استفسار بخصوص تكييف alto 2008

[letux]

السلام عليكم و رحمة الله ..

انا معايا سوزوكى التو 2008 .
800 cc
..
هو انا عايز اشغل التكييف و مش عارف هى محتاجة ايه .
و روحت لكذا حد و كل واحد بكلمة شكل الى يقولى عايزة كمبروسر و الى يقولى هتتكلف 2500 جنيه .
و كله بيتكلم من غير حتى ما يبص عليها .

..
هو مكان التكييف موجود بس لما باجى اشغله بيطلع هوا بس .
يعنى شغال مروحه بس .
.. عايز بقى اخد فكرة عن اى حاجة
مع العلم انى بطيخ فى اى حاجة ليها علاقة بـ اى حاجة . ما عدا الكمبيوتر .
انا IT .
بتاع كمبيوتر و بس .
فالى هيقول حاجة يفهمنى واحدة واحدة كدة الله يباركلكم ^_^

[Gelgel2004]

تتصل بكوول اير 26202455
و هما يبلغوا حضرتك بالمطلوب

[letux]

بتوع ايه كول اير لامؤاخذة ؟
توكيل دول يعنى ولا محل ولا ورشة ولا ايه ! :d

[dr.hazem]

حضرتك عربيتك مجهزه للتكييف لكن مش مكيفه يعني محتاج تركب تكييف كامل وده بيتكلف 3000جنيه ساندن ياباني....
تحياتي

Sent from my LT18i using Forum Runner

[dr.hazem]

شوف الموضوع ده للفائدة لان المبدأ واحد...

http://www.nilemotors.net/Nile/216353-a.html

تحياتي

Sent from my LT18i using Forum Runner

[letux]

انا متشكر جداً فعلا .
طب انا كان فى حد قالى ان راكب عندى بالفعل تلاجة و ناقص بس كمبروسر .
اتأكد ازاى من الموضوع دة ؟
او التلاجة بتكون موجودة فين ولا اقدر اعرف هى موجودة بالفعل ولا لاء ازاى ؟
..
و لو روحت لحد يشوفلى راكب تلاجة ولا لاء هيتضطر انه يفك التابلوه ولا مش شرط !
..
اصل انا كل الى اعرفهم معاهم سوزوكى التو 2008 بيقوللوى ان العربية لازم يكون فيها تكييف و انها نازلة مكيفة جاهزة .
. و العربية انا واخدها من واحد و مش عارف هى ايه نظامها :/

[dr.hazem]

انا متشكر جداً فعلا .
طب انا كان فى حد قالى ان راكب عندى بالفعل تلاجة و ناقص بس كمبروسر .
اتأكد ازاى من الموضوع دة ؟
او التلاجة بتكون موجودة فين ولا اقدر اعرف هى موجودة بالفعل ولا لاء ازاى ؟
..
و لو روحت لحد يشوفلى راكب تلاجة ولا لاء هيتضطر انه يفك التابلوه ولا مش شرط !
..
اصل انا كل الى اعرفهم معاهم سوزوكى التو 2008 بيقوللوى ان العربية لازم يكون فيها تكييف و انها نازلة مكيفة جاهزة .
. و العربية انا واخدها من واحد و مش عارف هى ايه نظامها :/

الالتو ال800 في منها مكيف وفي لا...
لو في عندك كباس والخراطيم راكبه يبقى فيها ومحتاج كشف..
لو مفيش يبقى مفيهاش واكييييييد مفيهاش تلاجه في التابلوه وسربنتينه خارجية....
تحياتي

Sent from my LT18i using Forum Runner

[D . a .\ AYMAN]

الألتو 2008 كانت بتنزل ثلاث فئات

الأولى فاضية تماما مافيهاش أي حاجة ولا تكييف ولا أي حاجة

الثانية كانت بتنزل بتكييف فقط بدون باور ستيرينج أو زجاج كهرباء

الثالثة كانت فول أوبشن بتنزل بزجاج كهرباء وباور ستيرينج وتكييف طبعا

لو انت عندك زجاج كهرباء وباور ستيرينج يبقى أكيد عندك تكييف ومحتاج تكشف عليه بس وتشوفه عطلان ليه

