقا اروح للتوكيل تاني ولا اي واحد بره والسلام .. ولو كده اروح لمين؟
ولا اكبر دماغي والدنيا كده بييييس واشطة !

[Amr Axel]

طب برضو انا ماعرفعش المفروض اعمل ايه
ياعني المشكلة كده في الزيت ولا لا ؟
كمان انا ماعرفهش الزيت بتاعي تخليقي كده ولا معدني ؟
وهل الموضوع ليه علاقة بالكهربا ؟
وباعدين الموضوع كله اول عن اخر .. مش هايأثر اي تأثير سلبي بعد كده على الماتور مثلا او اي حاحة تانية لا قدر الله ؟
المفروض بقا اروح للتوكيل تاني ولا اي واحد بره والسلام .. ولو كده اروح لمين؟
ولا اكبر دماغي والدنيا كده بييييس واشطة !

انا مش عارف ارد ورا بعضه لأني داخل موبايل
الزيت اللي اتحط ده زيت تخليقي معروف التخليقي بيقولوا عليه زيت 10000 و المعدني بيقولوا عليه 5000
القصة عندك تظبط الكهربا بس ممكن تروح لهم تاني لو هتابع معاهم مش هتابع معاهم خلاص روح لحد تعرفه برة كويس
بخصوص النقلات هو الافضل تنقل في المتوسط حفاظا ع الموتور عندك يعني و لا تنقل بدري اوي و لا تتاخر اوي عشان كده بقول الأول للطلعة و التاني اخره 40 و التالت اخره 60 و الرابع معاك للاخر

[dr.hazem]

طب برضو انا ماعرفعش المفروض اعمل ايه
ياعني المشكلة كده في الزيت ولا لا ؟
كمان انا ماعرفهش الزيت بتاعي تخليقي كده ولا معدني ؟
وهل الموضوع ليه علاقة بالكهربا ؟
وباعدين الموضوع كله اول عن اخر .. مش هايأثر اي تأثير سلبي بعد كده على الماتور مثلا او اي حاحة تانية لا قدر الله ؟
المفروض بقا اروح للتوكيل تاني ولا اي واحد بره والسلام .. ولو كده اروح لمين؟
ولا اكبر دماغي والدنيا كده بييييس واشطة !

كالعادة....
التوكيل دايما بيلعبو في ظبط كهربة العربية وعمرهم ما هيظبطوها.....
انا انصحك تشوف حد بره يظبطلك الكهرباء وبس ميعملش حاجة تاني....
وياريت متتاخرض لان الكركره دي = تسقيف داخل الماتور وده ممكن يأثر عالماتور بعيد الشر....
تحياتي

Sent from my LT18i using Forum Runner

[HHALAWANY]

كالعادة....
التوكيل دايما بيلعبو في ظبط كهربة العربية وعمرهم ما هيظبطوها.....
انا انصحك تشوف حد بره يظبطلك الكهرباء وبس ميعملش حاجة تاني....
وياريت متتاخرض لان الكركره دي = تسقيف داخل الماتور وده ممكن يأثر عالماتور بعيد الشر....
تحياتي

sent from my lt18i using forum runner

هي الكركرة دي كهربا برضو ؟؟!!!
طب وعلى كده ماروحش للتوكيل تاني عشان الموضوع ده !!؟؟ اصل انا كنت رايحلهم يوم السبت عشان الاسباب دي ... !!! انت رأيك ماروحلهمش ياعني ؟؟؟

ولو كده ماعندكش حد في المهندسين او في نظاق الجيزة يكون كويس واروحله ؟؟؟

جزاءك الله خير :)

[dr.hazem]

هي الكركرة دي كهربا برضو ؟؟!!!
طب وعلى كده ماروحش للتوكيل تاني عشان الموضوع ده !!؟؟ اصل انا كنت رايحلهم يوم السبت عشان الاسباب دي ... !!! انت رأيك ماروحلهمش ياعني ؟؟؟

ولو كده ماعندكش حد في المهندسين او في نظاق الجيزة يكون كويس واروحله ؟؟؟

جزاءك الله خير :)

عايز تروح التوكيل روح....
بس حضر ردودك للفتاوي التالية...
1/اسطوانة الدبرياج عندك هي اللي فيها المشكلة وعشان كده عربيتك مبقتش تجمع وطبعا الاسطوانه بره الضمان هنخليها ونغيرهالك على 10 آلاف كيلو ب 1000 جنيه....

2/البنزين اللي بتحطه وحش...
3/عربيتك مظبوطه يا فندم...
الخ الخ....
لو عايز تسمع الردود دي روحلهم...
عربيتك جديدة وفيهاش حاجة ان شاء الله يا غالي....
كل ما عليك انك تتوجه لميكانيكي زي العالم وهيظبطها في ثانيه...
في واحد في فيصل بيتعامل معاه كذا حد هنا.. هسألك اللورد عادل واجيبلك نمرته....
تحياتي

Sent from my LT18i using Forum Runner

[HHALAWANY]

عايز تروح التوكيل روح....
بس حضر ردودك للفتاوي التالية...
1/اسطوانة الدبرياج عندك هي اللي فيها المشكلة وعشان كده عربيتك مبقتش تجمع وطبعا الاسطوانه بره الضمان هنخليها ونغيرهالك على 10 آلاف كيلو ب 1000 جنيه....

2/البنزين اللي بتحطه وحش...
3/عربيتك مظبوطه يا فندم...
الخ الخ....
لو عايز تسمع الردود دي روحلهم...
عربيتك جديدة وفيهاش حاجة ان شاء الله يا غالي....
كل ما عليك انك تتوجه لميكانيكي زي العالم وهيظبطها في ثانيه...
في واحد في فيصل بيتعامل معاه كذا حد هنا.. هسألك اللورد عادل واجيبلك نمرته....
تحياتي

sent from my lt18i using forum runner

هههههههه
يانهار ابيض !!!!
دي العربية زيرو يا جدعااااان .. كانت رايحة اسد اساسا ورجعت نملة :(
طب ياريت بس حضرتك تشوفلي حد يظبطلي الموضوع ده