الموبينة الألكتروني للماروتي

[eiad_naser]

بسم الله الرحمن الرحيم
السلام عليكم ورحمة الله وبركاته

بعد طول غيابي بسبب ظروف مرضي وبسبب دخولي في حالة نفسية سيئة ولكن الحمد لله تم شفائي منها
حبيت ارجعلكم النهارد بقرير جديد وتجربة جديده للماروتي
العربيه لما بدورها بتغيب في الدوارة
وحاسس ان سحبها مش قد كده
ولما بجيب الرابع بلقي العربيه بتنهار كأني ماشي علي الثاني لكن الثالث سرعته حلوه ولازم افضل كابس للربع علشان السرعه متنزلش
طبعا انا كنت مريض جدا وقبلها كنت بركب تركيبة اسنانا وكنت كل يوم عند الدكتور وبعد كده بقيت كل يوم في مستشفي ودكتور معمل تحاليل شكل ومكنش حد عارف انا عندي ايه بس العربية معملتهاش ولا مره معايا
بصيت لقيت الموبينه معرقه زيت من بره يهني ابتدت تسرب زيت التبريد اللي جواها ولقيت فلتر الهواء مكتوم ولقيت حالة الماتور متبهدله
نزلت اشتري موبينه فجه في بالي اسئل عن الالكتروني بقيت كل ما اسئل محل حسيت اني بسئل علي كائن فضائي لحد ما لقيت واحد بيقول موجوده بس ايطالي ب 90 جنيه قولتله اشوفها لقيت شكلها غريب فقالي ده بتاعة شاهين قولتله شكرا
دخلت عن حد بتاع بيجوه قالي مفيش غير الصيني وب 60 جنية ومتتبعش نفسك مرتش اتعبه واخليه يورهاني
لقيت واحد تاني بيقولي ماليزي ب 70 جنيه قولتله اشوفها لقيت هيا الموببينه الالكتروني اللي بدور عليها قولتله هيا ده عاوز منها ياباني قالي مفيش غير مالزي قولتله طيب عاوز مكثف دنسو قالي مفيش شوف في المحل اللي جامبي
دخلت بسئل الراجل علي المكثف غلط وقولتله موبينه الكتروني قالي موجود ب 85 جنيه قولتله اشوفها لقيتها ياباني قولتله لسوزوكي ماروتي قالي اه
وكان هيا ده الموبينه Diamond Ignition Coil







واشتريت اثلاثة بوجيهات دنسو Denso Spark Plug




نفسي بقي القي مكثف كوندنسر دينسو كمان علشان اكون جايب طقم كهرباء اصلي واركبه مره واحده واغسل الكربيراتير وافوق العربية تاني

[dr.hazem]

ألف لا بأس عليك ده اولا ويارب يديك الصحه والعافيه
ثانيا ألف مبروك الموبينا اللكتروني

بالنسبه للكوندنسر الدينسو موجود عند سوزوكي سنتر ان شاء الله ممكن تجيبه من هناك
انما لو انت عايز فرق فعلي...
تجيب الاسبراتير الالكتروني وتنسى القصه كاملة بقى من حيث طقم الكهربا....


مستنيين منك تقرير بالفرق واتمنى ان العربية تفوق من تاني وترجع احسن من الاول....

تحياتي

[max100x]

الف سلامة عليك و حمدلله علي سلامتك و رجعوك للمنتدي

انا كمان هروح اشتري الموبينه دي بس خايف متكونش ياباني و تكون مضروبه

[MEGO802]

الف سلامة عليك ويارب تكون احسن دلوقتى
انا بقى نفسى حد يظبطلى سلانسية وكهربة العربية صح مش عايزين يتظبطوا صح ومش لاقى حد يظبطهوملى كل واحد يقعد يجرب ومتطلعش صح
واتخنت من الصنايعية كلهم

[LORD.ADeL]

الف حمدلله ع سلامتك يا باشا نورت
ومبروك شغل جديد هات الاسبراتير الالكترونيوانسي زى ماقالك حازم
وادينى تجربه وفرق ياباشا وخير ان شاء لله

[eiad_naser]

انا الاسبراتير الالكتروني لقيته صيني وكان عامل 325 وكنت مش مستريحله
لكن قبل ما اركب الموبينه هلف تاني علي اسبراتير الكتروني ياباني او هندي
لكن للأس كل اللي موجود 4 سلندر او 6 سلندر مفيش 3 سلندر

[LORD.ADeL]

والله حاجه مقرفه يعنى ام 3سلندر دة مش موجود فى حاجات كتير
بردو rbm لازم ام مقاومه علشان يقرا مضبوط لان بردو كل للى موجود ع 4سلندر ومفيش 3
الله مستعان يبااشا وتلاقي

[eiad_naser]

والله حاجه مقرفه يعنى ام 3سلندر دة مش موجود فى حاجات كتير
بردو rbm لازم ام مقاومه علشان يقرا مضبوط لان بردو كل للى موجود ع 4سلندر ومفيش 3
الله مستعان يبااشا وتلاقي

كلام مظبوط ي استاذ عادل

[mesaharaty]

حمدا لله على سلامتك يا أستاذ إياد
كنا مفتقدينك جدا معانا والله
إن شاء الله تكون بخير وبصحة جيدة .

[dr.hazem]

انا الاسبراتير الالكتروني لقيته صيني وكان عامل 325 وكنت مش مستريحله
لكن قبل ما اركب الموبينه هلف تاني علي اسبراتير الكتروني ياباني او هندي
لكن للأس كل اللي موجود 4 سلندر او 6 سلندر مفيش 3 سلندر

في بتاع الالتو 800 3 سلندر:-D

Sent from my LT18i using Forum Runner

[eiad_naser]

في بتاع الالتو 800 3 سلندر:-d

sent from my lt18i using forum runner

ادور عليه وان شاء الله القيه زي ما لقيت الموبينه الالكتروني

[Amr Axel]

الف حمد الله ع السلامة يا أ \ اياد
و معلش ردي متأخر بس استخدام النت من ع الموبايل يقرف شوية و لسه شايف الموضوع :)
طبعا تسلم ايديك ع التقرير و تحويل الماروتي و في انتظار اخر الاخبار :)