لو ما عندكش باور وزجاج كهرباء يبقى في احتمال أن يكون عندك تكييف وطبعا احتمال لأ .. بس احتمال لأ ده ضعيف .. لأن اللى كان بيشتري الألتو أصلا في الوقت ده كان بيشتريها عشان التكييف وإلا كان هايشتري الماروتي .. عشان كدة الألتو الفاضية ما باعتش كتير

تتأكد إزاي بقى ...!!!؟؟؟

أول حاجة تسأل اللى جبتها منه

ثاني حاجة تبص على الموتور نفسه لو لاقيت عندك اثنين سيور راكبين على الطنبورة بتاعة الموتور (الطنبورة حديدة مدورة شبه الطبق بيلف عليها السيرة لونها أسود غالبا) واحد على الدينامو ناحية الداخل (ناحية الصالون) والثاني على كباس التكييف ناحية الخارج (ناحية الردياتير) ... يبقى كدة عندك تكييف ... وبرضه كل اللى كحتاجه إنك تكشف عليه وتشوف عطلان ليه

لو لاقيت سير واحد بس راكب على الدينامو (اللى هايبقى ناحة الصالون) .. يبقى كدة ما عندكش تكييف

[D . a .\ AYMAN]

[CENTER][CENTER][CENTER][CENTER][COLOR="Blue"]دي أقرب صورة لاقيتها فيها الموتور





الدائرة الحمراء بتبين مكان الدينامو والسير والكباس بتاع التكييف اللى أقصدهم .. سيبك من فرق الشبه بين السير ده والسير اللى هايكون عندك

السهم الأصفر بيشاور على مكان الدينامو

السهم البني بيشاور على السير نفسه والطنبورة اللى بيكون راكب عليها

السهم الأزرق بيشاور على المكان اللى المفروض تالاقي فيه الكباس بس هو مكانه مش باين عشان قاعدة الموتور مخبية عليه

المربع الأخضر اللى على اليمين ده بيشاور على حساس الفريون .. برضه لو لاقيته عندك يبقى أكيد عندك تكييف

....

حاجة كمان بقى نسيت أقولها أسهل من كل الفيلم ده ... لو لاقيت الزرار ده عندك يبقى عندك تكييف لو ما لاقيتوش يبقى ما عندكش .. لأن ده زرار التكييف

[Gelgel2004]

[center][center][center][center][color="blue"]دي أقرب صورة لاقيتها فيها الموتور





الدائرة الحمراء بتبين مكان الدينامو والسير والكباس بتاع التكييف اللى أقصدهم .. سيبك من فرق الشبه بين السير ده والسير اللى هايكون عندك

السهم الأصفر بيشاور على مكان الدينامو

السهم البني بيشاور على السير نفسه والطنبورة اللى بيكون راكب عليها

السهم الأزرق بيشاور على المكان اللى المفروض تالاقي فيه الكباس بس هو مكانه مش باين عشان قاعدة الموتور مخبية عليه

المربع الأخضر اللى على اليمين ده بيشاور على حساس الفريون .. برضه لو لاقيته عندك يبقى أكيد عندك تكييف

....

حاجة كمان بقى نسيت أقولها أسهل من كل الفيلم ده ... لو لاقيت الزرار ده عندك يبقى عندك تكييف لو ما لاقيتوش يبقى ما عندكش .. لأن ده زرار التكييف

السلام عليكم
محير نفسك ليه بس
روح لحد امين يكشف لك على الموضوع كله
و الصوره تبان و تقدر تاخد قرار
انصح بمركز كوول اير بجسر السويس - م ايمن عبد الجواد - 26202455 و ان شاء الله تكرم
تحياتى

[Amr Axel]

طبعا الناس جابولك من الاخر
لو مفيش و عايز تركب يبقي الاصلي سواء في التوكيل او تجيبه و تركب عند واحد كويس
او ساندن

و يا ريت تبلغنا اخر الاخبار و خاصة ان فيه ناس برده عايزين يركبوا

[letux]

شكرا ليكم بجد .

كدة العربية مفهاش تكييف ^_^

بس الفتحات بتاعة التكييف الى فى الطابلوه موجودة . كدة هى مجهزة انها يركبلها تكييف . صح ؟

طب بما ان بقى المكنة 800 cc تنصحونى ب ايه ؟

و بجد شكرا ليكم كمان مرة :)